سروودی شاخان
ئاوات شەمسی

خوێندنەوە: بەیان

‍ وەکوو شەماڵ هێدی هێدی دەتوێنمەوە  بەفری شاخان
چرۆ دەدەم هەموو وەرزێک لە چیمەن و مێرگ  و باخان

وەکوو زەردەی گزینگی خۆر دێمەدەرێ رۆژێ لە کەل
بومەلەرزەم دەهەژێنم دەڕووخێنم کوشک و کاخان

دەبمە شەپۆل لەسەر دەریا هاوارەکان دەگرمەوە
وەکوو شیبای بەربەیانی دەچمەوە نێو سینە و ناخان

وەکوو هەور دەبارێنم پەڵە دەدەم لە نێو زەوی
دەڕوێمەوە لە سەر عەرز لە سەر چیا و لوتکەی شاخان

کاروانکوژەم لە ناو دەبەم دڵی تاریکی و شەوەزەنگ
دەبمە ئاگر دەسووتێنم خۆزگە و بریا و ئاخ و داخان

وەکوو باران بەخوڕ دەڕژێم ، دەبمە سێڵاو
لەسەر زەوی
دەبمە درەخت شین دەبمەوە لە قەراخی چۆم و باخان

لە پاش مەرگی شەوی تاریک ، دەردەکەوێ تیشکی هەتاو
هەزاران ڕۆڵەی وەک ئاوات دەخۆێنن  سروودی شاخان

ئاوات شەمسی
بەفرانباری ۲۷۲۲ کوردی،،، سابڵاغ

ڕێکخستن:ئەنجومەنی دیالۆگی مەهاباد

@bayan_varger

خەمەکانم دەکەمە بزە
ڕازەکانم دەشارمەوە
دەیانڕێژمە پیاڵەی مەی
هۆڕ هۆڕ هەمووان دەخۆمەوە....

#بەیان_پەسەند
@bayan_varger

دەسحێبی دەستت بکە بەرموورم
بیخەرە گەردنم
کاتی تەنیایی
زکری ئەوینی پێدەکەم...

#بەیان_پەسەند

@bayan_varger

بەهار
نوێ‌بوونەوەی وەرزی
ئێش و زام و خەمەکانە.....

#بەیان_پەسەند

@bayan_varger

حەز دەکەم ئەوجار ئەمن
گۆنای باران بشۆمەوە
کۆلکەزێڕینە ڕەنگ بکەم
سەما بە شنەبا بکەم
گەرمی بدەم بە زەردی تاو
زەوی لە ئامێزم بگرم
قاقا و بزەی هەورەکان بم
عەتر لە کراسی گوڵ بدەم
هەناسە بم بۆ سێی هەوا
شاباڵی فڕینی هەڵۆ و
قاسپەی گەرووی کەوەکان بم
ببمە دەسرەی سووری چۆپی
بە دەست تۆوە سەما بکەم

شێعرو شەڕاب بهۆنمەوە بیهێنمە ژوانی داربەڕوو
دڵی سەرشێت ئارام بگرێ لەنێو لەشی پڕی تەزوو
ببمە بەیان بۆ تاریکی شەقامەکان
بۆ ڕووناکی شینی ئاسمان
ئاڵایەک بم شەکاوەتر لە هەورەکان
ئازادی بم بۆ قەفەسی سینەی پڕژانی دایکەکان...

#بەیان_پەسەند

@bayan_varger

لە پەیمانەی دوو لێوی تۆ
شەرابی عاشقان تا کەی؟!....


#بەیان_پەسەند

@bayan_varger

لە ئامێزم گرە، نەمرم
بەڵکوو چیتر لەنێو خۆم دا

#بەیان_پەسەند

@bayan_varger

پەنجەکانت وەک هەتاون
بۆ سەهۆڵبەندانی لەش....

#بەیان_پەسەند

@bayan_varger

ئەتۆ خەونی یا خەیاڵی
سایە بە سایە لەگەڵمی
لەنێو ماڵی.....

#بەیان_پەسەند

@bayan_varger

هۆنراوە:ئەمین گەردیگلانی
خوێندنەوە:بەیان

@bayan_varger

ژانی دێتێ قەڵەم
مامانی کارامەی دەوێ
لەو ژوور بۆو ژوور دەخولێتەوە
نە ئەوەیە لێ بێتەوە
نە ئەوەیه لێمبێتەوە....

#بەیان_پەسەند

@bayan_varger

کجایم بردەای
کە دیگر نشانی از خویش ندارم....

#بیان_پسند

@bayan_varger

ئاااخ بۆ قومێ مەرگ
بیخۆمەوە
ڕزگاریم بێ
لە خەیاڵ و
ئەوەی دەبوو
هەبێ
هەرگیز
.
.
.

نەبوو...

