خدمة محبي باسم الكربلائي تقدم

📜:سلامي للبقيع و كربله
✒️:سيد معتز سلام الحسيني
📆:ليلة 8 شوال 1443
🕌:العتبة العباسية المقدسة
https://t.me/m7bebasim/50029

سلامي للبقيع وكربله
▪️▪️▪️▪️▪️
متعوده روحي اشما ازور حسيني
لرض البقيع الطاهره توديني
ابعث سلامي بدمعتي وجفيني
لذيج القبور الماشفتها بعيني
انادي والمدامع هامله
▪️▪️▪️▪️▪️
كلما اطب لكربله بدموعي
تكبر حسرتي ويختلف موضوعي
اباب الحسين اسمع ونين ضلوعي
واكعد اوج لرض البقيع شموعي
دمعتي تجري لكن ذابله
▪️▪️▪️▪️▪️
يم الحسين بكيفي اشم ابابه
وشباجه ابوسه واسجد اعله اعتابه
بس البقيع شلون اشم ترابه
صعبه اليحب ومايزور احبابه
اسولف واختصار المسأله
▪️▪️▪️▪️▪️
من امشي مابين الكمر والضامي
الكه البقيع وصورته كدامي
لكبه ابو اليمه امن اصد ب الامي
اتخيل كبور انبنت ب احلامي
بخيالي ابجي من اتخيله
▪️▪️▪️▪️▪️
حجايه الي اباب الكمر احجيها
لمك مناير باجر نعليها
بكبتها رايه كبتك نخليها
ونوصل كبرها وكربله نسويها
قسمنه اي وحك البسمله
▪️▪️▪️▪️▪️
كون البقيع بكربلاء نشوفه
ولمن نطوف حسين هم نطوفه
لو يمنه لاماينهدم معروفه
يحرس مناراته الكمر بجفوفه
كمرنه بي تلوذ المرجله
▪️▪️▪️▪️▪️
ابيوم البقيع العالمي نادينه
ياربي عجل خل يجي مهدينه
من كربله ياخذنه ويودينه
لرض البقيع وتنبني بجفينه
بقدومه ياهله وميه هله
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة سلامي للبقيع وكربله 📝👆

خدمة محبي باسم الكربلائي تقدم

📜:للإمامة قبور جف الجور هدمها
✒️:علي السقاي
📆:8 شوال 1430
🕌:حسينية الرسول الأعظم الكربلائية - الكويت
🔖المناسبة: ذكرى هدم قبور أئمة البقيع ع
🎵:#عايلة_وأيتام_من_الشام_ردينا
https://t.me/m7bebasim/50048

