قصيدة تهدمت والله اركان الهدى📝👆

✨خدمة محبي باسم الكربلائي تقدم:
📜قصيدة : وين الأحباب
✒للشاعر : سيد عبدالخالق المحنة
🔖المناسبة: شهادة الامام الجواد _ بغداد
ليلة ٢٩ ذي القعده ١٤٣٨ العتبة الكاظمية
🎵طور : #أريدك_تجيني #اجيتك_أخدمك
https://t.me/m7bebasim/38381

اسألك يقلبي وين الاحباب
بعدهم اصارع چف الغياب
عمري بالهم يبتدي
صعبه غيبة والدي , وين الاحباب
🔹🔹🔹🔹🔹
غياب الأب صعب والفاقد يعرفه
مثل بيت الچبير وينهدم سقفه
أبويه الماي والحماي والعفة
أحس ربي يحبني من أحب چفه
يَ درعي يَ سيفي المايكسروه
أبويه حبيبي المايغيروه
هو ذخري ومسندي
صعبة غيبة والدي , وين الاحباب
🔹🔹🔹🔹🔹
انا الهادي وسموم النايبة بدمي
ثمان سنين عمري وانذبح حلمي
شفت نعش الأبو ينشال من يمي
أحاول أمشي بس مايرتفع جِدمي
دمعتي يتيمة وآنا محروم
عزيزي أشوفه قبالي مسموم
يادهر لا تعتدي
صعبه غيبة والدي , وين الاحباب
🔹🔹🔹🔹🔹
أبويه سنين يحملني على ظهره
وأنا مره حملته لكن لقبره
اذا حِمْلَه على متوني بكثر عمره
أبد ماجازي من ذاك البحر قطره
أعاين واعاتب وجه التراب
أشوفه يوّرد من يضم شاب
ياجراحاتي اشهدي
صعبه غيبة والدي , وين الاحباب
🔹🔹🔹🔹🔹
حياتي بلا أبو ياناس ما تِحلى
چنت أتمنى أتعب وأنكسر لاجله
شكثر نمت على ايده وهوّه يتسلى
وانا نوّمته مره بس على القبلة
نظرني ونظرته نظرة وداع
كأني بسفينه وطاح الشراع
والبحر قيّد يَدِي
صعبه غيبة والدي , وين الاحباب
🔹🔹🔹🔹🔹
بنى لي دار حتى أستقر بيها
وانا ابني له قبر يا وسفه تاليها
يلبسني وثيابْ الحلوه يشريها
وانا اشري له چفن وهدومه أنطيها
شسوي وأجازي تعبك شلون
يغالي رخيصه حتى العيون
يا ليالي عاودي
صعبه غيبة والدي , وين الاحباب
🔹🔹🔹🔹🔹
يشايل نعش أبويه تمهل شويه
أريد أسمع شقال اليوم ناعِيّه
يَ جرح الما يألم غير راعيّه
شموعه الخمسة والعشرين مطفيه
طفوها شموعه أهلِ الأحقاد
عليمن قلعتوا باب المراد
يادموعي اتْسَيّدِي
صعبه غيبة والدي , وين الاحباب
🔹🔹🔹🔹🔹
ذهب كرسي الحكم والناس مفتونه
نعم ينسون ربهم من يشوفونه
يظن المعتصم أيامه مأمونه
لَوَنْها تدوم چا دامت لهارونه
تمزق جبدته فاطمة اليوم
محمد ينادي آه يَ مسموم
يا إلهي وسيدي
صعبه غيبة والدي , وين الاحباب
🔹🔹🔹🔹🔹
بني العباس لازم تسمع أخباره
عَدِل هذا الجواد وذولا أنصاره
ملايين الإجت وتطالب بثاره
تدوس المعتصم أقدام زواره
موالي يَ شيعي ساعِتَك هاي
أريدك تشيع والدي وياي
موعدك وَيْ موعدي
صعبه غيبة والدي , وين الاحباب
🔹🔹🔹🔹🔹
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/joinchat/B4HXojvvBQS-Kx2vGfwIdg
للقصائد المكتوبة📝 https://t.me/joinchat/AAAAAD9zrDwqsNhwhBThQA
👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة أسألك يقلبي وين الاحباب 📝👆🏻

✨خدمة محبي باسم الكربلائي تقدم :
📜القصيدة: ويلاه يا با الحسن
✒️الشاعر: عمار هليل الواسطي
🔖المناسبة : شهادة الامام علي
🕌ليلة ٢١ رمضان ١٤٣٩ هــ - العاشور
https://t.me/m7bebasim/38390

