خدمة محبي باسم الكربلائي تقدم:

📜:نشامة هالبنين الأربعة
🖋:علي الخفاجي
🔖:ليلة 8 جمادى الآخرة 1442
🕌:حسينية و موكب أم الحسن س
البصرة - الفاو
🎶:#وداعا_يا_حبيبة_فاطمة
https://t.me/m7bebasim/47571

نشامه هالبنين الأربعة
▪️▪️▪️▪️▪️
زيـنـب وحـــيــده بــكـربـلـه شـافـوها
وســيـوفـهــم تـلهـب غضب خــلــوها
صرخــة علي بسوح الحرب عـادوها
ويـم الـشـريـعـه عـهـودهـم كـتـبـوها
گـمـرهـم ضحه فوگ المشرعه
نـشـامــه هالـبــنــيـن الأربــعـه
▪️▪️▪️▪️▪️
گـالــوهــا زيـنـب مــــا تـظـل بـحـيـره
وهـذا الــوفـه الكلش صعـب تـفسيـره
عـدهـم حـسـيـن الـقـائــد ولا غـــيـره
مـن الـجـدم لـلـراس كــلهــم غـــيـره
مجـدهـم مـن تــحــل الواقعه
نـشـامــه هالـبـنـيـن الأربــعـه
▪️▪️▪️▪️▪️
يـا حــره مـثـلـچ بالـدهــر وفــايه
وأچفوف أبنها طاحت أوي الرايه
يـم الخـيــم جـاب الـفـرات ومـايه
ومـو آيـه نـزلـت بـأسمه مـية آيه
كــتــابـــه عالـشـريـعـه موقعه
نـشـامــه هالـبـنـيـن الأربــعـه
▪️▪️▪️▪️▪️
قـصـة مـجـــدهــم سولـفـتهـا الحومه
ماتـوا عـطـش من عـطشت المظلومه
يــوم الــجـهـــاد بــكـربله حــل يـومه
وعله الـنحـور أسـيـوفهــم مفطـومه
غــيـــاره والـمجــد ما أروعه
نـشـامــه هالـبـنـيـن الأربــعـه
▪️▪️▪️▪️▪️
حـي الـله زود الأربـعـه وحـياهم
تـسبـيـحــة الـعـشاگ مـن أدماهم
حـيـدر عـلى فـنون الحرب رباهم
وسـوح الـمـلاحـم تفرح بملگاهم
وفــائــچ بالـبــدور الساطعه
نـشـامــه هالـبـنـيـن الأربــعـه
▪️▪️▪️▪️▪️
ولــدچ بـواسل بالـشــدد مــعـروفه
ومـجــد الغـيـاره بالطفوف أنشوفه
من برزت أهل الشام وأهل الكوفه
كل واحد عله السيف خله أچفوفه
مـهـجـهم بالـحـسـيـن مــولـعه
نـشـامــه هالـبـنـيـن الأربعة
▪️▪️▪️▪️▪️
كف من كف علي بجوده كفاها
وحبها الفاطمة كل شر كفاها
كفاها بالطف قدمت كفاها
ولدها الاربعة لأبن الزجية
▪️▪️▪️▪️▪️
علي يعرف قدرها من اجاها
وتعرف جاه ولده من اجاها
خبر عباس هين من اجاها
وبجت بجيي الطفل لحسين هيه
▪️▪️▪️▪️▪️
موت تصيح بالطف كون يرحون
عمري وكثره بيّه جروح يرحون
فدوه الاربعة لحسين يرحون
وانا الواجب كبل زينب سبيه
▪️▪️▪️▪️▪️
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
للقصائد المكتوبة📝 https://t.me/joinchat/AAAAAD9zrDwqsNhwhBThQA
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة نشامه هالبنين الأربعه 📝👆

✨خدمة محبي باسم الكربلائي تقدم
📜قصيدة : اسأل عليه
✒للشاعر : السيد عبد الخالق المحنه
🕌 : حسينية وهئية الصديقة الطاهرة الحمزة الشرقي
🔖المناسبة : الليالي الفاطمية ، ليلة 4 جمادى الأخرة 1442
https://t.me/m7bebasim/46661

