(﷽)
✨خدمة محبي باسم الكربلائي تقدم:
📜قصيدة: بالله استعدي للبواجي
✒️للشاعر: المرحوم الملا عطيه الجمري
📌 : رثاء ام البنين (س)
📀: اصدار وجود لوجودي
https://t.me/m7bebasim/20153

بالله استعدي للبواجي يم البنين
ردوا يتامه وانذبح عباس وحسين
💭💠💠💠💠💠💭
يم البنين اتذبحوا كلهم على القاع
وحسين ظل مجرد ومكسور الأضلاع
ومخدرة حيدر علي فرت بلا قناع
ويا الحرم والنار تسعر بالصواوين
💭💠💠💠💠💠💭
يم البنين الأربعة ذبحوا ضمايه
ظلوا ثلت أيام بالغبرة عرايه
وليتج نظرتي عالنهر صاحب الرايه
مخضوخ راسه مقطعة شماله واليمين
💭💠💠💠💠💠💭
يم البنين الأربعة محد دفنهم
دمهم غسلهم والترب صاير جفنهم
من الصبح زينب مشت للشام عنهم
فوق الهزل مرت وشافتهم مطاعين
💭💠💠💠💠💠💭
يم البنين الأربعة تشهد لج الناس
ما صار باليوث الحرايب مثل عباس
خلى الأرض رووس وجثث ومطهمه داس
رووس الأعادي وغلق الميادن صوبين
💭💠💠💠💠💠💭
صاحت اولادي وكل من بالعالم يروح
وياليت بعد حسين ما تبقى لنا روح
يا بشر بالله لا تقول حسين مذبوح
ما شوف بالدنيا عوض عندي عن حسين
💭💠💠💠💠💠💭
عباس و اخوانه عليهم ذاب لفاد
اعزاز عندي وحزنهم بالقلب وقاد
وحسين فت قلبي ونسيت فراق لاولاد
فدوى لبو سكنة أولادي يا مسلمين
💭💠💠💠💠💠💭
يا ليت عندي من الولد سبعين مولود
بالمرجلة كلها مثل عباس و تزود
تنذبح وبن المصطفى لدياره يعود
سالم ولا تنظام زينب والخواتين
💭💠💠💠💠💠💭
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة بالله استعدي للبواجي يم البنين 📝👆

(﷽)
✨خدمة محبي باسم الكربلائي تقدم:
📜:مشبوحة عيني اعله الباب
✒ا:السيد سعيد الصافي الرميثي
📌ليلة 14 جمادى الآخرة 1441 هـ
🕌:العتبة العباسية المقدسة
🎼:#ياشيعتي_رغم_عداي
https://t.me/m7bebasim/45409