لـلإمـامـة قـبـور چف الجور هدّمها
و  الـبـقـيـع  سنين يسأل وين قائمها
وشـيـعـتك يالمهدي اليوم عايشة بهمها
▪️▪️▪️▪️▪️
إلـك  يـاغـيرة الله اعله الشرع والدين
نـبـث الـشكوى شكوة من رماه البين
واذا قـلـنـا نـظل لـ اشكثر منتظرين
عـلـى حكم الباري مو معناها معترضين
قـبـور الـبـلـبـقيع شوفها ابيا عين
و  ذكـرى الـهـدم صارت سته وثمانين
تـرسـم  الاجـفـان هالاحزان بالدمعه
بـوحـشـة  الديجور  لا من نور لا شمعه
قـبـور الـي حفظوا هالدين لا أحد يمها
▪️▪️▪️▪️▪️
قـبـور مـهـدمـة انـعاينها من ابعيد
ولانـقـدر  نـقـرب لا نـمـد الإيد
اشـنـحچي  اويه الا حكم الجاهلية تريد
الـحـجج  مافادت و بس السيوف تفيد
يـمـتـى انعود نبني الأضرحة من جديد
تـحـت ظـل رايـتك وبدولة التوحيد
تـجـدد الإسـلام و الأصـنام تصلبها
تـنـشـر الـرايـات و الثارات تطلبها
رغـم  الـعـِدا قـبور الآل نبني معلمها
▪️▪️▪️▪️▪️
انـتـظار الفرج ندري من أفضل الأعمال
ومـا يـمـنـع إذا نشكي لك من الحال
مـن يـوم الـسـقـيفة ومجمع الأنذال
الـحـقـد  نفس الحقد تستأرثه الأجيال
الـهـدم صـرح الـبقيع بفتوة الإظلال
هـو الـلـي جـعل سامراء بس أطلال
نـعـاني  من هالناس وشجم راس ضحينه
الـدم حـلال يـصـير و التكفير يولينه
عـن  نفطة خل هاي الناس تسأل من امها
▪️▪️▪️▪️▪️
وصـلـت  لـلعظم  و الجرح أخذ يكبر
حچي  الـشـامت  جذب لو گلنا ما أثر
يـحـز بـالـخـاطر وبس عدنا نتصبر
وچم  شـامـت  نـسمعه اعلينه يتجسر
ويـنـه  الـغـاب عـنكم وينه مايظهر
مـهـديـكـم  يـشيعة  بدعة مو أكثر
عـشـنـا  عـالجمرات بالحسرات نتمنه
رغـم هـالـتـشكيك شيعة وبيك آمنه
والـتـنـكـرك  يـالحجوب ما نسالمها
▪️▪️▪️▪️▪️
يـمـن كـلما يضيق اعله الصدر دهرك
أكـثـر لـلـتـصـبـر يتسع صدرك
تـعـبـنـا  وتدري  مانملك مثل صبرك
ونـدري  بـغـيبتك  صرنا سبب عذرك
شـكـثـر  نـدعي يعجل خالقك أمرك
و إحـنـه اعـلـه الفرج أعمالنا تأخرك
اشـمـا  تـغـيب أعوام ما تلام بغيابك
لچن  الـنـا قـلوب بس تلوب يم بابك
غـيـرك  يـا وعـد الرحمن منهو يرحمها
▪️▪️▪️▪️▪️
مـا عـدنـا وجـه نـسأل عن اخبارك
صـحـايـفـنـا عـليها تدمع انظارك
لچن  نـرجـاك وانـتـه بيا أرض دارك
لا تنسانا يوم التـــــــاخذ بثارك
و اسـمـح الـنـا نصبح خدم أنصارك
بـس حـتـى نـشـاهد طلعت انوارك
يـالـمـغـيـبـك طال بالامال نترجه
يـومـك و نـرضيك من نفديك بالمهجه
نـرخـص  لـك هالارواح وانته تحكمها
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة للامامة گبور چف الجور هدمها 📝👆

(﷽)
✨خدمة محبي باسم الكربلائي تقدم:
📜قصيدة: عينك تسأل ايدك
✒️للشاعر: حمزة السماوي
📌 : ذكرى هدم قبور ائمة البقيع ع
📅:ليلة 8 شوال 1443
🕌: العتبة العباسية المقدسة
🎵 طور : #دهرك_راد_غيابك
https://t.me/m7bebasim/50081

