قصيدة يا موتي للحسين 📝👆

✨خدمة محبي باسم الكربلائي تقدم:
📜قصيدة : هذا نعش الملكة
✒️للشاعر : حسام الحمزاوي
📌: استشهاد السيدة زينب (ع)
📅: ليلة 18 رجب 1444
🕌: موكب اخوة زينب في جامع الحلة الكبير
https://t.me/m7bebasim/54686

هذا نعش الملكة زينب اسمها
الموت راحة بالها والله رحمها ‏
▪️▪️▪️▪️▪️
الما يشوف احبابه شيضمد جراحه
عمره كلما يطول يغزرن رماحه
الما يسمعوا أهله من يسمع صياحه
الوردة اذا مات النهر موتتها راحه
ظلمه زينب دارها غايب نجمها
الموت راحة بالها والله رحمها ‏
▪️▪️▪️▪️▪️
يا ما چانت تنطر الراحوا ضحايه
هي تدري الدم گلب لون اللحايه
تگعد المغرب مثل گعدة سبايه
الجية العباس تگعد بالعبايه
شكو ليل بلا گمر عابر لچمها
الموت راحة بالها والله رحمها ‏
▪️▪️▪️▪️▪️
تنخه يارب كل فجر اعطف عليه
عگب اخوتي ظلت السبحه بديه
تشبگ بقمصانهم كل مغربية
تشم بيهن ذكريات الغاضرية
والعمر شيسوي للذبحوا زلمها
الموت راحة بالها والله رحمها ‏
▪️▪️▪️▪️▪️
بدار زينب بالدموع تشوف ذكرى
مخليه بسمار وضلع والباب حمره
معلگه عالحايط عمامه وبيها طبره
شلون ما يگصر عمرها البيها كسره
لا تلوم الفاگده الدفنت حزنها
الموت راحة بالها والله رحمها ‏
▪️▪️▪️▪️▪️
شلها بالدنيه البقت بس ونه عدها
حقها من تموت مشتاگه الولدها
الدافنه اخوتها سوه كبروا لحدها
امن الحنان الگاع مخلوقه اعله گدها
هاي اخت عباس يا گاع التضمها
الموت راحة بالها والله رحمها ‏
▪️▪️▪️▪️▪️
يم علي المفروض دفنتها الاميرة
زغيره گاع الشام بس زينب جبيره
كون اسمها على الگبر ينشاف ديره
العدها الله شلون ما عدها عشيره
وبمكان الفاتحة يقرون اسمها
الموت راحة بالها والله رحمها ‏
▪️▪️▪️▪️▪️
هاي اول ليلة لملاگه الحبايب
راح هم تلگه الملگاها ذايب
تشبگ امها وتبچي من كثر النوايب
يا حلاة البيت لو لم الگرايب
العايشه مثل الهوه ياهو اليلمها
الموت راحة بالها والله رحمها ‏
▪️▪️▪️▪️▪️
اليوم ينجمعون يم سيد العمايم
حسين الموذر يجيها بطوله سالم
وابو فاضل شايل بچفه الهواشم
تلگه عبدالله نهر بالجنه نايم
تشوف جبرائيل واحد من خدمها
الموت راحة بالها والله رحمها ‏
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة هذا نعش الملكه 📝👆

✨خدمة محبي باسم الكربلائي تقدم:
📜قصيدة : فاطمه ابدمعاتي
✒️للشاعر : حمزة السماوي
📌: استشهاد السيدة زينب (ع)
📅: ليلة 18 رجب 1444
🕌: موكب اخوة زينب في جامع الحلة الكبير
🎵طور : #حتى_لوماعاجبك
https://t.me/m7bebasim/52158

