قصيدة ياشمس فلتخجلي 👆🏻📝

✨خدمة محبي باسم الكربلائي تقدم:
📜قصيدة : ما نسيتك
✒للشاعر : عمار هليل الواسطي
🔖شهادة السيدة زينب ١٨ رجب ١٤٣٩هـ
جامع وحسينية الرسول الاعظم _ بغداد
https://t.me/m7bebasim/37943

كانت رسالتها الأخيرة الى شريك
الحزن كلمة واحدة :- ما نسيتك

ما نسيتكْ ...
يلّي راح ابكربله عُمري اويا عُمرك 
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
رُوحك الراحَتْ خَذَت روحي وراهه
كــربـلــه للـمــوت گلـبـي مـا نِـساهه 
إنته هَم شايف شمس تنسه ضواهه
عيوني عگبك خويــه تـتـمنه عِماهه 
ما نسيتكْ ...
لحظه ما عافْ الگلب يحسين ذكرك
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
زينب آني أم الصَــبـر وام المصايب 
خويه شحچيلك على دهر العجايب
ركّبوني اعله الهــزل والگــمـر غايب 
كابَـرِت وإتحـمّـلـت لــيــل الخـرايب 
ما نسيتك ...
براسك الفوگ الرمح شمّيته عطرك
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
من دِنَتْ يحسين من روحـي المنيّه
گمت أحس ينادي بسمك كلشي بيّه 
موتي الاول تــدري بـرض الغاضريّه 
من گِصَه دهري ورحت من بين إديّه
مانسيتك ...
ظهري مَحني چي مشت خيل اعله صدرك
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
إوياي أدفـنــهــن يخــويـه أُمنـيـاتي 
تـدري اثر نــار الخيـــم بعــده بعباتي
غربه موتي وغربه خلصت كل حياتي 
حسين ردتك حاضـــر بساعـــةْ مماتي 
ما نسيتك ...
گبل موتي أدعي آلهي يعظم أجرك 
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
بالدمع يخلص نهاري ووحشه ليلي 
خويه كل لحظه بغرب ينهدم حيلي
مــرّه اصــيح حسين مــرّه يا كفيلي 
إنته والـعــبــاس مَسْكـنْـكُم دلــيــلي 
ما نسيتك ...
أدري ما ترجعلي بس ظليت أنطرك
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
آخر انفاسي وشريك الــروح همّي
خويه گمت أتخيّلك يحسـيـن يمّي 
والله لو تدري بعذابي وذاك هضمي
صعبه هالغربه وحــق الزهــره أُمي 
ما نسيتك ...
بإحتضاري وما طُفه يحسين جمرك 
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
لا تظن بُعد الدرب بـيـنك وبـيـنـي 
يگدر إينَـسّــيني لو يبــرد حـنـيـني 
آني روحي ابكربله يا مــاي عــيـني 
بالليالي الزينبــيـه إســمــع ونــيـني 
ما نسيتك ...
خان دهري وما نِصَفْ ويّاك دهرك 
ما نسيتكْ ...
آني بالشام وبُقَت عيني اعله گبرك
🔸🔸🔸🔸🔸
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة مانسيتك 👆🏻📝

✨خدمة محبي باسم الكربلائي تقدم:
📜قصيدة : يا ضي النورين / بحر علي
✒ الشاعر: السيد عبد الخالق المحنه
📌المناسبة: ليالي استشهاد امير المؤمنين (ع)
📍المكان: دولة الكويت
https://t.me/m7bebasim/37956