عينك تسأل إيدك
يمته تكسر قيدك
ظلّت يمّك ... إنته وعزمك
كفو
🔶🔶🔶🔶🔶
يـأكثر واحد بكلّ الحچي يدري
يصاحب حسرتك يا (صاحبَ العصرِ)
قبل ميّة سنه بتاريخنه الهجري
إجه المن عنده حتّى ابليس متبرّي
گطع نحر البقيع اترابه ظل يجري
النبي بگبره ويصيح آخ انكسر ظهري
گالوا ما نوصلّك
رادوا ردّة فعلك
لا ما علمك ... إنته وعزمك
كفو
🔶🔶🔶🔶🔶
بالشريان ثارك يجري مو دمّك
بغيبة الكبره مو عمرك كبر همّك
أحلفك سيّدي بداعة حليب امّك
شنو حسّيت من هدْموا گبر عمّك
الضرب گبْة الحسن كل غايته ايألمك
الحجر مو عالگبر يوگع على جسمك
حاقد ما يرحمكم
يهدم ويسب امكم
كلشي ايكلمك ... إنته وعزمك
كفو
🔶🔶🔶🔶🔶
أشرف گاع وي الگاع ساووها
أرض مقفره ما تنشاف خلّوها
الوصلوا يم خيام حسين سلبوها
إجو دار النبي رادو يحرگوها
بتهديد الخدم والخزنه فتحوها
قناديل الذهب والتحف نهبوها
ريتك حاضر يمهم
ياهو اليوصل منهم
ادري ايهمّك ... إنته وعزمك
كفو
🔶🔶🔶🔶🔶
علي السجّاد تعرف إنته موضوعه
بگبره وعالحسين تسولف ادموعه
بعدها امن السياط امتونه موجوعه
يمهدي امن السلاسل فطر بضلوعه
ضُعف صارت عليكم سيّدي اللوعه
مثل جمع السقيفه الفوس مجموعه
راسك گلبك شيّب
الميّت ليش اتعذّب
كون انفهمك ... إنته وعزمك
كفو
🔶🔶🔶🔶🔶
يقائم بالسمه بس بالأرض حاير
يتيمه چن رقيه كبّة الباقر
يمهدي انچان بالطف ما چنت حاضر
يريد الله يشوفك مغرب العاشر
تشوف السوط معول بالهدم صاير
الحجاره بكبره نزلت نزلة الجافر
حسينك سحگوا صدره
الباقر سحگوا گبره
ياهي اتهظمك ... إنته وعزمك
كفو
🔶🔶🔶🔶🔶
أشوفك منكسر وادموع تتجاره
الصادق مو جديده وصلوا لداره
أگول الحمد لله من شفت ناره
ما شفت اخته بين الزلم محتاره
الكتل عباس اخوه بساعة الغاره
أخذ من متن زينب بالضرب ثاره
بسوطه حقده ايصبّه
يضرب من گل گلبه
زيّد همك ... إنته وعزمك
كفو
🔶🔶🔶🔶🔶
شفت گلبك اوياهم چان يتهدّم
بگبرها ام البنين ونصبت المأتم
حجر يوگع تشوف وبقت تتألّم
الحجر كسّر اعظام بكربله و هشّم
بثوبه حسين يمسح گصته امن الدم
واجاه سهم المثلث صابه ما يرحم
يفتح گلبه وصدره
ويطلع بس من ظهره
ذكره اتهدمك ... إنته وعزمك
كفو
🔶🔶🔶🔶🔶
نظل نحسب ثواني وندعي يوميّه
طواف نأدي بالحضرة البقيعيّه
إلك ثار والك يبن الحسن جيّه
گبر واحد ترجعه سيدي بميّه
القبور بزودك ترد كلها مبنيّه
شرط يم كل كبر تبني حسينيّه
تأشر يا ملا اصعد
واقره ابنص الغرقد
وأذكر اسمك ... إنته وعزمك
كفو
🔶🔶🔶🔶🔶
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة عينك تسأل ايدك 📝👆

(﷽)
✨خدمة محبي باسم الكربلائي تقدم:
📜قصيدة: بالبقيع نبني أجمل الصحن
✒️للشاعر: حاتم صبري الكاظمي
📌 : ذكرى هدم قبور ائمة البقيع
📅:ليلة 8 شوال 1443 هـ
🕌: العتبة العباسية المقدسة
🎵 طور : #يا_ظلام_خيم
#كربلاء_يالأخذتي
#ياحسين_شفتك_بلاعلم
#ياعلي_شيعت_فاطمة
https://t.me/m7bebasim/50027

بالبقيع .. نبني اجمل صحن
بالبقيع .. تحبه جنة عدن
بالبقيع .. ابصاية ابن الحسن
بالبقيع .. بالبقيع
🔷️🔷️🔷️🔷️🔷️
مو حلم وان شاء الله باجر نزور
مرقد شمحلاته بي اربع قبور
يفوح بي عطر الدمع لا مو بخور
المهدي بيده يسجل اسماء الحظور
والضريح .. ابروعته جوهري
والضريح .. باقري جعفري
والضريح .. عدنه مثل الوطن
بالبقيع .. بالبقيع
🔷️🔷️🔷️🔷️🔷️
من قبور الاربعة الطه الأمين
تصير گعدة جنها بين الحرمين
شبه من شارع السدرة يصير وين
گبال شباج علي ابن الحسين
والدموع .. بالمحب ترتقي
والدموع .. جنها تل صادقي
والدموع .. امن الضماير جرن
بالبقيع .. بالبقيع
🔷️🔷️🔷️🔷️🔷️
الهدم گبور الأئمة والقباب
يجي يوم عظامه ينفرها التراب
العاده اهل البيت الله يگول خاب
ذوله الهم بالسمه وبالگاع باب
مستحيل .. يفلح الناصبي
مستحيل .. يمحي ال النبي
مستحيل .. تبقى اهل الفتن
بالبقيع .. بالبقيع
🔷️🔷️🔷️🔷️🔷️
دمعه ترسم رابع اصحاب العبه
بالزبرجد يزهي گبر المجتبه
بيه باب القبله عطره اشمطيبه
والضريح المهدي بيده مذهبه
الله شاء .. يذل يد المجرمه
الله شاء .. يعز بني فاطمه
الله شاء .. تعتلي بكل زمن
بالبقيع بالبقيع
🔷️🔷️🔷️🔷️🔷️
صحن بيه الماي وزعوا سلسبيل
منه ما تعطش اذا تشرب قليل
بي طعم جم ابو فاضل مدري هيل
اشربوا الماء ثواباً للكفيل
والله ماي .. بي عطر غيرته
والله ماي .. تبرعه الشيعته
والله ماي .. انطانه گلبه الاحن
بالبقيع .. بالبقيع
🔷️🔷️🔷️🔷️🔷️
بجانب الاربعة نحس رأفة وحنين
يغمر گلوب التحب ماله قرين
عليها راية وبيها مطبوعات ادين
هذا قبر السيدة أم البنين
بالوفاء .. نعمه ترفض قحط
بالوفاء .. يمها و اوگف فقط
بالوفاء .. كل اسمها اقترن
بالبقيع .. بالبقيع
🔷️🔷️🔷️🔷️🔷️
ينبي المرقد وسره ينطوي
عند ابو التاج الامام النبوي
صحن يشبه گلبه كلشي يحتوي
ما يدخل الا مؤمن علوي
ما يطيح .. حتى لو ينهدم
ما يطيح .. اعلى من النجم
ما يطيح .. واليطيح الوثن
بالبقيع .. بالبقيع
🔷️🔷️🔷️🔷️🔷️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة بالبقيع نبني اجمل صحن 📝👆