مشبوحة عيني على الباب
چنت بامل غيابي
من سمعت ناعي حسين
چف القدر دق بابي
▪▪▪▪▪
ليلة وداع انرسمت قبال العين
من حدى الحادي
ادري الوفى لاهل الوفى مثل الدين
واخذ مرادي
يالحادي گتله لو رجع بس حسين
ما اريد اولادي
صوت المصيبة المبحوح
بالوسفة رد جوابي
▪▪▪▪▪
راحوا وعمري لكربله وياهم راح
ظل بيتي خالي
خلوني وحدي واصفق الراح براح
واحسب ليالي
لو رد ظعنهم گلت والهمّ ينزاح
يستقر حالي
ما ادري يمته يعودون
ما خبروني احبابي
▪▪▪▪▪
راحوا وظلت ذكريات العشرة
ترسم صورهم
متعلّي بالغالي عزيزي الزهرة
قدري وقدرهم
عالبال تخطر كل مسا جم ذكرى
وانا انتظرهم
بعد الامل ناعي البين
غيّر جميع احساسي
▪▪▪▪▪
ربيتهم تربية حُب واحساس
اثمر رُباهم
مضرب مَثل ينذكر ما بين الناس
اصبح وفاهم
بالدنيا بس خوة حسين وعباس
ما ظن سواهم
وينه القلب همة يروح
ليهم يوصّل كتابي
▪▪▪▪▪
والحبر من دموعي كل سطر البيه
إلهم كتبته
يا حسين بس شوفتك يابني تداويه
قلبي لجرحته
باقي العمر كل ظني وياك اقضيه
هذا لحسبته
اعتب ولكن شيفيد
ويه الزمن عتابي
▪▪▪▪▪
مِن رد ظعنهم اركض تعنيته
وفرفُحت روحي
يا ناعي شعندك من خبر ناديته
هيجت نوحي
فوق الارض طاح القلب حسيته
اربعة جروحي
بس الاشد جرح حسين
ما ظن يطيب صوابي
▪▪▪▪▪
شيدت خمس قبور وبعالي الصوت
اصبح وينيني
يا حسين اريدن شوفتك قبل الموت
مشتد حنيني
وانتظرك تحضّر الكفن والتابوت
ردتك تجيني
وتتقابل انت وعباس
تنصُب عزه على مصابي
▪▪▪▪▪
طف كربله بدد جميع احلامي
خلاني وحدي
من المصايب وسط قلبي الدامي
جم جرح يديه
حسبت تنزل للقبر جدامي
تنظر ال لحدي
وبوگت دفني تمنيت
چفك يهيل ترابي
▪▪▪▪▪
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة مشبوحة عيني اعله الباب📝👆

💫خدمة محبي باسم الكربلائي تقدم:
📜قصيدة: تبدي المسيرة
🖊للشاعر: زين العابدين المريّاني
🗓المناسبة: ليلة 28 محرم 1441 هـ
🕌المكان: العزاء المركزي للشيعة التركمان/كركوك
🎵طور : #طفلة_وعليلة #صاح_الحسن #جنازة_غريبة
https://t.me/m7bebasim/45417

تبدي المَسيره او كربله النيّه
موعِدنه صار اِلأربعينيّه
📃📃📃📃📃
رَفْرَفْ حبيب اِبچفّه أعظَم رايه
اللهُ أكبر قـامـت اِلمـشّايه
ثورة مشي اوللطّفْ مسيره اوغايه
حيَّ الله زِلْم الموزمه الوفّايه
يا فزعة اِلخِدمه الحُسينيّه
موعِدنه صار اِلأربعينيّه
1⃣1⃣1⃣1⃣1⃣
هذا العِراق اوبالكرَم ما ينحَد
وايقدّم الما ينْحَصَه اوما ينعَد
كل عام مشّايه اومواكب أزْيَد
نهْر اِلذّهَب وابهالدرُب نِتوحَّد
يحْسين اِجينالك فرِد جيّه
موعِدنه صار اِلأربعينيّه
2⃣2⃣2⃣2⃣2⃣
كربله كلنه اعله الوعَد تِلگانه
هذا النّشيد اِنردّده ابْمَسرانه
(ما نستراح اِونِسرع ابْممشانه
خَوْله اورقيّه اوفاطِمه ويّانه)
اوزينب عَزيزه اوماهي مسبيّه
موعِدنه صار اِلأربعينيّه
3⃣3⃣3⃣3⃣3⃣
ما دام للمشّايه يحْضَر حيدَر
ماي اِلسّبيل ايْصير ماي الكوثَر
بيْديك مِلْح الزّاد يابو الأكبَر
والهذا زادَك باليحبّك غَزَّر
حتّه التخدمك بيها حِنِّيّه
موعِدنه صار اِلأربعينيّه
4⃣4⃣4⃣4⃣4⃣
رَحّبو بِينه اسْبعطَعش خَيّاله
اوعامِر مُضيف الحَسَن سَمْره اِدلاله
والكرم بسّ اِلهاشِم اولرْجاله
اونار المواكب مِن بعد تِتْلاله
أهل الكرَم ما عدهُم اِشويّه
موعِدنه صار اِلأربعينيّه
5⃣5⃣5⃣5⃣5⃣
شِفنه اليزورك والشّجاعه ابلَونه
أهْل اِلأرض واهْل اِلسّمه ايْحبّونه
عبّاس شال اِلسّهَم مِنّ اعيونه
بِعْيونه خَلّه الگصدو ايْزورونه
دَرْب اِلمشي اتحَيِّر معانيّه
موعِدنه صار اِلأربعينيّه
6⃣6⃣6⃣6⃣6⃣
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
a👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة تبدي المسيرة 📝👆🏻