يا ضيّ النورين يهلك فيك اثنين
واحد يكره واحد غالى بحبك يبو حسين
🔸🔸🔸🔸🔸
يبغضونك لأنك ما حد بقدك
علم رب السما وكل جاهل يضدك
خصومك قطرة عدهم والبحر عندك
صُفت ردت فعل والبالغ يعبدك
أعلى من الموجود وأدنى من المعبود
كل الأرجح منها تكرهه ما تهواه العين
🔸🔸🔸🔸🔸
اذا قلنا بشر يعني ابن حوّه
لكن انت قبلها نورك تضوه
حقيقة والعرفها يحتمل قوّه
تظل بين المغالي والعقل خطوه
لو صح التعبير خليّ الناس تحير
لو حسّادك لو عُبّادك ما بين الامرين
🔸🔸🔸🔸🔸
جميع الحاربوا شافوك متواجد
اذا شافوك كلهم يعني مو واحد
نفسك شكلك ملايك نازلة تجاهد
العقل يتحير ورد الشمس شاهد
ردّت من غروب لاجلك يالمحبوب
شتكول الناس لي شافت يا حيدر عصرين
🔸🔸🔸🔸🔸
اذا أهل السماء تسبّح بسرّك
وجوب اهل الارض تسجد على ذكرك
اذا بيت الله مهدك يا علي شكُبرك
إنجمع علم الله يا علي بصدرك
صرت اشلون تريد الاقرب وبعيد
لو مثلك واحد بالدنيا نتعذر مرتين
🔸🔸🔸🔸🔸
علي وذا النون من الحوت نجيته
وآدم من هُبط للگاع دليته
يا موسى ارمِ عصاتك إنت ناديته
ب أُحد ظل بس مُحمد وإنت حاميته
يا حامي الاديان إنجيل وقُرآن
إنت الاول وإنت الاخر والأوسط ما بين
🔸🔸🔸🔸🔸
انا فدوة لتراب السحقته اجدامك
اشلون ابن الدعيّة يوصل لهامك
تريد تعوفنا وما يكمل صيامك
بعد من هو لينشف دمعة ايتامك
كل شيعي بهل اليوم مجروح ومهضوم
ينظر جرحك ينظر جرحه ومحتار بجرحين
🔸🔸🔸🔸🔸
عسى ان متنا قبل ما ننظر صوابك
يبويه العيشة ذلة تصير بغيابك
لبسنا اسود يا حيدر احنا بمصابك
السما تمطر حزن ظلت عله احبابك
ألآم واحزان ضعنا بلا عنوان
كل العالم اصبح ضدنا وينك غايب وين
🔸🔸🔸🔸🔸
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة يا ضي النورين👆📝

✨خدمة محبي باسم الكربلائي تقدم:
📜 نعي تمنيت المشوا كلهم
✒الشاعر : السيد عبد الخالق المحنة
🔖المناسبة وفاة ام البنين ع
https://t.me/m7bebasim/37966

الدمع ما شاف ليلة راحه مني
الصبر من قلبي سوه راحه مني
شكم غالي ويَ غالي راحه مني
اتاليهم ولا ردوا علييه
➖➖➖➖➖➖
يروحي جروح كثرة شلي بيها
وجميع اعضاي احسن شلي بيها
دنيا بلا حبايب شلي بيها
جهنم و الشماته تصد علية
➖➖➖➖➖➖
تمنيت المشو كلهم يرجعون
واراويهم جروحي ودمع العيون
وحق اهل الكسا الخمسة يضلون
وسط كلبي الاحبهم ما يطلعون
➖➖➖➖➖➖
خمس شبان راحو ما يردون
شموع المجلس وجانو يظون
راحو والخطية على اليفجرون
تظل بكل سنة ذكراهم تكون
مثل هل يوم و الاحباب يلفون
سورة فاتحة الوفاية يقرون
يا اهل الوفى ننساكم شلون
➖➖➖➖➖➖
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

نعي تمنيت المشوا كلهم يرجعون👆📝

✨خدمة محبي باسم الكربلائي تقدم:
📜 قصيدة : وياك اخذني بويه
✒الشاعر : سيد عبدالخالق المحنة
🔖المناسبة استشهاد امير المؤمنين ع
https://t.me/m7bebasim/37960