✨خدمة محبي باسم الكربلائي تقدم:
📜قصيدة : والموت الخذاهم
✒️للشاعر : احمد الذهبي
📌 : ذكرى هدم قبور ائمة البقيع
📅:ليلة 9 شوال 1443
🕌: العتبة العباسية المقدسة
🎵 طور : #من_حبر_الصحيفة
https://t.me/m7bebasim/50101

والموت الخذاهم .. مشتاگ الثراهم
محتار الگلب .. ومتيه الدرب
مشتاگ الثراهم
◾◾◾◾◾
نشفها الحزن عيني ودرت عمري وبجيته
گالولي الدمع غالي وبعت روحي وشريته
لو مره بحلم اوصل على گبره الهويته
مو مي لا درت گلبي على ترابه وكفيته
يا ريت اوصللهم .. واحضنهم واشمهم
لو طال الهجر .. ما يسوه العمر
لو رايح وراهم .. مشتاگ الثراهم
◾◾◾◾◾
يا دنيه على الفرگه وعلى الموت شبدينه
شوفينه انه وروحي على جروحي انتجينه
حنينه وعلى الراحوا تناشدنه وبجينه
ناطرنه حلم منهم ولو عابر يجينه
لا موت الاجاني .. لا يمهم خذاني
حالي اويه الدمع .. من حال الشمع
من دور العزاهم .. متشاك الثراهم
◾◾◾◾◾
صيحة هالسفن من الجرف يبعد عليها
صاحلهم دمع عيني ومنو اليسمع بجيها
غراگانه ابحر شوگي وبقت تعمت بديها
عيشوها ابأمل باجر ضوه الغايب يجيها
متعوب بحياتي .. وارتاح بمماتي
لو طال الأجل .. ابقى ابهالأمل
واتأمل ضواهم .. مشتاق الثراهم
◾◾◾◾◾
شيقدمه الزمن والگه المحب يحظه بحبيبه
وگبور الأهل تصبح وطن متظل غرييه
ويصيرن على سطح الأرض ثامن عجيبه
والزاير يحسدونه على بخته ونصيبه
والطال انتظاره .. يبني اشطم مناره
يا رب السمه .. بداعة فاطمة
عجل ملتفاهم .. مشتاگ لثراهم
◾◾◾◾◾
ما ننسى ظليمتنا وحق ربنه النطيعه
ما ترهم گطيعتنه والجفوف الگطيعه
والغالي الــ على صدره نزف منحر رضيعه
العالم ما ثبت وضعه لأن هدموا بقيعه
گبور الهدموها .. لو رجعوا بنوها
ترتاح الأرض .. بالطول وعرض
يرضه الله برضاهم .. مشتاك لثراهم
◾◾◾◾◾
ثورتنه اشكثر ما طولت ترجع جديدة
وگبور الوفه واهل الوفه متظل بعيده
مطلبنه ويظل لآخر نفس بينه ونريده
كل واحد هدم منهم گبر لازم يعيده
هاي الثوره واحب .. قمناها ابمطالب
واحنه بلا تعب .. نبينها ابذهب
يا بخته البناهم .. مشتاق لثراهم
◾◾◾◾◾
كل ليله العتب حيره ويسلمني على حيره
عالماتوا ظلم لكن بقوا للغربه ديره
الما يسوه انبنه گبره وعله وضوه جزيره
هتمكم بعد يهل الوفه وهاي الاخيره
والواجب علينه .. نبنيهم بدينه
والصان العهد .. باقي اعلى الوعد
ظل باقي معاهم .. متشاگ الثراهم
◾◾◾◾◾
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96181854068🇱🇧
+989371659815🇮🇷
*💠خدمة محبي باسم الكربلائي💠*

