🛑 معليش الرسائل كترت بس دي ٢٥ صورة جابو لينا منها ١٠ بالنص 👌
فركزو عليهم كويس

مختصر لمحتوي الكارديو ❤️
فارما
https://t.me/batch31/2082
https://t.me/batch31/2061
اناتومي
https://t.me/batch31/2011
مساكات باثولوجي
https://t.me/batch31/2047
https://t.me/batch31/2050
https://t.me/batch31/2052
https://t.me/batch31/2054
https://t.me/batch31/2056
مايكرو
https://t.me/batch31/2088
https://t.me/batch31/2089
https://t.me/batch31/2090
امتحان 30 كارديو
https://t.me/batch31/2097
شيتات انتقريشن
https://t.me/batch31/2132?single
اوسبي
https://t.me/batch31/2145
https://t.me/batch31/2126

حاولو راجعو ال internal feature of the heart كويس وتعرفو كل حاجه مميزه لل atria وال ventricle

السلام عليكم شباب ♥️✨
مساء الخير وحمداً لله على سلامتكم، الكارديو حرفيا اتقل كورس في سنة تانية انتهى بي خيرو وشرو الحمد لله، أبشركم ان السمستر التاني اححححلى من الأول 🙌♥️

بصورة سريعة بتكلم ليكم عن ال GIT ان شاء الله:
• الكورس ٨ أو ٩ أسابيع حسب ما يدوكم
• الكورس مقسم لقسمين:
1. GIT (From mouth to anus)
2. Acssosory glands (Liver, pancreas and gallbladder)
• بالنسبة لي كان أحلى كورس وأمتع كورس في تانية، لما تعرف الاكل ده بعمل شنو جوة 😂
فالمهم الكورس ممتع ممتع ممتع بس كتير، يعني محتاج قراية أوووول بأول
• ال sequence المعروفة عندنا، بنقرا من أصغر مراجع لكن نكرر كتير ونحل امتحانات ونقرا ال Explanation بتاع كل جواب
بالنسبة للمراجع:
١. أناتومي وامبريو....ماااااا ح تلقو مصدر أفضل من فيديوهات د. عمر تاج السر ⬅️ تقرو الدروس وطواالي تحلو أسئلة MRCS حرفيا حرفيا، مدري شقول بس 😂❤️
٢. فسيو...كور ⬅️ عشان تعرفو من هسا الفسيو متشاابه شديييد، فأي درس تقراه لازم تقراه بي تركيز شديد ولا ما تقرا من الاساس، بكرر الفسيو متشابه جدا مع بعض ومحتاج تركييز وتكرار.
٣. الباثولوجي....صدقوني اذا قريتو BRS ما بتغلبكم بروبلم، معظم كلام الانتقريشن المافيش في باثوما موجود في BRS، على العموم انتو احرار في الاختيار افتحو المرجعين وقارنوهم مع بعض، BRS مشكلتو اكتر من باثوما حبتين، فقارنوهم مع بعض + فيديوهات بورد اظن بقيتو حافظين + الشيتااات ما استطعتم اليها سبيل، بتجي منها أسئلة مرات، فأقروها بعد المرجع بتكون ليكم مراجعة بس
٤. مايكرو....مستحيل تلقى فيديو لاسكتشي فايت ١٠ دقايق، فعليكم به أو بورد ما فرقت، المايكرو كتييير بس حلووو
٥. كميونتي وفارما شيتات...ولو دايرين نصيحة مني، احضرو عبد المتعال فودا قبل الشيت، فيديوهاتو طويلة بس تزيد السرعة وتمتع نفسك.

الكورس ممتع جدا والله يا شباب بس اقرو أول بأول، اتكلمت كتير معليش، اذا في شيء ثاني برسلو ليكم ان شاء الله 🙌❤️

• اذا عندكم أيييي سؤال اكتبوه تحت هنا 👇❤️

.

@GIT_B30_bot
البوت ده فيه جميع محاضرات د. عمر تاج السر، بكرة مظاهرات فالنت ح يقطع، نزلوا الحاجات من هسا
• وإذا أردتو نصيحة مني بكرة بعد تصلي الفجر حاضر افتح وابدا قراية طوالي، اكتب في ورقة انك داير تجيب A في ال GIT واكتب التاريخ ومن فترة لفترة عاين للورقة دي، بعد نهاية الكورس ح تلقى نفسك جبتها، ولحظتها جدا جدا ح تكون فخور بنفسك 👌❤️

• معليش على المعط بس أييي سنير بقول ليك أقرا من روبن باثولوجي أو كونسايس فسيولوجي ما تسمع كلامو 🚫
• العبرة انك تطلع من الكورس حافظ المعلومات الانت ح تحتاج ليها في المدسن، مثلا المرض الفلاني تكون عارف انو ١ + ٢ = ٣، اخدو المعلومات الرئيسية احفظوها كويييس، ظبطوها شديييد عشان تكونو متذكرنها في المدسن بعدين + عشان تضمن درجة كبيرة في الامتحان

• نهاية كل اسبوع ان شاء الله ح نراجع الثيم بتاع الاسبوع، فاقرو كويس وظبطو معلوماتكم

