السلام عليكم طلاب الرابع هذه اسماء الطلاب المعفيين بالاسلامية

طلاب السادس…
هسه مو وقت الاستسلام… هسه وقت مواصلة القتال رغم التعب
كل ساعة تقراها اليوم،
راح تختصر عليك سنين ندم بعدين
وراح ترسم خريطة مستقبلك.
إي نعم، انت تعبان وعليك ضغط. 
إي نعم، نفسيتك تعبانة…
بس ترى هذا التعب مو خسارة،
هذا استثمار بمستقبلك.
مو مطلوب منك تكون مثالي،
مطلوب منك ما توگف.
يمكن تحس نفسك متأخر…
بس الحقيقة؟
انت بعدك داخل السباق،
وكل دقيقة تگدر تغيّر كلشي.

غمض عيونك
وتخيل لحظة إعلان النتائج…
تخيل فرحة أهلك…
امك تهلهل  وابوك لا اراديٱ تنزل دموعه

تخيل نفسك وصلت للمكان اللي تريده.
هاي اللحظة تستاهل كل التعب اللي  تعيشه هسه.
بهاي اللحظة التعب كله يروح ..

لا تسمح ليوم واحد كسل
يخرب تعب سنوات
شد حيلك…
اضغط على نفسك هالفترة بس،
لأن هاي الأيام راح تحدد مستقبلك كله.
وتذكر دائمًا:
النجاح مو للذكي فقط… النجاح للي ما يستسلم.

الجمعة 1 /5

مفاجأة لكل طلاب السادس بالعراق
راح ابلش وياكم مراجعة مادة اللغة الإنكليزية المنهج كامل باشراف وتوجيه كامل وتفصيلي  ومباشر مني مع امتحانات يومية على قناتي على التليگرام مع الرد على كل اسئلتكم وطول فترة المراجعة مع امتحان فاينل نهائي

على بركة الله غدا تبدأ مراجعتكم

شنو اول شي راح تبدي بي
1..مراجعة الافعال الشاذة

٢..اذا تحس روحك ممضبط الاساسيات حاول تراجع الاساسيات عالسريع

٣.. مراجعة انشاءات اليونت الاول

٤.. مراجعة قطع اليونت الاول

٥.. مراجعة تمارين الاسقاطات