فاطمة بدمعاتي .. حيدره بصولاتي
▪️▪️▪️▪️▪️
انه القهر وانه الحزن والغربة والحسره
وانه اللي من ادخل قصر ما ارجع مقصره
ابجي على نحر الاخو چن فاطمه الزهره
واسحگ على راس الخصم چن حيدر بگبره
اخوتي يدعولي .. السيدة يصحولي
كالسور كلماتي .. حيدره بصولاتي‏
▪️▪️▪️▪️▪️
تلگاني عالاكبر طحت وي طيحة دمعه
تلگاني للقاسم صرت وكت العرس شمعه
تلگاني يم زين العباد بكربلا درعه
تلگاني رايه على النهر چف بيها منگطعه
شگد چنت مصيوبه .. هم چنت مهيوبه
والشدد ساحاتي .. حيدره بصولاتي‏
▪️▪️▪️▪️▪️
لبوه عشت من ظهر اسد من انجرح اجرح
فقاري جانت خطبتي وبكلمتي اذبح
الماخذني للكوفه سبي گلوله لا يفرح
زينب اظل زينب علي باب القصر افتح
عزمي يقلع خيبر.. بيه عايش حيدر
كالبرق ضرباتي .. حيدره بصولاتي‏
▪️▪️▪️▪️▪️
وينه يزيد ودولته جا وين سلطانه ‏
گتله اليظل طول الزمن لو انته لو انه
لتشوفني بعد اخوتي مجروحه عطشانه
انه البقيت وهالصحن ما يسكت آذانه
گبري نور العالم .. عنده يسجد آدم
حققت آياتي .. حيدره بصولاتي‏
▪️▪️▪️▪️▪️
صارت زيارة اربعينيه تجي الوادم
صحني يزوره ومن يرد يتشكر الخادم
من النجف من كربلا من كل ارض قادم
ريحة علي بالشام اجت ريجة گمر هاشم
يا هلا بزواري .. همه طفوا ناري ‏
تنتهي حسراتي .. حيدره بصولاتي‏
▪️▪️▪️▪️▪️
باجر المهدي لو ظهر من گبري ادعيله
يمي يجي لزيارتي عن كلشي احجيله
محسوبه جانت بالسبي الليله بألف ليله
مكفوله وبلحظه صرت متكفله العيله
المهدي ما ينساني .. گبري يم اخواني
تنتقل آهاتي .. حيدره بصولاتي‏
▪️▪️▪️▪️▪️
ابوذيات : بعداي , واسره , واهلها
للشاعر : ناظم الحاشي
https://t.me/m7bebasim/52159

لَبوه إولا رِجَفلي گَلُب بَعداي
زينب واليعِدني إيتيه بعداي
ماجابت مَره النسوان بعداي
صرِت واتكَفَّو أهل البيت بيه
▪️▪️▪️▪️▪️
أنه بنت العرَج للعرش وسره
اوتدنّه اوكلّمه الرحمن وسره
كل هذا وخذوني ضرب وسره
هلي واحترگت اخيامي عليه
▪️▪️▪️▪️▪️
المصايب شفت شِدّتها وَهَلها
إبعيني إوسلوتي إدموعي وهلها
ياهي الفگدت إخوتها وهلها
مثلي إوعالهِزِل راحت سبيه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة فاطمة ابدمعاتي 📝👆

✨خدمة محبي باسم الكربلائي تقدم:
📜قصيدة: ما خاب اليقصدك
✒️ للشاعر : صباح العتابي
📌: استشهاد الامام الكاظم ع
📆: ليلة 23 رجب 1444
🕌: العتبة الكاظمية المقدسة
🎵طور :#ياحي_الله_الاكبر
https://t.me/m7bebasim/54756