ويـلاه يا با الحسن
جم آه يا با الحسن
▪▪▪▪▪
لولاك الحياه والموت
ما صارنْ وحگ دمّك 
خلقهن ربنا لجل إثنين
بس إنته وإبن عمّك
▪▪▪▪▪
علي يا مُحْكم القرآن
وبرهان العليْ وذاته 
جرحك ما نزف دمك
جرحك نزف آياته
للباري وَقُفْ عمرك
نذر لفروض طاعاته
وبليلةْ قدر رادك
إنته اتْعَرُف ميعادك
ملاك الباري وفّادك
فجيعه ومنهو يوصفهه
أبد ما ينحمل همّك 
▪▪▪▪▪
يَمَنْ لولاك هذا الدين
ما صار وثبت ساسه
درب المصطفى الهادي
إنته الچنت نبراسه
منو گبلك منو بعدك
ابمحرابه إنطبر راسه 
بيت اللّه حضن صوتك
وبمولدك وابموتك
يلّي الكون تابوتك
يا دوب ويكفّي اعليك
يا خشبه التلم علمك 
▪▪▪▪▪
وگفت أنبياء اللّه
يحيدر حضرت بدفنك 
بفگدك آدم وإدريس
مناحه والخبر عنّك
كذلك نوح من اينوح
يا حزن المثل حزنك
هود وصالح بترتيل
مدامع لوط دم يسيل
وابراهيم واسماعيل
وإسحق وحزن يعقوب
رجع ساعة دفن جسمك
▪▪▪▪▪
شعيب ويوسف وأيوب
عبره بأثر عبره الصوت 
وبذو الكفل چم حسره
ويونس ذكر يوم الحوت
هارون ونبي موسى
صاحو يا هضيمه اتموت 
مناحه وبدت يم گبرك
يلّي الخير كل ذِكرَك
علي وبخاتمة عمرك
عجيبه وما قيامه تصير
من الواسِعَه اتضمّك
▪▪▪▪▪
يَسَع والياس مهمومين
والمدمع جره من دم 
داود ونبي سليمان
كدّرهُم ثجيل الهَم
يحيى ووالده ابفگدك
ذكرو كل مصـاب أقدم  
عيسى يصيح بالحسره
يواسي والد الزهره
وداعاً يا أبو العتره
ونسيم الهاب يتكدّر
إذا ما يرجع ايشمّك 
▪▪▪▪▪
مو بس كل نبي حاضر
يمك حضرت الأملاك 
من جاب الچفن جبريل
كلها إزدحمت الأفلاك
ميكائيل واسرافيل
وكلمن سِمَع راح اهناك 
كلمن ناح محني الراس
يواسي اولادك بإحساس
حسن وحسين والعباس
مصيبه وحلّت اعله الناس
كلها اشتاگت الرسمك 
▪▪▪▪▪
أشد من كل وصف زينب
بقت شمعتهه مطفيّه 
تگـلّك يا علي بعدك
چم ضيم اليمر بيّه 
أريدك تحضر إنته
بيوم أروحن آني مسبيّه 
وحشه العمر من دونك
يا مَن غُمضت اعيونك
تصيح اعله الحزن هونك
يتيم العيد يا كرار
بهلاله إندفن نجمك 
▪▪▪▪▪
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/joinchat/B4HXojvvBQS-Kx2vGfwIdg
للقصائد المكتوبة📝 https://t.me/joinchat/AAAAAD9zrDwqsNhwhBThQA
👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة ويلاه يا با الحسن 📝👆

