(﷽)
⚜خدمة محبي باسم الكربلائي تقدم:
📜القصيدة : يا محمد تدري
🖋الشاعر: انيس الخفاجي الكربلائي
📌الليالي الفاطمية 1442 هـ
ليلة 8 جمادى الاولى 1442 هـ
ساحة الشهداء المركزية -البصرة
https://t.me/m7bebasim/46460

يا  محمد تدري حرگوا بابك
هواي ظلموا فاطمة بغيابك
▪️▪️▪️▪️▪️
ناس چانت تدّعي اتقوم بصلاتك
وناس چانت بالغصب تدفع زكاتك
وناس چانت بالچذب تمسح عباتك
ذوله نكروا  فاطمة ابلحظة مماتك
وسفه نكروا بضعتك واكتابك
▪️▪️▪️▪️▪️
يا محمد حيف من وصيت الاصحاب
الزهرة مني وهلله هلله باغله لاحباب
من رحت اصحابك انگلبوا عالاعقاب
وره الباب الطاهرة وحرگوهه للباب
دفعوا الباب اعله اغله احبابك
▪️▪️▪️▪️▪️
فاطمة العطرك چنت تشتمه بيهه
الما يخاف امن الله مد ايده عليهه
وبالحطب والنار وسفه امحاوطيهه
النار حرگت ثوبهه وچوّت اديهه
والجره للزهرة زاد امصابك
▪️▪️▪️▪️▪️
باليتيم ايوصي ربنه لا تنهره
وانت بنتك والله للخاطر تكسره
عينهه من البچي والضرب حمره
عالوجه سطروهه والله شلون سطره
الزهرة نادت وانت جوه اترابك
▪️▪️▪️▪️▪️
عالعصابة المجرمة ياطه فاشهد
خلاف عينك فاطمة ضربوهه عالخد
الله ما يرضه ولا يرضاهه احد
دم بقه ينزف ضلع بضعة محمد
هيچي جازوا بضعتك اصحابك
▪️▪️▪️▪️▪️
عگبك الزهرة فلا طوّل عمرهه
الما إله امروة وره الحايط عصرهه
باب بيتك طاحت اعليهه اشكبرهه
الباب بسماره دخل كله بصدرهه
بهالمصيبة ما حسبت احسابك
▪️▪️▪️▪️▪️
يا محمد فاطمة اتغير وضعهه
گوه گوه لو مشت تلزم ضلعهه
تمشي محنية الظهر من گد وجعهه
ما تجيهه لفاطمة وتمسح دمعهه
والـظلمهه وسفه داس اعتابك
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة يا محمد تدري📝👆

خدمة محبي باسم الكربلائي تقدم:

📜:كلمة سر الدعاء
🖋️:محمد البشير
🔖:ليلة 9 جمادى الأولى 1442
🕌:ساحة الشهداء - البصرة
https://t.me/m7bebasim/46488