ماخاب اليگصدك .. والحاجات عندك
ياموسى ابن جعفر .. ياموسى ابن جعفر
▪️▪️▪️▪️▪️
كلمن زادت اهمومه وقسى وياه زمانه
بس يوصل حضرتك كلبك ايضمه بحنانه
ياخذ طلبته من كبل لاينطق لسانه
اتكله ابشر كضت حاجتك باب الحاجه انا
اكضيهه واسعدك .. ماخاب اليكصدك
ياموسى ابن جعفر .. ياموسى ابن جعفر
▪️▪️▪️▪️▪️
هذا انت البقيت بكل زمن گبرك حضاره
رابح كلمن ايحبك وحب غيرك خساره
وبغداد بكبرهه اتامن بفي المناره
يبن الصادق وگبتك دليلاً للحياره
چا وينه اليضدك .. ماخاب اليكصدك
ياموسى ابن جعفر .. ياموسى ابن جعفر
▪️▪️▪️▪️▪️
شاهد گبتك ياسيدي اعلى الشيعه شاهد
وعاهدناك ننطي ارواح ما ننطي المراقد
ياثورة رجب وزيارتك تنقل مشاهد
من عندك تعلمنه الصبر وانضل نجاهد
وفايه احنه ولدك .. ماخاب اليكصدك
ياموسى ابن جعفر .. ياموسى ابن جعفر
▪️▪️▪️▪️▪️
للخايف امان ومرقدك للتاه ديرة
الحاير يوصل لحد بابك وتنسي الحيره
والمهظوم من ينخاك تمطر فوكه غيره
شكراً الك انت الجاه والعز والعشيرة
كتلي اولا اردك .. ماخاب اليكصدك
ياموسى ابن جعفر .. ياموسى ابن جعفر
▪️▪️▪️▪️▪️
من سجنك لحد نعشك عشت رحلة مصايب
وحشه اجنازتك لا اهل يمهه ولا كرايب
نزلت من سمه الله واجت شيعتها الكواكب
وربك عوضك وانترست الدنيا مواكب
خدام وتودك ..ماخاب اليكصدك
ياموسى ابن جعفر .. ياموسى ابن جعفر
▪️▪️▪️▪️▪️
يمشيع نعش جد الجواد ابچي لغيابه
هذا التوكف املاك السمه اضيوف اعلى بابه
سجين وحتى حيطان السجن جانت تهابه
گبلك ياشمس تكدر تغيبهه السحابه
جاوبني ارد انشدك .. ماخاب اليكصدك
ياموسى ابن جعفر .. ياموسى ابن جعفر
▪️▪️▪️▪️▪️
مثلك ماكو بالدنيا وابد ماشفنه منك
مسجون وتحرر جم عقل من فكر سجنك
امقيد بس يلوح السمه الرايد يحچي عنك
ماتحزن الحالك جان لاجل حسين حزنك
تبچي لنحر جدك .. ماخاب اليكصدك
ياموسى ابن جعفر .. ياموسى ابن جعفر
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة ما خاب اليكصدك 📝👆

✨خدمة محبي باسم الكربلائي تقدم:
📜قصيدة: صوت أحبابك
✒️للشاعر: سجاد علاء المحمداوي
📌: استشهاد الامام الكاظم ع
📆: ليلة 23 رجب 1444
🕌: العتبة الكاظمية المقدسة
🎵طور: #يدافن_روحك
https://t.me/m7bebasim/54730

صُوت أحبابَك إبكِل يُوم يِنعاد
يا يُــوم الـفَـرَجْ يا لِـيثْ بغداد
▪️▪️▪️▪️▪️
علِيـك إگلوبنه يُـومِـيـه مِحتـرگَه
يالكاظم صعب نتحَمَل الـفَــرگَـه
والمِثلَك يِضَيِــع يا ترى إشيِلگَـه
يِروِيـلك دَمِعنا أَفعالْ الاحقاد
يا يُــوم الـفَـرَجْ يا لِـيثْ بغداد
▪️▪️▪️▪️▪️
يا نَـسَـمه هَوَه للمختنِگ وَضعه
بعدك عالروافض ضاگت الوسعه
مِـن طـامُـورِتَـك نِتأمَـل الـرَجـعَه
كل يوم الحزِن بالشِيعه يِزداد
يا يُــوم الـفَـرَجْ يا لِـيثْ بغداد
▪️▪️▪️▪️▪️
نِشكِيلك وضعنه إو كِثرَتْ إعدانه
يالغايِب علـيـنَـه إنريــدك اويانـه
بـعدك ياهو النه إو يــاهُـو يِرعانـه
ماعاد الصَبر سَلوَتنا ماعاد
يا يُوم الفَـرَجْ يا لِـيثْ بغداد
▪️▪️▪️▪️▪️
ما ضَل كِل صَبِر ياراهب العِترَه
يِـرتاح الضَــلام إبغِيبَتْ الگَـمرَه
كل شيعي إبغيابك منكسِر ظَهره
نِـتْـرَقَبْ قِدومك يابو الأَمجاد
يا يُــوم الـفَـرَجْ يا لِـيثْ بغداد
▪️▪️▪️▪️▪️
گالوا بالسجن ذَبلان كِل حِيِلَك
ماتِـعـرِفْ تَمَيـزْ إنهارك إو لِيلَك
تِبچي من الأسر و الأسر يبچِيلَك
عن وحشةّ هَلَكْ مو وحشَةّ الزاد
يا يُــوم الـفَـرَجْ يا لِـيثْ بغداد
▪️▪️▪️▪️▪️
إجانه إبن سُوَيْـدّ إو گال موعدنَه
بالجُمعه الجِسِـر بغداد نِـتـعَنَـه
شِفناها الجنازه إو ريِـتْ ما شِفنَه
موقف بين دَمعه إو بِينْ جَلاد
يا يُــوم الـفَـرَجْ يا لِـيثْ بغداد
▪️▪️▪️▪️▪️
مِن شِفنه الجنازه إوداعةّ إعيونك
إبوضِعنَـه إتحَيِـروا حتى اليِعادونك
سلاماً سيـدي عالعِيشَه من دونَـك
مانِنسَه الجَرِح يابـاب الإمْراد
يا يُـوم الـفَـرَجْ يا لِـيثْ بغداد
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة صوت احبابك 📝👆

