:✨خدمة محبي باسم الكربلائي تقدم:
📜قصيدة : يكرهوني واحبك | يكرهوني وأحبك
✒️للشاعر : السيد عبدالخالق المحنه
📌 : استشهاد الامام الحسين ع
📅: ليلة 1 محرم 1443 هـ
🕌: هيئة جواد الأئمة ع موكب شهداء الحشد الشعبي
https://t.me/m7bebasim/47877

يكرهوني وحبك .. يمسحون و أكتبك
أنا جرح الخيم .. أنا خادم خدم
ياحسين ياحسين
🔶🔷🔶🔷🔶
يحسدوني لأن حبك سعاده
وانا من أنحسد أعشگ زياده
عنيد أو معجب إبگلبي أو عناده
أحبك حب محمد للعباده
لا وجود إبلا وحودك
اجرع المر إعله مودك
أجيك امن النهايه .. شحبك مو كفايه
ولا شفت الندم ‏.. انا خادم خدم
ياحسين ياحسين
🔶🔷🔶🔷🔶
أنا لطمة صدر اول محرم
أنا التطبير من إيهوس الدم
أنا ناعي الزجيه و آني مأتم
أنا الجمره البقت من المخيم
صوتي وي صوت المناير
ياهله او مرحب يزاير
خذت أعلى المراتب .. صرت ابن المواكب
أنا هيبة علم ‏.. ‏ أنا خادم خدم
ياحسين ياحسين
🔶🔷🔶🔷🔶
احس ما اعرفك و أفهم كلامك
اذا ما أشعر ابطعنة سهامك
ولا ازورك ولا أعرف مقامك
اذا ما أنچوي ابجمرة خيامك
وافهمت والي اليوالي
يعني ما أطعن موالي
سمح آني أو غلاتك .. مهم عندي رضاتك
تره رغم الألم ‏.. ‏ انا خادم خدم
ياحسين ياحسين
🔶🔷🔶🔷🔶
أحبك اونت تستقبل منيتك
أحبك والدمه خضب لحيتك
بناتك صاحن و ثارت حميتك
گمت بس العطش ثگل مشيتك
خطوة الضامي ثگيله
والخيم بيها عقيله
عرفتك وانته طايح .. تعيش او كلشي رايح
وانا گتلك نعم .. أنا خادم خدم
‏ ياحسين ياحسين
🔶🔷🔶🔷🔶
حلم عمري أمر لحظه إعله بالك
أذان انته وانا إحسبني بلالك
أقبل آتراب أقدام المشالك
وبوس إيد البجالك والقرالك
غيري يحسبها ندامه
واني احسبها كرامه
دعيت وعندي هاجس .. اموتن بالمجالس ‏
انه وضعي انحسم ‏.. أنا خادم خدم‏
‏ياحسين ياحسين
🔶🔷🔶🔷🔶
يشوفونك ضعت تحت الحوافر
واشوفنك مقام وبي مناير
ولا شايف ظهر يشبگ خناجر
ضماير ينزف وخضر منابر
من عسه اچفوفي گطيعه
ولا دموعك عالشريعه
دمع ابجي على جرحك .. شريد ابجي على ذبحك
حقيقة مو وهم‏ ‏.. أنا خادم خدم‏
‏ياحسين ياحسين
🔶🔷🔶🔷🔶
اشوفك ضامي بس تنضح شهامه
لگيتك منحني بس بأستقامه
رغم مذبوح بس بيك ابتسامه
نعم واگع لچن شفتك قيامه
دمعتك جانت اشاره
تنچوي بيها الغياره
رجائي والتمني .. اشوفك راضي عني ‏
وانا قاسم قسم .. انا خادم خدم
ياحسين ياحسين
🔶🔷🔶🔷🔶
وقاري شفته من افگد وقاري
وابالغ بالهضيمه وبانكساري
و انام اعله التراب ودمعي جاري
وادگ اعله الصدر ليلي ونهاري
حتى لو بالدم فديتك
ابقى اشعر ما وفيتك
بقه ينبض ضميري .. لأن انت اميري ‏
انا بعدك عدم .. انا خادم خدم ‏
ياحسين ياحسين ‏
🔶🔷🔶🔷🔶
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة يكرهوني و احبك 📝👆

:✨خدمة محبي باسم الكربلائي تقدم:
📜:صوت الحسين
✒️ : السيد عبدالخالق المحنه
📌 : استشهاد الامام الحسين ع
📅: ليلة 1 محرم 1443 هـ
🕌: هيئة جواد الأئمة ع موكب شهداء الحشد الشعبي
https://t.me/m7bebasim/47860