✨خدمة محبي باسم الكربلائي تقدم
📜قصيدة : يا شايل نعش الوالي
✒للشاعر الأديب : جابر الكاظمي
🔖المناسبة : شهادة أمير المؤمنين ع
https://t.me/m7bebasim/38417
ياشايل نعش الوالي ريض مشيتك
تانيني و ارحم حالي و آنه ارتجيتك
أرد أودعه ومن تشيعه ريض مشيتك
🔹🔹🔹🔹🔹
صحت والهم تبلاني
ويلوج المدمع بعيني
ايهداك يهالشايل
نعش والينه تانيني
أريد اتريض الممشه
تراني الهضم عاميني
وأهيس نشفت ادمومي
و لا قطره بشرايني
لوين بهالنعش قاصد
أريدك تسمع اونيني
أسوم اعليك أبو الزهره
أودع الوالي خليني
آنه الحره المظلومه هاي آنه زينب
لمن ينحب لا تلومه قَلبي التعذب
لا تفجعه من تشيعه ريض مشيتك
🔹🔹🔹🔹🔹
يا شيال النعش ريتك
تهون خطوة المسره
ياريتك ترحم ابحالي
أودع والد العتره
قبل ماتوصل اللحده
و تخضه و بيدك اتحفره
قبل ما تنظر اعيوني
ابويه اموسد بقبره
أريد اليوم أودعنه
وأشمه بموضع الطبره
وأغسل شيبته بدمعي
حنين و لهفة الحسره
وآنه بحسراتي وهمي ظليت أكابر
راح الوالي من يمي بيمن أصابر
وش يرجعه من تشيعه ريض مشيتك
🔹🔹🔹🔹🔹
گبل لا توصل القبره
تنزل نعشه ياريتك
اشكثر يمشيع الوالي
تمنيت و ترجيتك
ويه ابو الحمله أريد أحجي
و أقله اتغيب مدريتك
عقب عينك يضي البيت
مظلم يا علي بيتك
ياريت الموت ياخذني
تعيش إنته تمنيتك
مثل دم طبرتك دمعي
يصب و بدمعي واسيتك
أتمنه اتعيش وتالي ميته عساني
يا الما تبعد عن بالي فقَدك ولاني
بعيني دمعه من تشيعه ريض مشيتك
🔹🔹🔹🔹🔹
بعد يامن شلت نعشه
أخبرك و القلب مجمور
بلا شك ينحفر جبدي
لون شفت الكبر محفور
هاي آنه اجيت أنحب
وأنوحن و الدمع منثور
أجفن حيدر بروحي
ودمعتي السدر و الكافور
وأخبرنك بعد لمن شفت
راس الولي جمرت عذابي
ذكرت الباب و المسمار
و ضلع الطاهر المكسور
شلون أقدر أنسه اهمومي شدة مصابي
سهرت ما بين انجومي جمرت عذابي
لا تصدعه من تشيعه ريض مشيتك
🔹🔹🔹🔹🔹
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/joinchat/B4HXojvvBQS-Kx2vGfwIdg
للقصائد المكتوبة📝 https://t.me/joinchat/AAAAAD9zrDwqsNhwhBThQA
👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة ياشايل نعش الوالي 📝👆🏻

(﷽)
✨خدمة محبي باسم الكربلائي تقدم
📜قصيدة: في شهر الغفران
✒الشاعر: الاديب جابر الكاظمي
🔖المناسبة: ذكرى استشهاد أمير المؤمنين الامام علي عليه السلام
https://t.me/m7bebasim/38304
◼◼◼◼
في شهر الغفران يا حيدر يا حيدر يا حيدر
أبكيت القرآن يا حيدر يا حيدر يا حيدر
فمن يدري  بما يجـري
أبكيت  الـقـرآن يا حيدر يا حيدر
◼◼◼◼
مثل دمك متفايض دموع الحجر والعالم ينوح
فضخ رأسك دمك تفايض وانسفك من جبهة اللوح
إلك مـضجع ما بين آدم يا علي وبين النبي نوح
فتح كبرك من مثل الكبر من شيعتك متفحته جروح
ذا عرش الرحمان ...يا حيدر يا حيدر يا حيدر
يدعوا  بالأشجان ...يا حيدر يا حيدر يا حيدر
قضى أمري ... بما يجري
◼◼◼◼
القلب يصبر لا وإلذي بيدك جعل دوران الأفلاك
صبر نافذ حتى كتاب الله بكه وآياته تنعاك
بحور العز جفت روافدها وغدت 
تبكي إعلى فركاك
عقب  موتك هالدنيا مات يا علي ودفنوها وياك
في قلب الأكوان ...يا حيدر يا حيدر يا حيدر
جمر كالأبـركان ...يا حيدر يا حيدر يا حيدر
لضى الجمـري ... بـمـا يـجـري
◼◼◼◼
مثل يومك بالدنيا صار وجره يا سر الوجود
صعب  فقدك يا باب علم المصطفى وخيرت المعبود
على  مصابك  ناحت ينابيع الكرم واتيتم الجود
هـتف هاتف فقد يا ابن عم النبي وحي الله مفقود
في بيت الديان ...يا حيدر يا حيدر يا حيدر
أحزنـت  الأركـان ...يا حيدر يا حيدر يا حيدر
لدى القدري ... بـمـا يـجـري
◼◼◼◼
لطف ربك يرعاك يا سيف الوحي يا سور الأحكام
يضل جاري هيهات هالمدمع يجف ياريف الأيتام
نـعى الناعي جبريئل يهتف بالسمه وينك يا ضرغام
انهضم دينك وانهدمت اركان الهدى واهتز الأسلام
اركان الأيمان ...يـا حيدر يا حيدر يا حيدر
هدت  بالأحزان  ...يا حيدر يا حيدر يا حيدر
مـن العسـري... بـمـا يـجـري
◼◼◼◼
كلف  امرك يا ابا الحسن ويخاطبك صوت الموالين
الف وسفه يتناولك شف الأجل ويحيطك البين
لو شنا يمك نـغسل جثتك من دمعة العين
ونواضرنـا  يصيرنه جفن ويغسلنك يا ابو حسين
في جوف الكثبان ...يا حيدر يا حيدر يا حيدر
خذ عيني أكفان ...يا حيدر يا حيدر يا حيدر.
لدى القبـري ... بما يجـري
◼◼◼◼
عقب دفنك جن وانس ناحت الك يا حامي الجار
دمـع دامـي صـاح ربـيبات الحزن وينك يا كرار
يا ابو العتره خلفت احدش من صلبك أطهار
على المهدي ظلت هو الي يلاخذ لك الثار
ثار في الوجدان ...يا حيدر يا حيدر يا حيدر
يجري في الأزمان ...يا حيدر يا حيدر يا حيدر
الى الحشري ... بما يجـري
◼◼◼◼
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة في شهر الغفران👆📝