✨خدمة محبي باسم الكربلائي تقدم:
📜قصيدة : اسأل واريد جواب
✒️للشاعر : عمار هليل الواسطي
📌 المناسبة : ليلة 16 محرم 1441 هـ
🕌المكان : حسينية الحاج داوود العاشور البصرة ابو الخصيب
https://t.me/m7bebasim/45429

أسأل وأريد إجواب يهل الحميّه
أوصل أميره شلون واطلع سبيّه
🔹🔹🔹🔹🔹
زينب يمن تدرون من هيّه زينب
جار الزمان إوياي گلبي تعذّب
هيچ بحبل أنگاد هالحاله تصعب
بت حيدر الكرار وأمي الزچيه
🔹🔹🔹🔹🔹
إخواني مذبوحين لا مو قليله
خطواتي ممشه الموت كلش ثگيله
كلفه أركب ويا حيف فوگ الهزيله
كفّالي مو ويّاي شيصح بديّه
🔹🔹🔹🔹🔹
حيرني دهري بهاي والحيره ويّاي
مرّه التفت عالروس مرّه اليتاماي
يصعب طريق الشام شيحمله ممشاي
عيون الشماته سهام ترمي عليه
🔹🔹🔹🔹🔹
ديرة غرب وأحزان صارت بالأنفاس
لا يمي أخويه حسين لا يمي عباس
شعنده الزمن شيريد وشتطلب الناس
أصبر واگول تهون علتي الخفيه
🔹🔹🔹🔹🔹
كل لحظه أصد الراس ما بين إخوتي
أتجرع الحسرات وأتمنى موتي
حتى البچي ممنوع لكن سكوتي
فوگ النحيب يزود والبيّه بيّه
🔹🔹🔹🔹🔹
تتجاسر العدوان حال أرده من حال
مو بس على النسوان حتى اعله الاطفال
نيتهم ارض الشام گادونه بحبال
آه يا عذاب الشام والغاضريه
🔹🔹🔹🔹🔹
بس العليل إوياي نتشارك الهَمْ
واعله العوالي بدور متخضَبه بدم
مهضومه أنا من يوم عاشر محرم
خواني والأنصار راحو سويّه
🔹🔹🔹🔹🔹
قناة الشاعر
https://t.me/WastyAmmar
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة اسأل واريد جواب 📝👆🏻

خدمة محبي باسم الكربلائي تقدم:

📜:شهر الضيافة
✒:حسين العندليب
🏷:1 رمضان 1441
🎼:هذا_الذي_تعرف_البطحاء_وطأته #شعت_فلا_الشمس
https://t.me/m7bebasim/45441

شَهرٌ بهِ ضَيَّفَ المعبودُ عابِدَهُ
و مَدَّ من لُطفِهِ فيهِ مَوائِدَهُ
◼◼◼◼◼
تَفَتَّحَتْ فيهِ أبوابُ السماءِ فلا
تُرَدُّ كَفٌّ عَلَتْ حَتّى تُناشِدَهُ
◼◼◼◼◼
على لِسانِ رسول اللهِ كم وَرَدَتْ
أخبارُ من باتَ حتّى الفَجرَ هاجِدَهُ
أنفاسُكُم فيهِ تَسبيحٌ و نَومُكُمُ
عِبادَةٌ فاعمُروا فيهِ مَساجِدَهُ
توبوا إلى اللهِ يَغفِرها ذُنوبَكُمُ
لا يُخلِفُ الله حاشاهُ مَواعِدَهُ
◼◼◼◼◼
شَهرٌ بهِ لَيلَةُ القَدرِ التي عَظُمَت
إنَّ الشَّقِيَّ لَمَحرومٌ فَوائِدَهُ
خَيرُ الدُّعاءِ بهِ التَّعجيلُ في فَرَجٍ
مِلؤ العُيمونِ اشتياقٌ أن تُشاهِدَهُ
لَعَلَّنا بعدَ عامٍ أن نَصومَ معاً
وَالعيدُ عيدانِ إن أَدّى مَقاصِدَهُ
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة شهر الضيافة 📝👆🏻