إسأل عليه او ما يضيع العنوان
تلگاني شمعه من جماد لرمضان
و اِسأل عليه اِبعاشور
تلگاني ظامي اِو منحور
1️⃣✅1️⃣✅1️⃣✅1️⃣✅
تلگاني مبحر بالحزن
و شكم سهم بشراعي
ناس التحب والما تحب
يرويها بحر إبداعي
بعيوني زمزم ما يجف
يجري اويَ صوت الناعي
اْو زينب مدامعها علگ
ما يوكع امن اِذراعي
يشتاگ الي المنبر اذا صار افراگ
ويكلي وينك و لونينك مشتاگ
كتله الزمن خل ايدور
تلكاني ضامي او منحور
2️⃣✅2️⃣✅2️⃣✅2️⃣✅
تلگاني عالمنبر دمع
ما تختفي آثاري
صح اني شيبني القهر
لكن جديده أفكاري
أتفنن ابنوع الحزن
و بناري أشعل ناري
ما انهي مشواري ابلحد
بل للحشر مشواري
من تسمع الظالم حرگ باب الدار
تلكاني ما بين الضلع والبسمار
إنصفني لتظل مغرور
تلكاني ضامي او منحور
3️⃣✅3️⃣✅3️⃣✅3️⃣✅
تلكاني بدروب السفر
دوم أنتظر غيابي
مره ابسفر مره ابقهر
مره ابسهر و عتابي
بين الإجو والما إجو
ضاع العمر يم بابي
لا آني ميت بالهجر
لا اني شفت أحبابي
لا دمعي ينفعني أو يرجعلي الراح
لا اني ميت من هجرهم و ارتاح
هذا الزمن من ايجور
تلكاني ضامي او منحور
4️⃣✅4️⃣✅4️⃣✅4️⃣
ما فاركتني النايبه
كل يوم أودع غالي
بين الأون بين الحزن
بين السجن وغلالي
سم اليبغضون إهدعش
مره كطع دلالي
كل عمري عايش باليتم
جم مره فاكد والي
تلكاني شيبه والحكم للصبيان
تلكاني صايم ونطبر بالآذان
من تلكه مصحف مهجور
تلكاني ضامي او منحور
5️⃣✅5️⃣✅5️⃣✅5️⃣
يوميه بابي يحترگ
جمر الحقد يلسعني
يوميه خنجر للغدر
من الظهر يطعني
يوميه مكسور الوجه
اعله الوجه يصفعني
تلكاني كل يوم انعصر
والظالم ايروعني
يوميه يجرحني نذل يا هالناس
يوميه انسب والسبب ما اطخ راس
يوميه ضلعي مكسور
تلكاني ضامي او منحور
6️⃣✅6️⃣✅6️⃣✅6️⃣✅
تلكاني بالعاشر طفل
ضامي أو أصيح إسگوني
تلكاني واكع عالنهر
و على الخيام اعيوني
تلكاني خيمه أو أحترگ
بس وين اليطفوني
ظلت حوافرهم ترض
صدري ولا عافوني
ل اتسأل اعليه الحقود الخسران
إسأل عليه العنده غيره او وجدان
إسألني ياخد مسطور
تلكاني ضامي او منحور
✅7️⃣✅7️⃣✅7️⃣✅
تلكاني عايش بالسبي
او سوط الشمر بمتوني
عرفوني ألعن كل صنم
و لهالسبب شتموني
الله خلقني اعله الجبل
و اهل الحفر حسدوني
سمعوني صوت امن النحر
بس عجزوا ايسكتوني
تلكاني جون او ما عرفت التقصير
تلكاني عابس من يصير التطبير
والما عرف مامعذور
تلكاني ضامي او منحور
✅8️⃣✅8️⃣✅8️⃣✅
تلكاني كل جمعه انتظر
ودموعي تچوي الجمره
بلكت ابو صالح يجي
يطلب بثار الزهره
ثار الخدر ثار الطفل
ثار اللي حزوا نحره
من يلزم الرايه ابزعل
كسر الزجيه ايجبره
من ينكشف سر القبر للزوار
تلكاني خادم مستعد ليل نهار
اخر خبر من تزور
تلكاني ضامي او منحور
✅✅✅✅✅✅✅✅
تمت بواسطة #علي_حجاب #Ali_Hijab

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة اسأل عليه 📝👆

(﷽)
خدمة محبي باسم الكربلائي تقدم:
📜:داري دارك يا حسين
🖋:حمزة السماوي
🔖:ليلة 9 جمادى الآخرة 1442 هـ
🕌:حسينية و موكب أم الحسن س
البصرة - الفاو
🎶:#من_مصايب_كربلا #بذوالفقارك_يا_علي
#في_فؤادي_كربلا
https://t.me/m7bebasim/47580

داري دارك ياحسين
بانتظارك ياحسين
▪️▪️▪️▪️▪️
باللحد وتهب رياح الياسمين
بكل كتر يضوي ضياء الصالحين
عفت كبرك معتنيني يالحنين
ميته عدله بخدمتك ام البنين
وبجوارك ياحسين
بانتظارك ياحسين
▪️▪️▪️▪️▪️
صار مضرب مثل بيه الانتضار
صرت مثل الكاعد بنص حضنه نار
عمري ليل وموتي ياعالم نهار
دار ما بيهه الحسين شلون دار
تبقه نارك ياحسين
بانتظارك ياحسين
▪️▪️▪️▪️▪️
من قريب ولن شفت كوكب سماء
(طلعَ النحرُ) الي من كربلاء
بشر مسلوب العمامه والرداء
ماكو صفحه بجسمه ما بيهه دماء
وبحوارك ياحسين
بانتظارك ياحسين
▪️▪️▪️▪️▪️
السلام اعليه ضل يبدي السلام
وآنه حافظته حفظ صوت الامام
وي عبير انفاسه دخّان الخيام
مدري آنه بيقضه لو آنه بمنام
دمعي شارك ياحسين
بانتظارك ياحسين
▪️▪️▪️▪️▪️
شوفة المحبوب صارت عندي عيد
اتقربتله الابد ما عني بعيد
ردت اصافح چفه ما شفته يريد
الايد اذا مو خمس اصابع ماهي ايد
وبقرارك ياحسين
بانتظارك ياحسين
▪️▪️▪️▪️▪️
اشفافه شفت امفطره بكل الجهات
يبن كوثر ليش حرموك الفرات
ارد اسئلك بالله شخبار البنات
صدك بنت البيت بالهيمه تبات
عن مرارك ياحسين
بانتظارك ياحسين
▪️▪️▪️▪️▪️
صحت يبني امقصره كاتلني الفضول
خاف عباس الكمر قصّر تكول
ولون وفّه اوياك يا سبط الرسول
آسال الله واسال الزهره القبول
باختيارك ياحسين
بانتظارك ياحسين
▪️▪️▪️▪️▪️
لبنها تصيح خل وجهك يعباس
غيور الفزعة الخوه يعباس
لون بالموت الف موته يعباس
كلهن موتهن لأبن الزجية
▪️▪️▪️▪️▪️
باب الفرج ربها فاتحلها
وكل صعبة ابأمرها فاتحلها
مره اقره ابحياتك فاتحة الها
وشوف الطاف ربك بيك هيه
▪️▪️▪️▪️▪️
ابكلبها حب لأبن فاطم وناحت
واصبح وصل بعد الطف وناحت
مثلها ما بجت حره وناحت
على حسين بمصاب الغاضرية
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة داري دارك يا حسين 📝👆