✨خدمة محبي باسم الكربلائي تقدم:
📜قصيدة : وجه السمه اتغير
✒للشاعر : عبد الخالق المحنه
https://t.me/m7bebasim/38432
المستهل:
وجه السما اتغير .. جن ساعة المحشر
هاي المسيه
جاوبني يا قمبر .. قال انجتل حيدر
هاي المسيه
◾◾◾◾◾
يالتشيعون الجنازه هالطلب نفذوا الي
لو مشيتو بهيده امشوا لا تلجمون الولي
هذا ابو الكل اليتامى احنا عنا جم علي
والله لو بيدي فديتيه بروحي واولادي وهلي
ها يالشلت نعشه .. اتهدى بالممشی
من الاذيه
ظل ينحب الكوثر .. حتى الصبر كبّر
هاي المسيه
◾◾◾◾◾
انا ادري حامي جاره قبل يومين انطبر
وادعي يا رب دخيلك رد قضاءك والقدر
بالنهار الشمس كسفت هسه مخسوف القمر
ها ياقمبر ليش ابونا الليلة ناوي على السفر
من ينشد علينا .. لو غمضت عينه
تاج البريه
دمع العرش احمر .. خوف ورعب سيطر
هاي المسيه
◾◾◾◾◾
هو خيمتنا الجبيرة بيها يلتم الشمل
هالمسا طاحت علينا وطاح ميزان العدل
وسفه يا شطار مرحب توقع بسيف النذل
والله مثلك يا وسافه بليلة ظلمة ينجتل
خل تنحب الشيعه .. هالليله تشييعه
حامي الحميه
صحنا يا اله استر .. الليل الحزن يفتر
هاي المسيه
◾◾◾◾◾
ندري ما يرحم زمنه بعدك نشوف العجب
ندري كلها تصير ضدنا بإيد من هب و دب
الله يلعن من فعلها ويلعن الجان السبب
والله يلعن من يساوي تراب صحرا بالذهب
لكن فلا نقبل .. غيرك يصير اول
حتى المنيه
افديلك المنحر .. واعلنها عالمنبر
هاي المسيه
◾◾◾◾◾
يا ولي اللّٰه بغيابك والله ما ينفع صبر
واليتامى عليك تنعى و تنحب ليالي القدر
انت من القاع اكبر والسما هم بي زغر
اشلون عقلي بهاي يقنع ياعلي يضمك قبر
تتوسد ابلحدك .. منهو اليجي عندك
غير الزجيه
من غيرك اليقدر .. يم حيدر اليحضر
هاي المسيه
◾◾◾◾◾
انت يا حاضر الميت من يعوفونه هله
هاي كل شيعة محمد تعرف بهالمسالة ناشدت من مات حيدر قلي من يحضر اله ماكو بس حامي الحميه يحضر لعقد الولى
يالتحضر الليلة .. يم الحمى تجيله
تحت الوطية
مصدر حضر مصدر .. والعاقل تحير
هاي المسية
◾◾◾◾◾
انت روح وداعة الله خلي زينب للدمع
سلم النا اعله الزجيه وقلها ما طاب الضلع
خلي سوط الشمر خلي بمتن زينب ينطبع
خلها تحضر يم اخوها تشوف راسه ينقطع
تتهشم اعظامه .. تتسلب ايتامه
بالغاضريه
واضلوعه تتكسر .. خلينا نتذكر
هاي المسيه
◾◾◾◾◾
بواسطة (خادمة الزهراء)

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة وجه السما تغير 📝👆🏻

⚜خدمة محبي باسم الكربلائي تقدم:
📝القصيدة : ها يشيعه
✒الشاعر : السيد عبد الخالق المحنه
📌ذكرى استشهاد الإمام علي عليه السلام
🔖 ليلة ١٩ رمضان ١٤٣٩ هــ
🕌 حسينية المرحوم داوود العاشور _ البصرة
https://t.me/m7bebasim/38443