وياك إخذني بويه .. لو رايد اتروح
من راحت الوديعة .. زينب بلا روح
گوم إلنه بالسلامه .. لا تبقه مجروح
لا تبقه مجروح
🔸🔸🔸🔸🔸
أنا زينب يبو الحملة اجيتك و أعثر بهمي
دجاوبني الجرح جتال أمشي اعليك ضلع أمي
شفت جرحك رجف گلبي يا بويه نشف دمي
أجي يمك أشم صدرك لو انت تجي يمي
اشرايد زماني مني .. بسهمه رماني
ليش انت تمشي عني .. والعيد إجاني
حيدر يبو اليتامه .. لا تبقه مجروح
لا تبقه مجروح
🔸🔸🔸🔸🔸
يالهامك عِله اعله الغيم يا سيف الذي يطبره
بعد من يمسح ادموعي و گلب الفاگد ايصبره
إذا ناوي السفر أوصيك سلم لي عله الزهره
تشوف الضلع يا كرار بعدهي اتلوج من كسره
جرح الزجية يصعب .. جرحك هضيمة
گلها العقيلة زينب .. صارت يتيمة
فگد الأبو ندامه .. لا تبقه مجروح
لا تبقه مجروح
🔸🔸🔸🔸🔸
حسن يحسين اخبروني لا تخفون عني الحال
أبونه بيه امل يشفه لو هذا الجرح جتال
بغيابك يداحي الباب يا ريت العمر ما طال
بلا حيدر نعيش اشلون گولولي الطبيب اشگال
ما يشفه جرحه حيدر .. أيس طبيبه
لون الوجه تغير .. ها يالحبيبه
جرحه جرح كرامة .. لا تبقه مجروح
لا تبقه مجروح 
🔸🔸🔸🔸🔸
يبوية التفگد الوالد تره حگها تهبط الراس
وادموع اليتم بالعيد تعرفها يبو الاحساس
نعم طبع الأبو خيمة هذا اللي تگوله الناس
سمعها وصاح نادولي أريده يحضر العباس
هاي الأمانة عندك .. تلزمها بيدك
وانت التوافي وعدك .. للطف أريدك
بالدمعة وابتسامة .. لا تبقه مجروح
لا تبقه مجروح 
🔸🔸🔸🔸🔸
أريد اتنشف المدمع عله مهلك توديني
تريد اعيوني تشبع شوف يمن رايد تضيعني
أضمد جرحك بجرحي و أسولف وانت تسمعني
وحگ عينك إذا ترحل أبد هالدنيه ما تعني
كلشي إجه اعله بالي .. كلشي حسبته
اخذ العمر يغالي .. بس تبقه انته
ليلك صعب أنامه .. لا تبقه مجروح
لا تبقه مجروح
🔸🔸🔸🔸🔸
أشاهد بيدك الكافور هذا امن النبي مذخور
وانطيت الحسن منه عجب و حسين ما مذكور
تگله اتراب يوم الطف يبو اليمه إلك كافور
يوم الينكتل عباس و انت اموذر و منحور
زينب بعد خدرها .. ترحل سبية
عالمشرعة نظرها .. بالغاضرية
ياذي الشمر كلامه .. لا تبقه مجروح
لا تبقه مجروح 
🔸🔸🔸🔸🔸
ولو للعيد ظل اوياي حتى ايصير آخر عيد
ريتك يا علي وياي كلشي امن الزمن ما ريد
تريد اتروح من عيني و أظل أصفگ الأيد بإيد
يسگف البيت من اتطيح يا في التگول ايفيد
خل تفرح الأعادي .. زينب حزينة
من طبرة المرادي .. رايح ولينه
شهرك جرح صيامه .. لا تبقه مجروح
لا تبقه مجروح
🔸🔸🔸🔸🔸
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة وياك اخذني بويه👆📝