بالتعاون مع صفحة العبرات الحسينية
خدمة محبي باسم الكربلائي تقدم:

📜:يا قابض الروح
🖋️:علي السقاي
🔖:ليلة 9 جمادى الآخرة 1442
🕌:حسينية و موكب أم الحسن س
البصرة - الفاو
🎶:#عالنار_أسولف #هالليلة_أودعج
https://t.me/m7bebasim/46732

يا قابِض الروح اِستمِع نوحي
گبْل السِمه للطف إخذ روحي
حاچيني عالأربع راويني كل مصرع
گبْل السِمه للطف إخذ روحي
▪️▪️▪️▪️▪️
ها يالإجيت ابخَتمة اَقداري
اعليك السلام ابخَنگة اَعباري
أُم البنين اْو تعرِف اَخباري
مو روحي بس، خل تنقبُض ناري
ابلوعاتي چنَّك عالِم اْو داري
اوياك الملايك تنحَب ابداري
حَيهُم ملايكة الأجل حَيهُم
گد ما بچوا حَسّيت اَنا أُمهُم
طالَبتك ابمدمع راويني كل مصرع
گبْل السِمه للطف إخذ روحي
▪️▪️▪️▪️▪️
عندي طلَب مِن يسكن اونيني
أنتظره چنت ابآخر اسنيني
روحي إلك واِقبضها مِن عيني
بس اَطلُبك للطف تودّيني
اْو صدِّگني مِن أسأل عن ابنيني
مو قصدي هُمّه المقصَد احسيني
أرد اَعرف اِمن اَنظُر مصارعهم
اشچانت لَبو اليمّه صنايعهم
جاوبني خل اَسمع راويني كل مصرع
گبْل السِمه للطف إخذ روحي
▪️▪️▪️▪️▪️
ممنونه لِلّي ايحقِّق امرادي
صِير ابمُهُجتي الوالِهه حادي
گبل السمه عرِّج على الوادي
ذاكه التِگِصده بضعة الهادي
يندَل حنيني اْو عالجِهه اينادي
ابلا خارِطه، مِن ريحة اولادي
اِمن اولادي أَنظر مصرع اِثلاثه
اِيظَل مَصرع اْو أتنطّر اَحداثه
وينه الذي اتگطّع راويني كل مصرع
گبْل السِمه للطف إخذ روحي
▪️▪️▪️▪️▪️
عگب الثلاثه تِشبح النظره
صوب الشريعه اللي غدت حمره
صوب الركضله احسين بالحسره
صوب البگه ابلا يمنه لا يسره
ابهالمصرع احسين انكسر ظهره
واِنكشف لعيون الشمر نحره
عين الصواب اللي اِنعُرف رايه
صاب السهم عينه اْو هِوَت رايه
اِلـ عباس اَريد اَفزع راويني كل مصرع
گبْل السِمه للطف إخذ روحي
▪️▪️▪️▪️▪️
بالطف تحوم الروح مختنگه
وابكل أثر إلها فَرِد خفگه
أَنظر بقايا اخيام محترگه
اهنا زينب اتشاهِگت چم شهگه
اهنا صارت امتون الحرم زرگه
واشچم طفل خيل العده اتسحگه
واَنظر بقايا من مهَد خالي
واِمهاد اِلاَبيض أحمر اگبالي
أنشِد عن الرضّع راويني كل مصرع
گبْل السِمه للطف إخذ روحي
▪️▪️▪️▪️▪️
خِذني ابشعور الحزن ينتابه
اْو حاچيني عن احسين وامصابه
إرويلي كل موقف مع اِصوابه
اشلون اِنفجر من حرمله اخضابه
اْو وين اَهوىٰ مِن مُهره على اترابه
حين الرمح بالخاصِره صابه
وابدمعتك ودّيني للمذبح
بس لا تفصّل بالحچي اْو تشرح
واِختمها بالمضجع راويني كل مصرع
گبْل السِمه للطف إخذ روحي
▪️▪️▪️▪️▪️
گلت الطَلَب وابحزني أتنهّد
للطف إخذني اْو للسمه إصعد
جسمي على افراش الردىٰ امّدّد
لاخِر نفَس ما نازِعه الأسوَد
روحي اِجهِزَت واَعضاي اَحِس تُبرَد
إمهلني بس خلّيني أتشَهّد :
أَشهَدُ أَنَّ اِحسين كِل حِزني
واِبحزني هذا ينغمُض جفني
روحي إذا تطلع راويني كل مصرع
گبْل السِمه للطف إخذ روحي

https://t.me/AlAbaratAlHosainiya
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
للقصائد المكتوبة📝 https://t.me/joinchat/AAAAAD9zrDwqsNhwhBThQA
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة يا قابض الروح 📝👆

(﷽)
✨خدمة محبي باسم الكربلائي تقدم:
📜قصيدة: للبقيع انريد نقصد ليها
✒️الشاعر: السيد عبد الخالق المحنه
https://t.me/m7bebasim/46676