كَلِمَة سِرِّ الدُّعَاء ، إِلَهِيْ بِـ فَاْطِمَةْ
تِفْتَحِ اَبْوَاْبِ السَّمَاءْ ، إِلَهِيْ بِـ فَاْطِمَةْ
صَرْخِتَك هذا العَزَاء ، إِلَهِيْ بِـ فَاْطِمَةْ
▪️▪️▪️▪️▪️
يَالجِبِتْ عُمْرَكْ غَرِيْبِ اِبْلَاْ مِچَانْ
تِشْتِرِيْ ذْنُوْبَكْ غِنَهْ بْـ وَكْتِ الأَذَان
بِيْدِيْ جَاْيِبْلَكْ حِرِزْ وَيَّاهْ ضَمَانْ
يُعْتَبَر أوَّلْ مَفَاْتِيْحِ الجِنَاْن !
عَشْرَةْ احُرُفْ صَاْفِيَاتْ ، إِلَهِيْ بِـ فَاْطِمَةْ
أَسِّسَنْ مَعْنَىٰ الحَيَاةْ ، إِلَهِيْ بِـ فَاْطِمَةْ
يِدْعُوْ بِيْهِنْ أَنْبِيَاءْ ، إِلَهِيْ بِـ فَاْطِمَةْ
▪️▪️▪️▪️▪️
مَاْ يِفِيْدَكْ جَاهْ وَ امْوَاْلِ وْ بِيُوتْ
أَوَّلِ وْ تَاْلِيْ يَ بِنْ آدَمْ تِمُوتْ !
هْنَاْكَ وَحْدَكْ تِبْقَىٰ وِ يْعِمِّ السِّكُوتْ
وِ انتَ أَضْعَفْ مِنْ خِيُوْطِ الْعَنْكَبُوتْ
تِبْقَىٰ بِتْرَاْبَكْ وَحِيدْ ، إِلَهِيْ بِـ فَاْطِمَةْ
حَاْيِرِ وْ نَجْمَكْ بِعِيدْ ، إِلَهِيْ بِـ فَاْطِمَةْ
حِجِّتَكْ گَبْلُ الفَنَاءْ ، إِلَهِيْ بِـ فَاْطِمَةْ
▪️▪️▪️▪️▪️
لِيَشْ تِتْمَرجَحْ ، عَلَىٰ اِحْبَاْلِ الْحَيَاةْ
وِ انتَ تِدْرِيْهِنْ يِخِنْگَنْ بِالْمَمَاتْ ..
إِخْدِمِ وْ غَاْدِرْهَاْ مَحْمُوْدِ الصِّفَاتْ
هَمْ سِمَعْتِ اِبْيُومْ ، خَاْدِمْ ذِكْرَهْ مَاتْ
مَاْ يِصِحْ إِلَّاْ الصَّحِيْحْ ، إِلَهِيْ بِـ فَاْطِمَةْ
وْمَاْ يِمُوْتِ الِّيْ يِصِيحْ ، إِلَهِيْ بِـ فَاْطِمَةْ
يِبْقَىٰ إِسْمَهْ بْـ كَرْبَلاءْ ، إِلَهِيْ بِـ فَاْطِمَةْ
▪️▪️▪️▪️▪️
إلْتِفَافِ النَّاسْ حَوْلَكْ ، مُوْ قِيَاسْ
بَاْچِرْ اِتْمُوتْ وْ تِضَلِّ اِبْلَاْيَهْ نَاسْ
لَاْ تِعَمُّرْ بِيْتَكْ وْ مَاْ بِيْ أَسَاسْ
وْ لَاْ تِرَوِّيْ الشِّجْرَةْ يَمِّ الْبِيْدَهْ فَاسْ
مِنْ عَلَاْمَاْتِ القُبُولْ ، إِلَهِيْ بِـ فَاْطِمَةْ
لِلْقِيَاْمَة إِبْقَىٰ گُولْ ، إِلَهِيْ بِـ فَاْطِمَةْ
تِصْبَحِ اِمْنِ الاَتْقِيَاءْ ، إِلَهِيْ بِـ فَاْطِمَةْ
▪️▪️▪️▪️▪️
صَفِّيْ نِيْتَكْ حَتَّىٰ بَاْچِرْ تِعْتِنِيكْ
فَاْطِمَةْ لْگَبْرَكْ وَ حَگْ عَيْنَكْ تِجِيكْ
لَاْ تِصَدِّگْ بِالْيِسُوْلِفْ حَلْگَهْ بِيكْ
بَاْچِرِ اِيْبِيْعَكْ وْ هِيَّ الْتِشْتِرِيكْ
مَاْ إِلَكْ بالخِدْمَهْ غَيْرْ ، إِلَهِيْ بِـ فَاْطِمَةْ
سَوَّتِ بهَالدِّنْيَاْ خَيرْ ، إِلَهِيْ بِـ فَاْطِمَةْ
تِرْسَتِ العَاْلَمْ ضِيَاءْ ، إِلَهِيْ بِفَاْطِمَةْ
▪️▪️▪️▪️▪️
لَاْ تِغَطِّيْ اِعْيُوْبَكِ بْـ لِبْسِ الْحَرِيرْ
وِ انْتَ تِدْرِيْ بْدَاْخِلَكْ خَاْلِيْ وْ فَقِيرْ
فَصِّلِ اِثْيَاْبِ الخِدَاْمَةْ اِعْلَهْ الضَّمِيرْ
وْ مِنْ بَعَدْهَا الدِّنيَاْ بِـ چْفُوْفَكْ تِصِيرْ
إِسْعَىٰ بَسْ ضُمِّ الـ ( سِعَيتْ ) ، إِلَهِيْ بِـ فَاْطِمَةْ
تِبْقَىٰ عَاْلِيْ شْمَاْ دِعَيتْ ، إِلَهِيْ بِـ فَاْطِمَةْ
حِرْزَكِ اِبْهَذَاْ النِّدَاءْ ، إِلَهِيْ بِفَاْطِمَةْ
▪️▪️▪️▪️▪️
بالمَجَاْلِسْ فَاْطِمَةْ اِتْسَجِّلْ حِظُورْ
تِكْتِبْ اِسْمِ البَاْرِدْ و إِسْمِ الْيِفُورْ !
تِعْتِنِيْ لْـ كُلْ مَنْبَرِ اِتْحُطْ بِيْ بِخُورْ
وْ تِرْجَعِ لْـ كَرْبَلَاْ اِتْقَسِّمْ بِالْأُجُور
إِدْعِيْ تِرْضَه الزَّهْرَهْ بِيكْ ، إِلَهِيْ بِـ فَاْطِمَةْ
إِدْعِيْ وْ التِهْواهْ يِجِيكْ ، إِلَهِيْ بِـ فَاْطِمَةْ
مِحْوَرِ الحُبْ إِنْتِماءْ ، إِلَهِيْ بِـ فَاْطِمَةْ
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
للقصائد المكتوبة📝 https://t.me/joinchat/AAAAAD9zrDwqsNhwhBThQA
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة كلمة السر 📝👆

✨خدمة محبي باسم الكربلائي تقدم:
📜قصيدة : سلاما من محمد ع الضلع
✒️للشاعر : علي السعيدي
📌 : الليالي الفاطمية
📅:ليلة 9 جمادى الاولى 1442
🕌: ساحة الشهداء المركزية البصرة
https://t.me/m7bebasim/46328