✨خدمة محبي باسم الكربلائي تقدم:
📜قصيدة :ابوطالب راح
✒️للشاعر : كرار حيدر الخفاجي
🔖:وفاة ابوطالب ع 1437
🕌:مسجد الإمام الصادق ع-الغازية-جنوب لبنان
🎼:#آنه_خايف #انا_آسف
#عظموه
https://t.me/m7bebasim/45450

يَامُحَمَّدْ
مِنْ تِصَلِّيْ المَغْرِبْ اِدْعِيلَه ابْصَلَاتَكْ
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
نِدْرِيْ فَگْدِ العَمْ مُصِيبَه امْنِ المُصَايبْ
وِبِالأخَصْ لو چَانْ عَمْ مِثْلَ ابو طَالِبْ
هَذَا عَامِ الحِزِنْ وِ افْرَاگ الحَبَايبْ
شَابْ ، وِ ايْخَلِّيكْ هَذَا العَامْ شَايبْ
يَامُحَمَّدْ
وِ ابْـشِـعِـبْ عَمَّكْ بِـدَايَـة نَـايِبَاتَـكْ
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
دَمْعَه فوگْ ارْمُوشَكْ اتْبَيِّنْ خُشُوعَكْ
طَفَّتْ ايَّامِ الدَّهَرْ أوَّلْ شُـمُـوعَـكْ
أدْرِيْ هَايْ الليلَه مَحْنِيَّه ضُلُوعَكْ
اتْسِيلْ ( حَتَّى مَطْلَعِ الفَجْرِ ) دُمُوعَكْ
يَامُحَمَّدْ
الله يِنْطِيكْ الصَّبُرْ و ايْعِزْ ثَـبَـاتَـك
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
حَتَّى مِنْ تِسْكِتْ سُكُوتَكْ صوتْ وَنَّه
اليفْگِدْ العَمْ يِـفْـتِـقِـدْ طَـعْـمِ المَحَنَّه
كَلَّفِتْ حيدر علي ايْغَسْلَه و يِچَفْنَه
و إنْتَه بِيدَكْ تُحْفُرْ الحُفْرَه و تِدِفْنَه
يَامُحَمَّدْ
فوگْ چَفْنِ الأبْيَضْ اتْلِفَّه ابْـعَبَاتَكْ
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
كَافِلَكْ رَاحْ و نِصَبْتِ الليله مَأتَمْ
علي فَاگِدْ وَالِدْ و إنْتَه افْگدِتْ عَمْ
شُوفْ حيدر لَابِسْ اسْوَدْ والدَّمِعْ دَمْ
كَـافِـل الأيْـتَـامْ هَالليله ايْـتِـيَـتَّـمْ
يَامُحَمَّدْ
بِالقَدَرْ رَاضِيْ و رِضَاة الله ابْـرِضَاتَكْ
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
مِنْ تِرِدْ للبِيتْ حَاوِلْ تِخْفِيْ حِزْنَكْ
لَا خَدِيجَه و فَاطِمَه ايْسِمْعُونْ وَنَّكْ
تِدْرِيْ عَامِ الحِزِنْ لَا مَيْجُوزْ مِنَّكْ
ثَلَثْـتَيَّامْ و خَـدِيْـجَـه اتْرُوحْ عَـنَّـكْ
يَامُحَمَّدْ
اتْفَارِگْ اعْزَازَكْ قَـبِـلْ مَـوْعِـدْ مَمَاتَكْ
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
رَاحْ نَاصِرْ دِيْنَكْ الِّيْ حُفَظْ دَمَّكْ
و لَهَلْ مَكَّه مَا رِضَه مَرَّه يِسَلْمَكْ
سِتَّه و اثْمَانِينْ عُمْرَه ومَاتْ عَمَّك
وچَانْ حِلْمَه ايْظَلْ بَعَدْ و اكْثَر يِخِدْمَكْ
يَامُحَمَّدْ
ألِفْ ذِكْرَه و ذِكْرَه تِـحْـمِـلْ ذِكْرَيَاتَكْ
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
كَافِلَكْ مَاتْ و بُقِيتْ الليله حَايرْ
و اِنْتَه وَيْ اهْلَكْ و اِلَكْ ألْفِينْ نَاصِرْ
گُولْ الله ايْعِينْ زينب يومْ عَاشِرْ
ايْمُوتْ كَافِلْهَا و تِظَلْ بِيدِ العَسَاكِرْ
يَامُحَمَّدْ
بِـالـطُّفُـوفْ اهْنَاكْ تِتْسَلَّبْ بَـنَـاتَـكْ
يَامُحَمَّدْ
أبُـو طَـالِـبْ رَاحْ وِالبَاقِـيْ ابْـحَيَاتَـكْ
🌿🌿🌿🌿🌿
١٠ / ٦ / ٢٠١٦ الجمعة
كرَّار حيدر الخفاجي
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة ابوطالب راح📝👆🏻