للبقيع إنريد نقصد ليها
يم قبرها إنصيح و إنبجيها
ننخاج يم الوفه
بحماج يم الوفه
—
نقصد أم عباس نلطم عالصدر
يا حسين إنصيح و إنداوي الكسر
نبجي و إنعاتب نظل راعي الأمر
بلكي يفزع بالعتب مهديها
—
نندب المهدي ونهل دمع العتب
وإحنه من هذا العتب نملك سبب
يمته وإنشاهد منايرهم ذهب
و القبور إبطلعتك نبنيها
—
يمته و إنشوف القبور الأربعه
عاليه و بيها البشر متجمعه
نلطم وننزف دموع الفاجعه
إهناك حتما فاطمه إنلاقيها
—
يم إبنها إنروح ننظر جبدته
ويم عليل حسين نذكر لوعته
و جعفر الصادق و إبوه و إمصيبته
ونمشي لم عباس وإنحييها
—
إنقول يم عباس وفيتي العهد
و من نروح الكربله إنشوف الأسد
آه يسهم العين و إمصاب العمد
و قصة إجفوفه النهر يرويها
—
من نزور حسين و إنزور القمر
ونج إنسمعه يفت حته الصخر
ويه دمج سالت إدموع النهر
و صار تحت إقبورهم يجريها
—
صار نهر العلقمي تحت القبر
يجري تحت إقبورهم يطلب عذر
يشفي كل معلول و إيشافي الصدر
معجزه وكل العلل يشفيها
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة للبقيع نريد نگصد ليها 📝👆

✨خدمة محبي باسم الكربلائي تقدم:
📜قصيدة: انا ام البنين حسين ابكاني
✒️الشاعر: مهدي جناح الكاظمي
https://t.me/m7bebasim/46677

أَنَا أُمُّ الْبَنِينَ حُسَيْنُ أَبْكَانِي
ولِي فِي الطَّفِّ قُرْبَ النَّهْرِ كَفَانِي
️◼️◼️◼️◼️◼️
حُسَينٌ دَمْعَتِي لِلَّهِ مَسْعَاهَا
وَ أَحْزَانِي تِرِيبَ الْخَدِّ مَعْنَاهَا
وَ حَتَّى عَيَّنَ أَهْلَ النَّارِ أَبْكَاهَا
وَ عِنْدَ الْمَوْتِ نَفْسِي حِينَ أَنْعَاهَا
سَأُنْسِجُ مِنْ دُمُوعِ الْعَيْنِ أَكْفَانِي
أَنَا أُمُّ الْبَنِينَ حُسَيْنُ أَبْكَانِي
️◼️◼️◼️◼️◼️
إِذَا أَبْكِي بِقَبْرِي لَا تَلُومُونِي
حَسَيْنٌ مِثْلَمَا أَبْكِيهِ يَبْكِينِي
وَأُدْرِي أَنَّ مَوْتِي فِيهِ يُحِينِي
تَجْلَّى مِنْ حُسَيْنٍ سِرٌّ تَكْوِينِيّ
فَلَا عَجَبَ إِذَا لُقيَاهُ أَحْيَانِي
أَنَا أُمُّ الْبَنِينَ حُسَيْنُ أَبْكَانِي
️◼️◼️◼️◼️◼️
بَكَتَ لِي كُلُّ أَحْبَابِي وَ أَعْدَائِي
وَ نَاحَتْ قَبْلَ عَيْنِي عَيْنُ أَحْشَائِي
لَقَدْ أَنْسَتْ ذَوِي الْأَرْزَاءِ أُرْزَائِي
وَ هَوَّنَ كُلَّ دَاءٍ فِيهِمُ دَائِي
جِرَاحِي حَيَّرَتْ أَفْكَارَ لُقْمَانِ
أَنَا أُمُّ الْبَنِينَ حُسَيْنُ أَبْكَانِي
️◼️◼️◼️◼️◼️
أَنَا الْمَفْجُوعَةُ الْكُبْرَى مَآسِيهَا
أَنَا الْبَكَاءَةُ الزَّهْرَاءَ تَبْكِيهَا
نَوَاحُ اَلْأَرْضِ طَرًّا لَا يُوَاسِيهَا
وَ جَمْرَةُ نَارِ حُزْنِي لَيْسَ يُطْفِيهَا
لِأَبَكِي السِّبْطَ رَبُّ النَّاسِ سَوَانِي
أَنَا أُمُّ الْبَنِينَ حُسَيْنُ أَبْكَانِي
◼️◼️◼️◼️◼️
لَقَدْ فَجَّرَتْ أَحْدَاقَ الْجَمَادَاتِ
وَ أَبْكَتْ مِحْنَتِي صَبْرَ النُبُوَّاتِ
شَكَى أَيُّوبَ لَوْ فِيهِ جِرَاحَاتِي
وَ لَوْ يَعْقُوبُ بَعْضاً مِنْ مُعَانَاتِي
لَقَدْ أَنَسْتُهُ كُلَّ الْحُزْنِ أَحْزَانِي
أَنَا أُمُّ الْبَنِينَ حُسَيْنُ أَبْكَانِي
️️️️️◼️◼️◼️◼️◼️
عَلَى مَنْ قُطِعَتْ أَوْصَالُهُ أَجْمَع
إِلَى أَنْ أَلْتَقِيَ الزَّهْرَاءَ لَا أَهْجُع
دُمُوعِي مَا جَرَتْ لِبَنِينِي الْأَرْبَع
وَ لَكِنْ لِلَّذِي قَدْ ظَلَّ فِي الْمَصْرَع
تَعَالِي نَحْرَهُ الْمَقْطُوعُ نَادَانِي
أَنَا أُمُّ الْبَنِينَ حُسَيْنُ أَبْكَانِي
️️️️️◼️◼️◼️◼️◼️
سَتَبْقَى تُفْجِعُ الْأَجْيَالَ ذِكْرَاكِ
وَيَبْقَى كَعْبَةُ الْأَحْزَانِ مَثْوَاكِ
وَخُدَامُ الْحُسَيْنِ تَظَلُّ تَنْعَاكِ
وَيَعْتَنِقُ الْمَنَابِرَ صَوْتَكِ الْبَاكِيَ
ذَبِيحُ الطَّفِّ اشْجَاكُمْ وَ أَشْجَانِي
أَنَا أُمُّ الْبَنِينَ حُسَيْنُ أَبْكَانِي
️️️️️◼️◼️◼️◼️◼️
إِلَى يَوْمِ الْقِيَامَةِ نَنْصِبُ الْمَأْتَم
وَفِينَا كُلَّ عَيْنٍ دَمْعُهَا زَمْزَم
وَشَخْصُكِ فِي الْمَآتِمِ حَاضِرٌ نَعْلَم
وَحَتَّى الدَّمْعُ فِي أَحْدَاقِنَا أَقْسِم
بَقُولُكِ حِينَ سَالَتْ مِنْكَ عَيْنَانِ
أَنَا أُمُّ الْبَنِينَ حُسَيْنُ أَبْكَانِي
◼️◼️◼️◼️◼️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة انا ام البنين الحسين ابكاني 📝👆