بداية موفقة ❤️‍🔥

[ Photo ]
هنيئا للصائمين باب الريان🔥🔥🔥
الأيام البيض لشهر جمادي الآخر ١٤٤٣ه👉🏻
الاحد❤️
13/جمادي الأخر /١٤٤٣ه الموافق 16-1-2022 م
الاثنين❤️
١٤/ جمادي الأخر/ ١٤٤٣ه الموفق 17-1-2-2022 م
،،،،،،،،،
الثلاثاء❤️
١٥/ربيع الأخر /١٤٤٣ ه الموافق 18-1-2022 م

فإنّ لم تصم فذكر بها غيرك حتي يكتب لك مثل أجر صيامه دون ان ينقص من أجره شيئا 🔥
فطوبى للصائمين ♥️🤲🏻

⭕️⭕️⭕️احضرو ح تستفيدووو شديد (والله الموفق)🥺🔥
المحاضره (بعد ساعتين تقريبا ان شاء الله)

إما أن تحضر هذه الكلمة أو تحضر هذه الكلمة :") ❤️

رابط قناة الديني للهيازم:
https://t.me/alnadialdeni95

🎉🎉

افتتح التسجيل الآن في الدفعة الثالثة عبر الرابط التالي 👇

https://bit.ly/33xYpMK

ده راااابط التسجيل لبرنامج البناء المنهجي بالنسبه للناس الحضرت اليوم لدكتور إياد قنيبي 😩😩😩😩❤️🔥
الحقو سجلوا وشيروا لغيركم عشان الكل يستفيد ان شاء الله ⭕️⭕️⭕️
البرنامج بقويك من كل النواحي وبتجد فيهو كل اهتماماتك واي اجوبه لكل تساؤلاتك (بعتني بالدين الي تقريبا معظمنا او الاغلبيه من الشباب ما عارفين ماهيتو شنو او هو شنو لدرجه انهم بحاولو افصلوهو عن السياسه وعن مسميات كتيره (باختصار البرنامج فيهو قواعد اساسيه ومن اسمو بتضح ليك انهم برسخو ليك في مفاهيم انت بيها بتبدا حياتك وصدقوني ح تتغير مفاهميكم وحياتكم للافضل باذن الله والبرنامج بالنسبه للزمن ما ضاغط والله حتلقو كل الزيت بتاعو في التسجيل فهو مدتو 4 سنوات باهلوك فيها من كل النواحي فما تخاف فقط باشر واستعن بالله واتذكر انو "من يرد الله به خيرا يفقه في الدين"
ودي فرصه جاتك فما تضيعها 🔥🔥🔥🔥
(واتمني انكم تسامحوني في اني بنشر ليكم حاجات غير المحتوى الدراسي بس والله دايما بسال نفسي سوال وبتمني تسالو لنفسكم وهو " شنو فائدة دراستي بالطب وانا ديني ما عارف عنو حاجه؟ وبعدين لمه ربنا يسالنا شبابك فيما افنيتو هلا اجابتي حتكون كافيه بقول اني افنيته في الطب بس ؟؟

فالقابض علي الدين في زمنّا ده كالقابض علي الجمر والله فنسال الله الثبات وما تنسوا صيام غدٍ الخميس (فمن صام يوما في سبيل الله باعد الله وجهه عن النار سبعين خريفا "اي سنه" ☺️😇

و ما تنسوا تذكرو بيها غيركم (كن للغير صالحا وان كنت مقصرا )🧑🏽‍🦯
" فقط كن ذا أثر"🥀✒️

⭕️⭕️السنة الفاتت زي الوقت ده
رسلت لي صحبتي رابط تسجيل، قالت لي صفِيَّة سجلي هنا سريع
ده شنو..؟ كدي سجلي أول بعدَّاك بنتفاهم
أها أبيت اسجل بدون تورّيني، والرابط قفل
بعد أيام الناس دقت جرس، قامو فتحوه تاني وأنا ما شغالة بالموضوع كتير واعتبرتو زي اي تريند والناس قايمة وهايجة فيو
جاتني صاحبتي تاني، عايني الرابط فتح سجلي وما ح تندمي قلت ليك
قمت بي إلحاح منها سجَّلت في البرنامج الأنا ما عارفاو شنو ده!
وقَد كان مصداقًا لقولِ اللَّهِ "إنَّا فتحنا لكَ فتحًا مُبينا" ❤️
وسبحان الله برنامج البناء المنهجي كان تزامُنًا مع تاريخ دخولي للمعسكر وبدايتي في مشوار الحفظ
وده السبب اللي خلَّا حياتي تتقلب فوق تحت أو بالأصح = تتعَدِل فوق تحت ❤️

أنا طول حياتي زولة ساي لافَّة مع خلق الله ما عارفة روحي دايرة شنو ودايراهو متين وليه؟
أها سبحان الله
الفترة ديك أنا مرّيت بي ابتلاءات كتيرة وكلها يا مع بعض يا ورا بعض، بسم الله ما شاء الله!
قدَّر الله إنو في البناء كان وقتها المُقرر الإثرائي حلقات سلسلة "سويَّة المؤمن" ومن بعدها بقيت براي بكابِس في باقي مواد أستاذ أحمد السيد ومن سلسلة لي سلسلة كأني متابعة فيلم طويل أو مسلسل، لا ملل ولا كلل
حتى النِت بقيت ما شايلة همُّو، الباقة تنتهي نفعّل جركانة وهكذا .. 🤣❤️
رحلتي مع البناء هي رحلة طالب بقرا قبل الامتحان بي يوم
لكن أثر البناء كان واضح في شخصيتي بي صورة كبيرة الحمدلله حتى وأنا طالبة علم ما مجتهدة، فما بالكم بالمجتهدين والنُّجباء؟!