#بەیان_پەسەند
@bayan_varger

شیلەی هەنیەی مانگی چاردەم
تکامە داوێنی ژیان
نە باوەشێ بمخەوێنێ
نە دەستێ بوو بملاوێنێ
هەر زریان بوو بەشی دڵم
دەوەشێنێ و دەیژاکێنێ....

#بەیان_پەسەند

@bayan_varger

#خەیاڵێکی لەخوێن گەوزاو

*نیوەشەوە

خەیاڵەکان دەست لە دڵم ناکەنەوە، ترپەی دڵ تێکەڵ بە چرتەی کاتژمێر تەنگیان بە مێشکم هەڵچنیوە ڕێگای بیرو فکریان پڕ کردووم  لە قوڵکەو چاڵ.
گنج و لۆچی پەردەکە هەڵدەدەمەوە دەگەڕێم لە هەناسەیەک، پشووم سوارە، خەریکە بەجێم دێڵێ، لاقی لە قژم دەهاڵێ و بەسەر کۆشم دادەکەوێ، کۆرپەی ساوای بزەکانم کوت‌وپڕ نوزەی لێدەبڕێ، کوڵمەی سوور و ناسکی شین دەنوێنێ و چاوی مەمکم پڕ دەبن لە خوێن، داوێنم ڕەش هەڵدەگەڕێ، دەست بە ئەژنۆم دەگرم هەستمەوە، ئێسکەکانم لەباڵ یەک دێنەدەر خەریکم خڕیان دەکەمەوە، دەیانژمێرم کەمیان هەیە، کێ لاپیلێکی هەڵگرتووم؟؟ پێی بڵێن بۆم بێنێتەوە! من بەو دەستەم قەڵەمم کردبووە وەکازی کاتی تەنیاییم،،، هەر دەنووسم دەیاندڕێنم، نووسراوەکانم سەرگەردانن، لاپەڕێک لە کتێبی "ئەوینێکی هەڵوەدا" (نووسراوەی کابرایەکی کاکۆڵ چەور) لێدەکەمەوە و بەسەر شان و پیلی دەفتەرەکەمی دادەدەم، لەرزی دێتێ، وشەکانم هاوار دەکەن، بەڵام، بۆ دەنگیان دەرنایە؟ کام ڕەشەبا گوێی دڵەکانی کەڕ کردووە؟ چاو قەتیسماوی فرمێسکێکی وێڵ‌ـە ، لێوەکان لەمێژە جێگاکەشیان پڕ بۆتەوە،،، قوڕگم بۆنی ماچێکی شیرن دەدا و چاوەکانم دەڕواننە ڕێگایەکی نامۆ،،، دکتۆرەکان دەڵێن ڕەنگە هەر دوو هەناسەیتر بژی،  لەبیرم نیە ئاخرین هەناسەی گەرمم کەی بوو، ڕەنگە ئەو کاتەی لەنێو سکی دایکم دابووم، نازانم، لە بوونی ئەودەمیش ئەرخەیان نیم.

#بەیان_پەسەند

@bayan_varger

ئەمشەو مـەسـتـم
ئەمشەو گێـژم
ئەمشەو کـاسـم ؛
لەسەر تەختی سەری یاخیم ،
ژنێک تاجی لەسەر ناوە ...
کە نایناسم !

#پەشێو

@bayan_varger

از بس تکالیف جمعەهای دلم سنگین‌ست
مداد همچون شاگردی تنبل
عاجز و گریان
شرمندە سر بر شانەهای دفتر بەخواب می‌رود....

#بیان_پسند

@bayan_varger

بێ ئۆقرەم و ئارام ناگرم
مەگەر دەستی مەرگ بێ‌ تا
ساڕێژ کا دەرد و ئازارم...

#بەیان_پەسەند

@bayan_varger

تیر هوایی بی خطر!
تو آسمان را کشتی

روز بە سختی از زیر در
از سوراخ کلیدها بە درون آمد
اگر دست من بود
بە خورشید مرخصی می دادم
بەشب اضافە کار
سیگاری روشن می کردم و با دود از هواکش کافە بیرون می رفتم


#گروس_عبدالملکیان

گولـلـەی هەوایی بێ مەترسیە
بەڵام تۆ، ئاسمانت کوشت

تیشک بە دژواری لە جێ کلیلی دەرگاکە دێتەژوور

ئەگە دەسەڵاتم هەبا
پشوویەکم دەدا بە هەتاو
زێدەکاری بە شەو
جگەرەیەکم دادەگیرساند و تێکەڵاوی دووکەڵی بە دەلاقەی قاوەخانەدا دەڕۆیشتمە دەر...

#وەرگێڕ_بەیان_پەسەند

@bayan_varger

دەنووسم لە منداڵیم
لە کایە کردنی تەمەن
لە جوانەمەرگی لاوەتیم
لە پیریم
بە کاتی ناشتنی ئاواتەکانم...

#بەیان_پەسەند

@bayan_varger