✨خدمة محبي باسم الكربلائي تقدم:
📜قصيدة : بين ذكرك وجفاك
✒️الشاعر : ايهاب المالكي
📌 : وفاة ابو طالب عليه السلام
📅:ليلة 8 رمضان 1441 هـ
🎵 طور : #نار_قلب_العطشان
https://t.me/m7bebasim/45460

بين .. ذكرك وجفاك
عين .. طه ابفرگاك
وين .. يا عم الگاك
نادت روحه وحگه يحير
عم واب واخ اتصير
📌📌📌📌📌
اتربه اعله حظنك وي علي
صعبة فراغك ينملي
تفگد ضواك اعيونه
بالفرگه كلمن يبتلي
ايصبره الدمع من يختلي
ابروحه وينشف اجفونه
دورك عظيم ومفصلي
ابعهد الرسالة الاولي
عن النبي يذكرونه
گلت المحمد ما يلي
اوكل سند ظهرك الي
يا ويل اليمسونه
نور .. ما حوله اندار
سور .. من شيبك صار
صور .. صوتك من ثار
جنت ابدق التعبير
عم واب واخ اتصير
📌📌📌📌📌
عند الرسول اسمك مهم
من ذكرك ايمر يبتسم
اسمك يمر بي نسمة
بيك انعرف معنى الحلم
اي يا بو طالب والنعم
والما يعرفك شسمه
والراي كلما يزدحم
رايك هو الراي الحسم
وبيك الكلام ايختمه
عند الله عن دورك علم
تكفل نبيه امن اليتم
وفيته صاح ابكلمه
بان .. عهدك لله
صان .. تعبك لرباه
جان .. بالك وياه
عن لا يحس ابتقصير
عم واب واخ اتصير
📌📌📌📌📌
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة بين ذكرك وجفاك 📝👆🏻

خدمة محبي باسم الكربلائي تقدم:

📜:ما أنحني و ما صيح
✒:احمد الذهبي
🏷:وفاة أم المؤمنين السيدة خديجة س 9 رمضان 1441
🎼:#يا_جاسم_انا_حسين
#ريت_الزمن_يندار
https://t.me/m7bebasim/45459