البناء هوَ كما اسمه تمامًا = بناء
من تحت الصفر زاتو!
حاجة ما بتتوَصِف إلا تعيش التجربة
ورغم إنو يادوب مشينا سنة، ورغم إني ما درست كل المواد
إلا اني اقول ليكم
وقت ابتلاءاتي = ماف شي رفعني وخلَّاني أقدر أقوم على حيلي زي القُرآن والبناء

وقت الشتات = ماف شي وجَّهني وورَّاني الطريق زي البناء المنهجي

وقت التعب، والجِّرسة من تفاصيل الحياة المُرهقة = ماف شي كان بخفف عني ويشد من همّتي زي المواد الصوتية الفي البناء المنهجي

وقت غسيل العدَّة ياخوَانَّا 😂
أستاذ أحمد ما عارفني إني غسلتَ العدة بي صوتيات البناء فما تكلّموه..! 😂❤️

لربَّما أنا ما درست كل المواد، وقطعًا كان النقلة بالنسبة لي حتكون كبيرة لو كنتَ ملتزمة بالبرنامج زي ما هو أو على الأقل قدر لا بأس به
لكن
حتى القليل ده.. حتى الممكن يكون ما بجيب ولا 10٪ من حصيلة مواد البناء
إلا إني ممتنة كل الامتنان لما قدَّمهُ لِيَ البناء المنهجي
واسأل الله إني أكون من اليوم ولي قِدَّام طالبة علم زي أولاد الناس

النصيحة الأبدية لي كل زول بقرا في المنشور ده أو يوصلو كلامي ده =
أيًا كانت برامجك وخططك ومواضيعك، أيًا كان وضعك النفسي أو الديني أو أي شي
شفتا لو قالو ليك ح تموت بكرة الصباح
الليلة المساء سجِّل في البناء!

وحا تجي بعد كم شهر بس تقول إنك ما نفس الزول الدَّخلت البناء!
واسألوا الله التوفيق والسداد في كل خطواتكم لي ربنا ❤️
شِدُّوا الهمَّة يا شبابَ هذي الأمة، قَد يكونُ الدَّربُ صعبًا لا تمِيلوا❤️

وشُكرًا
وعفوًا
#صفِيّة_مُصطفى
#البناء_المنهجي
#تجارب_البناء_المنهجي_السودان
#منتظر شنو يلا نسجل ووري اصحابك معاك❤️

السلام عليكم ورحمة الله وبركاته طبعا في ناس كتيره خشت في برنامج البناء المنهجي وهنيئا لهم ☹️❤️
فقد أدركوا ما لم يدركه سوى القلة "فالقلة هاهنا بمعني الكثره كما قال جل شأنه "وقليل من عبادي الشكور" ↗️
فانا هنا لي ؟؟
لانو في ناس تانيه أكيد ما عارفين بالبناء المنهجي ولا حتي سمعو بيهو سمع 🤧
وطبعا ذي ديل حيفوتم الكتير الكتير 😪
فعشان العمر والزمن لاعبين معانا ضاغط وعادي الزول يشيب قبل اوانه😣🚶🏻
فنحن لازم ننتفع وبالمقابل ننفع غيرنا فعشان كده حيكون في تحدي بسيط ليكم ولينا _وبينكم وبين أنفسكم ولنسميه "اترك اثرا" :- طيب هو شنو؟؟
انو اي زول سجل معانا في برنامج البناء المنهجي إتعهد انو يدخل معاهو شلتو كلها في البرنامج قبل ما التسجيل ينتهي؟
شلتي أنا 😀؟؟ أي شلتك فما صعبه انك تقنعم طالما انت معاهم☺️
طيب هو التسجيل لسه ما انتهى؟ فعلا هو ما انتهي وحينتهي بعد يومين 😩⭕️
فللوقت داك عايزين نكون سنارة صيد للشله ومحبار لهداهم عشان ما يفوتم الاجر والثواب وكمان عشان يلحقوا معانا خطوه بخطوه 🙈

ففعل الهشتاق وكون معا الترند #أنا_وشلتي_بالبناء_المنهجي🔥🔥🔥
#أنا_وشلتي_معاً🔥🔥
وخلينا نشوف الشيطان ح يضاري خيبتو كيف من العملتوا❤️😌
#وما_تنسوا_صيام_غدا_الاثنين 🧑🏽‍🦯
#الرابط_بالاسفل👇🏻