⚜خدمة محبي باسم الكربلائي تقدم :
📜القصيدة: عم الرسول و كافله
✒الشاعر: عمار هليل الواسطي
📌المناسبة : استشهاد ابا طالب-ليلة ١٠ رمضان ١٤٣٩ هـ
🕌حسينية المرحوم داوود العاشور
🎵 طور : #هيهات_ماننسى_الضلع
https://t.me/m7bebasim/37977
عَمّ الرسول وكافِله
هاك إستمع أخباره 
🍂🍂🍂🍂🍂
والنّعم من أبو طالب والنّعم 
بَسْمَر احلوگ العده اشباه الزلم 
شگد قريش العادِتَه بس مو مهم
وگف وَحْده وفهَّم الما يفتهم 
كلماته چانت زلزله
هاك إستمع أخباره 
🍂🍂🍂🍂🍂
سيد البطحاء أبو حامي الدخيل 
جبل صبره وما يميل اشما تميل 
شاء رب الكون سبحانه الجليل 
يكفل الهادي محمّد بالدليل 
تفتخر بسمه المرجله
هاك إستمع أخباره 
🍂🍂🍂🍂🍂
شايل بگلبه حنان وكبرياء 
شجره طيبه اتفرعت اعلى السماء 
غصن من هالشجره صار بكربلاء 
جسّده العباس سلطان الوفاء 
ضعن الحُسين إتكفّله
هاك إستمع أخباره 
🍂🍂🍂🍂🍂
شلون مو مؤمن يگول الناصبي ؟ 
وهوّه كفّال النبي ودين النبي 
صاحب أكبر منزله بطبعه الأَبي 
طه يدعيله بلسانه العَرَبي 
ربنا الدعاء اتقبّله
هاك إستمع أخباره 
🍂🍂🍂🍂🍂
هذا سيّد مكه نال المَكرُمه 
والجِهل تاريخه بعيونه العَمَه 
روحه قبل الدين چانت مُسلمه
والدليل إبنه علي حامي الحمه 
هذا أبو باء البسمله
هاك إستمع أخباره 
🍂🍂🍂🍂🍂
لأن والد حيدر ايبغضوه أكيد 
واضحه الفكره ولا تحتاج أعيد 
التارس الدنيه حقد منّي اشيريد 
ما أسمعه اشما يسولف ما يفيد 
خلهه تسير القافله
هاك إستمع أخباره 
🍂🍂🍂🍂🍂
يا صلاة اللّه اعله روحك والسلام 
يابو طالب يا فخر آل الكرام 
لو أعدد فضلك ايطول المقام 
الليله أواسي بفجعتك گلب الإمام 
يا من تحب أهل العلى
هاك إستمع أخباره 
🍂🍂🍂🍂🍂
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة عم الرسول و كافله 📝👆

✨خدمة محبي باسم الكربلائي تقدم:
📜قصيدة : زينب اتناديك
✒للشاعر : علي الخفاجي
🔖شهادة السيدة زينب ١٨ رجب ١٤٣٩هـ
جامع وحسينية الرسول الاعظم _ بغداد
https://t.me/m7bebasim/38000

زينب تناديك يا بدر العشيرة
🔹🔹🔹🔹🔹
فوق هامات الثريه رايتك عَلِّيها
حسين أخوك امن المدينه بإيدك مخليها
انته حر و هاي كلمة للزمن نحجيها
لازم اهل الكوفه تعرف زودها و ماضيها
وياك امشي وياك للخطوة الاخيره
🔹🔹🔹🔹🔹
خل ميدانك الدنيه تشهد المعروفه
راية الكرار تبقه بالنصر محفوفه
اطبع اجفوفك عليها من تلاقي الكوفه
خلهم يقولون عزمك علي ثاني نشوفه
و انته روح حسين و عيونه و ضميره
🔹🔹🔹🔹🔹
يا بو فاضل ادري عدك للعهود حجايه
بايدك اليوم القيامه ما تطيع الرايه
ما تموت و يبقه دمك منهج الوفايه
و الشهاده النصر تعني و الهدف و الغايه
يبن ابوي و شفتك بعين البصيرة
🔹🔹🔹🔹🔹
ظلت اليوم القيامه رايتك مرفوعه
يوم طاحت آل اميه ثورتك ممنوعه
صرخة الثوار جانت عالية و مسموعه
خبر مسلم من سمعته و خبر هاني و طوعه
صحت ابو الأحرار عنوان المسيرة
🔹🔹🔹🔹🔹
للملاحم يا بو فاضل صوت نحرك خالد
وانته يم شاطي المصيبة عفت جفك شاهد
انته حر و غير امامك ما رضيت تعاهد
رايتك كاتب عليها حسين هوّه القائد
جفك المقطوع ما نلقه نظيره
🔹🔹🔹🔹🔹
انه يا عباس اجيتك ساجد اعله اعتابك
شايل جروحي بإديه و جيت أدگَّن بابك
ادري عنوانك الغيرة و الشرف محرابك
ما اعوفك للمنيه و ابقه من احبابك
🔹🔹🔹🔹🔹
تمت بواسطة #علي_نبيل_احمد
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة زينب تناديك 📝👆🏻