ما انحني و ما صيح
واقف نبي و ما طيح
دنيا و مِلَتني جروح
وين العزيز يروح
راحت خديجة
◼◼◼◼◼
غريبة الدنيا يا روحي
لِوَتني و كِسرَت ذراعي
سَفينة و لا بَحَر لَمني
ولا غافي بحضن قاعي
يَكِل ما أنوة شي شراع
لازم يِنطوي شراعي
وفارق وين اليوافي
ولاقي الما لهم داعي
كل غالي ما موجود
باب الفرح مسدود
باب الحزن مفتوح
وين العزيز يروح
راحت خديجة
◼◼◼◼◼
نَبي و مِتحَمِّلِ الدِّنيا
و مُصايِبها و تَعَب حالي
و انا أدري الرِخيص يعيش
بيها و يِرحَلِ الغالي
حِمَلتِ اللي يِمُر عالبال
و الما يِخطُر ببالي
وَعَد نِتفارَق و حتماً
أَطيعِ الحِكمَةِ العالي
ليشِ العزيز يغيب
و ادري الجَرِح ما يطيب
حَقَّه الدِليل ينوح
وين العزيز يروح
راحت خديجة
◼◼◼◼◼
يَ مَعنى التَّضحيات إنتي
و انتي من الوَفاء أَوفى
يَ نَجمَة و عالية بليلي
يَ شَمعَة و ما رِضَت تِطفى
يِجي الشاعر عَليج يريد
يِكتِب شِعرَه ما كَفَّى
تَراهُ ابن آدم الوَفّاي
مو أَي واحِد يوَصفَه
ليش الوَفي بدِنياي
ما يِبقى يَمّي هواي
ليش الأَمَل مَذبوح
وين العزيز يروح
راحَت خديجة
◇◈◇⇩..تابعونا..⇩◇◈◇
Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
للقصائد المكتوبة📝 https://t.me/joinchat/AAAAAD9zrDwqsNhwhBThQA
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة ما انحني و ما صيح 📝👆🏻

✨خدمة محبي باسم الكربلائي تقدم:
📜قصيدة : عيد وعلينه مبارك
✒️للشاعر : سيد عبدالخالق المحنه
📌 : مولد الامام الحسن ع
📅:ليلة 15 رمضان 1441 هـ
https://t.me/m7bebasim/45473

هالليلة .. بهذا الحفل نتشارك
هالليلة .. عيد وعلينه امبارك
🎉🎈🎈🎈🎈🎉
ضي القناديل التشع نطفيها
وجه الحسن ارض وسمه يضويها
باقة ورد لأم الحسن نهديها
هالليله عيد وبالفرح نحييها
من مهده .. صاغ الجمال ابكيفه
من مهده .. عينه المضيفه وضيفه
🎉🎈🎈🎈🎈🎉
هذا الوحي ابنور السماء ايلالي
ينقل تحيات العلي امن العالي
والغالي قدم تهنئة للغالي
والوالي مسرور ابحضور الوالي
بعيونه .. هيبة نبي وانواره
بعيونه .. طير السعد وابشاره
🎉🎈🎈🎈🎈🎉
بيت النبوة غامرابفراحه
واستعجل الليل وبزغ مصباحه
طش الضوه ومال الهوه بجناحه
واتغازلن ورده وعطر قداحه
والزهره .. ام السمه نادوها
والزهره .. ام الحسن سموها
🎉🎈🎈🎈🎈🎉
اشرف ثلاثة فرحوا بهالجيه
طه وعلينه وفاطمة المرضيه
هذا الفرح يرضي النبي وباريه
شيعية فرحتنه نعم شيعيه
وياهم .. خل نفرح ابمولوده
وياهم .. ونشم عبير اوروده
🎉🎈🎈🎈🎈🎉
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة عيد وعلينا امبارك 📝👆🏻

✨خدمة محبي باسم الكربلائي تقدم:
📜القصيدة: موال بدر أطل
✒️الشاعر:مصطفى النصراوي
📌ليلة ١٥ رمضان ١٤٤٠ / ذكرى ولادة الإمام الحسن المجتبى ع
🕌حسينية المرحوم داوود العاشور_البصرة
https://t.me/m7bebasim/45474