يسكت العالم بأسره و نستمع صوت الحسين
سلام الله على صوتك حبيي يا حسين
🔶🔷🔶🔷🔶
آنا أنظر على أصحابي من هووا مثل النجوم
روحي شبه الطير فرت بمصرع الأكبر تحوم
و الذبح جاسم ذبحني و انذبح حلم الشباب
من عطش گلبي أشاهد النهر يجري تراب
ع النهر طاحن عيوني يم أبو الغيرة انحنيت
🔶🔷🔶🔷🔶
ها يكافل خدر زينب تترك حسين و مشيت
شگد صعب توديع زينب أسرع و تركض وراي
و الطفل مد ايده يشرب يعتقد دم نحره ماي
ما أريد أشبگ رقية أدري تشبگني و تموت
ها يسكنة يطول ونّج ونة الخدّر سكوت
🔶🔷🔶🔷🔶
دمعة الأطفال كلمة كلمة وحدة لا تروح
و العليل بعينه نظره نظرة أكبر من جروح
صابني سهم المثلث و الچبد نصين صار
من خرز ظهري سحبته و انطفى بعيني النهار
من طحت من المطهّم عيني ظلّت عالخيام
🔶🔷🔶🔷🔶
و المهر يحمل جراحي يحمل لزينب سلام
الشمر لمّن رفسني التوه جسمي النحيل
واثنعش طبرة طبرني وظلت ادماي تسيل
من تربع فوگ صدري صحت يا عباس وين
و اسمع الزهرا تنادي وا حسيناه وا حسين
🔶🔷🔶🔷🔶
ظل يحز نحري على كيفه يقهر بزينب يريد
من نهض و الراس بيده صاحت ألحگ يالعضيد
عالأرض جسمي توزع صار ملعب للخيول
و انگطع من جفي خنصر ظلت تدوره البتول
نادوا يا شيعة سلاما و اذكروا الشيب الخضيب
و الشفاه الذابلات و نوحوا عالجسم السليب
🔶🔷🔶🔷🔶
📜: ابوذيات : حزني , كيلا , هليت
✒️: للشاعر ناظم الحاشي
https://t.me/m7bebasim/47861

سيف الحز وريد حسين حزني
وكلبي للدمع والنوح حزني
اشلون تريد اذبن ثوب حزني
وانا مدفون طف عاشور بيه
🔶🔷🔶🔷🔶
حزن الطف يظل بالقلب كيلا
وابد ما يخف بالميزان كيلا
اظل انصب عزاء حسين كيلا
انسى وتزعل الزهره عليه
🔶🔷🔶🔷🔶
لحزنك فوك راسي تراب هليت
ودمع من دم على الخدين هليت
عليه يا محرم يوم هليت
هل هلالك ودمعي سويه
🔶🔷🔶🔷🔶
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة صوت الحسين 📝👆

✨خدمة محبي باسم الكربلائي تقدم:
📜قصيدة : هاي اديه
✒️للشاعر : ناظم الحاشي
📌 : استشهاد الامام الحسين ع
📅: ليلة 1 محرم 1443 هـ
🕌: هيئة جواد الأئمة ع موكب شهداء الحشد الشعبي
https://t.me/m7bebasim/47858

هاي إدَيّه الليله تُلطُم عالكِِسَر ظَهري
لو حِوافِر خيل أُمَيّه تِسحَگ إبصدري
منتِظُرها ليله ليله مِنتظُرها
🔶🔷🔶🔷🔶
ليله سوده إبلون ثوبي إبلون دَمعاتي
إبلون هَمّي إبلون حِزني إبلون راياتي
ليله من أترِكها أترك كلِ عباداتي
وَأنتهي إو يزعَل عَليّه رَب سماواتي
ليله بيها للمَآتِم تِحظَر الزهره
ليله بيها المهدي حَظَّر لِلّطُم صدره
گَبُل لاتطلع شَمِس ذِبحو فَجرها
منتظرها ليله ليله منتظرها
🔶🔷🔶🔷🔶
ليله بيها الرحمه تِنزِل والدمع يصعَد
ليله هاي إبألف ليله كالقَدُر تِنعد
كِلشي أسود بيها يصبَح للحزن يشهَد
حَتّه شيب الراس بيها ينگُلُب أسوَد
ليله بيها الماي يخجَل مِن گُمَر هاشِم
ليله بيها الگُمَر يُطفَه يَم ضوه القاسم
وإنمِدَح بيها الجَزَع وإنذَم صَبُرها
منتظرها ليله ليله منتظرها
🔶🔷🔶🔷🔶
إهلال مِن هَل المحرّم هَلّت آلامي
مو إهلال إتگول أشوف إحسين جِدّامي
والبياض البي نَزيف المنحر الدامي
إوگُمَر چن فوگ الشِريعه مِنذبح ضامي
ما أشوفه إهلال أشوفه خيمه مِشتَعله
اوطفل مذبوح إوريده يرفض الذِلّه
فاس أشوفه إويحفر الزينب گبرها
منتظرها ليله ليله منتظرها
🔶🔷🔶🔷🔶
بِدَت من هالليه زينب تجري دَمعَتها
اوخَلصَت العشره العِجاف إتودع إخوتها
شافت النارين زينب يامصيبتها
نار باب أمها الزچيّه إونار خيمتها
عين يَم إحسين تجري إوعين عالكافٍل
إتفَكِّر إشلون الحياة إبدون أبوفاضِل
لو مِشَت عالگاع يمسَح چان أثَرها
منتظرها ليله ليله منتظرها
🔶🔷🔶🔷🔶
عيش يالخادم مصيبة شِدّة المَنظَر
إحسين من خِنگِته العَبره يَم علي الأكبر
إشلون صَدر إحسين زينب سِمعِته إتكَسّر
إشلون من شافت رُقيّه إتموت عالمنحَر
من خَبَر عبّاس إجاها شِنهي حالَتها
إوليش شَدّت بالسَبي النِسوه العبايتها
ليش هاي الليه مايخمَد جَمُرها
منتظرها ليله ليله منتظرها
🔶🔷🔶🔷🔶
مِن بَعَد هالليله عابِس عَقله يِتبَدّل
يصبح إبعالَم جنونه العاقِل الأوّل
يَلّي رايد تهوه مِثله إشلون لاتِسأل
إحظَر إبهاي المَجالس مِثله تِتحوّل
لاتصدگ من يگِلّك عاللطُم بُدعَه
هذا حَبْل الله المَتين إيريدَك إتگِطعه
بَلْ مَحَبتَه الرَب عِباده يعتِبُرها
منتظرها ليله ليله منتظرها
🔶🔷🔶🔷🔶
تِربح الخِدّام بيها نِعمَة الخِدمه
حَظّر الرادود صوته والشِعِر قَلمه
والصِدور إعله اللَطُم بِحزام مِتحزمه
إوراس للتطبير جاي إيحَظِّر إبدَمّه
والمواكِب والضيافه رَد عَزِم بيها
اولربعين حسين كِلها إمحَظره رِجليها
من أبوالسَجّاد كِلها إتريد أجُرها
منتظرها ليله ليله منتظرها
🔶🔷🔶🔷🔶
ياحُسين الليله صَرخه مِن ظمايرنه
بيها تِصرَخ للشعاير كِل منابِرنه
والله لو فُصلو جَسَدنه عَن مَناحِرنه
لاتِضِن يحسين نِترِك طَف شَعايرنه
لا وَحَگ دَم الكفيل إوشَرَف چَفّينه
مِن نِساهِن عالتراب إومانِسه إسكينه
كِل دماء الوالِتَك بيدك أمُرها
منتظرها ليله ليله منتظرها
🔶🔷🔶🔷🔶
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة هاي اديه 📝👆