بالتعاون مع صفحة العبرات الحسينية Tel
✨خدمة محبي باسم الكربلائي تقدم:
📜 قصيدة: وين النشامه
✒️للشاعر: ميرزا عادل اشكناني
📌 : استشهاد الامام الكاظم ع
📆: ليلة 23 رجب 1444
🕌: العتبة الكاظمية المقدسة
🎵طور: #قبرك_جمعنا #حزنا_بكينا #انا_الوديعة #نجبر_كسرها
https://t.me/m7bebasim/52307

وين النشامه؟عدهم علامه
اتميّزهم امن الناس
نعْش الإمامه ابعِزَّه و كرامه
ايشيْعونه فوگ الرّاس
ولـموسى ابنَ جعفر
خلها الشيعه تحضر
▪️▪️▪️▪️▪️
نعِش موسى بن جعفر هذا يا شيعه
وينه اللّي يريد ايشوف تشييعه
وينه المخلص الما ينكث البيعه
واجب يحضر ابساعات توديعه
خل نعصي الفرَح و المدمع انطيعه
او خل صوت الحزن بالمأذنه انذيعه
وين الغياره اتصيح المناره
يا شيعه لتقصرون
عدكم جنازه كون اتّجازه
غصبًا على هارون
رغمًا عالتكبَّر
خلها الشيعه تحضر
▪️▪️▪️▪️▪️
يشيعه نعْـش إمام الرافضه مرمي
چا وينه الغيور الباسِل النشمي
الأبي وينه اليگله إنته ابأبي اْو أمّي
او يخاطب سيّده بالمدمع اليهمي
عساه ابدال جسمك عالجسر جسمي
او عساه ابدالك اْنرَض بالسجن عظميَ
يهْل الكلافه ابجسْر الرّصافه
سيّدكم ابهالحال
جثته رهينه و امگيِّدينه
مرمي بلايه اظِلال
لا ايْظل جسمه بالحَرْ
خلها الشيعه تحضر
▪️▪️▪️▪️▪️
نعش موسى بن جعفر بالسلاسل ظال
ولا يگدر يشيله امْن الأرض شيَّال
صيحوا يا علي او تتكسّر الأغلال
او على روس الأصابع بالفخَر ينشال
الكاظم ماله شيعه اتشيْعه ياهو الگال
وهُو ابوكت الصعاب اتبيّن الأفعال
الرايد نِخِبره خل يلقي نظره
اشحال الصَّحن هاليوم
تشييعه رايد كل شيعي گاصد
للكاظم المسموم
واعْله النيَّه نُؤجَرْ
خلها الشيعه تحضر
▪️▪️▪️▪️▪️
المنادي الناده بسْم الكاظم اشْناده
ابلفظ ما ينحچي اتجاوز عله اسْيَاده
لچن العگربه عِدها اللّسِع عاده
و لا ايضرِّ البحر لو منخل اِتْماده
المَد إلسانه وينه او وين أجداده !؟
او حگها ابجدها لمّن تفخر السَّاده
جدّ الهواشم حاوي المَكارِم
طيّب و إبن إطياب
يخسه اليذمّه والزهّره أمّه
سادت عله الأنساب
ردّاً عالتجسَّر
خلها الشيعه تحضر
▪️▪️▪️▪️▪️
سنه ابساعه عليك النايحه تنراد
او ما هاد الحزن يا بو الرّضا ما هاد
الإجه ابهاي الزياره او وافه عالميعاد
راحِلْته اشتياقه و الدّموع الزّاد
يريد ايگول لو چان العمُر ينعاد
ما چنّه انتأخّر عن أسَد بغداد
لو صَحْ بدينه چا كلنه جينه
يم السّجن مولايْ
يمّك جُنودك تكسِر قيُودك
لو تِأذنِ إلنه ابهايْ
للقيد التكسّر
خلها الشيعه تحضر
▪️▪️▪️▪️▪️
يشيعه اويه الرّضا حول الجنازه اندُور
نعِينه ابنايِحه او ونَّه او لطِم لصدور
السدُر واحد يجيببه او واحد الكافور
او نگلّه ابوالدك يا بالحسن مأجور
ندري اويانه حاضر حاضر او مستور
من مشهد تنعنّه الكاظميّه ايزُور
ابدمْع النوّاظر ويَّانه حاضِر
أبو الجواد اينوح
يطلبنه فَزعه الكاظم نشيْعه
لا ما يظل مطروح
لا دفنه ايتأخّر
خلها الشيعه تحضر
▪️▪️▪️▪️▪️
كفو امْن الشيعه گول او فعِل بالشِّده
افْزعوْا چي لا يظلّ الكاظم ابوحده
أگولن وينكم عن السّبِط جدَّه
لمّن ظل على حرِّ الشمس خدَّه
ثلثتيّام عاري او لا چفن عنده
ثلثتيّام ما واحد حفر لِحده
امن الكاظميّه للغاضريَّه
ريت الجمِع يندار
او لا يبگه عاري ابحَرِّ الصحاري
اموسّد رملها الحار
للظل عاري بالبَر
خلها الشيعه تحضر
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة وين النشامه 📝👆