بَدرٌ أطلَّ بِشهرِ اللهِ وَ ائْتلَقَ
فَماتَ في غيظِهِ إبليسُ وَ احْترقَ
أَقسمْتُ بالنِّصفِ مِنْ شَهرِ الهُدى شَرَفاً
وَ لَيلِهِ المُمْتلي نوراً وَ ما وَثَقَ
وَ والِدٍ سامَقَ العَليا بِرِفْعتِهِ
وَ عِترةٍ هُمْ منارُ الخَلْقِ مُذْ خُلِقَ
🌺🌺🌺🌺🌺
لوْ كانَ موسَى رَأى أَنْوارَ مَطْلعِهِ
لخَرَّ مِنْ نورِ وجهِ المُجتبى صَعِقا
أَعْطَى أبو القاسِمِ المُخْتارُ نِحْلَتَهُ
لِسِبطِهِ فَضلَهُ وَ العِلْمَ وَ الخُلُقَ
شمائِلُ المُصْطفَى صاغَتْ لنا حَسَناً
وَ قلْبُ طه بِقلبِ المُجتبى خَفَقَ
🌺🌺🌺🌺🌺
فكانَ عَينَ رسولِ اللهِ مَا رمَقَ
وَ كانَ عينَ رسولِ اللهِ إنْ نَطَقَ
منْ عزَّةِ اللهِ ثَوبُ العزِّ جَلَّلَهُ
بِثَوبِ عزَّتِهِ قدْ فازَ مَنْ عَلِقَ
كَريمُ آلِ رسولِ اللهِ لوْ رُفِعَتْ
🌺🌺🌺🌺🌺
يَداهُ أضْحَتْ على مَنْ حَولَهُ غَدَقا
نَبعٌ مِنَ الجودِ لا مجٌ و لا كَدِرٌ
يَسْعى إلى وِرْدِهِ الظمآنُ مُسْتَبِقا
شَهْرُ الصِّيامِ غدَا مَهْداً لِمْولدِهِ
فَمَنْ كَسِبْطِ رَسولِ اللهِ حيثُ رَقَى
🌺🌺🌺🌺🌺
مَوائِدُ اللهِ عِندَ المُجتَبى فُرِشَتْ
طُوبى لِشاهدِها طوبى بِما رُزِقَ
وَ بابُ جنَّتَهِ الريّانِ في يَدِهِ
فَكُلُّ مَنْ صامَ حَتْما بابَهُ طَرَقَ
🌹🌹🌹🌹🌹
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة موال بدر اطل 📝👆🏻

✨خدمة محبي باسم الكربلائي تقدم:
📜قصيدة : شاهد
✒️للشاعر : ناظم الحاشي
🔖 المناسبة : مولد الامام الحسن (ع)
ليلة 15 رمضان 1440 هـ | داود العاشور
https://t.me/m7bebasim/45480