هايشيعه هالله هالله بالوصيه
واليخالف هذا شيعي بالهويه
كلمن يخالف امامه .. ما يحبني
‌◾◾◾◾◾
انا حيدر و اليحبني
واجبه يعرف خصالي .. خله يقره
و اليحب يصير اول
لا يحسب ماكو تالي .. انه احذره
و اللي رايد ارضه عنه
خل يجيني و راسه عالي .. بيها عبره
كون يملي اجفوف غيره
او يرد لهله و جفه خالي .. عنده فقره
الما يوقر شيبة امه او امه حره
كل مسيه هذا يطبر راسي طبره
و اللي ما يبدي احترامه .. ما يحبني
‌◾◾◾◾◾
مذهبي هذا البنيته
ابدمي و بضلع الزجيه .. كلشي عندي
تالي جم واحد يشوهه
ينحسب شيعي عليّه .. هوّه ضدي
آني ابرأ من فعاله
و ما احضره بالمنيه .. هذا وعدي
و ما اريده يقول شيعي
و ينحسب عالرافضيه .. بالتعدي
المنافق و المجامل ما اريده
و القضاهه بالمعاصي من يفيده
و الاكل حق اليتامه .. ما يحبني
‌◾◾◾◾◾
مذهبي انطيته الغوالي
حته تتثبت قيمكم .. في مماتي
لجله ضحيت بخيمنه
حته ما توقع خيمكم .. امنياتي
ونسبت بنتي العقيله
او غايتي استر حرمكم .. تضحياتي
او برمح راس ابني عفته
حته ما تنزل هممكم .. يا جزاتي
وين حقي يا غيارة بهذا فعلي
و المصيبه اسمه شيعي و ما يصلي
و ادري باليكره صيامه .. ما يحبني
‌◾◾◾◾◾
اني حامي الجار اسمي
ما احب الخان جاره .. ما احبه
و الغني و جيرانه جايع
لا يجيني بالزيارة .. هذا ذنبه
البلاد البيه مظالم
يعني بيه أزمة غياره .. أدري صعبه
و اليعيش ابلا قضيه
هذا عالأمة خساره .. وينه دربه
و اليخلصها اشعلينه و اشبدينه
لا ينادي بالشدائد يا علينه
و الذي باع الكرامة .. ما يحبني
‌◾◾◾◾◾
الشرف ابيض يلالي
لا تهينه بنقطة سوده .. لا تفضحه
و البشر مهما يبالغ
حتماً تكشفه وعوده .. اي توضحه
شوف ابو فاضل شسوه
بكربله و ثبّت وجوده .. آه يَ جرحه
دينه من احتاج دمه
اتقدم بنحره و زنوده .. بيها ملحه
هو ضامي بيده جوده و ما تروّه
هذا درسك بالمواقف و الأخوه
الما يسل للحق حسامه .. ما يحبني
‌◾◾◾◾◾
كربله خليها عبره
و النصر مو بالسهولة .. اله بالدم
كلمة الكلا ثكيله
تصير بحلوك الخجوله .. ترضخ بالهم
لا تكول الطاغي طاغي
انته وقعت بقبوله ... يعني تأثم
غلطة الحاكم جبيره
هذا ذنب الصفقوله .. تالي تندم
و انه كلمن ينتميلي ادري طبعه
ما يصافح ايد ظالم لو تقطعه
و السكت عن الظلامة .. ما يحبني
‌◾◾◾◾◾
شما تصير الدنيه ظلمه
لازم يبين قمرها .. من مغيبه
لا تقول بوحدي اني
هواي غيرك تنتظرها .. هذا خيبه
بنتي زينب اسروها
هدمت دولة شكبرها .. يا عجيبه
رادوا تذل بسبيها
ذلت ايزيد ابأسرها .. هالحبيبه
هي حرمه و هم غريبه و هم سبيه
كالتلهم الف كلا آل اميه
الما وفه وياي بكلامه .. ما يحبني
‌◾◾◾◾◾
تمت بواسطة : #علي_نبيل_احمد
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة ها يشيعة هالله هالله بالوصية 📝👆