سلاماً من محمـد عالضلع سلاماً
🔶🔶🔶🔶🔶
من رسول الله محمـد للضلع وأم الحسن
ياسلام اللـه ورحمته نكتبة بطرف الچفن
وطن چانت أم أبوها وكسروا ضلوع الوطن
عتب عدنه وي الغدرها مانعاتب عالزمن
سلاماً عالجنين المنصرع سلاماً
🔶🔶🔶🔶🔶
العتبة الزهره سلامي يوصل الدمع الطفل
ياوسافه شلون محسن شبل فاطم ينچتل
ماكو ذره نصاف عدهم ونهدم باب العدل
اليدفع الباب بيمنه غيره ماعنده ونذل
سلاماً على باب اليندفع سلاماً
🔶🔶🔶🔶🔶
فاطمه وسطرت جبينچ هدمت أركان السمه
الله لاينطي الظلمهه وسطر خد العالمه
ودعت عدهم أمانه وگلت راعو فاطمه
بخت بيكم بالوصيه چتفت حامي الحمه
سلاماً عالفقار المنفجع سلاماً
🔶🔶🔶🔶🔶
ياحجاب اللـه ورسوله وبيچ من عطري عطر
يا ألف وسفه وندامه يوصلچ چف الغدر
جدمچ الكله طهاره ينچوي بحر الجمر
نار يابويه اعله بابچ حقد عدهم من بدر
سلاماً والغدر عدهم طبع سلاماً
🔶🔶🔶🔶🔶
دراچ الچان بوجودي مهبط لروح القدس
چان جبرائيل يمي لوحچه بدارچ همس
ادري من أعيوني تغفه يهجم عليچ الرجس
وسفه والشجره اللعينه أباب دارچ تنغرس
سلاماً للحنين وللدمع سلاماً
🔶🔶🔶🔶🔶
خلافي يالزهره الزچيه حزن كل أيامچ
ياحلم كل اليتامه تنذبح أحلامچ
فاطمه وأعظم مصيبه من تظل أيتامچ
رايح ومأخذ دمعتچ للعرش جدامچ
سلاماً للوتر وي الشفع سلاماً
🔶🔶🔶🔶🔶
ياعلي وهاي الأمانه خلهه بين أعيونك
باچر أصحاب الخيانه كلهم أيعادونك
بفاطمه ونور الجلاله ياعلي أيغدرونك
لخاطر عيون الخلافه رادوا أيبعدونك
سلاماً للنداء المرتفع سلاماً
🔶🔶🔶🔶🔶
ضلعاي
ابزغري وللظلم برهان .. ضلعاي
ولا مره صفالي الوكت .. ضلعاي
علي لمن عرف مكسور .. ضلعاي
قلبه وخاطره انكسرن عليه
🔶🔶🔶🔶🔶
عصاله
الاول ما راعه ابديني .. عصاله
وامر رب العرش بيّه .. عصاله
اعمى جان والثاني .. عصاله
ضربني وشك عصى الاسلام بيه
🔶🔶🔶🔶🔶
بسماه
وحك رب العرش والعرش .. بسماه
كلمن سامني خسران .. بسماه
اصيحن عالوكف عالباب .. بسماه
واصب نار الحشر فوكه بديه
🔶🔶🔶🔶🔶
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة سلاما من محمد عالضلع 📝👆

✨خدمة محبي باسم الكربلائي تقدم:
📜قصيدة : عن ثار الزجيه
✒️للشاعر : سيد زيد الفحام
📌 : الليالي الفاطمية
📅:ليلة 12 جمادى الاولى 1442
🕌: حسينية داود العاشور - البصرة
https://t.me/m7bebasim/46362

