دايما كان بتردد علي بالي سؤال بجينا بعد كل امتحان بنخوضو في الاسلامية الا وهو (هل فعلا ح انجح واثبت جدارتي واني قدها ولا لا؟) وكان الشي المسبب لي هاجس انو نحن من دخلنا الجامعه ونحن مارين بظروف اصعب من القبليها وبنعافر فيها ما عشان ننجح وخلاص عشان ما عندنا طريقه اصلا سوا انو ندي كل طاقتنا فيها وبالفعل وقت النتائج بلاقي انو ربنا سبحانه وتعالى ابدا ما ناسيني ولا حتي مجهوداتي ضاعت هباء فبلاقي اني جبته درجات سمحه فوق المتوقعه رغم اني بكون طالع من الامتحان ومن الخوف لو درجه نقصتها بحس اني ساقط عديل..
فحقيقه شعور انو نحن ما اشتغلنا في الامتحان ده بخلينا عاجزين لدرجه اننا ننسى انو ممكن نعوض في الجايي وبخلينا ننفسن علي الفاضي فانا بقول ليكم كده لانو بصراحه ده ابدا ما وقت زعل لأجل امتحان (ما قدرت تشتغل في ال40 درجه حقت اليوم حاول عوض في 50 بكره) فهي الفات ده كوم والجايي كوم تاني فالفرق بين الناجح والي ما عاوز ينجح هو عدم تخطيط بس فيعني شنو لو ما اشتغلت ذي الناس اليوم؟ او الامتحان مثلا كان صعب؟
عادي انساهو وفكر في الجايي لانو الجايي عباره عن مهارات فرديه اكتر من كونو يكون امتحان (فلو ركزته علي حتت الcheck list وانك تتعلم مهاره كيف تاخد درجات فاكيد ما بعجزك شي ان شاء الله لانو بمنطق انا ك اكزمنير مهمتي ما اني اسقطك بل مهمتي اني اصحح ليك المكتوب عندي في الورقه فبمجرد ما انت دخلت علي وسلمت علي وعلي العيان وانتظرتني حتي قلته ليك تعمل شنو دي درجه)
فهسي المهم يا جماعه انكم تتعلمو حتت كيف تطلعو بكمية كبيره من الدرجات وما مهم تصلو لي diagnosis ابدا علي قدر ما مهم انك تادي اي منوفر بالطريقه الي درسوكم بيها فما تعجزو وحاولو تكونو flexible مع العيانين و تحسسوهم انكم ما متوترين وبكده ان شاء الله ح تعبرو وتجيبو درجات فوق المتوقع ان شاء الله
واتذكرو انو الزمن ده ح يعدي وامتحان بكره بكل خوفو وتوترو ح يبقي ذكرى عابره ح تنبسطو وقت تتذكروهو وح تحكو عن تجاربكم فيهو لبرالمتكم ولي البتعرفوهم لانو حقيقي امتحان بكره علي قدر الخوف الفيهو علي قدر السعاده الي ح تطلعو فيها منو لو فهمتوهو صح
ويا جماعه اقشرووو حرفيا 😭🤣
البسو لبس سمح يفرح العيان والاكزمنر وخليكم بشوشين لانو الثقه في النفس دي هي الي بتنجحكم حتي ولو نسيتو اي شي 💝🌺
ما عاوز اطول عليكم بس بالتوفيق ان شاء الله ♥وشدو حيلكم وما تساهرو
وجهزو نفسياتكم ليوم بكره 💝🌺
طبتم وطاب مثواكم وتبؤتم من الجنة منزلة ♥
فحقيقه شعور انو نحن ما اشتغلنا في الامتحان ده بخلينا عاجزين لدرجه اننا ننسى انو ممكن نعوض في الجايي وبخلينا ننفسن علي الفاضي فانا بقول ليكم كده لانو بصراحه ده ابدا ما وقت زعل لأجل امتحان (ما قدرت تشتغل في ال40 درجه حقت اليوم حاول عوض في 50 بكره) فهي الفات ده كوم والجايي كوم تاني فالفرق بين الناجح والي ما عاوز ينجح هو عدم تخطيط بس فيعني شنو لو ما اشتغلت ذي الناس اليوم؟ او الامتحان مثلا كان صعب؟
عادي انساهو وفكر في الجايي لانو الجايي عباره عن مهارات فرديه اكتر من كونو يكون امتحان (فلو ركزته علي حتت الcheck list وانك تتعلم مهاره كيف تاخد درجات فاكيد ما بعجزك شي ان شاء الله لانو بمنطق انا ك اكزمنير مهمتي ما اني اسقطك بل مهمتي اني اصحح ليك المكتوب عندي في الورقه فبمجرد ما انت دخلت علي وسلمت علي وعلي العيان وانتظرتني حتي قلته ليك تعمل شنو دي درجه)
فهسي المهم يا جماعه انكم تتعلمو حتت كيف تطلعو بكمية كبيره من الدرجات وما مهم تصلو لي diagnosis ابدا علي قدر ما مهم انك تادي اي منوفر بالطريقه الي درسوكم بيها فما تعجزو وحاولو تكونو flexible مع العيانين و تحسسوهم انكم ما متوترين وبكده ان شاء الله ح تعبرو وتجيبو درجات فوق المتوقع ان شاء الله
واتذكرو انو الزمن ده ح يعدي وامتحان بكره بكل خوفو وتوترو ح يبقي ذكرى عابره ح تنبسطو وقت تتذكروهو وح تحكو عن تجاربكم فيهو لبرالمتكم ولي البتعرفوهم لانو حقيقي امتحان بكره علي قدر الخوف الفيهو علي قدر السعاده الي ح تطلعو فيها منو لو فهمتوهو صح
ويا جماعه اقشرووو حرفيا 😭🤣
البسو لبس سمح يفرح العيان والاكزمنر وخليكم بشوشين لانو الثقه في النفس دي هي الي بتنجحكم حتي ولو نسيتو اي شي 💝🌺
ما عاوز اطول عليكم بس بالتوفيق ان شاء الله ♥وشدو حيلكم وما تساهرو
وجهزو نفسياتكم ليوم بكره 💝🌺
طبتم وطاب مثواكم وتبؤتم من الجنة منزلة ♥
❤29🔥2👍1