✨خدمة محبي باسم الكربلائي تقدم:
📜قصيدة : يوميه منزل
✒️للشاعر : ميرزا عادل اشكناني
📅: ليلة 2 محرم 1443 هـ
🕌: هيئة جواد الأئمة ع موكب شهداء الحشد الشعبي
https://t.me/m7bebasim/47905

يومية منزل بيْه ينزِل و آنا ويَّاه
منِّ المدينه لأربعينه اشلون مسراه
خطوه ابأثر خطوه اويْه النَّحر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
أنا الزهره اْو عله اوْليدي
يوِن گلبي ولا يگطع ونينه
عليْه اتفـيض حنِّيتي
حِنينه اْو منهو مثْل الأُم حِنينه
إجه ايودَّعني و ايسافر
يريد ايشيل من أرض المدينه
نفَضت اترابي من رُوحي
اطْلعت من گبري أمشي اويه الظعينه
إيدي اعْله گلبي او صار دربي ويَّه لظعون
اْو عندي خبرهم من سفرهم ما يرجعون
ظعنه مِشه بدروب الخطَر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
يگولون اليطب مكَّه
أمان اتصير إله امْن الخطر والخوف
و أنا ابني من وصل ليها
عليْه دارت هَنادي او بيض لسيوف
گالوْا ينهدر دمَّه
ولَوْ بالكعبه چان ايصلّي و ايْطوف
حوّل حِجّته عُمره
او طلع يطوي المنازل لرْض لطفوف
إِحْرامه حَلَّه اْو دمْعه هَلَّه او لاح لفراگ
و ابدربه وضَّح حجَّه يصبَح حجّ لعراگ
ناوي على ذاك المُستقَر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
نوَّخ ظعنه برْض الطف
او شفِت ذَبحة بنينه او هَـلَه او ناسه
او حِبَسْت أنفاسي بالمصرَع
لمَن شفِت الولَد گطعَوْا أنفاسه
زادت حيرتي حيره
واشوفن بن سعَد بالخيل داسه
أظل وي جسمهِ لمسلَّب !؟
لو كمّل سفرتي ويَّه راسه ؟!
قرّرت أوَدعه او گلْت أتبعه لراس لحسين
ابسفرة مناحِر من يسافر يستقر وين ؟
يصعد جبل لو يعبر نهَر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
جماله اعله الرمح يبهر
گمر اربعطعش تمِّ ابْطَلِعْـته
طلع من كربله وآنه
إلى مسجد الحَنَّانه تِبَعْـته
او بس شاف إخته مچتوفه
من فوگ الرّمح طاحت دمِعْته
يوصّي زينب ابسكنه
او صوته امن النحر يطلع سِمَعْته
يبچي لخواته ولبناته گلبه محروگ
و اهْوَه اِعْله رُمحه چان جَرحه يحدي بالنوگ
ويّاهن لچم منزل عُبَر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
وصلنه لمنزل الكوفه
او عقيق اعيوني صَب لؤلؤه المنثور
بناتي باليُسر باتَن
و ابني دَم وريده اعْليهِـن ايْفُور
من چف مجرم لـ مجرِم
راسه المنگطع ينتقِل و ايْدُور
مرَّه اعْله الرُمح عالي
اْو مرَّه ابّيت خُولي ابوَسَط تُّنور
من خَد محمَّد تالي هالخَـد فوگ لِرمادْ
گلبي اشيصبره و إبني نحره ويْ بَني ازياد
صار النحَر بچفوف القَدر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
من تِكريت للموصل
عبَر للشام راسه يطوي لدروب
يوم ابصوْمَعة راهِب
او يوم ابْعَسْقَلان ابشِجره مصلوب
وابَّـوَّابة الساعات
شفِت منظر يفطّر صُمِّ لگلوب
شفِت راس البطل مُسلِم
على مَدْخَل دِمَشْق ابرمح منصوب
شاف اِبن عمَّه إجه اِيضمّه وهوَّه منحور
و إنحنه راسه ابشوگ باسه امشابگ انحور
چنَّه شمس شابگله گمَر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
أشد منزل هدم حيلي
نِزلنه اْو نِزلتِ اعْلينه البِلِيَّه
آهْ يالشام آهْ يالشام
آهْ يالشام أصعبهم عليَّه
اشجاب النُور للمخمور
اشجاب ابني لإبن هنْد او سميَّه
ساعه بالطشت وحده
اوساعه بالطشت بس يم رقيَّه
جاها ابخضابه او بالخرابه صار ما صار
تمسح جبينه اشگد حِنينه اچفوف لزغار
من مصرعه لْحَد خامس صَفر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
خلصت سفرة المنحر
اْو رَد راسه من السفره الطويله
او عگب ما چان برماحه
أخيراً صار بچفوف العقيله
تمّيت آنه ويَّه إبني
أشيل اترابه و ابراسي أهيله
او يوم الأربعينيّه
أتلگه اليزوره و أندعيله
يوم الزياره بنتظاره الجاي مشّاي
دربه السَّلامه او بالقيامه يكون ويّاي
يوم أربعينه كلمن حظر
يطوي محطَّاته ابهالسفر
و أنا ويَّاه
⬛️◾️⬛️◾️⬛️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة يوميه منزل 📝👆