⚜ خدمة محبي باسم الكربلائي تقدم:
📜القصيدة: بوصلة النور
✒ الشاعر: علي السقاي
🔖المناسبة: ولادة الامام الحسن المجتبى ع
https://t.me/m7bebasim/38063

بوصَلة النور بالحُب اتدور
وابجِهَتَك توگف وگفه ابكل إجلال
نلگه الإحسان اِبهيئة إنسان
اْو بيدك كنز الله اْو مفتاح الأقفال
✨✨✨✨✨
يالحَسَن كِلَّك حَسَن
خالِقَك ربّك وَطَن
أفئِده تهوي اْو مشاعر
وِلْشَرَف ذاتك تِهاجر
ياللّي خيرك بينه حاضر
مايغيب
شيعه مَندير الوجِه
نعرف اِلمَن نتّجِه
والخريطه فِطره بينه
الله راسمها ابيمينه
والشعور اليحتوينه
شَي عجيب
نِلگه
ابحُبك خير خل الغير بي يتمسّك
يُبگه
النور ايلوح اْو عين الروح تندَل شمسك
ماتِخضع للدنيا جِهاتك
إنته الشّرْق ابكل حالاتك
✨✨✨✨✨
السامِع اِسطورَة كرَم
شافك اْو عاف الوهَم
گلبه لمّن لاگه گلبك
حُبْ مِن اَوّل نَظره حَبّك
أعلن المسره اعله دربك
مايحيد
عالَمَك جنّة عجَب
عالحطَب يِرقُص لهَب
بالضيافه تزهي نارك
خزنَة الرب ابجوارك
والوَحي اِبآية "تَبارك"
ظل يعيد
نبحث
بالتفكير عن تعبير بالحُب اِيحِس
نبعث
زاجل شوگ يحمل طوگ ورْد النرجِس
نتقرّب ليك اْو نتوَدّد
فدوه الگلبك يابو امحمّد
✨✨✨✨✨
عِشنه نِشتَمك نَفَس
اِمْن الهَوا ماگلنه بس
لا ولا رايح نِگلَّك
واليحبّك مايملَّك
وابصدِق حُبنه الوِصَلَّك
ماكو ريب
مانِحب حُب مصلحه
اْو هالكلام انوَضِّحه
سيد اْو إحنه عبيدك
ندري كل النعمه بيدك
اِتمِن علينه لو نريدك
ماهو عيب
چفّك
للمحتاج بي أمواج توصف بحرك
لُطفك
يكفي الكون كاف اْو نون كُنْ تحْت اَمرك
تعطي اْو ندري عَطاءَك رحمه
اْو أيضاً ندري ابمنعك حكمه
✨✨✨✨✨
يامَلِك بالآخره
شيعِتَك شعبك تره
حاشه تترك خلفك اَحَّد
تدخل اِلقصر الزَبَرجَد
اْو سُفرتك للشيعه تِمتَد
بالحَنين
بالحشر نتأمّلك
اْو مِن گبل لا نِسألك
يظهَر الشَّأْن اللّي كامِن
تِشفع اْو للجنّه ضامِن
إدخلوها بِسلامِـ(ـن)
آمنين
إحنه
اْللّي نهواك ماننساك اْو ماتنسانه
صحنه
ياخو احسين بالدارين إبقىٰ اويانه
كلنا انرتّل يوم المحشر
"إنّا اسْتَسْقَيناكَ الكوثر"
✨✨✨✨✨
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة بوصلة النور📝👆

