🎸شعر بهبهونی🎸

🍸🍽🍴🍸🍽🍴🍸🍽
🍽🍴🍸🍽
🍴🍸🍽
🍸🍽
🍽
#رِسّه
🍴
اِیقَد نِگُو مامان مامان ، پِه چِت کِه سِی مِه رِسَّه
َهر چی دِِلت خاص سِیت مِه کِه ، تا تِه اَ دَرس وَرَسَه
اِیسه ِلسانسِت ادبی وُ َمدِرکِه َته دَسِت
صِبا تِه مِیشِه سِرِ کار اُرزُوشِه هِه اَ دَرسِت
🍸
الان کِسُونِی کِه سوادشِه هِه وُ عِلمشِه بالا
هر رَوُ مِیشِن کُره مریخ وِیمِسِکِندِی سالها
دنیا نِه ُدنِیه اُوسِنِن ُدنِیه عِلم وُ ُهوشُن
مردم اَ تِه کره مریخ اِیسِه تِه جُنب و جُوشن
🍽
مامان تِه خُوت عاقِلِیَه کُلی چِیا ُمُدونه
اِیقد اَ ُبوتِه زُور نِیار سِی یی چِیِه گِرُوَنه
اِمشُو کِه ُبوتِه مِی اَ کارخوت دَس وُ پای مِبِینه
و کِنِسِین کِفای وُ جای وُبِیدِه پِینَه
🍴
اِیسِه کِه ُبوتِه اِشنِفِیدِه َمدرِکت لِسانسی
مِی گُو خُدای ُلطفِی اَ ما کِردِه کِه ُلطفِ خاصی
خدایا شُکِرت کِه اگر مامِه کِه قرض وُ کُوَله
تِه مِه اَ جِی خوبی رِسُوندِه ، دِلمِه وُبِی اسُودَه
🍸
خدا خُوشِه مِی عزیزم ُبوّتِه مِبینه پیری
مِی تِت بِدِهکار کُنَه سکته بِکُه بمیری
قِدِیمیا کِه اُوسِه ها شِه گفته رِسِّه باب بی
ِلسانس ودیپلمی َنبِی، یِه سِی اُ و شُو ثواب بی
🍽
اگرهمه ُبو وُ دِیا ُدت شِه ُهنِن مدرسه
بهتر یِه تا هِه بِگِن چِه اِسِنِیم سِیش رِسَّه
مِه کِسی َهم هِه غِیر ُبوتِه کِه سِه ماَبرهِ پیل
صُب تا َپسیِ کارِی یِنِن دِیم کِلَندِن وُ بیل
🍴
مامان تشکر ُمکُنم اَ خُوت وُ آغا جُونم
مِتِه رِسُونِده اَ لسانس ، ادبی ُمـُدونم
دَِلم مِیخَه مِه َهم وُ َبم مِثِ شما مامانی
اوالدی تربیت کُنم که بِیگِن قهرمانی
🍸
اوالد اِ مرَوزَی اگر بینش وعلم نِبُوتِی
سِربار جامِعَن مامان تاجری ُبو یا لوطی
رسم وُبِیدِه تِه بهبهو هِر کِیش کِه خاص زِه اِسُه
وِشای شِه شیر بها نِمِی خُوی بِشو رِسّـه اِسُه
🍽
گِپِی فتح اله که مِیزه َهمِی اَ عِلم وُ ُهوشِن
دِِله مِیِخَه خُرد وُ دِرُشت اَ دِیم عِلم بجُوشِن

#فتح_الله_کارآزما
🍽
🍴🍽
🍸🍴🍽
🍽🍸🍴🍽
🍸🍽🍴🍸🍽🍴🍸🍽

🍷🍷🍷شعر بهبهونی🍷🍷🍷
برای انتقاد و پیشنهاد @Ehhhsssan
https://telegram.me/behbehoni