بالتعاون مع قناة العبرات الحسينية tel:
✨خدمة محبي باسم الكربلائي تقدم:
📜قصيدة : ا يا نجمة السماء
✒️للشاعر : علي عسيلي العاملي
📅: ليلة 3 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/47930

أيا نجمةَ السماءْ .. رجاءْ
يُسْهِرُني الحنينْ
فأينَ الأبُ الحبيبْ .. غريبْ
وحْدَكِ تعرفينْ
ما أقسى السفرْ
أينَ المستقرْ ؟
🔶🔷🔷🔷🔶
‏١/أنا الآهُ أنا الويلُ .. أنا الحزنُ أنا الليلُ
ردائي
أنا الجفنُ أنا الدمعُ .. أنا الشَّوقُ أنا الرَّوْعُ
خِبائي
ألا رُحْماكِ يا نَجْمَهْ .. أزيلي عنِّيَ الغُمَّهْ
ندائي
تُرَى أينَ الأبُ الغالي؟ .. عليهِ طَمْئِنِي بالي
رجائي
أبي ، ركني ، إمامي ، سيدي ، غوثي
حبيبي ، موئلي ، مستَودَعي ، غيْثي

خُذِي للحسينِ رُوحْ .. تروحْ
في أَثَرِ النياقْ
فذا جِسميَ العلِيلْ .. نحيلْ
أتْعَبَهُ الفِراقْ
إحساسي : خطَرْ
أينَ المستقرْ ‏
🔶🔷🔷🔷🔶
‏٢/أجابتْ نجْمةُ الأُنْسِ .. ألا يا طفلةَ الشَّمسِ ‏
تحيَّهْ !‏
أَأْبكي أمْ ترى أَحكي ؟ .. أَأْحكي أم تُرى أَبكي ؟
شجيَّهْ
حسينٌ سارَ عنْ (مكَّهْ) .. حِجَابٌ واختشى هَتْكَهْ
قضيَّهْ !‏
إمامُ الكونِ والحُجَّهْ .. بخوفٍ يقطعُ الحِجَّهْ
رزيَّهْ
أراهُ كعبةً قدْ فارقتْ كعْبَهْ !‏
لها يتْلُو (ومنهُمْ منْ قضى نحْبَهْ)‏

بكى خَلْفَهُ "المقامْ" .. وَقَامْ
يَسْألُهُ العُدُولْ
كَمَا جَاءَ منْ "حِراءْ" .. نداءْ :‏
قفْ يا بنَ الرسولْ
لكنْ ما انتظرْ !‏
أينَ المستقرْ ؟
🔶🔷🔷🔷🔶
‏٣/أتَىْ (التنعيمَ) فـ(الحاجِرْ)* .. وروَّى دمعُهُ الماطرْ
‏(زرودَ)‏
ففيها المُخْبِرُ المؤلِمْ .. إليهِ قدْ نعى "مُسْلِمْ"‏
شهيدا
دعا حميدَةَ الصُّغْرى .. رأتْهُ رحْمَةً كُبْرى
حميدا
فأدناها وواساها .. ومنْ عينيهِ أعطاها
وروردا !‏
مكانَ البِنْتِ أنتِ كمْ تمنَّيتِ
بذاكَ الحِجْرِ يا زهْراءَهُ كُنتِ !‏

لقدْ ضَمَّهَا العطوفْ .. رؤوفْ
في كَهْفِ الحنانْ
ومنكِ الفؤادُ ذابْ .. عذابْ
يفتقدُ الأمانْ !‏
كالجمْرِ استعَرْ
أينَ المستقرْ ‏
‏*مواضع حلَّ فيها ركبُ الإمام عليه السلام بين مكة وكربلاء.‏
🔶🔷🔷🔷🔶
‏٤/تَرَكتُ الأنجمَ الزُّهْرَ .. أَصُبَّ الدَّمْعَ كالزَّهرا
جِمَارا
فهذي أرضُ "ذي حُسْمِ" .. إليها مالَ ذو الحَزْمِ
وسارا
هنا قد جَعْجَعَ "الحرُّ" .. بهِ حيثُ الفَلا قَفْرُ
صَحَارى
فَنَادَتْ (كَرْبلا) عَجِّلْ .. وبي يا سَيِّدي فانزِلْ
فَخَارا !‏
مُنَى عَيْنَيَّ أَنْ لوْ جِئْتِ في غَيْمَهْ
لكيْ تغدو لكِ في كَربَلا خيْمَهْ