خدمة محبي باسم الكربلائي تقدم:

📜:انتظر ليلي ونهاري
🖋️:سيد آدم الحسني
🔖:ليلة 10 جمادى الآخرة 1442
🕌:حسينية و موكب أم الحسن س
البصرة - الفاو
https://t.me/m7bebasim/47611

انتظر ليلي ونهاري
ومايوصف أنتظاري
بس اليتاني بصدق حجة زمانه
▪️▪️▪️▪️▪️
أنتظار الحجه ديني
وآني كل عمري انتظر
واليموت بأنتظاره
مايُلام وينعذر
اني ابو السجاد امامي
حسين محبوب العمر
فاركت وجهه واتاني
والله طعم الفركه مر
أندب بلوعة حَناني
سيدي وهجرك حِناني
من مشيت وما شفت نور بسمانه
▪️▪️▪️▪️▪️
أقره نُدبة انتظاري
طحت يوليدي المدد
ليله ليله اني اعله بابك
لا ازال اعله العهد
يبني لوعة أنتظارك
كطِّعت كلبي شبَعَد
لحظه لحظه احسب
غيابك والدمع ماخله خد
واليفارك وجه امامه
هذا ياليل الينامه
يشاهد بكلشي يظل خالي مكانه
▪️▪️▪️▪️▪️
أشهَدُ أنَّ بُكائي
وحَسرِتي وطولِ الحزن
ولوعتي وناري وهضمتي
وطيحتي ودمع الجفن
للحبيب حسين وحده
بلا شريك ولا أبن
غالي وبيا وين ادوره
وبعد مايرجعلي اضن
ال آني موجوده اعله موده
كلبي مكسور بصدوده
وهو بس يعرف حزن كلبي وحنانه
▪️▪️▪️▪️▪️
موعجيبه اليكضي
عمره بأنتظار وما يمل
بس عجيبه الي يفارك
وجه امامه يظل عدل
واحد الدنيا وفكدته
حنَيِّن وماله مِثِل
شلون ماموت اعله بابه
واني ادري منقتل
تطحن بصدره الحوافر
بعده ابقى بيا مشاعر
ياضوه وبعدك ظلام الهم غشانه
▪️▪️▪️▪️▪️
التسمع بحجة عصِرها
ضامي بالطف منذبح
مكَسَر وطعنه اعله طعنه
والجرح فوك الجرح
اتكطع وسلبوا ثيابه
وراسه مرفوع برمح
المن تعيش المصيبه
وفاركت وجه الصبح
بلا حسين الدنيا ظلمه
وبعده تكضي ايامي هضمه
الدنيا غابه ومانعيش بلا أمانه
▪️▪️▪️▪️▪️
أمنية عمري العشتها
وانتظرها بكل أمل
حسين اليسبل اديه
لو دنه مني الأجل
وبجفوف أربع بنيني
نعشي اشوفنه انحمل
ماخِلت هاي النهايه
ولا ولد منهم وصل
راحوا وخلوني وحدي
ومنهو الينزلني لحدي
هناك يم الزهره باجر ملتقانه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة انتظر ليلي و نهاري 📝👆

خدمة محبي باسم الكربلائي تقدم:

📜:إحضر لأم البنين
🖋️:علاء عبدالحسين الكربلائي
🔖:ليلة 10 جمادى الآخرة 1442
🕌:حسينية و موكب أم الحسن س
البصرة - الفاو
🎶:#كربلا_يا_كربلا #كربله_لو_كلها_ماي
https://t.me/m7bebasim/46681