✨خدمة محبي باسم الكربلائي تقدم:
📜 قصيدة: يا سندي وينك
✒️للشاعر: حسام الحمزاوي
📌 : استشهاد الامام الكاظم ع
📆: ليلة 24 رجب 1444
🕌: العتبة الكاظمية المقدسة
https://t.me/m7bebasim/52297

ياسندي وينك يا ظالم
الجنة صارت بالكاظم
دار الزمان .. صار الأمان
▪️▪️▪️▪️▪️
ضماير چانت ابصلب الحديدة
ذهب فوگ الجسر محد يريده
تشوف السلسلة الحزت وريده
جانت تعتذر وتقبل ايده
مثل ما ذبحوا حسين بعقيده
الكاظم ذابحينه بحبل گيده
بخياله زينب مچتوفه
يصلي وحديده بچفوفه
من الحنان .. صار الأمان
▪️▪️▪️▪️▪️
بظلام وكلها متعمده تذله
لأن خلصها ساجد على القبله
كثر ما يبچي حتى اختلف شكله
انحرم من الضوه ومن شوفة اهله
حتى الموت ظل واگف يسأله
يگله شلون روحك لسّه عدله
شافه بصلاته يوميه
يدري بي ميت ليليه
والدينه صان .. صار الأمان
▪️▪️▪️▪️▪️
بسجن ويأذن بأربع جهاته
عرش هارون يهتز ابصلاته
بشر ما شايف النور بحياته
رغم چانت شمس جوه عباته
ثلاثة ايام ما عرفوا غلاته
يم اجنازته بس الشماته
ما واحد ايغطي جروحه
ظلت تواسيه بس روحه
بعطر الجنان .. صار الأمان
▪️▪️▪️▪️▪️
ظلم هارون ما ظالمته حكام
و لا حكم اليهود ولا بالاسلام
منو الشايفله ميت يبقى ايام
سلاسل من رگبته الحد الاجدام
مثل كسرة علي السجاد بالشام
ظل فوگ الجسر بي ريحة خيام
محد فزعله بمتونه
باقي يدور بعيونه
رغم اللي خان .. صار الأمان
▪️▪️▪️▪️▪️
وين السندي وينه املاك هارون
گبر ما حصلوا من اليملكون
ابد ما فكروا باچر يشوفون
تراب الكاظم اغلى من اليحكمون
كل سجان چان ايشوفه مسجون
فدوه يروح لتراب اليزورون
ما عنده غيره چتاله
ضاعت حياته الما شاله
فات الآوان .. صار الأمان
▪️▪️▪️▪️▪️
الهوه ما ينسجن يا هو اليسجنه
بس هارون يظلم حتى ابنه
يدري ابموسى لو رايد يطعنه
يگوم بركعة ياخذ دولة منه
والله عوّض يوزع محنه
دنيه وآخره بيبانه جنه
ذرعانه من قيد الظالم
صارن مناير للوادم
من الأذان .. صار الأمان
▪️▪️▪️▪️▪️
غريب شلون واهله جعفرية
الحوائج كلها من الكاظمية
بضريح الكاظم اتعرف القضية
عطر شباچه من الغاضرية
من كل ظالم الثار بقضية
منتظرين دولة مهدوية
لا توگف اقلامك ضدي
باچر اجيك اويه المهدي
نفس المكان .. صار الأمان
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة يا سندي وينك 📝👆

