"مشروع تخرجك يبدأ من هنا!"
انضم إلينا في ورشة عمل ((مجانية)) شيقة لطلبة السنة الرابعة في الصحة العامة جميع تخصصات.
تفاعل معنا واسأل عن كل ما يخطر ببالك حول مشاريع التخرج.
فرصة ذهبية لتبادل الخبرات والأفكار مع زملائك و الدكتور سند قناوي.  @sanoda_albob24
* يوم :  1/9 ، الساعة 4:30-5:30 مساءً
* المكان : مركز النجوم الساطعة شارعكافي خواطر
#مشاريع_تخرج #صحة_عامة #ورشة_عمل #تخرج

العدد محدود
لتسجيل في المحاضرة سجل في الرابط
https://docs.google.com/forms/d/e/1FAIpQLSdBy0ui8JHwuQPNBruZhDPUg5zXxNrwY941ebt4cDc8l0h1wg/viewform?usp=header

السلام عليكم ورحمة الله وبركاته..

حياكم الله جميعاً، بداية موفقة ونسأل الله أن يسهل عليكم المسيرة إلى الخِتام.

حاب نحكي في موضوع لأن كثر فيه اللغط، والتقليل، وعدم الثقة، وهذا شيء إن مس أحد فينا فإنما يمس الدفعة ككل.

بخصوص موضوع الحفلة، الشاب اللي متكفل بالتنسيق شخص كفئ وراجل عنده كلمة وأمانة وتربطني بيه علاقة من فترة ليست بالقريبة، #أحمد_قادربوه رفيق وصاحب ما نفضله عليكم، ويجري بقلب ورب على إنها تطلع الحفلة كيف ما تبوا وأحسن، ويقدملكم في عروض الشركات، يجري عليهم ليل نهار عشان يطلع بأفضل شي بجودة ممتازة وسعر في المتناول..

بالله عليكم بلاش تكسير مجاديف وخلو الراجل يخدم وينسق هو واللي معاه وباذن الله مش ح يخيبوا ظنكم، وكان انا كنت مكانة وتحطوا فيا الثقة العمياء، اعتبروه هو الزبير وخلوا الموضوع شوره را انا وياه واحد مافيش فرق..

كل شي ح يجيكم بالفواتير والدفع عند الشركة او بحضورها وبإيصالات بدون لف ودوران، واللي حاطين في عقولهم ان بيطلعوا بحاجة منها هذه انا نقولها لكم مستحيل ومش ح يطلعوا غير بالقرايض والحشايم مع بعض الناس الا من رحم الله..

أما بخصوص شركة pro صاحبها صديقي وبحكم إن أغلبكم مصوتين عليها، راهو شاب طموح وعنده ما يقدم خدمة معاه في كذا موضوع يمكن البعض منكم بس يعرف بالشي هذا ، قالي يالزبير حتى بمكسب من وراكم مانيش طالع بيه، كل اللي نبيه انها تطلع حفلة تكون بالمستوى والجودة الممتازه، وهذا ظني فيه وباذن الله مش ح يخيب.

فا سألتكم بالله خلوا كل حد يخدم بالمهام الموكلة إليه، وبعض الناس اللي قاعده تخرب وتمشي من لاورة وتفتن وناس طلعوا توا جدد لا عمرنا سمعنا عليهم في توقيعات لا احتجاجات ايام المشاكل كان عاصفات بالدفعه من كل التراكين، بالله تريثوا وما يجيكم اللي يسركم باذن الله..

هذا والله أعلم، والله من وراء القصد ، لا لي في هذا الأمرِ ناقة ولا جمل ومزلت على رايي عند توا ان الحفلة مش ح نحظرها إلا أن يشاء ربي شيئاً، شهدت على كل شي بالحق والله على ما أقول شهيد..

✍️زميلكم #الزبير_انقيقيز.

لو حد عنده حاله خلع عادي او جراحي #الشغل كامل مجاناً 🤍
•سن عقل
•سن مسوسة
•بقايا جذور

تحت اشراف دكاترة خبرة 30 سنة

للتواصل :
https://t.me/amriwa_bogreen

للناس اللي يتباهوا بطول لسانهم ، وقدرتهم على انتقاد الناس وتجريحهم .

يقول الحبيب ﷺ: "إن أشرّ الناس منزلة يوم القيامة من يتقيه الناس مخافة لسانه."
-
كلمتك لها أثر عظيم، في حياتك وفي حياة غيرك، ومش حياتك بس، حتى أخرتك !

بكلمة تجبر خاطر وتكسره !
بكلمة تشهد للحق أو تشهد زور !
بكلمة تتزوج وبكلمة تتطلق !
بكلمة تقذف عرض حد، وبكلمة تدافع عن عرض آخر !
بكلمة تدخل للإسلام، وبكلمة تكفر !

مافيش حاجة اسمها اللي في قلبي على لساني ..
مافيش حاجة اسمها نيتي طيبة ..
مافيش حاجة اسمها طلعت الكلمة مني بالغلط ..

قال رسول الله صلى الله عليه وسلم، إن من أكثر أسباب دخول الناس النار هو #اللسان !
قال (يا معاذ وهل يكب الناس في النار على وجوههم – أو قال على مناخرهم – إلا حصائد ألسنتهم ) !.

الحل بسيط ..
امسكي عليك لسانك، وفكر في الكلمة قبل ما تطلع منك، هل في ميزان حسناتك أو سيئاتك .

تذكر دائمًا أنّ : «الكَلِمَةُ الطَّيِّبَةُ صَدَقَةٌ».

#للكلمة_أثر
#اختر_كلماتك_بحب🤍