مفروض يديروا لائحه للدكاتره

كلا تجي تعتصم مش عارف كم شهر وبعدها الطالب بيش يعوض اللي راح يجي يقولك اقل شي ابدا رابعه القديمه تقعد تفشك عليه وتقوله ضد اللائحه ومعروفه اللائحه شماعه اقسم بالله كلام هذا حرام في حرام وعند الله تلتقي الخصوم

تبيلهم واحد قاري تخصصين مكمل محاماه ويقرا طب يكسد عليهم

اللي زمان علي قصة المايكرو وصل في الوزير 😁 وفعل قرار العطله 😁

اظهر وبان عليك الامان والله الدفعه كلها في صفك المره هذي 😂

زمان يخش علينا استاذ علي اساس ينصح فينا

وقبل الكلام اللي قاله لنا بنقوله لعيالي واكيد كلكم بتقولوه لعيالكم 😁😂 بس حصلت فرصه وقلتها للي قبل اعيالي


المهم كان يقول التربيه قبل التعليم 🙂

المخطط كالتالي من الاخير وهذا 😂😁 علي حسب خبرتي في موضوع الضغط وزر الامتحانات

يبو الدفعه ٤٩ تكمل امتحانات بيش حتي هما يخشو رابعه يقوللوهم معتصمين عدوا ديروا اوراق وديروا دوه واجده بيش الصوت يزيد ويوصل للوزاره

وبهكي الوزاره تتقبل ورقه الضغط هذي وتقول خوذوا فلوسكم ومغير ابدوا 🤦🏻‍♂

والله اعلم غير التاجيل والجو يوحي بذالك

يا اولاد الغلابه راه بالجو شكله المره الجايه نبو نتواصلوا معا دكتوره نواره الله يذكرها بالخير

😒😒

تطلبكم هي شخصيا تجو لان متاكد كلكم ع تجو متاكد

بيش صوتكم يوصل 🤩

باهي لوز بكل الملخص قالوا رابعه الجديده بعدها القديمه صح ؟

توا الجامعه ماشاءالله ايام نهايه الروته اعترضنا انه طلبه الدور الثاني مامشوش للروته وماخذوش فرصتهم في التعليم

ف كان الحل اللي ماشي معا لللوائح اللي مش عارف تحت اي مكتب قاعدات

قالوا انه نديروا مكثف اسبوع نلموا الروته كلها وهكي خلاص حقهم خذوه

لعند هنا تمام صح ؟

اوك باه توا نحن طلبه محترمين اولاد غلابه نزيكين اولاد بيتيه وعندنا طموح

نبوكم تديروا نفس القرار اللي فوق وتكرروه مره اخري

فقط فقط فقط

وبعد الاسبوع نخشوا رابعه القديمه هكي

قانونيا ماشي معا لوائحكم كيف ما مشي المره الاوله


ياريت المقترح هذا يوصل وتواجهوهم بيه

الصورة هذه اثبتت انه العزيمة اللي عند الطفلة هذه حفظها الله تساوي عزائم رجال أشداء ، الطفلة هذه ليبية مصابة بمرض وراثي جلدي ، يسبب لحامله حروق شديدة بمجرد تعرضهم لاشعة الشمس ، ألأطفال هذو يطلقوا عليهم اطفال القمر …

اي انهم مايقدروش يطلعو إلا تحت ضوء القمر ،اسم المرض العلمي مرض جفاف الجلد المصطبغ أو زيروديرما (بالإنجليزية: Xeroderma pigmentosum)‏..

الطفلة هذه علمتنا انه العزيمة والقوة والصلابة ..نتاج مصايب واختبارات من عند لله ، نقابلها بالرضى والسير بخطى ثابتة ….

حياها الله وبياها ….

منقول

السلام عليكم ورحمه الله وبركاته,
طلب بسيط وياريت تعاونونا 🤍.
عدد العينة يعتبر شويه كبير و مازال محتاجين طلبة اكثر 🫶🏻
لو سمحتوا ياريت يلي مازالوا ماعبوا الاستبيان يعبوه. وبالتوفيق في امتحاناتكم❤️‍🩹

استبيان حول انتشار متلازمة القولون العصبي بين طلاب الطب في الشرق الأوسط وشمال افريقيا.
وطلبة الطب البشري جامعة بنغازي من ضمن المستهدفين من الدراسة

https://docs.google.com/forms/d/e/1FAIpQLScWSpk_57_5pqclU8sApSnCHq6l9bFtmpNf_EK3txdY_kPvCw/viewform

لوسمحتوا مازال ناقص 20 ممكن تعبوه 👆🏻🤍

انسو المشكله كلها

وركزوا هنا اللي عنده خلفيه😁 وطريق الدكتره المختصره هذي يكتبها لنا في التعليقات اهو كساد كساد وعطله عطله

حتي تخصص جراحه قلب ولا مخ واعصاب مافيش باس لو فيها زياده بسيطه في الاشتراك 🙃

#امتحان اللغة الطبية FSP ( هو عبارة عن دكتور يمثل انه مريض وانت بتاخد منه هيستوري او تاريخ مرضي فقط وبعدين بتناقش الدكاترة ع الحالة وكله باللغة الالمانية وهما يمتحنو ف لغتك الالمانية العادية والطبية مش معلوماتك ) ..

لو نجحت ف الامتحان هذا معناها انت مشيت خطوة كبيرة ف المانيا ..

وقتها ليك الحق تقدم ع وظيفة ف مستشفى ف المانيا وف وظايف هلبا .. وتبدا تخدم معاهم بمرتب يبدا من 2800 يورو الشهر ..

لو مانجحت فيه ميزته تقدر تقدم فيه هلبا مرات ..

#مازال خطوة لازم تديرها .. لما تبدا تخدم حتبدا تحضر لامتحان المعادلة الالمانية approbation ..

هذا اهم امتحان .. وهذا بتقرا فيه الباطنة والجراحة وحالات الطارئة .. وشوي حاجات .. ( من الاخير كل ولاية عندهم منهج )

عيبه انه عندك فيه 3 فرص .. لو سقطت فيهم ال3 معناها خود شنطتك وروح ليبيا .. لانه حيلزوك ..

لو نجحت فيه تبدا ف رحلة الاختصاص كل تخصص يبي من 3 ل 5 سنوات تحصل فيهم لقب اخصائي او الفاخ ..

هذا باختصار مشوار المانيا .. ولما توصل ف شوي حاجات بسيطة زي التأمين وغيره وقتها حتديرهم بروحك ..

الخلاصة ..

-.المانيا تبي لغة قوية .. وتبي فلوس ف حدود 15 الف يورو ..

- لا انصح بالهجرة عبر القوارب ..

- الحساب المغلق لو عندك حد من اقاربك يخدم هنا يقدر يتكفل بيك بدون ماتدفع الحساب المغلق ..

- لو عندك لغة B2 .. بعد تسجل ف البلدية يقدرو يعطوك 20 ساعة عمل تخدم بيهم اي خدمة تحصل منها فلوس يساعدوك ف المصاريف .. ونفس الوقت تقوي لغتك ..

اللي ناوي يتوكل يقرا لغة ويستغل كل يوم ف تعلم اللغة ..

وربي يوفق الجميع ..

جراحة أعصاب ومسالك؟؟؟🤔
معلش صارلي error ممكن حد يفهمني كيف دارها😅😂