ولو كنتِ في العِيَالْ .. سؤالْ
أينَ ستنزلينْ ؟
أفي خيمةِ الربابْ ؟ .. جوابْ
أمْ عندَ الحُسينْ ؟
لو شاءَ القدرْ !‏
أينَ المُستقرْ ؟
🔶🔷🔷🔷🔶
‏٥/أَجَابتْ طِفْلةُ الكُرْبَهْ .. كَفَانِي إنْ أَكُنْ قُرْبَهْ
كفاني
ولو أغفو على التُّرْبِ .. فهٰذي راحَةُ القلبِ
أمَاني
هنا محرابُهُ الخالي .. يرى حولي يرى حالي
أُعاني
دُعَائِي ليلَةَ "الجُمْعَهْ" .. عسى أن يُرجِعَ الجَمْعَهْ
زماني
ببابي “مِنْبَرٌ” أعلُوهُ يوميَّهْ
فصارَ البيتُ مِنْ نَوْحِي "حُسينيَّهْ"‏

فَرِفقاً بِذِي الدموعْ .. مَروعْ ‏
قلبي بالبكاءْ
أنادي كَمَا ترَيْنْ .. حسينْ
صبحاً معْ مساءْ
قُولِي ما صَدَرْ ؟
أينَ المُستقرْ ؟
🔶🔷🔷🔷🔶
‏٦/فأحْنَتْ رأسَها النَّجْمهْ .. وقالتْ بالشَّجَى كِلْمهْ ‏
حسيناه
غَدَا في حُوْتِ صَحْرائِهْ .. وحيداً بينَ أعدائِهْ
حُسيناه
فجاءتْ صرْخَةُ الدِّينِ .. أغِثْ إسلامَ ياسينِ
حسيناه
بِقطعِ النحْرِ لبَّاهُ .. فنادى عِندها اللهُ ‏
حُسيناه
إذاً لا ترتجي أنْ تَسْكُنِي حِجْرَهْ
فبعدَ الشمرِ داستْ صدْرَهُ "عشْرَهْ"‏

رَقَتْ فوقَهُ الخيولْ .. تجولْ
طاحِنَةَ العِظامْ
وفي رُمحِهِ الطويلْ .. يميلْ
كالبدرِ التمامْ
تابَعْتُ الأثَرْ
أينَ المُستقرْ ؟
🔶🔷🔷🔷🔶
‏٧/بكيتُ الرأسَ إذ يسري .. منَ النحرِ إلى النحرِ
مُصيبهْ
بهِ جَدُّوا إلى (الكوفهْ) .. وعينُ العرشِ مذروفهْ
رقيبهْ
وفي رُمحٍ إلى (الشامِ) .. رأى ما بينَ ظُلّامِ
حبيبَهْ
فذي بنتُ العَبَا زيْنبْ .. بسوطٍ مَتْنُها يُضرَبْ
غريبَهْ
بُعَيْدَ الرُّمْحِ صارَ الرأسُ في الطشْتِ
فلَوْ شاهدتِ ما في ثغْرِهِ مُتِّ !‏

لكانتْ “رُقيَّتانْ” .. وكانْ
قبرُكِ في الخرابْ !‏
ومنْ بعْدِها الذبيحْ .. جريحْ
أُرْجِعَ للتُّرابْ ‏
لمْ يبقَ خبَرْ
أينَ المُستقَرْ ..‏
🔶🔷🔷🔷🔶
‏*علي عسيلي العاملي*‌‏
https://t.me/AlAbaratAlHosainiya

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة ايا نجمة السماء 📝👆🏻

✨خدمة محبي باسم الكربلائي تقدم:
📜قصيدة : كلمة رجع بعيوني
✒️للشاعر : كرار حسين الكربلائي
📅: ليلة 3 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/48218