يا أمير المؤمنين
إحضر لأم البنين
▪️▪️▪️▪️▪️
يا من غيوم السماء تصلي على زنده
نَزَّلِت سلمان بيدك وسط لحده
والكرة الأرضية عندك خطوة وحدة
إحضر أم الأربعة والموت شدة
إنت للحاير معين
إحصر لأم البنين
▪️▪️▪️▪️▪️
هذه أم الأربعة الوَفَّتْ وَعَدها
لسة تحجي كربلاء بغيرة وِلِدها
قوم نَزِّلها علي الليلة بْلِحِدها
بْلون نحر حسين دمعتها على خدها
الليلة صاحت يا حسين
إحضر لأم البنين
▪️▪️▪️▪️▪️
تبجي لحسين بحزن لآخر عمرها
تلقى فوق المشرعة ريحة عطرها
قوم بيدك يا علي و احفر قبرها
أربعة عندها الوِلِد مَحَّد حضرها
تِهمِل دموع الحنين
إحضر لأم البنين
▪️▪️▪️▪️▪️
عاشت بعالم دمع يرسم حزنها
من البجي لآخر نفس شَيَّب جِفِنها
نحلفك بداعة وفاء العباس إبنها
قوم هاي الطاهرة لِفها بجِفَنها
بداعة الروح الأمين
إحضر لأم البنين
▪️▪️▪️▪️▪️
حُرْمَة و اشباح الأجل تِفْتَر عليها
مو صعب عندك علي الحرة تجيها
تِلتِفِت عالباب تِنتَظرَك وِليها
بيدك الطَّيبة تجي تِسْبِل ايديها
خِلْصَت أيام السنين
إحضر لأم البنين
▪️▪️▪️▪️▪️
هذه قرآن الوفاء و دمعتها سورة
صار مَمْلَكةِ الحِزِن قلبِ الصَّبورَة
عشق أبواليمة امتلك نَبضَة شعوره
غيرَةِ العباس عُنوانِ الغَيورَة
تِنعى مَحزوزِ الوَتين
إحضر لأم البنين
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
للقصائد المكتوبة📝 https://t.me/joinchat/AAAAAD9zrDwqsNhwhBThQA
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة إحضر لأم البنين 📝👆

✨خدمة محبي باسم الكربلائي تقدم:
📜قصيدة : بالظلام أخذوني
✒️للشاعر : السيد سعيد الصافي الرميثي
📌 : وفاة ام البنين
📅:ليلة 8 جمادى الآخرة 1442
🕌: حسينية و موكب أم الحسن البصرة - الفاو
https://t.me/m7bebasim/46687

بالظلام اخذوني .. من تشيعوني
الكربله ودوني .. لليحبوني
يم عزيز حسين يا ناس ادفنوني
📌📌📌📌📌
محتاره عافوها
ام البنين ابوحشة الدار
والحادي جد بيهم
راحوا بعد ما رجعت اخبار
كل ليله تتمنى
بلكي بحلم يمسون خطار
نادتهم يحبابي
ترضون اطفي النار بالنار
من اثر حسباتي .. قلبي آهاتي
وبجمر دمعاتي .. اطفي حسراتي
انشد عليكم وين من يوم عفتونيِ
📌📌📌📌📌
منتظره جيتكم
عيني الدربكم تربي يحباب
شتأمل خبروني
جم دوب اتاني وطال الغياب
من تنشد عن حالي
لا جف عليّه اليطرق الباب
صوبني دلالي
يوم اللفاني ناعي المصاب
ما گدر ناعيكم .. ينظر الحالي
ما سألته اعليكم .. بس على الغالي
لو سلم نور العين تتحقق اظنوني
📌📌📌📌📌
مفجوعه بولادي
بالدار وحدي ودمعي همال
يا موتي شمتاني
ناديت ريت العمر لا طال
كل ظني يرجعلي
سالم عزيز الذكره عالبال
واحسابي الحسبته
يحظرني يوم النعشي ينشال
والزمان القاسي .. بدد احلامي
فگده شيّب راسي .. گصر ايامي
صوبني سهم البين يامن تنشدوني
📌📌📌📌📌
اتنازع يوميه
وي المنيه التاخذ الروح
يا وادم وجروحي
اصعب واشد من كل الجروح
وعيوني ناظرها
للغاضريه بعده مشبوح
يالغالي شلون انسه
ماكو مثل يومك يمذبوح
يالسليبه اثيابك .. سلبوا اسنيني
موتي ويه امصابك .. خل يوفاني
چنه بجسد روحين بالفرگه فجعوني
📌📌📌📌📌
محرومه مهضوم
يا جرح من جروحي اليهون
يا طارش يوصلهم
يخبر بنيني خل يحظرون
يواسوني يودعوني
وحسين اريده يغمض العيون
اعزازي ولياني
يحملون نعشي اويه اليشيعون
حتى اگول احبابي .. جبروا الخاطر
ما يطول اعتابي .. والگمر حاضر
گالوا بلا جفين يالماخذ عيوني
📌📌📌📌📌
ما اصدگ ينسوني
وينسون تعب سنيني ورباي
اولادي ما بيهم
غير الغيور الطبعه وفاي
وافوني جازوني
ماتوا عطش ما شربوا الماي
اتنطر عد موتي
اندفن يمهم طلبتي هاي
ما خذوني وياهم .. من حده الحادي
كل مسه برجاهم .. حگي لو نادي
بالاخو الوفه الدين عالشاطي مروني
📌📌📌📌📌
ودوني وخلوني
بالغاضريه ابين الگبور
واليسأل گلوله
السبب اجلها امصاب عاشور
من حگها لو ناحت
من عدها راحوا اربعه بدور
والاكثر صوبها
المن الگفه يا ناس منحور
بالعزي اعليها .. وشدة امصابه
واجب انواسيها .. ابدمعة سچابه
من صاحت اصوابين وبگلبي صابوني
📌📌📌📌📌
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة بالظلام اخذوني 📝👆🏻

✨خدمة محبي باسم الكربلائي تقدم:
📜قصيدة : من احداقي
✒️للشاعر : مهدي جناح الكاظمي
🔖:ليلة 4 محرم 1431
🕌:حسينية الرسول الاعظم ص - الكربلائية - لندن
https://t.me/m7bebasim/46694

