Photo from Mohan

*அபான முத்திரை :-*

அபான என்றால் அபானன்.
அதாவது மல காற்று என்று பொருள்.

இது தச வாயுக்களில் முதன்மையான ஐந்து வாயு'க்களில் இரண்டாவது வாயு

☯️ செய்முறை :-

நடு விரல்
மற்றும்
மோதிர விரலின் நுனியை கொண்டு

கட்டை விரலின்
நுனியை
தொட வேண்டும்.

☯️ பலன்கள் :-

📌 உடலில் உள்ள கழிவுகளை வெளியேற்றுவதில் பிரதான முத்திரை இது.
உடலில் உள்ள கழிவுகளை வெளியேற்ற விரும்புவர்கள் இந்த முத்திரைக்கு முன்னுரிமை தரலாம்.

📌 உஷ்ணம் தணியும்.

📌 இதன் பெயரே மலக்காற்று
மலச்சிக்கல் பாதிப்பு உள்ளவர்களுக்கான முக்கிய முத்திரை இது.

📌 மூல நோய் உள்ளவர்களுக்கு
மலம் கழித்தல் என்பது ஒரு நரக வேதனை.
மூலநோய் உள்ளவர்கள் மிக எளிதாக மலம் கழிக்க
இந்த முத்திரையை பின்பற்றலாம்.
மூல நோய்க்காக அறுவை சிகிச்சை செய்து இருந்தால் மட்டும்
சில காலம் இதை தவிர்க்கவும்
அறுவை சிகிச்சை செய்த ஒரு மாதத்திற்கு இந்த முத்திரை செய்ய வேண்டாம்.

📌 இது கீழ்நோக்கி தள்ளும் காற்று
_மலம்
_சிறுநீர்
_விந்து
_கர்ப்பப்பை மாதவிலக்கு ரத்தம்
என இவற்றில் வெளியேறுவதில் சிக்கல் இருந்தால்
இந்த முத்திரையை பயன்படுத்தலாம்.

📌 இது கீழ்நோக்கி செல்லும் காற்று /
கழிவுகளை வெளியேற்றும் காற்று
என்கின்ற போது
_சிறுநீரகக் கற்கள்
_பித்தப்பை கற்கள்
என கற்கள் சார்ந்த பாதிப்பு உள்ளவர்கள்,
அதிகம் தண்ணீர் அருந்தி
இந்த முத்திரையை செய்து வரும் போது
சிறிய அளவிலான கற்கள் வெளியேறிவிடும்.

📌 உடலில் நீர் கோர்வை இருந்தால்
அந்த நீரை வெளியேற்றவும்
இந்த முத்திரையை பயன்படுத்தலாம்.

📌 இது கழிவு மண்டலம் சார்ந்த பணிகளை செய்தாலும்
சுவாசம் மண்டலம் சார்ந்த
இதயத்திற்கே ஊட்டம் அளிக்கும் ஒரு சிறப்பான முத்திரை.

☯️ குறிப்பு :-

❌ இது கீழ் நோக்கி கழிவுகளை தள்ளும் காற்று என்பதால்,
கர்ப்பிணிகள் கண்டிப்பாக இந்த முத்திரையை செய்யக்கூடாது.
இது கருப்பையில் இருக்கும் சிசுவை
வெளி தள்ளி
குறை பிரசவத்திற்கு வழி வகுத்து விடும்.

📌 மூல நோயாளிகளுக்கான பிரதான முத்திரை,
ஆனால்
மூல நோய்க்கு அறுவை சிகிச்சை செய்து இருந்தால் மட்டும் தவிர்க்கவும்.

❌ ஏற்கனவே கழிவுகள் வெளியேறிக் கொண்டிருக்கும் நேரத்தில்
இந்த முத்திரையை செய்யக்கூடாது
அதாவது
வாந்தி /
வயிற்றுப்போக்கு ஏற்பட்டிருக்கும் நேரத்தில்
இந்த முத்திரையை தவிர்க்க வேண்டும்.