عن ثار الزچيه
منعتني الوصيه
عجّل وطلب الثار
عجّل وطلب الثار
▫️🔸🔸🔸🔸🔸▫️
آنه المرتضى ياصاحب الطلعه البهيه
ما يرجف گلب جدك علي بيوم المنيه
اقسم بالنبي يالمنتظر لوله الوصيه
چان بذوالفقاري اذبح الأذّه الزچيه
ثارك هوه ثاري
بيدك ذوالفقاري
عجّل وطلب الثار
عجّل وطلب الثار
▫️🔸🔸🔸🔸🔸▫️
الباب الخيبري عندك علم آني القلعته
لمرحب من برز محّد برز آني الصرعته
اصعب كل حرب كاس الصبر لمن جرعته
اصبر عالدفع بابي ودخل داري وسمعته
وفـلان الاعــرفه
يحرگ بابي وسفه
عجّل وطلب الثار
عجّل وطلب الثار
▫️🔸🔸🔸🔸🔸▫️
آنه المابرز واحد الي ورد لهله سالم
آنه الّا فتى إلا علي بوكت الملاحم
اصبر ما ارد عاليعصر المضلومه لازم
ماصاحت علي بيهم بخت يالمهدي فاطم
لو صاحت يحيدر
تصبح ثاني خيبر
عجّل وطلب الثار
عجّل وطلب الثار
▫️🔸🔸🔸🔸🔸▫️
فلان الناصبي لمن كسر ظلع القداسه
ما عفته وسحبته عله الارض دست عله راسه
لوما تنحسب قتل البغي لجل الرئاسه
چان بسيفي اگطع منحره وافنيها ناسه
الغارق بنتقاصه
تاركلك قصاصه
عجّل وطلب الثار
عجّل وطلب الثار
▫️🔸🔸🔸🔸🔸▫️
من غاب النبي عافوني يالمهدي بغيابه
عشره لو اقل ويّايه من كل الصحابه
وبهذا الوضع وصّه النبي وحاسب حسابه
اصبر ما اقاتل احفظ الدين وكتابه
عدواني اتركتهم
لسيفك امهلتهم
عجّل وطلب الثار
عجّل وطلب الثار
▫️🔸🔸🔸🔸🔸▫️
لا ترحم ابد من تظهر اصحاب السقيفه
ذوله الخانوا ومارحموا الزهره الشريفه
عصروا فاطمة بنت النبي وخانو رغيفه
واليرضه بفعل ابن الصهاكي لا تعيفه
والكسرو ضلعها
تشكيلك وضعها
عجّل وطلب الثار
عجّل وطلب الثار
▫️🔸🔸🔸🔸🔸▫️
امك فاطمه يالمنتظر ماتت شهيده
من اهل السقيفه الناصبه ثارك تريده
اظهر والكسر ظلع الشرف اكسرله ايده
تعرف من غصب يالمنتظر حق الصميده
اظهر من غيابك
راويهم عقابك
عجّل وطلب الثار
عجّل وطلب الثار
▫️🔸🔸🔸🔸🔸▫️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة عن ثار الزجية 📝👆

✨خدمة محبي باسم الكربلائي تقدم:
📜قصيدة : حدث الناس على قد عقولها
✒️للشاعر : ناجي العتابي
📌 : الليالي الفاطمية
📅:ليلة 13 جمادى الاولى 1442
🕌: حسينية داود العاشور - البصرة
https://t.me/m7bebasim/46381


حدّث الناس اعله گد عقولها
وكلمة الحق اعله روحك گولها
🚩🚩🚩🚩🚩
لا تسولف عن علي وتسأل سؤال
المستحيل يكون عنده والمحال
ابعين ابو الحسينين ما توگف رجال
توگع اگباله الزلم من طولها
🚩🚩🚩🚩🚩
گباله ما توگف زلم توصل
وآه لو ما جانت وصية الرسول
ياهو يگدر يدنه من باب البتول
انته يمها اشحدهم يمرولها
🚩🚩🚩🚩🚩
اقره واسأل عن علي حامي الحمه
لو رفع چفه يلوح الـ بالسمه
وسفه چف فلان يسطر فاطمه
جروح صبره شگد ملح خلولها
🚩🚩🚩🚩🚩
انزل الباري عليه ثقل الصبر
اگباله مو هينه الجيه تنسطر
حيدر اول مره يوگف منكسر
گلبه شاب امن المصيبه وهولها
🚩🚩🚩🚩🚩
يا علي الحالك اگول الله اليعين
زينب اتسكتها لو تدفن جنين
الزهره ماتت والحسن ويه الحسين
گومي صاحوا فاطمة ويدعولها
🚩🚩🚩🚩🚩
راح من عندك يبو حسين الاعز
گلبك البسمار لو بيها انغرز
كتب فوگ الگاع من طاح الخرز
فاطمة السبحة وعلي شاهولها
🚩🚩🚩🚩🚩
راح اسولفلك جرح بيه الختام
الحرگ ذاك الباب حارگلك خيام
العنده ابن مذبوح عينه ما تنام
ابگبرك وتسمع تدوسه اخيولها
🚩🚩🚩🚩🚩
ابوذيات : ضلعاي , عصاله , بسماه
للشاعر : ناظم الحاشي
https://t.me/m7bebasim/46382

ضلعاي
ابزغري وللظلم برهان .. ضلعاي
ولا مره صفالي الوكت .. ضلعاي
علي لمن عرف مكسور .. ضلعاي
قلبه وخاطره انكسرن عليه
🚩🚩🚩🚩🚩
عصاله
الاول ما راعه ابديني .. عصاله
وامر رب العرش بيّه .. عصاله
اعمى جان والثاني .. عصاله
ضربني وشك عصى الاسلام بيه
🚩🚩🚩🚩🚩
بسماه
وحگ رب العرش والعرش .. بسماه
كلمن سامني خسران .. بسماه
اصيحن عالوكف عالباب .. بسماه
واصب نار الحشر فوكه بديه
🚩🚩🚩🚩🚩
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة حدّث الناس 📝👆

(﷽)
✨خدمة محبي باسم الكربلائي تقدم
📜قصيدة: صوت النبي
✒للشاعر: السيد عبد الخالق المحنه
🕌 : ساحة الشهداء ، البصرة
🔖المناسبة : الليالي الفاطمية ، ليلة 9 جمادى الأولى 1442 هـ
🎼:#ما_يبقه_غير_الدمع
https://t.me/m7bebasim/46370