مِنْ أَحْدَاقِي دَمْعٌ يَجْرِي
فِي أَحْشَائِي جَمْرٌ يَسْرِي
أَبْقَى أَنْعَى حَتَّى الْقَبْرِ
️️️️️▪️▪️▪️▪️▪️
سَتَبْقَى أَدْمُعِي تَجْرِي بِأَرْضِ اللَّهِ أَحْزَانا
تَصِيحُ بِمُسْمَعِ اَلدُّنْيَا حُسَيْنٌ مَاتَ عَطْشَانَا
و تَرْسُمُ لَوْحَةَ الطَّفِّ تَرَاتِيلاً و قُرْآنًا
وَتَعَرُّجُ لِلسَّمَاءِ فِيهَا جِرَاحُ السِّبْطِ قُرْبَانًا
آيَاتٌ فِي عَرْشِ اللَّهِ
فِيهَا يَبْقَى الْعَرْشُ يُبَاهِي
تَصرِحِي فِيهَا لِلْحَشْرِ
أَبْقَى أَنْعَى حَتَّى الْقَبْرِ
️️️️️▪️▪️▪️▪️▪️
هُوَ الرَّحْمَٰنِ سَوَانِي عُيُوناً لِلْجِرَاحَاتِ
إِذَا مَا دَمْعَتِي سَالَتْ بَكْتْ عَيْنُ السَّمَاوَاتِ
لِأَنِي فَاطِماً أَبْكِي وَ يَوْمُ الطَّفِّ مَأْسَاتِي
كَرَامَاتِي وَ مَا عِنْدِي مِنْ الزَّهْرَاءِ مَوْلَاتِي
جَرَحُ حُسَيْنٍ فِي تَكْوِينِي
وَ لَهُ أَبْكِي لَا لِبَنِينِي
وَ مَعِي تَبْكِي عَيْنُ الصَّبْرِ
أَبْقَى أَنْعَى حَتَّى الْقَبْرِ
️️️️️▪️▪️▪️▪️▪️
لَقَدْ عَلِمْتُ دُنْيَاكُمْ إِذَا مَرَّتْ بِضَرَاءِ
وَ دَاءُ الظُّلْمِ آذَاهَا حُسَيْنٌ بَلْسَمُ الدَّاءِ
هُوَ الْمَنْصُورُ مَظْلُوماً فَدَّا عَيْنَيْهِ أَبْنَائِي
هُوَ الْعَطْشَانُ وَ السَّاقِي سَمَا نَفَساً عَنْ الْمَاءِ
كَانَ وَحِيداً كَانَ غَرِيبا
وَ عَلَى الرَّمْضَى بَاتَ خَضِيبَا
مَنْحُورَاً فِي سَيْفِ الشَّمَرِ
أَبْقَى أَنْعَى حَتَّى الْقَبْرِ
▪️▪️▪️▪️▪️
و قَبْلَ الطَّفِّ وَ الْبَلْوَى أَنَّا الْكَرَارُ أَوْصَانِي
بَكَفَي شِبْلِيَ السَّاقِي وَ جُودَ الْمَاءِ أَعْطَانِي
وَ قَالَ سَتَضْمَأُ الْكُبْرَى فَهَاجَتْ كُلُّ أَحْزَانِي
بِهَذَا الْجُودِ عَبَّاسٌ سَيرَوِي قَلْبَ عَطْشَانِ
نَهْرٌ مِنْ رُوحِي يَسْقِيهِ
يَا كَرَّارُ أَنَا أُفْدِيهِ
وَ لَهُ مَاءاً يُمْسِي عُمْرِي
أَبْقَى أَنْعَى حَتَّى الْقَبْرِ
️️️️️▪️▪️▪️▪️▪️
تَعَالَى اللَّهُ بَارِينَا عَلَيْكِ جَلَالُهُ صَلَّى
تَعْجِبُ مِنْكَ يَعْقُوبُ وَ آدَمُ سَائَلَ الْمَوْلَى
وَ حَجْبَ دَمْعَهُ لِمَّا رَآكِ بِالْبُكَاءِ أَوْلَى
بِقَيْعَكِ هَاجَرٌ جَاءَتْ تَطُوفُ مَقَامَكِ الْأَعْلَى
قَدْ أَفْجَعَتِي هَذَا الدَّهْرَا
مِنْ مِثْلُكِ وَاسَا لِلزُّهْرَا
إِذْ قُلْتِب حُسَيْنٌ فِي صَدْرِي
أَبْقَى أَنْعَى حَتَّى الْقَبْرِ
️️️️️▪️▪️▪️▪️▪️
إِلَى وَادِيكِ مَسْعَانَا إِلَى أُمِّ الْعُلَا نَسْعَى
أَتَينَاهَا هُنَا نَبْكِي وَ جَمْراً نَذْرَفُ الدَّمْعَا
نَوَاسِيكِ بِأَبْنَاءٍ قَضُوا فِي كَرْبَلَاءَ صَرْعَا
وَ أَنْتَ بَقِيتَ يَا أَمّاً لِأَحْرَارِ الْوَرَى نَبْعَا
يُسْقِي الضّمَاءَا عَذْبَ الْمَاءِ
صَوْتٌ يَعْلُو فِي الْأَرْجَاءِ
وَ لَهُ يُصْغِي سَمْعُ الدَّهْرِ
أَبْقَى أَنْعَى حَتَّى الْقَبْرِ
️️️️️▪️▪️▪️▪️▪️
لَآلَ اللَّهِ أَرْوَاحاً وَ أَبْنَاءاً فَدَيْنَاهَا
عَلِمنَا مِنْكِ إِيثَاراً دُرُوساً أَنْتِ مَعْنَاهَا
نُفُوساً حُرةً فِينَا إِمَامُ الْعَصْرِ أَحْيَاهَا
جَنُوداً كُلُّنَا نَمْضِي لِنَصَرَةِ وَارِثٍ طَاهَا
حُزْنُكِ أَغْنَى كُلَّ ضَمِيرِ
قُولُكَ يَسْعَى لِلْمَذْخُورِ
يَبْكِيهْ يَا أُمَّ الْبَدْرِ
أَبْقَى أَنْعَى حَتَّى الْقَبْرِ
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة من احداقي دمعي يجري 📝👆🏻