كلمة رجع بعيوني اشتريها
والما تشوف الغالي شلي بيها
يعيوني يحسين .. يعيوني يحسين
🔶🔷🔷🔷🔶
آنه رايح من گلتها متت يحسيني
ومات كلشي بالمسافه البينك وبيني
انت عيني وبرحيلك ودعت عيني
فوگ خدي شيبه شيبه ايطيحن سنيني
يا راحلاً بدروبك الطويله
باللهِ ترحم غُربةَ العليله
عني رحت وين .. يعيوني يحسين
🔶🔷🔷🔷🔶
الشوگ يكتل وانعم الله لعطر قمصانك
والعجيبه فوگ راسي يمسح ردانك
وآنه عدله الموت ضگته بطعم هجرانك
كلشي انسه الا انته صعب نسيانك
منبر دمع بالعين الك بنيته
ومقتل وداعي بروحتك قريته
ذابحني الونين .. يعيوني يحسين
🔶🔷🔷🔷🔶
خرز سبحه وطشرِتني بليل آهاتي
وانكتبلي من الطفوله تموت ضحكاتي
ازغير عمري وألف صفنه عمر حسباتي
النوگ عثرن ناگه ناگه بنهر دمعاتي
ظل يقره دمعي بروحة الحبايب
نادي علياً مُظهر العجايب
وصحت بدمعتين .. يعيوني يحسين
🔶🔷🔷🔷🔶
بروحي وحشه بگد معزتك يا بعد حيلي
الليل يغفه بحضن عيني وما نمت ليلي
ماكو واحد يلزم ايدي الهوه يتچيلي
ضعت شيبه بغيم هجرك وينك احچيلي
بيّن محرم واني بنتظارك
كل عمري ليل ودوّرت نهارك
واكتب كلمتين يعيوني يحسين
🔶🔷🔷🔷🔶
الگلب خايف من غيابك يا خبر سامع
اليوم ثالث من محرم وانت ما راجع
عشت دنيه اتساوه بيها الحلم والواقع
طيف مرني من سماكم چم گمر واگع
اهلال السنه الهجريه شفته خايف
عن كربله بعينه انقرت سوالف
ما نامت العين يعيوني يحسين
🔶🔷🔷🔷🔶
صح بعيده بس يروحي عايشه احساسك
انكسر ظهري هنا عرفته طاح عباسك
شاب راسي فسرتها ينگطع راسك
اختنگ صدري وكسر ضلعي الحافر الداسك
صح مو سبيه وانحسب سبيه
عالناگه چانت روحي وي رقيه
مسبيه مرتين .. يعيوني يحسين
🔶🔷🔷🔷🔶
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة كلمة رجع بعيوني 📝👆

✨خدمة محبي باسم الكربلائي تقدم:
📜قصيدة : مدرسة و عنوانها ام البنين
✒️للشاعر : حاتم صبري الكاظمي
📅: ليلة 4 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/47916

مدرسة وعنوانها أم البنين
علموا اولادكم حب الحسين ‏
📌📌📌📌📌
عادة خلوها الطفل من ينولد
يا حسين ابأذنه صيحوا وينسعد
صيروا مثل اللي نطت اربع ولد
صاحت انطي لون ولدي اربعين ‏
عَلِموا أوَلادَكُم حُبَ الحُسَين ‏
📌📌📌📌📌
حسين يستاهل نعم حبه ربح
گالت شويه تره بحقه الجرح
خلت العباس راسه اعله الرمح
كتبت ارزوجة وفه ابطول السنين
عَلِموا أوَلادَكُم حُبَ الحُسَين ‏
📌📌📌📌📌
اخذوا من ام البنين اروع درس
ابلايه حب حسين ما تسوه النفس
هذا ابنها مرقده چنه الشمس
صرنه لأن گطعوله ادين
عَلِموا أوَلادَكُم حُبَ الحُسَين ‏
📌📌📌📌📌
هواي خدام ابفضلها تفتخر
ابنه خمس سنين ويدگ الصدر
عدنه چم خادم طلع يكتب شعر
هذا رادود ابصوته الحنين
عَلِموا أوَلادَكُم حُبَ الحُسَين ‏
📌📌📌📌📌
تره اليزرع خير خيراً قد حصد
تفرح ام الاربعة اكثر بعد ‏
من يسمي الخادم حسين الوالد
وهاي شيمه وفقط عند العاشقين
عَلِموا أوَلادَكُم حُبَ الحُسَين ‏
📌📌📌📌📌
عدنه چم عاشگ مشه ابثوب المطيع
نذر ابنه وگال تعبي ما يضيع
ابنه فدوه النحر عبدالله الرضيع
هي هاي التربية يا مخلصين ‏
عَلِموا أوَلادَكُم حُبَ الحُسَين ‏
📌📌📌📌📌
طاعت ام الاربعة حسين ابفخر
من يريد الماي جابتله نهر
ثلث نجوم انطته ورابعهم گمر
كتبت ابدمهم درس للعالمين ‏
عَلِموا أوَلادَكُم حُبَ الحُسَين ‏
📌📌📌📌📌
ابتربيتها ضربت اروع امثله
علمتنه حسين انطوا كلشي اله
من نزور انشم عطرها ابركبله
ابهالعمر اوجب درس للوالدين ‏
عَلِموا أوَلادَكُم حُبَ الحُسَين ‏
📌📌📌📌📌
ابوذيات : كفين , لبناه , ولدها
للشاعر : ناظم الحاشي
https://t.me/m7bebasim/47920

منها والنسه من الزلم كفين
كفو من الجابت العباس كفين
حسين ابيومه بغير كفين
صاح الان ظهري انكسر بيّه ‏
📌📌📌📌📌
بلت والبيت ابد ما طاح لبناه
ومثلها البشر كون يصير لبناه
هاي الرضعت عباس لبناه
لبن غيره الشهيد الغاضرية
📌📌📌📌📌
على الطبيات رباها ولدها
وحملت كل مرار الطف ولدها
ضوه لعيونها جانوا ولدها
ضواها وانطته لحسين هيّه
📌📌📌📌📌
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة مدرسة وعنوانها ام البنين 📝👆

✨خدمة محبي باسم الكربلائي تقدم:
📜قصيدة : شيخة عشيرة
✒️للشاعر : احمد الذهبي
📅: ليلة 4 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/47957