صوت النبي من الگبر
يا ابا الْحَسَن مأجور
رِدْ الأمانهْ اِلي
ما قَصرت مشكور
علي يا علي
1️⃣✅1️⃣✅1️⃣✅1️⃣✅
واگف محمد بالگبر
و اِعله الدرب اَنظارهْ
هالليله لازم يستعد
أُم الحَسَن خطاره
هذا الجرح مو من عدو
جرحه إجه اِمن اَنصاره
وطبع الذي يحمل ثمر
لازم تصيبه اِحجاره
ما مرتدي اِعمامته
سيد البشر مقهور
وينادي وين الوفه
ليش الشرف مغدور
علي يا علي
2️⃣✅2️⃣✅2️⃣✅2️⃣✅
ظل ينتظر واعله الجمر
متلهف يلاگيها
رِد العزيزهْ يا علي
خلي اشوف شبيها
سلمها بيده حيدره
والدمعه ما يخفيها
كله يـ طه اعتذر
لو ما گدرت احميها
صاح النبي يا علي
لا تعتذر معذور
ادري بعد غيبتي
دمكم صفى مهدور
علي يا علي
3️⃣✅3️⃣✅3️⃣✅3️⃣✅
عندي علم باللي حصل
بس للحديث اسبابه
اعرف منو الشال الحطب
واعرف منو الحطابه
للشيعه نشرح هالألم
خاطر تعيش مصابه
خل تعرف اجروح النبي
واللي حصل بغيابه
حق التواضع شتم
من يحكم المغرور
كسروا جناح الصگر
وتجرأ المصگور
علي يا علي
4️⃣✅4️⃣✅4️⃣✅4️⃣✅
سولف يحماي الحمه
وحچايتك مسموعه
اشرح تفاصيل القتل
رايد اعيش اللوعه
ليش ابجفن فاطم دمه
احمر شنو موضوعه
هذي اصابع عالوجه
يا ابا الْحَسَن مطبوعه
من هالاثر ينعرف
خد فاطمه مسطور
دور يـ طه بعد
تلگه ضلع مكسور
علي يا علي
5️⃣✅5️⃣✅5️⃣✅5️⃣✅
اشرحلي عن هذا الورم
ليش اعله متن البضعه؟!
گله بسياط الطاغيه
بس هذا بعد الصفعه
گالتله لا تآذي النبي
والغايه بس تمنعه
والناصبي بأذنه صنم
صوت السمه ميسمعه
جف الظلام ارتفع
رايد يطفي النور
كلشي صرخ يا علي
المن بعد مذخور
علي يا علي
6️⃣✅6️⃣✅6️⃣✅6️⃣✅
يا حيدر ابچف فاطمه
هذا جرح لو كسره؟!
گله الرفس بابك نذل
چف الورد مينحره
باب وجدار تلاحمن
جانت مهولهْ العصره
صوره ابجدار تعلگت
هيج اني شفت الزهره
مجتوفه اديه بحبل
و براسي دنيه ادور
وبسيفي صرخة غضب
بس عالصبر مجبور
علي يا علي
7️⃣✅7️⃣✅7️⃣✅7️⃣✅
يا حيدره ابرغم الجره
باجر نشوف الأصعب
واهنا اكو باب احترگ
باجر مخيم يلهب
واهنا اكو كلمة و إن
باجر حرم تتسلب
باجر جثث فوك الثره
بيها الحوافر تلعب
كل التشوفه سهل
من يبتدي عاشور
چم غالي واگع عطش
يم النهر منحور
✅✅✅✅✅✅✅✅
تمت بواسطة #علي_حجاب #Ali_Hijab

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة صوت النبي 📝👆

خدمة محبي باسم الكربلائي تقدم:

📜:لا تحرق البيت
🖋️:سيد عبدالخالق المحنة
🔖:ليلة 13 ربيع الثاني 1442
🕌:هيئة خدمة علي الأكبر ع
حسينية خدمة أهل البيت ع-كربلاء المقدسة
🎶طور:#ميمر
https://t.me/m7bebasim/46413