قصيدة والموت الخذاهم 📝👆

✨خدمة محبي باسم الكربلائي تقدم:
📜قصيدة : احسن الله عزائك
✒️للشاعر : زين العابدين المرياني
📌 : ذكرى هدم قبور ائمة البقيع
📅:ليلة 9 شوال 1443
🕌: العتبة العباسية المقدسة
https://t.me/m7bebasim/50051

أحسَن الله عزائك سيّدي
♦️♦️♦️♦️♦️
غُربه عايش تنزل ادموعك حمر
سطوة الطُّغيان هِدْمَت چم گبر
يابو صالح عظّم الله الأجر
گوّه حيلك صاير اشگد تنتظر
الثارك اتفور دمائك سيّدي
♦️♦️♦️♦️♦️
هذا حقْد الما رضوا دَفْن الحسَن
يم گبر جدّه، يريدون الفِتَن
والبُغض هذا بقه عَبْر الزَّمَن
منعوا انشيِّد إله گُبّه اوصَحَن
لازم اتشوف جزائك سيّدي
♦️♦️♦️♦️♦️
ما تشفّوا مِن علي ابْحَرْگ الخِيام
اوما كفاهم گيده مِن رَضّ العظام
وانقتل مسموم بس ماهي ختام
وابهدم گبره يريدون انتقام
ننتظر يوم قضائك سيّدي
♦️♦️♦️♦️♦️
شاهِد الباقر تِظَل يا مُنْتَظَر
اوتنظر أتباع آل اُميّه ابْكل دهَر
من بعَد قتله شفِت تبعوا أثَر
هدّموا گبْره اوصُفه اتراب اوحَجَر
الغرقَد ايريد لقائك سيّدي
♦️♦️♦️♦️♦️
السمّت الصّادق إجت ثاني فعل
هدّمت گبره ابكثر ما بيها غِل
والنواصب ما تشفّوا بالقتل
الهاشمي ايضدّونه ميّت لو عدل
تعرف اشلون عدائك سيّدي
♦️♦️♦️♦️♦️
يمته يومك يا مُعِزّ الأولياء
تكسر ابْدِينك فؤوس الأدعياء
للفرَج دعوه إلَك من كربلاء
تگطع اچفوف التسلّط والعداء
عجّل الله لوائك سيّدي
♦️♦️♦️♦️♦️
ساعد الله گلبك اشْبي من جرح
ساعد الله اعيونك الفگدن صبح
خذن حيلك بالبچي السّم والذبح
وابهدم مرقد اجروحك تنفتح
يخلص ابثار عنائك سيّدي
♦️♦️♦️♦️♦️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة احسن الله عزائك 📝👆

✨خدمة محبي باسم الكربلائي تقدم:
📜قصيدة : بقيع الغرقد
✒️للشاعر : ناظم الحاشي
📌 : ذكرى هدم قبور ائمة البقيع
📅:ليلة 9 شوال 1443
🕌: العتبة العباسية المقدسة
https://t.me/m7bebasim/50052

بقيع الغرقد نگلك بأمرك ما يظل مهدوم
تطول وتگصر الدنيه وهم نرجع ندوس خشوم
ترجع من ذهب ترجع لازم گبة المعصوم
تقبل ما تقبل نبنيها
🔶️🔸️🔶️🔸️🔶️
ما يبقى البقيع ابغير گبه وصحن مهما كان
لازم نرجع ونبنيه غصباً عن بني سفيان
وبيت الزهره لازم يوم يرجع بيت للاحزان
واذان الشيعة يرفعونه
🔶️🔸️🔶️🔸️🔶️
قبر الحسن ما يبقى صدگ بالبقيع احجار
لا طول العمر يبقى ماكل سيفنه الزنجار
انصحك لا تظل تشعل نار وتحترك بالنار
ما تكدر تالي اتطفيها
🔶️🔸️🔶️🔸️🔶️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