☯️ காலம் :-

12 நிமிடங்கள்
முதல்
24 நிமிடங்கள் வரை செய்யலாம்.

நீண்டகாலமாக கழிவு தேக்கத்தால் பாதிக்கப்பட்டவர்கள் மட்டும்

காலை 24 நிமிடங்கள்
+
மாலை 24 நிமிடங்கள் என
இரண்டு முறை செய்யலாம்.

Video from Mohan

Photo from Mohan

*வருண முத்திரை :-*

வருணன் என்றால்
மழை மேகம் என்று பொருள்.

இது பஞ்சபூதங்களில் நீர் மூலகத்தை குறிக்கும் முத்திரை.

நம் உடலில் நீர் மூலகம் குறைந்தாலும் கழிவுகள் உண்டாகும்.

நீர் மூலகம் கூடினாலும் கழிவுகள் உண்டாகும்.

☯️ நம் உடலில் நீர் மூலகம் குறைந்து இருப்பதின் அறிகுறிகள் :-

💛 தோல் வறண்டு போகுதல்

💚 தலை முடி வறண்டு போகுதல்

❤️ தோலில் அதிகமாக சுருக்கம் உண்டாகுதல்

💜 சிறுநீரகத்தில் கற்கள் உண்டாகுதல்

🤎 சிறுநீர் கழித்தலில் வலி / எரிச்சல் உண்டாகுதல்

💛 கண்களின் கீழே கருவளையம் ஏற்படுதல்

💚 உணவின் சுவை உணரும் ஆற்றல் குறைந்து போகுதல்.
__

☯️ உடலில் நீர் மூலகம் அதிகரித்து இருந்தால் தோன்றும் அறிகுறிகள் :-

❤️ உடல் எடை அதிகரித்தல்

💜 உடலில் வீக்கம் / கட்டிகள் ஏற்படுதல்

🤎 அளவிற்கு அதிகமாக மனம் அலைபாய்தல்.
___

" மிகினும் குறையினும் நோய் செய்யும் "

நீர் மூலகம் அதிகரித்தும் இல்லாமல் /
குறைந்தும் இல்லாமல்

நீர் மூலகத்தை
சமச்சீர்படுத்தும் முத்திரை இது.

☯️ செய்முறை :-

கட்டை விரலின் நுனி கொண்டு
சுண்டு விரலின் நுனியை தொட்டு
மிதமான
அழுத்தம் தர வேண்டும்.

☯️ பலன்கள் :-

📌 மேற்கூறிய
நீர் மூலகம் குறைந்து இருப்பதால் உண்டாகும் பாதிப்புகள் /
நீர் மூலகம் அதிகரித்து
இருப்பதால் உண்டாகும் பாதிப்புகள்
நீங்குவதற்கு இதை பயன்படுத்தலாம்.

📌 உடலில் உண்டாகும் நீர் சார்ந்த கழிவுகளை வெளியேற்றும்.

📌 Ladies problem
பெண்களுக்கு மட்டும் ஏற்படும் பாதிப்பு'களான
மாதவிலக்கு பாதிப்பு / வெள்ளைப்படுதல் பாதிப்பு போன்றவற்றிற்கும் பயன்படுத்தலாம்.

📌 எவ்வளவு தண்ணீர் அருந்தினாலும்
தாகமே தீராமல் இருக்கும் நபர்களுக்கு
இந்த முத்திரை பயிற்சி செய்து வரும்போது தாகம் தணியும்.

📌 மனம் சாந்தமடையும்.

☯️ குறிப்பு :-

🎯 மழைக்காலம் பனிக்காலம் போன்ற
குளிர் அதிகம் இருக்கும் பருவத்தில்
இந்த முத்திரையை தவிர்க்கலாம்
அல்லது குறைந்த நிமிடங்கள் மட்டும் செய்யலாம்.