ليش اعله باب المعروف
اهل الغدر مزدحمه
1️⃣✅1️⃣✅1️⃣✅1️⃣✅
لا تحرك البيت الخدم بي جبريل
عندك علم شنهو الحصل لأهل الفيل
طير ورماهم والحجر من سجيل
سيف الصميده السجيل بس الوصيه تلزمه
2️⃣✅2️⃣✅2️⃣✅2️⃣✅
هذي جزاته السجل الكم عنوان
صاحب وفي شبعكم وظل جوعان
بس الضبع صعبه تسوي انسان
تصبح غبار الصحبان لمن تبيع الذمه
3️⃣✅3️⃣✅3️⃣✅3️⃣✅
باب الحرگتوا مو فتح الكم باب
دوله صبحتوا وصار اسمكم ينهاب
بين حقدكم من بدر والاحزاب
واللي يصاحب ثعبان لازم يفرغ سمه
4️⃣✅4️⃣✅4️⃣✅4️⃣✅
بوكت الحرب ما شفنه بيكم رجال
يم فاطمه صرتوا رجال وابطال
يهل الحفر وسفه صعدتوا اعله جبال
گمتوا تشمرون احجار لمن وصلتوا القمه
5️⃣✅5️⃣✅5️⃣✅5️⃣✅
بيت اليطفي النار شبت بي نار
وكلمة وأن جانت أشد من بسمار
والتبعوا اثار النبي لباب الغار
وصلوا لبيته ابنيران واهل الحطب متحزمه
6️⃣✅6️⃣✅6️⃣✅6️⃣✅
هذا جزاكم للوفي وطيب الذات
واسيتوا بنته بالشتم والعصرات
والعظم الله أجرج صفت بالسطرات
والرحمه تتجازى شلون بالمنقلب والنقمه
✅7️⃣✅7️⃣✅7️⃣✅7️⃣
صار انقلاب وهذي ثورة اصنام
ثورة جهل ضد العلم والاحكام
والما قبل يحكم صنم بالإسلام
خلي يحترگ بابه عليه يرسم طريقه ابدمه
✅8️⃣✅8️⃣✅8️⃣✅8️⃣
بعض البشر يملك عقلها الإعلام
مظلومه لكن دافعت عن ظلام
ما يحكم الناس الملت صدره اسهام
يحكمهم الباع السيف والما خجل من اسمه
✅9️⃣✅9️⃣✅9️⃣✅9️⃣
اكسر قلم حتى الجهل يتقدس
خلع الضماير مثل خلع المحبس
والما لبس ثوب الكرامه شيلبس
خلي يلبس ثياب العار اعمى ويگود بأعمى

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة لاتحرق البيت 📝👆🏻

✨خدمة محبي باسم الكربلائي تقدم:
📜 قصيدة :دارك هالمسه وحشه وحزينه
✒️ للشاعر: عمار هليل الواسطي
🔖الليالي الفاطمية الثانية
📌ليلة 14 جمادى الأولى_ 1442 ھ
🕌 حسينية داوود عاشور _ البصرة_ ابو خصيب
https://t.me/m7bebasim/46407

دارك هالمِسَه وحشه و حزينه
طفت شمعةْ حياتك يا علينه
▪️▪️▪️▪️▪️
على بابك أثر چف النبوه
وعلى بنت النبي دفعوها گوه
عِصَرها الماله دين ولا امروّه
لئيم وما حفظ حرمةْ نبينه
طفت شمعةْ حياتك يا علينه
▪️▪️▪️▪️▪️
حرام نسمّي هالعدوان أصحاب
بَري منهم رسـول الله والكتاب
جنين إلّي سگط يم عتبة الباب
يظل شاهد على أصحاب الضغينه
طفت شمعةْ حياتك يا علينه
▪️▪️▪️▪️▪️
الله يعينه گلبك يا أبو حسين
شفت بالطاهره مكسور ضلعين
شفت آثار سطرةْ حقد عالعين
يريت الصابها إنشلّت يمينه
طفت شمعةْ حياتك يا علينه
▪️▪️▪️▪️▪️
يتيمه بيا بخت زينب يتيمـه
بدت هاي المسه أول هضيمه
يحيدر والحصل أكبر جريمه
گلبك ما سكن لحظه ونينه
طفت شمعةْ حياتك يا علينه
▪️▪️▪️▪️▪️
دارك مظلمه أمست يكرار
يلن خصمك طفاهه شمعة الدار
بدمع من دم بچيت الأم الأطهار
ونفس هذا الحزن يا علي بينه
طفت شمعةْ حياتك يا علينه
▪️▪️▪️▪️▪️
تغسلها بدمع عينك يغالي
الله يساعدك صعبه الليالي
ثگيل النعش گمت تحس يوالي
نعش وأملاك ربنا إمشيّعينه
طفت شمعةْ حياتك يا علينه
▪️▪️▪️▪️▪️
هدم حيلك تره فگد الزچيه
يبو اليمه وعشت أصعب رزيـه
منـيّه وتِـهْدِم الحيل المـنيّه
الله يعين صبرك يا ولينه
طفت شمعةْ حياتك يا علينه
▪️▪️▪️▪️▪️
ونابت
شجرة وبالعرش جذري .. ونابت
ومناسك للحجيج اني .. ونابت
رفع سوطه وضرب وجهي .. وانا بت
محمد والسمه اهتزت عليه
▪️▪️▪️▪️▪️
طفلها
گبل طف الحزن روحي .. طفلها
على بابي وشمع بيتي .. طفلها
يا هي البنت نبي وكتلوا .. طفلها
مثلي وصار بيها الصار بيّه
▪️▪️▪️▪️▪️
تعنه الجان وكر غراب .. وكراه
واخذ عش الصگور بغدر .. وكراه
سلب حگي بجرم مشهود .. وكراه
وحرگ بيتي وكسر ضلعين بيّه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة دارك هالمسه📝👆

(﷽)
⚜خدمة محبي باسم الكربلائي تقدم:
📜القصيدة: صرخة تعتلي
🖋الشاعر: حمزة السماوي
📌الليالي الفاطمية
🔖ليلة 14 جمادى الاولى 1442 هـ
🕌حسينية المرحوم داوود العاشور
https://t.me/m7bebasim/46953

