Inson sevganichalik nafratlanishi mumkin!

...

Lolaqizg'aldoqni miss you 🥰🥰

***

Kuz... Xazon rez, xiyobon aro...
Har bir daraxt meni taniydi,
Sensiz huvillagan yo'laklar ichra,
Ayni dam yonimda bo'lsang qaniydi.

Qasamlar ichmadik qayta va qayta,
Ne ko'rsak barini qismatga yo'ydik,
Oxiri sevgimizga vidolar ayta,
Yolg'on qasamlarga ishonmay qo'ydik...

Boshga tushganni ko'zlardan avval,
Ishq deya titragan yuraklar ko'rdi,
Necha mezon o'tdi, necha bir mahal,
Sog'inch qonimizni zahoqday so'rdi...

Mahshar topishishga ahdlashdik faqat,
Sirotda mustaqim turamiz dedik,
Ortimizdan quvdi shaytoniy g'aflat,
Bir umr sirotni g'amini yedik...

Sen hamon o'shami? Men hamon o'sha,
Hamon sen tomonga uchmoqqa shayman,
Qasamlar ichmadik, ammo ahdim shu
Mahsharda avvalo seni topgayman....


(©)

НЕДИР СОҒИНЧ ИФОРИ...

Узилиб зил бўлди кўнглимни чоки,
Ҳозир алам билан битаяпман байт:
Менсиз аҳволингга йиғлайми ёки
Сенсиз аҳволимга куяйинми, айт?

Машриқлардан кутиб олгали бонгни,
Дунё саф тортади хушрўй шаҳарда –
Мен ҳали ўнглолмай бу телба онгни,
Қуёш чарақлайди тонг-ла саҳарда!!!
Хўш, мен нима қилай бундайин тонгни,
Сенсиз кириб келар тундайин тонгни???

Сенинг номинг билан оқажак бу қон,
Оллашиб бормоқда ўйлаган сарим:
Кўзларим қаърида эгизак вулқон
Изҳор қила бошлар бор қайғуларим.

Сенсиз он асрлар ўтганга ўхшар,
Ер мени ўзига ютганга ўхшар.
Сен томон ўтмоққа имконим бору,
Ўртада аждаҳо ётганга ўхшар.

Нима бўлди менга, хаёл жонталаш,
Мажнун белбоғининг йиртиғи менда.
Фарҳод кўтаролмай қолган қўшбардош
Менга, фақат менга, ортиғи менга!!!

Жулдур кийимларга санчиқ тиканак,
Менинг номим энди мангу телбавор!
Покиза дунёга қарайман ғамнок,
Бунда ул шўрликнинг нима айби бор?

Оҳ, сенсиз яшашлик азоби ғалат,
Бўртиб чиққанми-ей елкамда тоғлар...
Сўнгсиз нигоҳингни мен томон қарат,
Чўллаган юзимда уйғонсин боғлар!

Айт, мени қутқарсин илоҳий амр,
Сокин тунларига қайтар юракни.
Вужудим биноси сўрайди таъмир,
Кечиктирма, ёрим, ўзинг даракни!

Буни араз дегил ва ёки гина,
Майли, бўлари - шу... ҳолим паришон.
Сенинг овозингни эшитибгина
Яна бу дунёга қайтаман, ишон!

Сўровим, тиловим, шугина борим,
Дунёи дунингга қайтиб қўй мени.
Ҳеч қурса, ҳеч қурса, ҳеч қурса, Ёрим,
Кўриб турганингни айтиб қўй мени!

© Хайрулла Ҳамидов

_Sevgi, ayb ko‘radigan ko‘zni yumib, go‘zallik ko‘radigan ko‘zni ochadi.
Sevadigan bo‘lsang, mana shunday sev!
Na aybsiz inson qidir, na insonda ayb..._

✍Jaloliddin Rumiy

Azizim, yomg'irlar yog'yapti, qarang,
Tilga kirgan kabi bor jimliklarim.
Ayting, ko'nglingizni og'ritmaydimi,
Bemavrid shamoldek injiqliklarim.

Azizim, osmonmas, yig'layotgan men,
Yig'iki – ko'nglimning sirlari haqda.
O'zim anglab sizga aytolmaganim,
Ko'nglimning kengligi, qirlari haqda.

Azizim, yomg'irning shiddatin qarang,
Zarb bilan urilar derazangizga.
Silkinib, silkinib yig'laydi ko'nglim,
O'zidan bexabar ekaningizdan.

E, yo'q,
Balki siz ham anglaysiz ravshan,
Shubxaga borasiz:
-Rostdan menmi, yo'q?
Azizim, dunyoyi dun ichra sizdan
O'zgasiga ko'nglim bosh eggani yo'q!

Azizim, yomg'irlar yog'moqda qarang,
Tilga kirar sevgim... dil jimliklarim.
Ayting, uyqungizmi buzmayaptimi
Bemavrid shamoldek injiqliklarim?

© Parizoda Ro'ziboyeva