(﷽)
بالتعاون مع صفحة العبرات الحسينية
خدمة محبي باسم الكربلائي تقدم:

📜:أسبلت دمعي
🖋️:ميرزا عادل الأشكناني
🔖:ليلة 13 جمادى الآخرة 1442 هـ
🕌:العتبة العباسية المقدسة
🎶:#يا_آل_قوم
https://t.me/m7bebasim/46747

أسْبَـلتَ دمعي..أقْـرَحْتَ جفني
و صارَ عمري..مُـذ غبْتَ عنِّي
همَّاً بهَـمِّ..حُزناً بـحُـزنِ
قدَّمْتُ شبَّاني..إليكَ قُرباني
▪️▪️▪️▪️▪️
ازرعت شوفي عَلىٰ درب اليجي و الرَّاح
او عَلىٰ اللّي راح أدگِّ الرّاح فوگ الرّاح
مدّيت النواظر والعُيون اِشباح
تترقّب شبَح من خامس الاشباح
أگولن عيب يا گلبي بعد ترتاح
و المناطَر منِ المصباح للمصباح
قد بُحَّ صوتي..مِنَ النُّواحِ
و ذا انتظاري..و الجفنُ صاحي
من الصَّباحِ..إلى الصَّباحِ
تسهيدُ أجفاني..إليكَ قُرباني
▪️▪️▪️▪️▪️
ترد لو ما ترد ظلّت ترِف عيني
او يرِف گلبي اعله موعد بينك او بيني
چنّي امضيْعه روحي او مدري لا ويني ؟
او چف صبري ألاوِيه او يلاويني
لجل حبّك بعِت اربع قرابيني
او عَله نِيتي أريد الزهره تنطيني
حُسينُ فاقْبَلْ..قربانَ وُلدي
بدورَ ليلي..و نجمَ سَعْدي
لا شيءَ منهُم..أعزُّ عندي
خُذ ماءَ شرياني..إليكَ قُرباني
▪️▪️▪️▪️▪️
حزنك طُوگ أسوَد لايگ ابجيدي
يمساوي عليَّه امحرّمي او عِيدي
قليله اربع بنيني لاچن اشبيدي ؟
ولا أملك أعز من وِلدي يوْليدي
تگلّي الناس هيدي امن الحزن هِيدي
و أنا أگولن يروحي ابونّتچ زِيدي
يا ليتَ شِعري..كيفَ اصطباري
وفي ضلوعي..هَجِيجُ ناري
مُذ غبتَ عنّي..بانَ انكساري
وطولُ أحزاني..إليكَ قُرباني
▪️▪️▪️▪️▪️
بين الأمل والياس او عله ساعه
دخل ناعي المصايب والخبر ذاعه
شفته ابحال فَتني او للگلب رَاعه
امفرّع ، يجري دمعه ، امشمّر اذراعه
اينادي احسين بالطف كسروا اضلاعه
ثلثتيّام عاري اموسّد ابـ گاعه
معفرّاً في..حرِّ الرَّمالِ
و الرأسُ منه..فوق العوَالي
فالحزُن باقٍ..طولَ اللّيالِي
و دمعيَ القاني..إليكَ قُرباني
▪️▪️▪️▪️▪️
بشِر گَلّي أبوفاضل وفه ابدَينه
او طاحن عالشريعه ايساره و ايمينه
ضوه اعيونچ سهم نابت وسط عينه
گلتله ايروح فدوه لوالد اسكينه
خبّرني ابعزيز أم الحسن وينه ؟
ليش اويه الظعينه ما رجع لينه
أين ابنُ فاطم..يا بِشْرُ قلُ لي
مما دهاني..قد طارَ عقلي
واهٍ لكربي..واهٍ لذُلِّي
ترديدُ أشجاني..إليكَ قُرباني
▪️▪️▪️▪️▪️
يهونون الوِلِد بالحومه تتبضّع
و ارَضّي روحي بيك او خاطري يقنَع
راس احسين ما فدّيه بالاربع
اضحّي اربع بنيني او يسلم الإصبَع !
لچَن حبل الأمل من امّك اتگطّع
او خابت ظنّتي و الراح ما يرجعَ
كقولِ شبلي..عندَ المنونِ
أقولُ قولي..فلتَسْمَعُوني
بعدَ الحسينِ..يا نفسُ هُوني
روحي و وجداني..إليكَ قرباني
▪️▪️▪️▪️▪️
خلص عمري أنوحك يا بعد عمري
او إلك دجله او فرات اعله الوجن أجري
گرب ليّه الأجل و احزانك ابصدري
مثل چانون لاهب ما برد جمري
أدري الموت مانع جيّتك أدري
لچَن ياهو الذي اينزلني اِبگبري ؟!
أيا حسينٌ.. قد حان حتفي
لكربلا قد..أدرتُ طرْفي
و نحوَ وُلدي..مددتُ كَفِّي
لرفعِ جُثماني..إليك قُرباني
https://t.me/AlAbaratAlHosainiya
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*