١٣٩٥ درجة وظيفية تم حرقها بسبب اجراءات مجلس الخدمة، كانت كفيلة بتعيين حملة الشهادات العليا بلا كود، ماذا جلبت منظومة الكود، شمولهم مرة اخرى بالتقديم رغم احتراق تلك الدرجات.

عدد المسجلين مساء يوم الاثنين الموافق ٣/٤ لمظاهرة يوم الاربعاء المصادف ٣/٦

بغداد 152 | النجف 38 | ميسان 38 | الانبار 13 | البصرة 15 | كركوك 20 | بابل 63 | صلاح الدين 33 | نينوى 17 | ذي قار 68 | المثنى 19 | كربلاء 25 |
واسط 46 | ديالى 29 | القادسية 25


المجموع 601
همتكم لل1000، گلكم ابطال نشد بيكم الظهر، وثقوا محد يهتم لقضيتنا بكدنا، يلا نحسمه الاربعاء.

رابط كروبات المحافظات لاخذ احصائية الاعداد 👇
https://t.me/bdoncode/263

شكو نائب او اعلامي ما وكف وياكم معذور، محد يباوعلك اذا ما انت تفرض نفسك عليهم، وهم يجون بس يردون يرضوك، وكلكم شفتوا كم اسم (نائب واعلامي) يتوسل لخدمة فئات اخرى تظاهرت واثبتت نفسه.

لا تستجدي احد يوكف وياك اثبت وجودك بنفسك، يروح اعلامي يجون ١٠.

يلا نصير 1000 وشوفوا شلون گله راح تجي وتدعم.

اخوتنا اهالي كركوك احد اهم المساهمين بالقضية لم يقصروا تواصلوا مع القنوات الكردية، جزيل الشكر لهم، نسأل الله ان يوفقهم، رغب بعد المسافة كانوا مستمرين بالدعم للقضية منذ انشاء الكروب.

مانريد بس تسجيل عددٍ ترى صارت صدك الجمعة تنزل الاسماء المشمولة بالاستثناء والكل يعرف نفسه اللهم اني بلغت مو تجيني ليش ماكو اسمي لان القضية امانة وامام الله صاحب الحق راح يكون اسمه موجود

ما شاء الله كل المحافظات زاد عدده عن قبل، منتظرين اهل بغداد بعد كلهم يشاركون.

القنوات ان شاء الله كثيرة تم التواصل مع العديد منها، ومستمرين بالتواصل.

مجلس الخدمة: في لقاء مع الاوائل، يصرح بالضغط على الجهات المسؤولة لضمان الحصول على درجات الكافية (الدرجات الفائضة ان وجدت فهي لا تكفي).

هسه گله تكول ضغطوا، المجلس والنواب، بس عدنا كم واحد واثق من نفسه يجي التعيين للبيت.

عدد المسجلين يوم الثلاثاء الموافق ٣/٥
لمظاهرة يوم الاربعاء المصادف ٣/٦

بغداد 160 | النجف 40 | ميسان 39 | الانبار 16 | البصرة 18 | كركوك 20 | بابل 68 | صلاح الدين 37 | نينوى 24 | ذي قار 71 | المثنى 20 | كربلاء 27 |
واسط 46 | ديالى 30 | القادسية 27


المجموع 643
الحقوق تؤخذ ولا تعطى، نحسمه الاربعاء

رابط كروبات المحافظات لاخذ احصائية الاعداد 👇
https://t.me/bdoncode/263

العدد مستمر بالازدياد، وهاي اخر احصائية، بارك الله بيكم، هذا التجمع نهايته تعيين، خلوا ايمانكم قوي برب العالمين، باقين الى ان ينال جميعكم حقه بتوظيف.

احنا شريحة اثبتت وجودها خلال اشهر بسيطة، رقم صعب والتعيين نأخذه غصب.

سوف تكون مسيرة من نصب إنقاذ الثقافة الحديقة الي مقابل محطة وقود المنصور باتجاه المجلس.

الاربعاء الحاسمة ✌️

قادمون بأذن الله ✌️✌️✌️

نرجو من جميع الأخوة المتظاهرين الالتزام بتوجيهات أخوتكم في اللجنة التنسيقية لمظاهرة يوم غد من أجل إخراج مسيرتنا ومظاهرتنا بالشكل الذي يليق بحملة الشهادات العليا ومن أبرز هذه التوجيهات:
١- حتى لا نؤثر على حركة السير ولا نتسبب بتعطيل مصالح المواطنين، ستكون مسيرتنا مكونة من ثلاثة خطوط تسير بشكل متتابع وبطيء مع رفع البوسترات بشكل جانبي من جهة سير العجلات
٢- عدم الخروج من خطوط المسير والتكتل بالمقدمة والاكتفاء بتواجد المصورين الذين تعينهم اللجنة التنسيقية.
٣- عدم التجاوز والإساءة بالهتافات لأية شخصية أو جهة والاكتفاء بالهتافات التي تعكس مظلوميتنا ومطالبنا
٤- عدم الاحتكاك بالقوات الأمنية بمختلف صنوفها والتبليغ عن أي شخص يحاول بث الفتنة أو يدعو للاحتكاك والمواجهة مع القوات الأمنية
٥- عدم التجمهر حول القنوات الإعلامية أو خلف المراسلين والتزام المواقع خلف البوسترات والاكتفاء بمن تختاره التنسيقية للظهور الإعلامي حتى نظهر بالشكل الأمثل
٦- تقرر عدم الدخول لمجلس الخدمة الاتحادي مهما كانت الضغوط فالرجاء عدم التطرق لهذا الأمر من أجل رفع الضغوط عن أخوتك في التنسيقية
٧- انتخب ممثلوكم الذين اخترتموهم عدد محدد من الأخوة للتصدي للحديث والتفاوض مع أي مسؤول يخرج من المجلس أو يأتي من أية جهة أخرى وعليه نرجو فسح المجال الكامل لهؤلاء الأشخاص لأخذ دورهم وإيصال صوتكم وطرح مطالبكم واستفساراتكم

هذا المنشور يمكن التعليق داخله، فيما يخص الاشخاص الذين يواجهون مشكلة بنقل الى الان، واي رسالة غير ذلك تحذف.

تم تجهيز 50 علم

تواجد اهالي كركوك 👏

اكو احد من نجف ماعنده سياره؟