✨خدمة محبي باسم الكربلائي تقدم:
📜 أبوذيات مولد صاحب الزمان عج
✒للشاعر : ناظم الحاشي
🔖 المناسبة : ميلاد الامام المنتظر عج
ليلة ١٦ شعبان ١٤٣٩ هـ - حسينية العاشور
https://t.me/m7bebasim/38079
من تمرني...
الك واجب الطاعة من تامرني
يا بو صالح ونورك من تمرني
ونصف شعبان ليله من تمرني
مثل ليلة القدر تمرّ علييّ
🍃🍃🍃🍃🍃
منوى عينه...
كل شيعي لظهورك منوى عينه
ولا بايعنه غيرك من وعينه
على حبك وعينا من وعينه
يا مهدي وننطر الطلعة البهية
🍃🍃🍃🍃🍃
حنيّت...
بمهد اني يمهدي وليك حنيّت
وعلى ضلع الحنيت ضلوع حنيّت
وبحنة مولدك مولاي حنيّت
وجهي وگصتي وراحات ايديه
🍃🍃🍃🍃🍃
ترابه...
كل منكم على الغيرة ترابى
وعزمكم علّم الدنيا ترابه
الساتر شاهد لدمكم ترابه
وصرتوا رجال فتوى المرجعية
🍃🍃🍃🍃🍃
وصفاك...
ربّك عالبشر ميّزك وصفاك
شهيد وحور من العين وصفاك
ليك احتار يا كنعان وصفاك
شهامة ومرجلة وغيرة وحمية
🍃🍃🍃🍃🍃
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة ابوذيات لميلاد الامام المهدي عج 📝👆🏻

✨خدمة محبي باسم الكربلائي تقدم:
📜قصيدة : صورة ذكراك
✒الشاعر : سيد سعيد الصافي الرميثي
المناسبة :استشهاد الامام علي ع
https://t.me/m7bebasim/38084

صورة ذكراك .. تشعل نار .. ليل اضنوني
بويه بلاياك .. وحشة الدار .. بين عيوني
اتمنى وياك .. يا كرار .. لو دفنوني
◼◼◼◼
صابر يا علي وطول العمر صبرك خليلك
يالصدرك رحب يلنشفت دمعة خليلك
لوداعك ردت گبل السفر يا بويه اجيلك
يا راحل صحت لا مو وكت ساعة رحيلك
يالناوي تروح .. اخذ جروح .. گلبي الدامي
بعدك للموت .. اگضي بنوح .. باقي ايامي
من كثر الخوف .. شكم تذكار .. يخطف لوني
◼◼◼◼
عنك يا علي شاع الخبر بين القبائل
غوث اليستغيث وانت حلال المشاكل
دارك يا جواب لعدها لو يسألها سائل
وين المرتضى الـ بوجوده ماظلت معاضل
عنك معروف .. بالشدات .. من ينخونك
اصحاب العوز .. والحاجات .. يتعنونك
مديون وچان .. حامي الجار .. يقضي ديوني
◼◼◼◼
يا راعي الكرم يلي بالفضل ذكرك تردد
يا والي الفقير الحاير الما عنده احد
لو حلّ المسه بشوفك تجي لعطفك تعود
ثالث ليلة ما شافك بعد عنك تنشّد
تنشد وتصيح .. وين الچان .. يفگد حالي
يسمع اصوات .. بالاحزان .. تنعى الوالي
يا ناس يگول .. شنهو الصار .. حيرتوني
◼◼◼◼
انعاك بألم وبونتي گمت اخفي صوتي
مكسورة گلب لكن چنت خوفي على اخوتي
بعدك كل فرض لمن يحل ادعي بقنوتي
مو دعوة جزع يا والدي اتمنى موتي
مرسوم الخوف .. طول الليل .. بويه اگبالي
غربة وتسليم .. نار وخيل .. سحگت اطفالي
محد وياي .. والاشرار .. يتولوني
◼◼◼◼
ما بين الحسن وحسين ابث شكوة عتابي
شيريد الزمن من عندي ويكثر عذابي
لان صوت الگمر حامي الضعن رجّع جوابي
كانت نيته يهوّن علي گلبي مصابي
نعمَ الوفاي .. رفعت راس .. يا بو الغيرة
اختك وشلون .. يا عباس .. ابقى بحيرة
تزعل عالكون .. يا مغوار .. لو غضبوني
◼◼◼◼
يا بويه صحت لمن رحت عني وعفتني
واتحمل صبر كل المصايب كلفتني
شفت ام البنين الطاهرة مهمومة اجتني
انا امچ تگلي وبالمدامع گابلتني
صبرك عالصار .. كافي النوح .. يا مظلومة
راح تشوفين .. جم مذبوح .. بوسط الحومة
وبحالي اشلون .. راح احتار .. لو عافوني
◼◼◼◼
من بعد الصبر يا حيدر ومحنة عزانه
اصبح من رضه الخالق محبتنه ورضانه
اصحاب الغدر وبيا ذنب سفكت دمانه
غايبنه الامل من يخفق بايده لوانه
يظهر يا يوم .. كل مظلوم .. ياخذ ثاره
ولچان العون .. للمحروم .. مظلم داره
من الاشرار .. ياخذ ثار .. ضرب متوني
◼◼◼◼
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/joinchat/B4HXojvvBQS-Kx2vGfwIdg
📝 للقصائد المكتوبة
https://t.me/joinchat/AAAAAD9zrDwqsNhwhBThQA
👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة صورة ذكراك📝👆