هوسات بقيع الغرقد 📝👆

خدمة محبي باسم الكربلائي تقدم

📜:سلاماً للبقيع من القلب
✒️:علي الخفاجي
📌:شهادة الإمام جعفر الصادق ع 1436
🕌:حسينية أنصار الحسين ع - طهران - ايران
🎶:#وداعا_ياعلي #يمحجوب_رايتك_عالمشرعة
https://t.me/m7bebasim/50123

سلاماً للبقيع امن القلب
سلاماً للبقيع امن القلب
 ▪️▪️▪️▪️▪️
آنا كل شوقي و حنيني لهفتي اعله اترابك
كون قبة و حضرة عندك و اوقف اعله اعتابك
هذا يالصادق شعوري و حلم كل أحبابك
يمته نتعنه و نزورك يمته نوصل بابك
سلاماً و انت بديار الغرب
سلاماً للبقيع امن القلب
 ▪️▪️▪️▪️▪️
عالبقيع اشلون نسكت من يمر موضوعه
حته يعقوب المصابك ما تكفي ادموعه
يا إمامي الهدم قبرك ريت أكسر اضلوعه
ليش يا صادق العترة ازيارتك ممنوعة
سلاماً إلك يبعث كل محب
سلاماً للبقيع امن القلب
 ▪️▪️▪️▪️▪️
رافضي و للموت شيعي حب علي عنواني
بايعت حيدر إمامي و ما أبايع ثاني
رد أبو سفيان شفنه بمنهجه الشيطاني
هدمت أربع مراقد زمرة السفياني
سلاماً للسكن هاي الترب
سلاماً للبقيع امن القلب
 ▪️▪️▪️▪️▪️
لابد انشيد ضريحك للزمن نحجيها
واجب أحفاد آل أمية امن الأرض نمحيها
أربع أقباب و مناير لابد انعليها
و راية العباس عمك فوقها انخليها
سلاماً للمشه ابهذا الدرب
سلاماً للبقيع امن القلب
 ▪️▪️▪️▪️▪️
كافي يا روج المصايب تعبت السفّانة
يا دهر عاد انت منصف صير مرة اويانه
ميثم التمار باقي اشما تقص لسانه
رافضة و حته المشانق تعبت امن ادمانه
سلاماً للزرع بيهم رعب
سلاماً للبقيع امن القلب
 ▪️▪️▪️▪️▪️
ما تهمنه اخوان يوسف من تجور اعلينه
نخوة الناس الغيارة يمك اتنخينه
صحنه بوجوه النواصب بس علي والينه
هذا قبر الصادق ابنك يا علي امهدمينه
سلاماً للدمع لمن يصب
سلاماً للبقيع امن القلب
 ▪️▪️▪️▪️▪️
يا بقيع ادموع زينب و الله ما ننساها
وقفت اعله التل غريبة اتحشم ابولياها
اشلون نسمع بيها ميتة و ما نموت اوياها
لا بقه حسين بضعنها و لا قمر دنياها
سلاماً عله الشيب المخنضب
سلاماً للبقيع امن القلب
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة سلاما للبقيع من القلب 📝👆

(﷽)
خدمة محبي باسم الكربلائي تقدم
📜:ننعاك للمصطفى يا جعفر
✒️:مهدي جناح الكاظمي
📌:استشهاد الامام جعفر الصادق ع 1432
https://t.me/m7bebasim/50125