✨خدمة محبي باسم الكربلائي تقدم:
📜 قصيدة: موسى ابن جعفر عالجسر
✒️للشاعر: حاتم صبري الكاظمي
📌 : استشهاد الامام الكاظم ع
📆: ليلة 24 رجب 1444
🕌: العتبة الكاظمية المقدسة
https://t.me/m7bebasim/52233

موسى بن جعفر عالجسر
گــومــو يشــيعه انشيــله
▪️▪️▪️▪️▪️
عنـهه الســلاسل يلا وَخروهه
عالـروس بالدمعـات شِـيلوهه
جنازة حبيب الزهره شيعوهه

هذه الغريب و بالدمع
يَهل الدمع نمـشيله
▪️▪️▪️▪️▪️
انشيل المُصـيبه بالگلُـب لازِم
عالجسر هسّه اجنازة الكاظِم
ويــلاه يا راهِــب بَـني هاشِم

غاب الضــوه عنكــم بعد
وحشه الوجود الليله
▪️▪️▪️▪️▪️
عِــطر الرزايه ويــه الهــوه نشتَم
صــاح المُــنادي بالحــزِن و الهَـم
موسى ابن جعفر مات مِنْ السَـم

راح الــذي بوكت الشِــدد
و النــايبــه نِـشكــيله
▪️▪️▪️▪️▪️
حَـيّز چبير من الگلب حـازه
عازَه دمعكــم هالوكت عازَه
يا شيـعه يلا شَيعو الجـنازه

هــذه إمــام الرافــضـه
حته السمـه تبچــيله
▪️▪️▪️▪️▪️
شيعــته ما مِتـحمــله افـراگَه
مشــتاگه و الــعباس مِشتاگَه
شِيلو السَلاسل هَشِمَتْ ساگَه

و الگيد من چان ابسجن
ماخِذ ثِلُث مِنْ حيله
▪️▪️▪️▪️▪️
عدناهه هذه اليوم و الغايه
شيعة الكاظم رفعت الرايه
كل عــام نتـــعناله مــشايه

ما ننمــنـع ثــورة مشـي
و الي مِـنَـع يا ويله
▪️▪️▪️▪️▪️
لا مو غريب و صوتنه انذيعه
للكــاظم البــاري خِـلَق شيعه
حبَّه وحــق الزهــره مَـنبـيعه

هذه عشگنه و لـ الأبد
لا ما يصح تبـديــله
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة موسى ابن جعفر عالجسر 📝👆

✨خدمة محبي باسم الكربلائي تقدم:
📜 هوسات : يم بابك يبن جعفر سائل
✒️للشاعر: ناظم الحاشي
📌 : استشهاد الامام الكاظم ع
📆: ليلة 24 رجب 1444
🕌: العتبة الكاظمية المقدسة
https://t.me/m7bebasim/52234

يَم بابك يبِن جعفَر سائِل ماد إيدي وجاي
عطشان وجبت دمعي أبدلَه بنهر جودك ماي
أمشّي إعليك إخو زينب تغفر ذنب كل مشّاي
وبيوم المَحشَر لَتعوفه
▪️▪️▪️▪️▪️
قاتل موسى ابن جعفر هذا القاتِل الملعون
مايقتل ولي الرحمن لوما أمر من هارون
إوسِم القدّمه السِندي ويه التمر بالماعون
شاهِد عن خِسّة هارونه
▪️▪️▪️▪️▪️
بغدادك بِسِم هارون تِتْسمّه اليبغضَك راد
لاچن تِضل مقرونه بإسمك يا أسَد بغداد
ياموسى إورغم عنهم نواصب مِلّة الاحقاد
بسمك بغداد إنسمّيها
▪️▪️▪️▪️▪️
مَرّات السِوالِف نار تِحرِگ يابِس إو أخضَر
إو مِن نِسكِت أبَد موخوف بس إمن الفِتَن نِحذَر
عدنه السان وتعرفون يشهد موسى ابِن جعفر
وَي حَد السيف إيعدّونه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