شيخة عشيرة .. وكرمها مغطي عيني‏
هيبة اميرة .. گلبها ابگد بنيني
باقة شكر .. من علي اللبوة علي
سيف ودرع .. بالحرب صارت إلي‏
📌📌📌📌📌
اسولف قصة الشيخة
كريمة الما ذكر واحد فضلها
بعد ما داهموا داري
وابو فلان بحقد ناره شعلها
وحق العايشه بروحي
وقبل ما تولده استشهد طفلها
دفنت الزهره والعشره
گلت وين الگه بالعالم مثلها
زينب يتيمه .. وحزنها شسوه بيه
صاحت يبويه .. بعدها شبيقه اليه
راح الحزن .. والفرح طب منزلي
سيف ودرع .. بالحرب صارت إلي‏
📌📌📌📌📌
عثرة مستحه ابابي
عظيمة وتدري بالزهره شعظمها
تشوف افراشها الخالي
تصد البابها وتشعر بآلمها
حنينه بگد الوفه البيها
بجت گد ما بجت زينب على امها
واسمها اتنازلت عنها
عجيبه ويا مره التضحي بسمها
طيبه وترافه .. كانها من الله جنه
رادت تضحي .. بسمها قربه النه
گول وفعل .. تستحق زوجة ولي
سيف ودرع .. بالحرب صارت إلي‏
📌📌📌📌📌
تسمي سيدي الغالي
الحسين ودومها تقدمه اعله ابنها
تعرفه المالك الشرعي
اشترها الجنه والمنحر ثمنها
وانا ادري اشگالت لزينب
ابتسمت ساعة الهمست بذنها
نطتها ابشاره بالقادم
گمرها الفارس الكافل ظعنها
عندي هديه .. شلتها لباقي عمرج
فارس مقاتل .. نذرته يحمي خدرج
هذا الگمر .. بس الج وادللي ‏
سيف ودرع .. بالحرب صارت إلي
📌📌📌📌📌
سمععتها تگلها بعد امج
دعتي والله ما رجع دعوتج‏ ‏
تراني لخاطر عيونج
اجيب اربع ولد كلهم فدوتج
واذا مسموحلي اترجل
واجيج وياهم بساعة نخوتج
يبعد اليخفگ بصدري
فداج انا وهلي واربع اخوتج
تدري بآواخر .. عمرها تظل غريبه
بعيدة عليها .. وعليها شگد قريبه
انطي اربعة .. لو يصح انطي هلي
سيف ودرع .. بالحرب صارت إلي‏
📌📌📌📌📌
تجي لحسين متقصده
تخلي ابحضنه ابو فاضل تنّومه
تريد اتگله من يوگع
تجي وبحضنك تشيله وتشمه
ولكن من يذبحونك
منهو اللي يجي يحضنك ييمه
والاصعب والاشد زينب
تشوفه اليرفس صوابك يلچمه
وينك تنادي .. بچتني عيوني دمعه
طولك يغالي .. على امك ماله رجعه
فاض الدمع .. والحزن ما ينجلي
سيف ودرع .. بالحرب صارت إلي‏
📌📌📌📌📌
فعلها مبين من الطف
لبنها مغزر الجابت غياره
لو ما رادها الباري
منايه اولادها بحكمة قراره
چان المعركة اندارت
رجال وخيل جابوهم يساره
حنينه وغذت الخوه
الولدها الاربعة وثبتوا جداره
راعي الكفاله .. بسماها شفته كوكب
روس الخيانه .. عليه ابسيفه يلعب
فوگ السمه .. بكربله وظل يعتلي
سيف ودرع .. بالحرب صارت إلي‏
📌📌📌📌📌
نادت من شمر ثنه
على صدر حسينها گلبي لچمني
صاحت ريتني اميه
گبل لا ينذبح ضامي شربني
بعيده وكربلا بروحي
احس خيولهم داست على ابني
خفت من رفت عيوني
رجيف اضلوعي والمشهد رعبني
خوفي يروحي .. گمرنا بلا سلامه
زينب وحيده .. وبنات ابني يتامه
بيمن بعد .. تنتخي من تنولي
سيف ودرع .. بالحرب صارت إلي‏
📌📌📌📌📌
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة شيخة عشيره 📝👆

(﷽)
✨خدمة محبي باسم الكربلائي تقدم:
🎤بصوت : علي باسم الكربلائي مع والدة باسم الكربلايئ
📜قصيدة : يبو سيف النار
✒️للشاعر : السيد عبد الخالق المحنه
📅: ليلة 4 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
https://t.me/m7bebasim/47976

