‍ شعر و دکلمه لکی تقدیم به سیل زدگان سرزمینم🖤

روژم چوی شووه ، مردم هی هوار
عه دست لاف‌آو و سوزه‌ل ژیر لاوار

اورَله سی چوی ، سیاتی داوار
روژ نیمه‌روآن ، کردیسه شاوار

دلم پر اژ خم چال تینیم گیریا
لیز ایر چوقیا ، هراتی شیویا

لُرِل بی برا ، لکستان تنیا
تولَکی دِتَل عِه هَری چُکیا

دالکلِ خمبار، قل پنجی دِریا
باوَل دس حالی ، کُل یخه دِریا

هرچی هولَ مَم ری هَوار نیه
دَنگ لاوَ لاوَ سَروَن لار نیه

آسِمانه کاو ، دی شَکَت بیه
عه دس نامردی وِلَکَت بیه

یه دایا پیری . یه سر هوله سی
ار پی روله ویش . روله روله سی

چه بکم چوبکم ویر او کوبکم
هری بیکسی ار کو کو بِکَم

شعر: #فاطمه‌رستمی(دریا)

دکلمه: #شهرام‌فتاحے‌دارشیرخانے (خادم‌لکستان)