هوسات يم بابك يبن جعفر سائل 📝👆

✨خدمة محبي باسم الكربلائي تقدم:
📜 قصيدة: كل وحي من قيودك
✒️للشاعر: محمد قحطان الرميثي
📌 : استشهاد الامام الكاظم ع
📆: ليلة 25 رجب 1444
🕌: حسينية قصر الزهراء ع - الكاظمية
🎵طور: #كل_قطرة_دم
https://t.me/m7bebasim/52390

كل وَحي اِمن اِقيودك يحمل
مُصحف جَرحك ... يا سجين
كل آية اِمن اِجروحك تضوي
ومُظلم صُبحك ... يا سجين
مِن ينزل مُصحف آهاتك
تِتــرَتَّــل بالسَّــمْ آيــاتـك
▪️▪️▪️▪️▪️
يَهالساكن سِجــن مُظلِــم .. وأنتَ الكوكب اليضوي
مِشـاعل نــورك التســري .. بمَـدار العالـــم العِلــوي
صدى تسبيحـــك اِتعالى .. بأركــان العـرش يـدوي
قُــرآن وصُحــــف چفَّك ... سِـور من الجرح تحوي
تكلَّــم جــرحــك الناطق ... حديث السلسلة يـروي
بحار من الحـزن تطفــح .. هِضاب مـن الألم تهوي

ما بين المِعصــم وقيودك
ينبوع الــدَّم ... يا سجين
لـ اسماعيل عيونك يجري
ويطفح زمزم ... يا سجين
مِن إنجيلك مِن توراتك
تِتــرَتَّـل بالسَّــمْ آيـاتـك
▪️▪️▪️▪️▪️
إذا قيدك صُبح يحمل ... مناقب عن جبل صبرك
جبــال الدنيــا تتمنــى ... لَوَنهــا إنشَــــدَّت بأزرك
مواقيــت الزمــن كلها ... تِرجَّــت يـوم مِن دهرك
إذا سِــرَّك مِثل جــدَّك ... إذن سِــر العــرش سِـرَّك
تُراب السبعــة يتمنى ... نسيــم اِيصلّي يم ثغـرك
حديد الجامعة إستنشق .. عبير اِيفوح من نحرك

أنتَ بقيدك أنتَ بسجنك
صرت الحاكم ... يا سجين
حتى القيد اِينادي إقبَلني
عندك خادم ... يا سجين
مِن تِعلى نبرة حسراتك
تِتــرَتَّـل بالسَّــمْ آيـاتـك
▪️▪️▪️▪️▪️
حليف السجدة تتوصَّف ... سُجودك بالسجن ثورة
كأنَّــك مــالك العــالــــم ... ولا چنَّك وسَــط حُفـرة
مواقيــد الحــزن شبَّت ... مدامــع تسفــح الجمرة
كيان اِجفونك اِتوشَّــح ... ثيــاب من الدمع حمـرة
تِراءى مِن أفُـق صمتك ... لســان المعرفــة الكُبـرى
إذا كــل الأرض بلقــــع .. مِن اِدموعك ترد خضرة

يم أمواجك فُلك المدمع
يرسي بحزنه ... يا سجين
سجنك والسجَّان اِجهنَّم
وأنتَ الجنَّة ... يا سجين
لمَّــن تتوقَّـد جمــراتك
تِتــرَتَّـل بالسَّــمْ آيـاتـك
▪️▪️▪️▪️▪️
رنين أصفادك إتحــوَّل ... دُعــاء اِبحســرة وبأنَّة
أنين اِجروحك اِتواصل ... صــداهْ اِبساحة الجنَّة
مِنَّــك أصبـــح القُــرآن ... وأنتَ أصبحـت مِنّــه
براهين اِبهمـس ثغرك ... كواكب تســرح اِبحزنه
ذوو القربى إذن بيتك ... مقــام الرحمــة والمِنّة
عجيبة اِيگطّع اِبچبدك ... نقيع الغيلــة والفتنـة

وبكهف اِجراحك مِن نامت
للدم فتية ... يا سجين
ماتت شمس الدنيا اِورجعت
يمَّك تحيا ... يا سجين
مِن تسعر جمــرة أنَّاتك
تِتــرَتَّـل بالسَّــمْ آيـاتـك
▪️▪️▪️▪️▪️
إذا صُبحــك مِثل ليلك ... مُظلــم تِصبِــح اِوتمسي
إلك ينعى ســواد الليل ... اِوتنوح الراسية الترسي
إذا لجلك سِــور تنحب ... اِوتنحب آيـــة الكُــرسي
إذن فوگ الحزن حزنك ... تِخطَّى الواقــع الحِسّي
لجلك مدمعــي يجــري ... إلك كــل الدمــع قُدسي
تموت اِمن الألم نفسك ... فداها اِمن الألــم نفسي