يبو سيف النار
يبو راس الحار
تره زينب هاي .. يوليدي
📌📌📌📌📌
وصية أم يبو فاضل
قبل لا گوله تفهمها
ييمه إيد زينب هاي
أريدك دوم تلزمها
إهي أمك وهي إختك
واريدنك حرس يمها
اوريد الخوه عالشاطي
يضي عيناي تختمها
اذا تزعل يوم
أنا أزعل دوم
وفه حگ إرباي .. يوليدي
📌📌📌📌📌
إهيه الربتك يبني
تعبت سهرت إليالي
تگلها يمه يحبيبه
وهي إتگلك يكفالي
مثل هالخوه ما موجود
عجيبه أو تبقه للتالي
اذا حال العقيله إبخير
آني إبخير أحوالي
تره تسوه إرگاب
ولي بيها إحساب
عله هذا الراي .. يوليدي
📌📌📌📌📌
أريد إتحطها بعيونك
ييمه أو تحرص إعليها
تره حته الهوه يبني ‏
أريده مايمر بيها
إذا جفينك إيطيحن
تطيح انت و تعليها
يكلمة عذرا و آسف
أبد ماريد تحجيها
اذا يومك حان
بلي ظل عطشان
ولا تشرب ماي .. يوليدي
📌📌📌📌📌
يعباس العلي شنگول
ظل زينب اذا ينشاف
لازم ماتشوفه الناس
والأجله زلم تنعاف
اذا بتارك إبيمناك ‏
عله زينب ولا ينخاف
واذا صارت حرب إزعل
واريد القتله بالآلاف
إذا تشهر سيف
بده كيف الكيف
تره انت اهواي .. يوليدي
📌📌📌📌📌
ييمه إبليلة العاشر
يجيك الشمر ينگط سم
وينك يبن اختنه إيصيح
تعال اوياي ماتندم
گله ام البنين إتگول
أطلبهم سياط أو دم
گلهم ما إلي اوياهم
لا اخوه ولا بن عم
أنا ابوي احسين
أنا أهلي احسين
جره وي إدماي .. يوليدي
📌📌📌📌📌
يعباس اني ماوصيك
انت الفاهم العالم
تره بس نظره من احسين
تسوه الدنيه والوادم
تروحوله سبع فدوات
بس خلي يرد سالم
ييمه اليرضه عنه احسين
يعيش إيموت مو نادم
منو رد معروف
منو ينطي إجفوف
اذا مو شراي .. يوليدي
📌📌📌📌📌
خذت زينب أمانه أوياك
شرط بيدك ترجعها
يبو النوماس إبجي اعيون
اذا نزلت مدامعها
كأن المشرعه خيبر
وانت إبجف علي إقلعها
أريد إتصيح أنا العباس
منا كون أسمعها
كفو من عباس
كفو رفعة راس
كفو يالرواي .. يوليدي
📌📌📌📌📌
اذا زينب تريد الماي
جيبلها نهر تشرب
وذا يگرب عليها الجيش
إگطع منحر اليگرب
يبمه الماي يطفي النار
إعطش وزعل أو إلهب
راويهم منو العباس
من يتراعد أو يغضب
أنا ماوصيك
ولا اشكن بيك
عله ضي عيناي .. يوليدي
📌📌📌📌📌
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة يبو سيف النار 📝👆

✨خدمة محبي باسم الكربلائي تقدم:
📜قصيدة : عفتني
✒️للشاعر : السيد عبد الخالق المحنه
📅: ليلة 7 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية
🎵 طور : #بعد_يا_سلامة #سنيني #رضيعك
https://t.me/m7bebasim/48117

عفتني وحيده .. وجفوفك بعيده
🔹🔹🔹🔹🔹
يالربيت بروحي تتربه بحناني
انظر بوجهك واگلك زينب اني ‏
واكبرت واني كبرت والهم خذاني ‏
تالي هذا انته التركني وما اجاني
يرابي اعله اديه .. حظورك اريده
🔹🔹🔹🔹🔹
من اباوعلك قبل يعرگ جبينك ‏
والهوه لو مره عليّه تخزره عينك
يالچنت تمسح اثر رجلي بيمينك
هسه وين اني يخويه وانت وينك ‏
سطرني زماني .. وسطرته شديده
🔹🔹🔹🔹🔹
مره طاحت دمعتي وثارت حميتك
هسه شو طاحت متوني وما لگیتك
انت وين بعازتك صارت منيتك
داروا عليه وتغشيت ونخيتك ‏
گلتلي بحمايه وگتلك اكيده
🔹🔹🔹🔹🔹
ها يمن دگيت صدرك للحمايه
هسه ناس هواي كدامي وورايه
واحد ايشر للاخر هي هايه
ام خدر چانت صفت ام السبايه ‏
كسرها دهرها .. بخوها وعضيده
🔹🔹🔹🔹🔹
سكنه صاحت يابو فاضل من ألمها ‏
والسلبها سب ابو اليمه وهضمها ‏
گتله يا ظالم احذرك تدنه يمها ‏
گلي ها وينه كفيلج وينه عمها ‏
يگلي كفيلج .. گطعنه وريده
🔹🔹🔹🔹🔹
من اجيتك للنهر مو بالسهوله
خوفي من ذوله يشوفوني وهذوله
من وصلتك حيريتي شنهي الاگوله ‏
خاف اشوفك مستحي واني خجوله ‏
نحيبي يجرحك .. واعيده واعيده
🔹🔹🔹🔹🔹
كل هضميه وكل مصيبه توقعتها
بس وگعتك عالنهر ما حسبتها ‏
طلعوا زينب كلمة گوه اتحملتها ‏
صعبه تطل اختك الـ انته جبتها ‏
اقلل عتابي .. وونيني ازيده
🔹🔹🔹🔹🔹
انت هذا التارس الدنيا بحنانك ‏
مو مكانك هذا يم سكنه مكانك ‏
خايفه وماكو امان بلا امانك
تنظر اختك عالهزل رادك زمانك
دريت السلبني يكثر وعيده
🔹🔹🔹🔹🔹
حتى ظلي جانت الوادم تهابه ‏
هسه شافوني وانا عليه رقابه
وانت وينك والعدو صفه حسابه
الما تموت امن الضمه تموت بخرابه
قديمة اميرة .. اسيرة جديدة
🔹🔹🔹🔹🔹
راح اروح وعيني تتنطر علامه
يعني ما تكدر تكلي بالسلامه
راح اعوفك وامشي للرضوا عظامه
بلكي يگعدلي وافرح هاليتامه
وافرح سكينه .. ورقية وحميده
🔹🔹🔹🔹🔹
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة عفتني وحيده 📝👆