⚜بالتعاون مع قناة العبرات الحسينية Tel:
✨ خدمة محبي باسم الكربلائي تقدم :
📜القصيدة: جل جلاله
✒الشاعر: علي السقاي
📌المناسبة : استشهاد الإمام علي (ع)
🏷ليلة ٢٠ رمضان ١٤٣٩ هــ
https://t.me/m7bebasim/38454
جَلَّ جَلالُهُ قدْ قالْ
عَليٌّ نَعشُهُ سَيُشالْ
هَلُمّا واهبِطا في الحالْ
ياجبريلُ ياميكالْ
▪▪▪▪▪
١
وَحگ الطاح بالمحراب اْو هامة راسه مطبوره
المُصاب اَسراره أكثر مِن الروايات اللي مذكوره
الينزِل چان بالآيات حگّه اِمْن اِختِلَف دوره
بَدَل مايُوحي ظل ينعي اْو عِبارة نَعيَه مَشهوره
اْو لُو ما خاتِم القرآن أَقَلاً ينزِل ابسوره
اْو علي يستاهل اسرافيل لَجلَه ينفخ ابصوره
وَفِعلاً حارَ عِزرائيلْ
دِماءُ أبي الحُسينِ تَسيلْ
وَماذا إن رآهُ قَتيلْ
فَكيفَ سَيَقبِضُ القَتّال
▪▪▪▪▪
٢
الملايك تنزل اْو تصعد اْو علي بفراشه ظل ممدود
السماء اضطِربَت اْو مالت كَأَن منها وگع عامود
أعظم كائنات الله ابأخير اَنفاسه صار ايجود
اْو لِبِن مُلجم يِصَفْگ ابليس سَوَّه الچان مامعهود
ألِف للسَّم ألِف للسيف دِفعها اْو حَصّل المقصود
قِصَد يردي اللي بالهيجاء واحد عن ألِف معدود
تَعَجَّبَ مَرحبٌ في النارْ
وَيَسأَلُ عَبدَ ودٍ صارْ
أَهذا يَغدِرُ الكرارْ
ويَقتُلُ مُردِيَ الأبطالْ
▪▪▪▪▪
٣
الإله اَملاكه أَلهَمهُم يَقين ابساعة القَبضه
علي مو كِلّه راح ايموت راح ايموت بس بَعضه
مَجازاً قِيلَ عن حِيدر مابي قُدره عالنّهضه
واهو القادِر يِغيْر الحال وَلـٰكِن بالقَدَر يرضه
علي لُو بي زِمانه اِيرِد يِرِد للموت يتوضّه
ينطي للغَدُر ظهره اْو خشوع ايكبُّر اِلفرضه
فَنَفْسُ المرتضى سَتموتْ
وتعلو الروحُ للمَلَكوتْ
لقاءٌ بينَ ذي الجَبَروتْ
وعالي الشأنِ ذي الأفضالْ
▪▪▪▪▪
٤
رَهبه اِبإنقباض الروح علي وايغَمُّض الجفنين
القيامه بيها واهِس ضيم تِريد ابيومه يوم الدين
صِدَر أمْر الله ذوالإجلال أَمُر يتنفّذ ابهالحين
بِعَث سادَة ملائكته يواسون الحسَن واحسين
أهَل بيت الصبُر يبچون حگهم لو تذوب العين
اْو جبريل اِندعه إلهم اْو ميكائيل گال آمين
وَحانَت ساعةُ التّشييع
لِزينبَ نَظرةُ التوديع
تُقَطِّعُ بالسما تقطيع
وَأَنَّتُها تَدُكُّ جِبال
▪▪▪▪▪
٥
الإله اِموَصّي بالتشييع حضور اْو نايحه اْو تهليل
مُحمّد ثاني يعتبره بِـفَرق الرُتبه والتّفضيل
اْو بچه بجنازته القرآن والتوراة والإنجيل
وداع المصحف الناطق علي هم يُعتبَر تنزيل
والأملاك تعتبره بَشَر من نور دمّه ايسيل
اْو مو عِجبه إذا عِدها علي يتسمّه عَلْيائيل
يَسيرُ بنعشِهِ الحَسَنان
على كَتِفَيهِما الأحزان
فَتَحنو النخلُ والجُدران
وتَشكو شِدَّةَ الأهوال
▪▪▪▪▪
٦
اِرتِفَع نعش الوصي اْو منهو اليفُك وايفسِّر الألغاز
المُقَدَّم بالهوا طاير حَدَث وابهيبِتَه يِمتاز
هِبط جبريل وي ميكال لـٰكن مو شرِط جَنّاز
المَلَك يتقدّم المعصوم مايُعقَل وَإن قَد جاز
النعِش هم يرتِفِع وَحده علي اِلشيّاله مايعتاز
اْو سَواءً طار أَوّ اِنشال ترا بالحالتين اِعجاز
عليٌ كُلُّهُ أسرار
وَفيهِ تاهت الأفكار
فماذا تَنقُلُ الأسفار
عَمَّن حَيَّر الآجال
▪▪▪▪▪
٧
ليل اْو فارس اِملَثّم ابهَويته الغامِضه ايراقِب
إجه واِستَوقَف الحسنين اِبجنازة حِيدر ايطالِب
الحَسَن عن شخصه ظل يسأل الخضُر إنته الذي غايب
لُو إنته مَلَك نازِل يَهذا اِتكلَّم اْو جاوِب
المُفاجِئ واللي مو عالبال منهو ابحسبته حاسِب
يِفُك اِلثامه لَن هذا "عليُّ ابنُ أبي طالِب"
وقالَ إليَّ بالجُثمان
فلا عَجَبٌ أنا الإثنان
أنا المقتولُ والدّفان
وماهذا عَلَيَّ مُحال
▪▪▪▪▪
٨
النعِش بَرض النجف نَزلوه لِگوها جاهزه الحُفره
اْو بالسرياني خَط مكتوب النبي نوح الحُفر گبره
اْو بس ما خَلّوا الجثمان بِواچي سِمعَوا ابكِتره
اعله راسه المُصطفى مَحني اعله رِجله فاطمه الزهره
النبي اِمْن الراس أَبعدها ليش اْو خنگته العبره
أبوها اْو خايف اعليها تِشوف ابهامِته الطبره
وَياأسفاً على الزهراء
سَتَرنوا يومَ عاشوراء
لجسمٍ يَغتَدي أشلاء
ورأسٍ يَعتَلي العَسَّال