صرخه تعتلي الحگ يا علي يبويه
ياحامي الحمه ماتت فاطمه يبويه
▪️▪️▪️▪️▪️
ركض تسمع وضع وجهك تغير
جنت تدعي صرت تبچي يحيدر
علي بثوبك شفت جدمك تعثر
اجو ولدك يصيحولك تحضّر
امنه اتشاهدت عافتنه ومشت يبويه
لا مو نائمه ماتت فاطمه يبويه
▪️▪️▪️▪️▪️
الحسن شفته نزل يبجي اعله رجلك
اكعّدهه ولا تكعد يكلك
علي بويه اكو رجعه ؟ يسالك
شمس بيتي كلت بلكت تردلك
بام گلب النقي ما ضن نلتقي يبويه
دارك مظلمه ماتت فاطمه يبويه
▪️▪️▪️▪️▪️
ابد ماكو مثل امي وحجيهه
اذا نمشي تخلي ايدي بديهه
غفُل راحت ولا اكدر اجيهه
التفرحني تبچيني عليهه
جرح الام صعب رايدله گلب يبويه
جمُله مؤلمه ماتت فاطمه يبويه
▪️▪️▪️▪️▪️
الحسين ابنك بقه يرجف حضنته
سكت صوته ولا سكتت دمعته
وكع وكعه ولزم بيده ركبته
قبل عباس عله الزهره كسرته
من ذاك الوكت صاح اتسلبت يبويه
استعجلني الضمه ماتت فاطمه يبويه
▪️▪️▪️▪️▪️
يتيم الاب يدارونه عمامه
ويتيم الام منو يسمع كلامه
التموت امه يضل يكره منامه
وصعب تلكه على وجهه ابتسامه
وانه بمحنتي يمك حاجتي يبويه
شتكول السمه ماتت فاطمه يبويه
▪️▪️▪️▪️▪️
اجت زينب وره اخوتهه بدمعهه
علي وينك تلاحكني سمعهه
تره اتغير يبويه امي وضعهه
شعجب نامت وإنه ادري بوجعهه
ما نامت شهر من كثر القهر يبويه
واليبچي دمه ماتت فاطمه يبويه
▪️▪️▪️▪️▪️
رحيل الام عن المنزل خساره
وعالبنيه اشد تدري مراره
اذا زينب بجت يعني اشاره
اجاكم طف اقل شي بي يساره
اتموت العائله كلهه بكربله يبويه
وروحي عالمه ماتت فاطمه يبويه
▪️▪️▪️▪️▪️
مو ولدك ابن عدهه تيتم
النبي هذا ترك كبره وتحزم
صدك هذا الحجي صاير تالم
على وجهج اكو سطره واكو دم
السولفناه تره هذا اللي جره يبويه
هاي الخاتمه ماتت فاطمه يبويه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة صرخة تعتلي📝👆

✨خدمة محبي باسم الكربلائي تقدم:
📜قصيدة : عن ضلعها المكسور
✒️للشاعر : علي السقاي
📌 : الليالي الفاطمية
📅:ليلة 15 جمادى الاولى 1442
🕌: حسينية داوود العاشور البصرة
🎵 طور : #تلك_الاضاحي
https://t.me/m7bebasim/46424

عن ضلعِها المكسورِ ما تكلَّمَت
وكُلما تنفّسَت تألّمَت
🔻🔻🔻🔻🔻
سبحانه مَن عظّم قداسة فاطمه
هاي الصدرها موضع اسرار السمه
كسروا ضلعها اْو هالصدر فاض ابدمه
صح انحنَت لاكنها ظلّت قائمه
للجبتِ والطاغوتِ لا ما استسلمَت
وكُلما تنفّسَت تألّمَت
🔻🔻🔻🔻🔻
ابحگ الإمامه اِتداعي بوجوه الكفُر
اتضحّي ابنفسها اْو يستحق هذا الأمُر
ابكسر الضلِع والخاطر الما ينجبُر
چانت مبادئ فاطمه فوگ الكسُر
ويلٌ لِقومٍ مِنهُمُ تَجَهَّمَت
وكُلما تنفّسَت تألّمَت
🔻🔻🔻🔻🔻
عگب الجره اعليها اْو غَصُب حگ الولي
ابكتم الألَم گالت يَنفسي اِتحمّلي
ما رادت اَكثر إلها يتألّم علي
واِتزيده هَم ، كافي ابهُمومه مبتلي
صلى عليها اللهُ إذ تَكتَّمت
وكُلما تنفّسَت تألّمَت
🔻🔻🔻🔻🔻
بالمنزل اِلنبرة علي من تستمِع
تنهض إله اْو يتغيّر اعليها الوضِع
خلف العبايه اتخلّي چفها اعله الضلِع
اْو تستر وجهّا البي أثر چف منطبِع
مَن بَعلُها ليثُ الوغى قد لُطِمَت
وكُلما تنفّسَت تألّمَت
🔻🔻🔻🔻🔻
هاي البُقت ما عِدها لا قوّه اْو جَلَد
أُم اْو طبُعها اتكابر اِلأجل الوَلَد
احسين اْو حسن كَسْرَتهُم اعليها أشَد
تِحضنهم اْو چَن كلشي مابيها بعَد
ويُتمُهُمْ لاحَ لِمَن تَيَتَّمَت
وكُلما تنفّسَت تألّمَت
🔻🔻🔻🔻🔻
حتى الهوا صاير صعُب تتنفّسه
حگها إذا للباري صلّت جالِسه
تِرجه الأجل بين اللّعلَّ والعسه
اشتاگت مُحمّدها اْو ثِگَل بيها الأسه
حانَ اللِقا فَلْتَشكُ مِمّن ظُلِمَت
وكُلما تنفّسَت تألّمَت
🔻🔻🔻🔻🔻
مِن ساعة العَصره إلى يوم الأجل
ما گالت اشبيها الوديعه مِن عِلل
لاكِن علي الوسَّدها فوگ المُغتسَل
هُوّه اللي حس ابإيده للضلع اشحصل
ناحَ التي لِموتِها تبسّمَت
وكُلما تنفّسَت تألّمَت
🔻🔻🔻🔻🔻
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة عن ضلعها المكسور📝👆

