چند کلام گفتگوی شاعرانه 👇👇
ــــــــــــــــــــــــــــ


بوری برشن خُری تًلی ، الا یا ایّها ساقی
کمی جومت سنگین برشن ، سلامت سر تو نو باقی
ی جوری سر سنگین برشن ، سرم مس بو وژم لیوه
اِ ویرم چو چمل چو کل رگینی زلفلُ شیوه
#رسول_ستاری


مَسِت کِردم ، نِمم ولا چَه بوشم
عه لا یی لا ، یی لا عه لایه هوشم
#بهمرد بداهه


الا یا ایهاالساقی نِمَم چات
تو ئِه لا مِ فِرَه راقی نِمَم چات
شِراومَه مِه نِماری یِه خُرّی تِر
وَ مَرگمِ هونَه مشتاقی نِمَم چات
#رحمان_مریدی_بیرانوند


الایاایها الساقی بوری و دل بو
نمه زانین درد رنجی ها ئر کو
نه دوسم هر دیاری هت ولانم
چمم حرجول عسری که مری جو
#مرادی


الا یا ایها یارم براکم
وه گیون تو گن گرفتارم براکم
ی چن روژی بوری مهلت مه بین ده
بچم تًلی تَرون بارم براکم
#رسول_ستاری


وَ دینت بانتر اَر گَوری ، مگر هس ؟؟
حَسَله ، شَهته اَی دَوری ، مگر هس ؟؟
(ستاری) یَی دو بیت کِردیه خِلاتِت
شراوی بانتِر اَر شَوری مگر هس ؟؟
#بهمرد #بداهه


کلامت دلبرم ای دل ممینی ،
لشی آزا و دل تنگی مسینی
قلم شیرین و هر قازی نگاری
نقاشی نخش خو بیلا بکیشی
#مرادی

🍂بهمرد هرمزدیار
🍂 @BHormozdyar