محاضرة ب. علي بخيت

محمد الهادي..
قول لناس دفعتكم
انو الأسبوع الأوّل ده أداني انطباع جميل جداً عنّكم..
بتمنى تواصلو علي كده..
و بتمنى ليكم كلّ التوفيق❤️❤️❤️

د. صهيب 👆👆👆

د.محمد المبارك (طلاب)
الاسبوع الجاي ان شاء الله المطلوبات والاتندس محسوب من الاول
ويعتذر عن الاسبوع الفات

السلام عليكم
الكتب دي ح تساعدكم كتيير
فيها معلومات حلوه جدا و مرتبه بصورة جميله..
ح ترتب ليكم أفكاركم في الpre clinic و تغير طريقة تفكيركم في الاماتحانات و المزاكره..
و فوق ده كلو ح تمشو الكلنال جاهزين بإذن الله..
موفقين

د. صهيب 👆👆👆

محاضرة د. نائلة

طالبات 👇

# تنبيه

تعويض محاضرة د. مني
protein energy malnutrition _ community
حتكون يوم الاحد ان شاء الله وقت البرك

# طالبات

كيفكم ي 29 😇
وكيف العام الجديد معاكم.. سنة ممتعة ومليئ بالتوفيق يارب ❤️

يلا بالنسبة لسنة تانية حتبدوا مرحلة مختلفة شوية عن أولي لانو تاني حتعتمدوا علي المراجع الكبيرة وعلي قرايتكم اكتر من زمان..
يلا اهم شئ الزول يركز في المحاضرة كويس وياحبزا لو عملتوا نوت تكون فيها الحاجات المهمة والاساسيةفي التويك ترجعوا ليها في البيت..👌
يلا معظم الدكاترة بجيبوا كلامهم البقولوا في المحاضرة وبيركزوا عليهو عشان يعرفوا الناس المركزين ولانو هم بدوك الحاجات الاساسية الاي زول لازم يكون عارفها والزول بعداك بيتوسع ويزيد عليهامن المراجع..

بالنسبة لاي كورس حتاخدوهو حيكون عندو كم مرجع لاي مادة من مواد البيزك..
يلا ممكن تخشوا المكتبة تتطلعوا عليهم سريع وتشوفوا اكتر واحد عجبك وبتفهم منو او ممكن تشوفوا نسخهم الفي الPDF..
يلا اي زول ممكن يقول ليك المرجع ده سمح وبديك الحاجات المهمة. . بس الحاجة دي بتختلف من زول للتاني فاحسن شوفوا الحاجات البتناسبكم وبتفهموا منها انتو😇

يلا بالنسة للانتومي في Grays وفي Snell دي اشهر اتنين.. اسنل مفصل وناس الجامعة بحبو بس قريز ملون ومرتب شديد وواضح.. وفي برضو مراجع صغيرة زي pig picture وBRS بس ديل زي ملخص كدة فما تعتمدوا عليهم في قرايتكم الاساسية لانهم مختصرين ف ممكن الواحد بعد م يخلص الانتومي من المرجع الكبير يراجع تاني منهم بثبتو ليك المعلومو اكتر وبيركزو ليك الحاجات الكمون والمهمة..👌

اما الفسيولوجي في core و concise
كور بديك المعلومة طوالي حفظ ولغتو واضحة . وكونسايس بيدرج وبفهمك وبشرح ليك بالتفصيل اول بس امكن لفتو شوية اصعب وكمان في قانون وقايتون برضو ممكن تشوفوهم..👍

الباثولوجي في robbinو Danish
BRS وpicture
روبن كبير وبركز علي تفاصيل دقيقة بس دينش وBRS بركزوا علي الحاجات المهمة ومافيهم تفاصيل كتيرة برضو كويسين في المراجعة والتوبيك الكبيرة والمهمة اقروها من روبن لازم لانو حتلاقيكم كتير لقدام فاحسن تظبطوها من بدري 😎

الفارما الشيتات وبرضو ليبنكون كويس شديد وبفهمك ولمن تقرأ منو بربط ليك الحاجات مع بعض وبيركزها ليك 👌👌
الهستو جونقويرا وكمان في كومار
حلو وملون بفهمك الكورس وبديك فكرة عام عن بقية المواد احسن تمرو عليهم اول بيشرح ليك الكورس كلو..

الامبريو الشيتات وممكن تشوفوا سادلر للحاجات المهمة لانو بكون في كل كورس درس واحد ... وكان بيجي منو سؤال او اتنين..

المايكرو الشياتات مهمة وبالزات شياتات العالية وكتاب زو الفقار
وكمان في مرجع Levinson مايكرو مفيدومختصر وبفهمك التوبيك وتاني م بتنساهو بسهولة😍.. ..

يلا دي حاجة عامة لكل السنة..
كان في مقدمات لكل كورس بحاول ارسلها ليكم ان شاء الله🌸

وبالتوفيق ليكم يارب 😇

Θμįź 29 ͜❁̚‘✦
Quiz29
قناة اكاديمية للاسئلة والتقويمات التابعة للكورس😃😃
اذا اردت النشر عليك ارسال التقويم ومن ثم الاجابات 😊
ثم الارسال علي المعرف @Doua3344
https://telegram.me/Quiz29