🎯 குளிர்ச்சி சார்ந்த நோயாளிகள் உதாரணத்திற்கு ஆஸ்துமா பாதிப்பு உள்ளவர்கள் /
அடிக்கடி சளி பிடிக்கும் நபர்கள் இதை தவிர்க்கவும்.

☯️ காலம் :-

12 நிமிடங்கள்
முதல்
24 நிமிடங்கள் வரை செய்யலாம்.

கோடை காலங்களில் 24 நிமிடங்களும் /
குளிர்காலங்களில் 12 நிமிடங்களும் செய்யலாம்.

Video from Mohan

Photo from Mohan

*முத்திரைகள் :-*

உள் உடல் உஷ்ணத்தால் பாதிக்கப்பட்டவர்களுக்கு பிரதானமான இரண்டு முத்திரைகள் பரிந்துரைத்தது போலவே

உள் உடல் குளிர்ச்சியால் பாதிக்கப்பட்டவர்களுக்கும் பிரதானமான இரண்டு முத்திரைகள் பரிந்துரைக்கலாம்.

குளிர்ச்சியை அகற்றுவதற்கு
பல முத்திரைகள் இருந்தாலும்
தனித்து நான் பரிந்துரைக்கும் இரண்டு முத்திரைகள்

1️⃣ பிராண முத்திரை

2️⃣ லிங்க முத்திரை

Photo from Mohan

*பிராண முத்திரை :-*

பிராண என்றால் பிராணன்.
அதாவது உயிர் காற்று என்று பொருள்.

இது தச வாயுக்களில் முதன்மையானது.

☯️ செய்முறை :-

சுண்டு விரல்
மற்றும்
மோதிர விரலின் நுனியை கொண்டு

கட்டை விரலின்
நுனியை
தொட வேண்டும்.

☯️ பலன்கள் :-

📌 செல்போனில் பேட்டரியை சார்ஜ் செய்வது போல,
நம்முடைய பேட்டரியை சார்ஜ் செய்யும் ஒரு முத்திரை இது.
அதாவது நம்முடைய பிராண ஆற்றலை அதிகப்படுத்தும் முத்திரை.

📌 உடலில் பிராண ஆற்றல் அதிகரிக்கும் போது
தேங்கி இருக்கும் கழிவுகளை அது கழுவி சுத்தப்படுத்தும்.

📌 வாயு முத்திரை போலவே
பிராண முத்திரையும் ஒரு வலி நிவாரண முத்திரை
உடல் வலி இருப்பவர்கள் இந்த முத்திரையை பயன்படுத்தலாம்.

📌 உழைத்து முடித்து களைத்துப் போனவர்கள் /
உழைக்காமல் சோம்பேறியாக இருப்பவர்கள் இருவருக்கும் இந்த முத்திரை பலன் தரும்.
அதாவது உழைப்பவர்களுக்கு உழைப்பால் உண்டான களைப்பை போக்கும் /
உழைக்காமல் இருப்பவர்களுக்கு உடல் ஆற்றலை அதிகரித்து சோம்பலை போக்கும்.

📌 கிட்டப்பார்வை /
தூரப்பார்வை
என கண்பார்வை சார்ந்த பாதிப்பு உள்ளவர்கள்
இந்த முத்திரை செய்யும்போது கண்களின் ஒளி மேம்பட்டு கண் பார்வை சீராகும்.

📌 ஆண் மற்றும் பெண்களுக்கு ஏற்படும்
இனவிருத்தி சார்ந்த பாதிப்பிற்க்கும் இந்த முத்திரையை பயன்படுத்தலாம்.

📌 அக்குபஞ்சர் மருத்துவ சித்தாந்தத்தின்படி உடலின் உயிராற்றல்
( Vital Energy/ Qi )
சார்ந்த பாதிப்பு உள்ளவர்கள்
( Qi Deficiency /
Qi Stagnation /
Qi Sinking, etc )
இந்த முத்திரையை பயன்படுத்தலாம்.