✨خدمة محبي باسم الكربلائي تقدم :
📜القصيدة: طير المودة
✒الشاعر: السيد عبد الخالق المحنة
🔖المناسبة: ولادة الامام الحسن المجتبى ع
https://t.me/m7bebasim/38088

طير المودة غنى على خده
عيد و افراح و سهرة و اجمل تهاني
محبوبي بسحر عيونه شوقه رماني
🌸🌸🌸🌸🌸
من هب نسيم الشوق ناغم دليلي
خل يفرح المشتاق طوّل يليلي
و بشوفة المحبوب يبرد دليلي
ارحل يطير الشوق ساعة رحيلي
يحلى التلاقي بعد اشتياقي
يا رب الحب ارحمني عاشق تراني
محبوبي بسحر عيونه شوقه رماني
🌸🌸🌸🌸🌸
شاء الاله اليوم يهدي لنبيه
اجمل جمال الكون شبر علينه
سبط النبي بنورين يضوي المدينة
كاس العشق مليان بجفوف ايدينه
كوثر محمد واقع تجسد
لا ابتر بعد الليلة بلغ زماني
محبوبي بسحر عيونه شوقه رماني
🌸🌸🌸🌸🌸🌸
شدة ورد فواح صارت قلادة
بيها نزل جبريل يوم الولادة
نزلت سحابة نور صارت وسادة
وجه الحسن يا ناس عالم سعادة
نور الجلالة ميز جماله
اصبح رمضان بنوره شهر الاماني
محبوبي بسحر عيونه شوقه رماني
🌸🌸🌸🌸🌸
وجه الزجية اليوم كله ابتسامة
اول امام يبوس ثاني الامامة
حتى الكرامة اليوم زادت كرامة
كل مسلم المفروض يعلن هيامه
بين الزجية و حامي الحمية
هذا اول نصف الكوثر و حسينه ثاني
محبوبي بسحر عيونه شوقه رماني
🌸🌸🌸🌸🌸
شهر الكرم رمضان شهر العبادة
بامر الله يولد بيه اكرم عباده
حاتم من راد الصيت حصل مراده
بس الحسن انطاه ربه السيادة
حاتم حكاية و الحسن آية
يا جف اليحجب نوره نوره هداني
محبوبي بسحر عيونه شوقه رماني
🌸🌸🌸🌸🌸
فرحة محمد بيه كانت رسالة
هذا ابني راد يقول لاهل الضلالة
و الما فرح وياي يبجي على حاله
بالمحشر ارضى عليه هاي استحالة
يلي تحبني الحسن ابني
انا الربيته بحضني و حبي و حناني
محبوبي بسحر عيونه شوقه رماني
🌸🌸🌸🌸🌸
فوالله لا اخشى من النار في غد
و انتم ولاة الامر يا آل أحمد
و ها انا ذا ادعوكم رافعاً يدي
خذوا بيدي يا آل بيت محمد
🌸🌸🌸🌸🌸
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*