شاهد..واحد
بحر الكرم شاطي الحسن حَدّه
فارس..دارس
عِد حيدره ودارس علم جَدّه
أنفاسه واِحساسه
غيرة علي براسه
🌹🌼🌼🌼🌹
بَحر جوده...عله احدوده
فلا غابت أبد شَمسه
يعرفونه...يوصفونه
كريم أهلْ الكَسه الخمسه
عله السانه...يريحانه
محمّد قارنه ابنَفسه
عظيم اِسمه...منو ايهزمه
اذا حيدر علي امدَرسه
غالب...واثِبْ
مِثْلْ الأسد لمّن يضل وَحدَه
قاهِر...قادِر
من ظَرُب سيفه ماتعب زَنده
أنفاسه واِحساسه
غيرة علي براسه
1
🌹🌼🌼🌼🌹
على الفرحه..اليحب يصحه
يغالي بمولد الغالي
مَلَك حُبنه...عواطفنه
هَوانه الأوّل وتالي
سره بدمّي..غِسَل همّي
عِشگ ماراح من بالي
عِشگ جنّه...فلا مِنّه
عِشگ ماغيره يحلالي
عاشِگ...هايم
ذايب بشوگه من كِثِر وَجده
وافي...صافي
وشلون ينسه العاشگ ابمهده
أنفاسه واِحساسه
غيرة علي براسه
2
🌹🌼🌼🌼🌹
كرم چَفّه..اِذه اتوصفه
تحير او تصفن ابأمره
يضيّفله...يعزِّبله
اذا حط طير عالشجره
لجل ضيفه...رهن سيفه
وابد مافرغت السُفره
يگول اني ..علي الثاني
ابو الايتام والفقره
جازِع...دامِع
لمّن يشوف اضيوف ماعنده
واگف.. ناطِر
باب الكرم للضيف ماسَدّه
أنفاسه واِحساسه
غيرة علي براسه
3
🌹🌼🌼🌼🌹
علي اِختاره...يرد ثاره
وأخذ يوم الجَمَل رُمحه
صَگر بَيدَه...وِالِيصيده
يكِتله لو فرَش جِنحه
مراجلها...خَرَز كِلها
يطَشها طشّت السِبحه
وِالِينظره...واليخزره
گبل لايوصل ايذبحه
حازم...هازِم
لامَيمنه اولاميسره اترده
بأمره.. نَصره
وگراب سیفه للحرب قَدّه
أنفاسه واِحساسه
غيرة علي براسه
4
🌹🌼🌼🌼🌹
حِمَل وَحده..صِدق عهده
ظماير كلها مهتزّه
حلف ضِدهه...يِطگ خَدهه
ويجدّد سطرة الحمزه
حِمل بيها ... يناديها
لخلّي اعداي تتخزّه
علي ابراسي..واذا يظهر
الراس العامري احتَزّه
قائم...هاشم
بيّه اوببوي وبِخوِتي مجده
نازَل...قاتَل
چنّه علي ولِعداه يتحدّه
أنفاسه واِحساسه
غيرة علي براسه
5
🌹🌼🌼🌼🌹
يجيه موته...السمع صوته
حرب صفيّن شاهِدله
علي ابحَمله...نفس شِكله
أسد خلّف أسد مِثله
لَسّمّيها...بساميها
ونه ابنك ياعلي ايگلّه
يوالدنه...الك دمنه
عليك الغالي مايغله
غالي...والي
والحسن لجلك ماخلف وعده
ثائِر...ظافِر
سيفه اوعَدوّه يشهد ابرَدّه
أنفاسه واِحساسه
غيرة علي براسه
6
🌹🌼🌼🌼🌹
يَسائلها...يعاقِلها
تعال اتفهّم اوضاعه
بقه الوَحده...نظر جُنده
العدوّه علنت الطاعه
نِظر حَوله...بلا دوله
اوضده قامت الساعه
طعن ظهره...خِلف امره
هذاك البايَعَه وباعه
صالَح...سامَح
لكن الغادر ماحفظ عَهده
حاقِد..جاحِد
خان الامام اوسمِمَه بچبده
أنفاسه واِحساسه
غيرة علي براسه
7
🌹🌼🌼🌼🌹
يشع نوره...بلف صوره
صور من آدم الأحمد
ظُلم ضِده..منو ايردّه
بقيع المجتبى الغرقد
حجر گبره...ترك جمره
ولامن سيف يتمرّد
حَچي الدمعه...منو ايسمعه
اذا مونار تتوقّد
صابر...ناطر
گلبي ولايهوه شخص بَعده
اجزِم...وأقسِم
اي وحگ دمعة صاحب السَجده
أنفاسه واِحساسه
غيرة علي براسه
8
ناظم الحاشي
قناة الشاعر :
@nadhim_alhashi
🌹🌼🌼🌼🌹
جثيرات الموارد اعله منهم
كرام و ما وفوهم اعله منهم
يكرهونك لأنك اعله منهم
عين و تكره الحاجب اهيّه
🌹🌹🌹🌹🌹
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*