(﷽)
خدمة محبي باسم الكربلائي تقدم:

📜:محكمة
🖋:ناظم الحاشي
🔖:ليلة 16 جمادى الأولى 1442 هـ
🕌:حسينية المرحوم داوود العاشور
https://t.me/m7bebasim/46850

صاح مَحكَمه باب فاطٍمَه
ثار للدِمَه أيُّها القاضي
▪️▪️▪️▪️▪️
مِن بَعْد النِشور إتشوف
عيني المحكمه الخَطره
والقاضي الاله وسيف
حيدر مِنتظر أمره
سَجّان إوسِجِن وشهود
للتحقيق مِتحظره
وِإنقاد إبسلاسِل نار
قاتِل فاطِمه الزهره
هاذ موعِده نار خالِده
باب شاهِده تحچي عالماضي
أيُّها القاضي
▪️▪️▪️▪️▪️
ماشايف إوسامِع يوم
هيچ الخشب عنده إلسان
لَمّن ماسِمَعت الباب
سولَف قِصَة الشيطان
وشلون إحتِرَگ بالنار
چَف تُفّاحَة الرحمن
باب وچان للزهراء
مِثْل الجِلِد للقرآن
وِإيد دِفعِتَه إحجاب هانِتَه
ناس خانِتَه والبَعض راضي
أيُّها القاضي
▪️▪️▪️▪️▪️
أوّل مَرّه أشوفَن باب
تِشهَد عالدِفَع بيها
وَأوّل مَرّه أشوفَن إيد
تظرُب وَجه راعيها
باب وتشكي للرحمن
وأسمع بي إيحاچيها
ياهو اليظلُم الزهراء
وآني اليوم قاضيه
صير ياحَطَب نار من غَضَب
فوگ من ظَرَب كوثر أحواضي
أيها القاضي
▪️▪️▪️▪️▪️
ياقاضي الأشَد من هاي
وأصعب من لهيب النار
ينزف دم علي إودمها.
إودم النبي إمْن البسمار
صاحت آخ يافِضَّه
ماصاحت علي الكرار
خافت ينتهي الاسلام
لو جَر سيف ذوالفقّار
آخ ياهَلي ضاع حَگ علي
عاش مبتلي إبصَبره مِتغاضي
أيُها القاضي
▪️▪️▪️▪️▪️
آني الشَعَل بيه النار
وَأكثر من جَمُر ناري
نار الباب سَوّه الباب
سوده بوجه خطّاري
ياقاضي الخَجَل وياي
ضلّت ناره بكتاري
ياتوبه وبعد ياماي
يغسِل ذَنِب بسماري
صوت للدَمِع صار ينسِمِع
آه ياظِلِع مَصدر أمراضي
أيها القاضي
▪️▪️▪️▪️▪️
أشكيلَك طِفِل معصوم
ياقاضي إوصرَخ شِفتَه
الثاني مِن دِفَعني إعليه
كِتَلته إبَطِن والِدتّه
ألوم آني إبخِشَب بابي
يوم الطاح ماشِلته
وَظرُب گِصّة البسمار
من تنجاب سالِفته
چان مو طِفِل نور مِكتِمِل
ليش ينكِتِل بالذبح حاضي
أيها القاضي
▪️▪️▪️▪️▪️
ياقاضي الحسن وحسين
مِن سِمعو إبموت أمهُم
رِكضو رَكُضة المحروگ
من ركضو الوالدهُم
حِضْن أمهُم وعِشهُم چان
طيور وعافهُم عِشهُم
اوماتت گَبل لاتشبع
الزهره شوف من عدهُم
خير وإنسَلَب موت وإنْكِتب
عين عالسبب چانت أغراضي
أيها القاضي
▪️▪️▪️▪️▪️
هذا الـ بالسَلاسِل جاي
هَسّه إيريد يتعذّر
سيفَه الحارب أهل البيت
وَأوّل من طِعَن حيدر
والأسَّس أساس الجور
هذا الشانئ الابتر
هذا ال بالسقيفه إيصيح
لاخالق ولاكوثَر
نال مافَعَل راي للجهل
صوت للزلل نِكرِتَه ألفاضي
أيها القاضي
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*