☯️ குறிப்பு :-

🎯 படுக்கை நோயாளிகள் படுக்கையில் படுத்தவாறே கூட இந்த முத்திரையை செய்யலாம்
ஆனால்
இந்த முத்திரை செய்யும்போது மட்டும்
தலையணை பயன்படுத்தக் கூடாது.

🎯 காய்ச்சல் உள்ள நேரத்திலும் கூட இந்த முத்திரை செய்யலாம்.
இது காய்ச்சலை சீக்கிரம் குணப்படுத்த உதவும்.

❌ Hyperactivity எப்போதும் பரபரவென துருதுருவென அலைபாய்ந்து கொண்டு இருப்பவர்கள் இந்த முத்திரையை தவிர்க்கவும்.

❌ இந்த முத்திரை செய்யும்போது கைகளில் நடுக்கம் வந்தால் உடனே நிறுத்தி விடவும்.

❌ இந்த முத்திரை செய்யும்போது கண்களில் நீர் வந்தால்,
ஈரப் பஞ்சு கொண்டு கண்களை துடைத்து விட்டு மேற்கொண்டு செய்யலாம்,
அதிகமான கண் எரிச்சல் உண்டானால் நிறுத்தி விடவும்.

☯️ காலம் :-

இந்த முத்திரையை இப்போதுதான் முதன் முதலில் பயிற்சி செய்யப் போகிறீர்கள் என்றால்
12 நிமிடங்கள் மட்டுமே செய்யவும்.

சில காலம் இதை நன்கு பழகிய பிறகு
24 நிமிடங்கள் செய்யலாம்.

யோக பயிற்சி /
ஆன்மீகம் போன்றவற்றில் விருப்பமுள்ளவர்கள்
முழுமையாக
ஒரு மண்டலம்
48 நிமிடங்கள் செய்யலாம்.

( எடுத்த உடனேயே
48 நிமிடங்கள் கண்டிப்பாக செய்யக்கூடாது.
இந்த முத்திரை செய்யும்போது
மனம் படபடவென அடித்துக் கொள்கிறது /
கை நடுக்கம் உண்டாகிறது என்றால் உடனடியாக நிறுத்தி விடவும் )

Video from Mohan

Photo from Mohan

☯️ *லிங்க முத்திரை :-*

இது உடலில் வெப்பத்தை அதிகரித்து, ஆற்றலை மேம்படுத்தும் ஒரு சக்திவாய்ந்த யோக முத்திரை.

"லிங்கம்" என்பது சிவனின் அடையாளமாகவும்,
ஆக்கபூர்வமான ஆற்றலின் குறியீடாகவும் கருதப்படுகிறது.

( முத்திரைகளுக்கு மதம் ஒரு தடையல்ல.
நீங்கள் இந்து மதம் சாராத வேறு மதத்தில் இருந்தாலும்
இந்த முத்திரையை செய்யலாம்.
இதன் பெயரைக் கண்டு இதை தவிர்க்க வேண்டாம் )

☯️ செய்யும் முறை :-

💚 தரைவிரிப்பில் அல்லது நாற்காலியில் நிமிர்ந்து அமர்ந்து கொள்ளவும்.

💜 இரண்டு கைகளின் விரல்களையும் ஒன்றுடன் ஒன்று கோர்த்துக்கொள்ளவும்
(Interlock).

❤️ ஏதாவது ஒரு கையின் கட்டை விரலை மட்டும் நேராக நிமிர்ந்து இருக்குமாறு வைக்க வேண்டும்.
( ஆண்கள் வலது கையின் கட்டைவிரலை உயர்த்தி வைக்கவும் / பெண்கள் இடது கை கட்டை விரலை உயர்த்தி வைக்கவும் )

🤎 மற்றொரு கையின் கட்டை விரல் மற்றும் ஆள்காட்டி விரலால், நிமிர்ந்து இருக்கும் விரலைச் சுற்றி ஒரு வளையம் போலப் பிடித்துக் கொள்ளவும்.

