ថ្ងៃអង្គារ ៩ កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៨ ខែកុម្ភៈ ឆ្នាំ២០២៣ និស្សិតសាកលវិទ្យាល័យបៀលប្រាយ រាជធានីភ្នំពេញ បានចូលរួមសិក្ខាសាលា ស្តីពី ច្បាប់គណនេយ្យ និងសវនកម្ម និងបទប្បញ្ញត្តិពាក់ព័ន្ធ នៅ Hall ជាន់ទី៥ សាកលវិទ្យាល័យ បៀលប្រាយ រាជធានីភ្នំពេញ។

និយ័តករគណនេយ្យនិងសវនកម្មនៃអាជ្ញាធរសេវាហិរញ្ញវត្ថុមិនមែនធនាគារបានរៀបចំសិក្ខាសាលាផ្សព្វផ្សាយ "ច្បាប់ស្តីពីគណនេយ្យនិងសវនកម្ម" និង "បទប្បញ្ញាត្តិពាក់ព័ន្ធ" ដោយទទួលបានកិត្តិយសចូលរួមជាអធិបតីពីឯកឧត្តម ប៊ូ ថារិន អគ្គនាយកនៃនិយ័តករគណនេយ្យនិងសវនកម្ម និងលោក សាកលវិទ្យាធិការរងជាន់ខ្ពស់ទទួលបន្ទុកកិច្ចការសិក្សានិងនិស្សិតនៃសាកលវិទ្យាល័យបៀលប្រាយ និងមានការចូលរួមពីមន្រ្តីនៃអាជ្ញាធរសេវាហិរញ្ញវត្ថុ លោកគ្រូអ្នកគ្រូ និងនិស្សិតជាច្រើនរូប។

សិក្ខាសាលានេះមានគោលបំណងជម្រុញការអនុវត្តន៍ក៏ដូចជាបញ្ជ្រាបការយល់ដឹងច្បាប់និងបទប្បញ្ញាត្តិពាក់ព័ន្ធគណនេយ្យនិងសវនកម្មអោយបានទូលំទូលាយនិងមានប្រសិទ្ធភាព ជាពិសេសផ្តល់ចំណេះដឹងបន្ថែមដល់ប្អូនៗនិស្សិតជំនាញ/ឯកទេសគណនេយ្យនិងហិរញ្ញវត្ថុអោយកាន់តែភាពច្បាស់លាស់ទៅលើជំនាញដែលខ្លួនកំពុងសិក្សានៅសាកលវិទ្យាល័យ។