https://t.me/AlAbaratAlHosainiya
▪▪▪▪▪
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة جل جلاله📝👆

⚜خدمة محبي باسم الكربلائي تقدم :
📜القصيدة: سلام الله عليكم
📌المناسبة: ميلاد الامام الحسن(ع)

سلام الله عليكم يا موالين
لكم اجمل سلامي و التحيات
اجيت اليوم ليكم عندي اسباب
اريد اوجوهكم تضوي ابتسامات
احبكم و اليحب ما يعرف اعذار
اجي ليكم رغم طول المسافات
و بعد رايد صلاة اعله النبي اليوم
تره ملحة المولد بس صلاوات
🌺🌺🌺🌺🌺
خبر عندي مهم لازم تسمعوه
مولود الحسن هالليلة يأحباب
اختلط عطر الولادة و عطر الورود
و عله المحفل بلابل طارت اساب
حمل باقة ورد جنح الفراشات
نعم يحمل غزل حته الهوه الهاب
وجوبا عالحظور و عاليسمعون
صلاة اعله الرسول و اله الاطياب
🌺🌺🌺🌺🌺
انه وياكم رساله نبعث اليوم
منا للمدينه توصل نريد
نكله يا محمد يا ضوه العين
احنه ويام نفرح بالمواليد
اذا مسك حزن احنه اهل الاحزان
و اذا تفرح فرحنا فرحة العيد
الك نبعث صلاة بعالي الصوت
ادري الزهره بيها تفرح تأكيد
🌺🌺🌺🌺🌺
انه وياكم اشارك يالمحبين
هالفرحة العظيمه الحيدريه
هذا اول حبيب و فتشت العين
انولد ثاني امام الجعفريه
ردت باسمي و اسمكم ابعث اليوم
هديه انقدم الأمه الزجيه
اكلكم يا هديه فاطمة تريد
صلاة اعله النبي اجمل هديه
🌺🌺🌺🌺🌺
تمت بواسطة #علي_نبيل_احمد
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/joinchat/B4HXojvvBQS-Kx2vGfwIdg
للقصائد المكتوبة📝 https://t.me/joinchat/AAAAAD9zrDwqsNhwhBThQA
👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة سلام الله عليكم📝👆

⚜خدمة محبي باسم الكربلائي تقدم :
📜القصيدة : تنعى وياك السمه
✒️الشاعر : علي الخفاجي
https://t.me/m7bebasim/38013

تنعه وياك السمه
من تموت ام فاطمة
▪️▪️▪️▪️▪️
يا نبي الرحمه اعله هونك باجر تفارق خليل
دمعة عيونك علامه و ليل المعاتب طويل
بين محبوب و حبيبه قربت ايام الرحيل
ودع اشعندك غوالي باجر احبابك تشيل
دمعك بلون الدمه
من تموت ام فاطمة
▪️▪️▪️▪️▪️
ادري بعيونك سوالف و ادري جرحك ما يطيب
لحظة و تفارق حبيبك صار الوداع الرهيب
و اليهاجر ما ترجعه لا دموع و لا نحيب
منحني و حسبات قلبك باجر تودي و تجيب
نار جرحك مضرمه
من تموت ام فاطمة
▪️▪️▪️▪️▪️
بعد ما تنفع ملامه و الهوه بعازة هوه
من تعيش بدنيه ظلمه و شال من عدها الضوه
اغله انسان بحياتك عنك يسافر نوه
باجر بجنة الباري تنجمع ويا سوه
هذا جرح الخاتمه
من تموت ام فاطمة
▪️▪️▪️▪️▪️
ودعت اترف حمامه و شالت ام قلب الحنين
سيد و محد يلومك من يغطيك الونين
يا محمد قاسي دهرك و انكتب فوق الجبين
ماتت الليلة خديجة و ماتت وياها السنين
و علي ينصب مأتمه
من تموت ام فاطمة
▪️▪️▪️▪️▪️
ابوذيات : وسفهم ، تراهم