💛 கைகளை நெஞ்சிற்கு நேராக வைத்துக் கொண்டு,
கண்களை மூடி இயல்பாக நடக்கும் மூச்சைக் கவனிக்கவும்.

☯️ பலன்கள் :-

📌 உடல் வெப்பம் அதிகரிப்பு :-

உடலில் வெப்பத்தை (Fire element) தூண்டுவதால்,
ஜலதோஷம்,
இருமல் மற்றும்
நுரையீரல்
தொடர்பான பிரச்சனைகளுக்கு இது நல்ல தீர்வு ஆகும்.

📌 நோய் எதிர்ப்பு சக்தி :-

காய்ச்சல்
மற்றும்
சளி
எளிதாக பிடிக்கும் தன்மையை குறைத்து
உடலின் எதிர்ப்பு சக்தியை அதிகரிக்கிறது.

📌 சுவாசப் பிரச்சனைகள் :-

ஆஸ்துமா,
சைனஸ்
மற்றும்
அதிகப்படியான சளி / கபம் (Phlegm)
தொந்தரவு உள்ளவர்களுக்கு இது நல்ல நிவாரணம் தரும்.

📌 உடல் எடை குறைப்பு :-

உடலில் உள்ள தேவையற்ற கொழுப்பைக் கரைக்க உதவும்.

வளர்சிதை மாற்றத்தை (Metabolism) ஒழுங்குபடுத்தும்.

📌 குறைந்த ரத்த அழுத்தம் :-

குறைந்த ரத்த அழுத்தம் (Low BP) உள்ளவர்களுக்கு
ரத்த ஓட்டத்தைச் சீராக்க உதவுகிறது.

☯️ குறிப்பு :-

லிங்க முத்திரை உடலில் அதிக வெப்பத்தை உருவாக்குவதால்,
சிலர் இதைத் தவிர்ப்பது அல்லது மிக கவனமாக செய்வது அவசியம்

❌ அதிக ரத்த அழுத்தம் (High BP)

ரத்த அழுத்தம் அதிகமாக உள்ளவர்கள் இந்த முத்திரையைத் தவிர்க்க வேண்டும்.

❌ உடல் சூடு
( பித்த தேகி )

ஏற்கனவே உடல் சூடு அதிகம் உள்ளவர்கள்,

வயிற்றில் புண் (Ulcer) இருப்பவர்கள்

இதைச் செய்யக்கூடாது.

❌ கோடை காலம்

வெயில் காலங்களில் இந்த முத்திரையை நீண்ட நேரம் செய்யக்கூடாது.

❌ கர்ப்பிணிகள் :-

கர்ப்ப காலத்தில் உடலில் இயல்பாகவே வெப்பம் மாறுபடும் என்பதால் இதை தவிர்ப்பது நல்லது

❌ பெண்கள் :-

மாதவிடாய் காலங்களில் இந்த முத்திரையைத் தவிர்ப்பது நல்லது.

✅ இந்த முத்திரையைச் செய்யும்போது உடல் வெப்பமடைவதால்,
போதிய அளவு தண்ணீர்,
மோர்
இளநீர்
போன்ற குளிர்ச்சியான பானங்களை அருந்துவது உடலைச் சமநிலையில் வைக்க வேண்டும்.

☯️ காலம் :-

குளிர் காலங்களில்
24 நிமிடங்கள்
முதல்
48 நிமிடங்கள்
வரை செய்யலாம்.

கோடை காலத்தில்
12 நிமிடங்கள் மட்டுமே செய்ய வேண்டும்.

Video from Mohan

Photo from Mohan