نُنْعِيكَ لِلْمُصْطَفَى يَا جَعْفَرُ
جِئْنَاكَ جِئْنَا نُعَزِّي حَيْدَرَ
إِنَا هَاهُنَا يَجْرِي دَمْعَتَنَا
لِلْمُصْطَفَى يَا جَعْفَرُ
▪️▪️▪️▪️▪️
إِلَى الزَّهْرَاءِ مَسْعَانَا لِنُعْنِي جَعْفَرَ الصَّادِقَ
إِمَامَ الدِّينِ وَالدُّنْيَا لِسَانَ الْمُصْطَفَى النَّاطِقَ
بَرَاهُ اللَّهُ قُرْآنًا وَصَرْحًا لِلْهُدَى شَاهِقًا
نُعَزِّي فَاطِمَاءَ فِيهِ وَنَشْكُو الْأَمْرَ لِلْخَالِقِ
الْآلَامِ فِي غُرْبَةٍ عَانَى
أَيَّامٍ فِي الرُّوحِ دُونَهَا
يَدْرِي رَبُّنَا يَجْرِي دَمْعَتَنَا
لِلْمُصْطَفَى يَا جَعْفَرُ
▪️▪️▪️▪️▪️
لَقَدْ عَانَى إِمَامُ النَّاسِ مِنَ الطَّاغُوتِ مَا عَانَى
وَلَاقَى مِنْ أَذَى الْمَنْصُورِ أَلْوَانًا وَأَلْوَانًا
وَمِنْ حَسَادِهِ أَفْعَالُهُ يَسْعَى وَثَعَابَانًا
جَرَى مِنْ وَارِثِ الْبَاقِرِ سَحَابُ الْعِلْمِ طُوفَانًا
لَوْلَاهُ تَهْنَا ظِلَالًا طُرًا
اللَّهُ فِيهِ هُدَاهُ أَجْرَى
فِيهِ خَصَّنَا يَجْرِي دَمْعَتَنَا
لِلْمُصْطَفَى يَا جَعْفَرُ
▪️▪️▪️▪️▪️
أَلَا يَا مَهْجَةَ الْبَاقِرِ وَكَهْفَ الصَّبْرِ وَالْحِلْمِ
غَرِيبَ الْأَهْلِ وَالْدَّارِ صَرِيعَ الْقَهْرِ وَالظُّلْمِ
حَبِيسَ الْهَمِّ أَعْوَامًا قَضَاهَا وَارِثُ الْهَمِّ
وَأَحْشَاءٌ لَهُ فِيهَا يَصْلِي صَارِمُ السَّمِّ
مَسْفُوحٌ دَمْعُ الْأَسَى مَسْفُوحٌ
مَجْرُوحٌ قَلْبُ الْهُدَى مَجْرُوحٌ
يَشْكُو جَرْحُنَا يَجْرِي دَمْعَتَنَا
لِلْمُصْطَفَى يَا جَعْفَرُ
▪️▪️▪️▪️▪️
جَرَاحٌ فِيكَ مَا زَالَتْ تُنَادِي غَفْلَةَ الْأُمَّه
رَآهَا عَافَتْ الْحَادِي فَقَادَتْ رَكَبَهَا الظُّلْمَة
أَضَاعَتْ دَرْبَهَا لَمَا أَضَاعَتْ مَعْدَنَ الْحِكْمَة
رِمَاحُ الدَّهْرِ قَدْ غَارَتْ بِنَا يَا سَادِسَ الْعِصْمَة
لَوْ جَارَ صَحْنَا بِوَجْهِ الْظَّالِمِ
أَحْرَارٌ حَتَّى يَقُومَ الْقَائِمُ
ضَرٌّ مَسَّنَا يَجْرِي دَمْعَتَنَا
لِلْمُصْطَفَى يَا جَعْفَرُ
▪️▪️▪️▪️▪️
لَقَدْ أَغْنَيْتَ دُنْيَانَا بِعِلْمٍ هَادِفٍ زَاخِرٍ
وَعَلَّمْتَ الْوَرَى تَسْعَى إِلَى مُسْتَقْبَلٍ زَاهِرٍ
نَصَرْتَ اللَّهَ صَبَّارًا سَلاَمًا أَيُّهَا الصَّابِرِ
فَأَنْتَ الْفَاتِحُ الْبَانِي وَأَنْتَ الْقَائِدُ الظَّافِرِ
نَفْدِيكَ يَا بَانِيَ الْإِسْلَامِ
نَبْكِيكَ وَالْجَفْنُ مِنَّا دَامِي
هَذَا عَهْدُنَا يَجْرِي دَمْعَتَنَا
لِلْمُصْطَفَى يَا جَعْفَرُ
▪️▪️▪️▪️▪️
أَلَا يَا صَاحِبَ الْأَمْرِ وَأَنْتَ بِأَمْرِنَا تَدْرِي
بِقُبَّةِ جَدِّكَ الْهَادِي بِمَا صَنَعَتْ يَدُ الْغَدْرِ
جِرَاحُ الطُّفِّ مَا زَالَتْ عَلَى وَجْهِ الثَّرَى تَجْرِي
وَأَهْوَى مَرَّةً أُخْرَى يَحْزُ السَّيْفُ بِالنَّحْرِ
أَقْمَارٌ فَوْقَ الثَّرَى مَا زَالَتْ
أَنْهَارٌ مِّنْهَا دِمَاءً سَالَتْ
لَيْلٌ شَمْسُنَا يَجْرِي دَمْعَتَنَا
لِلْمُصْطَفَى يَا جَعْفَرُ
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة ننعاك للمصطفى يا جعفر 📝👆