بعد ما ينفع ويغني وسفهم
عليكم سلطوا جفهم وسفهم
تظنيهم يجازونج وسفهم
يجازوج بكسر ضلع الزجيه
▪️▪️▪️▪️▪️
خديجه الجره اعله الزهره تراهم
وخلف الباب لو عينج تراهم
تره الكسروا ضلع فاطم تراهم
خذوا زينب على الهزل سبيه
▪️▪️▪️▪️▪️
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/joinchat/B4HXojvvBQS-Kx2vGfwIdg
للقصائد المكتوبة📝 https://t.me/joinchat/AAAAAD9zrDwqsNhwhBThQA
👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة تنعى وياك السمه📝👆

⚜بالتعاون مع قناة العبرات الحسينية Tel :
✨خدمة محبي باسم الكربلائي تقدم:
📜القصيدة: يا عون من ناداك
✒الشاعر: علي عسيلي العاملي
📌المناسبة : استشهاد الإمام علي (ع)
🏷ليلة 19 شهر رمضان ١٤٣٩ هــ
https://t.me/m7bebasim/38468
يا عوْنَ مَنْ ناداكَ في النَّوائبْ
(نادِ عليّاً مُظْهرَ العجائبْ)
▪▪▪▪▪
١/سيفٌ هوى في هامةِ الإمامَهْ
كادتْ بِهِ أَنْ تبدأَ القيامَهْ
شَقَّ جبينَ الأَرْضِ لا العِمامهْ
فأسرعتْ للمرتضى تُطالبْ:
نادِ عليّاً مُظْهرَ العجائبْ
▪▪▪▪▪
٢/لِلْأنبياءِ كُنتَ كالمِجَنِّ
كلٌّ دعاكَ "يا عَلِيْ ، أَغِثْني!"
قُمْ يا عَلِيْ..ناد:"عَلِيْ أعنِّي"
كالشُّهبِ تأتِ أنْتَ دُونَ حاجِبْ
نادِ عليّاً مُظْهِرَ العجائبْ
▪▪▪▪▪
٣/ما عادَ ذو الفَقَارِ ذا الفَقَارِ
بَلْ صارَ يا عليُّ "ذا انشطارِ"
جنَّنتَ حتى الجِنَّ في المغارِ
فانهضْ دعاكَ السَّيفُ كَيْ تُحاربْ
نادِ عليّاً مُظْهِرَ العجائبْ
▪▪▪▪▪
٤/لمّا هوَيْتَ دامِيَ الجَبينِ
هلْ قُلْتَ يا زهراءُ أدرِكيني؟
مِنْ بعدِها صرتَ بلا مُعينِ
فمنْ يشدُّ الظهْرَ في المصائبْ؟
نادِ عليّاً مُظْهِرَ العجائبْ
▪▪▪▪▪
٥/يَوْمَ "تبوكَ"لمْ تدَعْ أمينَهْ
نخاكَ "يا عَلِيْ" لكي تُعينَهْ
ثلاثَ خُطْواتٍ مِنَ المدينَهْ
وجئتَ عَنْهُ تكشفُ الكتائبْ
نادِ عليّاً مُظْهِرَ العجائبْ
▪▪▪▪▪
٦/يا مُرْدِيَ الفحولِ في حُنيْنِ
ما لي أراكَ مُسْبِلَ اليديْنِ ؟!
رفقاً أبا الحُسيْنِ بالحُسيْنِ
يرجوكَ والدَّمعُ عليْكَ ساكبْ
نادِ عليّاً مُظْهرَ العجائبْ
▪▪▪▪▪
٧/يا عنفوانَ الضَّوءِ يا سبيلَهْ
جئتُ إليكَ أبتَغي الوسيلَهْ
حبّاً لعينِ زينبَ العقيلَهْ
قُمْ أرجعِ الشمسَ مِنَ المغاربْ
نادِ عليّاً مُظْهِرَ العجائبْ
▪▪▪▪▪
٨/إنِّي أنا عَبْدٌ لعَبدِ قَنْبَرْ
عقيدتي فيكَ فلنْ تُغيّرْ
مِنْ حيدرٍ، بحيدرٍ، لِحيدرْ
أمرُ الإلٰهِ عندما يُحاسِبْ
نادِ عليّاً مُظْهِرَ العجائبْ

📌قناة العبرات الحسينية:
https://t.me/AlAbaratAlHosainiya
📌قناة الشاعر علي عسيلي العاملي:
https://t.me/AliOsailyAmily
▪▪▪▪▪
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*