كل هيكل بالعالم يلبس
ثوب الحسرة ... يا سجين
يا طوفان الليلة اِيطفّي
هاي الجمرة ... يا سجين
مِن يلهب مِشعل ثوراتك
تِتــرَتَّـل بالسَّــمْ آيـاتـك
▪️▪️▪️▪️▪️
سِرى بجسمك وقيد النار ... اِوتفايض منهل المدمع
عجيبــة اِشلــون بالظلمة ... يصبح سجنك المصرع
غضب حتى العرش لجلك .. اِولهيب الحاطمة يلفع
إلك فــاض الدمــع أحمر ... إلك حتى الصبـر يجزع
عجيبــة إتنازع اِبروحك ... وأنتَ إبن الفتى الأنزع
مثل حال السبط أصبح .. وقف چبدك على المِبضع

من عينك سلسال الكوثر
اِوچبدك يلهب ... يا سجين
شمس الدين أنتَ اِومن حَولك
دار الكوكب ... يا سجين
لو رَفَّت بالهَــــم راياتك
تِتــرَتَّـل بالسَّــمْ آيـاتـك
▪️▪️▪️▪️▪️
صُبح باب السمــه بابك ... اِوگبرك كالقصــر أصبح
مــلاذ إتگصــــده زوّارك ... تزورك والدمـــع يسفح
على أعتــابــك العالـــم ... ذبيــح بشفـــرة المذبـح
إلك دمع الحزن يجري .. إلك عيــن المُحب تطفـح
هدير امواجي لو شفتــه ... بحـر عيني إذا ينضـح
غزير ادموعي من انحب . يفيض اِوبالجفن يجرح

يا موسى الكاظم أشكيلك
حزني اِوهمّي ... يا سجين
أنت بروحي اِتعيش وحبَّك
يجري بدمّي ... يا سجين
لمَّن تتفايـــض عبراتك
تِتــرَتَّـل بالسَّــمْ آيـاتـك
▪️▪️▪️▪️▪️
محمد قحطان
٢٠٢٣/٢/١١ م
١٩ / رجب / ١٤٤٤ هـ
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة كل وحي من قيودك يحمل 👆🏻📝

✨خدمة محبي باسم الكربلائي تقدم:
📜 قصيدة: يبقى صحن الكاظم
✒️للشاعر: مهيمن الفاطمي
📌 : استشهاد الامام الكاظم ع
📆: ليلة 25 رجب 1444
🕌: حسينية قصر الزهراء ع - الكاظمية
🎵طور: #باجر_أرفع_راية_المشاية
https://t.me/m7bebasim/54741

يبقه صحن الكاظم ايشع نوره
او ما تحجبه ظلمة الطامور
▪️▪️▪️▪️▪️
هاذه نور الكاظم الحر الأبي
يحلم ايطفِّي ضواه الناصبي
أقسم او حق الأنين الزينبي
تحلم الأعداء توصل سوره
▪️▪️▪️▪️▪️
وينه هارون او قصوره والحرس
للسجين الصوت والساجن خرس
حبه بكلوب الملايين انغرس
عنه صار اتسولف المعموره
▪️▪️▪️▪️▪️
والله واندار الزمن باهل النفاق
او هاي شيعتنه ملت أرض العراق
موسى بن جعفر بقه او فك الوثاق
رغم عن زمرتهم المسعوره
▪️▪️▪️▪️▪️
يشهد التاريخ عن هذا الوفاء
ابكل زمن شيعة علي اتقدم دماء
اتضحي أطفال او زلم او حتى النساء
يكتب التاريخ هالأسطوره
▪️▪️▪️▪️▪️
ابكل أرض هالصوت لازم ينسمع
يبقه للموت اللطم ما ينكطع
نبجي لاهل البيت دم مو بس دمع
واللي تكره خل تظل مقهوره
▪️▪️▪️▪️▪️
تشهد الأعداء إلنه والأمم
من رفضنه افلان وفلان الصنم
صحنه بس حيدر يظل هوه العلم
والتحاربنه صفت مذعوره
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