خدمة محبي باسم الكربلائي تقدم

📜:إنتباه جعفر يريد إلتزام
✒️:ناظم الحاشي
📆 :ليلة 25 شوال 1443
🕌:مسجد و حسينية الرسول الأعظم ص - بغداد
📌:شهادة الإمام جعفر الصادق ع
https://t.me/m7bebasim/50145

إنتِبآه…جَعفَر إيريدْ إلتِزام
إنتِبآه…لو رِدِتْ حِسْن الخِتام
▪️▪️▪️▪️▪️
جَعفَر الصادِق يريدك جعفري وگلبك سَليم
حته مِثْل البَرِقْ تِعبُر عالسِراط المستقيم
لَجله مِن إطيح دَمعه إيبشرك الرب الرحيم
طاحَت إذنوبَك يِگِلَّك لاجديد إولا قَديم
عالسِراط…تعبر إوتِمشي إبسَلام
إنتبآه…لو رِدِت حِسن الخِتام
▪️▪️▪️▪️▪️
لو رِدِت جعفر يعرفك بالفعِل صاحب ظمير
تِعلِن بدولة مُحَمّد بس علي إتعيّن أمير
لا وَزير إبْلا نِبِوّه إولا نِبوّه إبلا وَزير
إل هالسبب ينكر محمد مِن نِكَر يوم الغدير
تَوصيات…أبَد لاتِنسه الكَلام
إنتبآه…لو ردت حِسن الخِتام
▪️▪️▪️▪️▪️
خَلّي أوضِّحلَك شروطه الجعفري الواضِح جَلي
شَرُط بالتحليل دَمّه بي فَصيلة حُب عَلي
إوشَرُط دَمْع إعيونه تِلگه أحزان للطف مِمتِلي
إولا يِساوم عالوِلايه إويشهد الحيدر وَلي
بالأذان… يشهد إبحَق الإمام
إنتبآه… لوردت حسن الختام
▪️▪️▪️▪️▪️
جعفر إيريدك يشيعي تلتزِم بأمره إشيگول
وأبَد جعفر مايريده إلّي نِكَر ظِلع البتول
راد عِدنه إيمان ثابِت كِل ظلُم لازم يزول
والبقيع إنشوف گُبتَه تزهي وَي گُبْة الرسول
إنتضار… لكن إيتبعه إنتِقام
إنتبآه… لو ردت حِسن الخِتام
▪️▪️▪️▪️▪️
أبَد لاتترك شعاير بيها وَصّاك النبي
إوگوم وإلعن آل أُمَيّه من يمر طاري السَبي
وإنته بالشيعي يَشيعي لاتِشَمْت الأجنبي
واليشق مذهب الصادق حاله حال الناصبي
مانِريد…بين مذهبنه الخِصام
إنتباه… لو ردت حسن الختام
▪️▪️▪️▪️▪️
خَلهُم إيگولون عنّك جعفر إمأدبك صِدِگ
وأبد لاتبخل إبدَمّك عالسبط يوم الطَبِگ
مثل عابس وبجنونك موت لحسينك عِشِگ
وكون مِثْل إخيام زينب هيچ گلبك يحترِگ
عالخِيام…من يمُر طاري الخِيام
إنتباه…لو ردت حِسن الخِتام
▪️▪️▪️▪️▪️
نرفُض أتباع السقيفه إبكِل وضوح إوبالعَلَن
ذوله مخلوقين ضِدنه إبذاك وبهذا الزَمَن
إحنه عدنه إگلوب طَيبه إوهُمّه بَس غَدْر اوفِتَن
لو يفيد الصِلِح بيهم چانِفَع صِلح الحَسَن
مُستحيل…يرهَم إوياهُم وِئام
إنتبآه…لو ردِت حِسن الخِتام
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة انتباه جعفر يريد إلتزام 📝👆