📌 Силәбе башҡорттары халыҡ уйындарын күрһәткән.

Күптән түгел Силәбе өлкәһенең Копейск ҡалаһында "Рәсәй халыҡтары уйындары" ғаилә фестивале үткән. Сараны Рәсәй ҡатын-ҡыҙҙары союзының Силәбе өлкәһендәге бүлексәһе ойошторған.

Унда төрлө милләт вәкилдәре ҡатнашкан һәм үҙенең мәҙәниәтен күрһәткән. Башҡорттар ҙа булған.

🔥 "Алтын ҡурай" ойошмаһы ағзалары ихлас ҡатнашҡан. Ойошманың "Ынйылар" һәм "Ләйсән" вокаль ансамблдәре, "Етегән" башҡорт бейеүҙәре ансамбле тамашасыларҙы һөйөндөргән. Милли уйындарыбыҙҙы ла фестивалгә килеүсе төрлө кешеләр ҡыҙыҡһынып ҡатнашҡан. Айырыуса "Тирмә" уйынын оҡшатҡандар.

💯 "Милли уйындарҙың ғаилә фестивале - берҙәмлек, татыулыҡ һәм һәр ғаиләнең берлеген сағылдырған байрам. Был халыҡтың киләсәгенә һалған иң һөҙөмтәле инвестиция: уйындар аша беҙ балаларҙа йолаларға ҡарата ихтирам, мөһим тормош тәжрибәһе тәрбиәләйбеҙ һәм Рәсәй халыҡтарының емерелгеһеҙ берҙәмлеген нығытабыҙ",

- тип билдәләгән төбәк бүлексәһе рәйесе Наталья Баскова.

Бына шундай әһәмиәтле сарала башҡорт мәҙәниәтен лайыҡлы күрһәткән милләттәштәребеҙгә афарин!👏

Видео: "Алтын ҡурай".

Башҡорт донъяһы МАХ-та: https://max.ru/channel_bashkortdonja

Һине күрер өсөн килдем
Ашҡынып яндарыңа.
Кире ҡайтһын тип күңелең
Йәшлегең таңдарына...

Видео: Раушан Сөләймәнов, Илдус Сурин.

Башҡорт донъяһы МАХ-та: https://max.ru/channel_bashkortdonja

📌 Был ҡыҙыҡ:

🔹 1911 йылдың 21 авгусында рәссам Винченцо Перуджиа Луврҙан Леонардо да Винчиҙың "Мона Лиза" картинаһын урлай. Уның юғалғанын бер тәүлектән һуң ғына аңғарып ҡалалар. Картина ике йылдан Флоренцияла табыла. Перуджиа Наполеон I урлаған сәнғәт әҫәрен Италияға ҡайтарып, ғәҙеллек дауларға уйлаған.

🔸 Ә был һүрәттә - үҙебеҙҙең башҡорт "Джоконда"һы - рәссам Ҡасим Дәүләткилдиевтың "Зәңгәр күлдәкле ҡыҙ" картинаһы.
🔹 Уны рәссам 1928 йылда Уҫманғәле ауылына барғанда төшөргән: 12 йәшлек Мәрйәм Мостафина һикелә ултыра.

Башҡорт донъяһы МАХ-та: https://max.ru/channel_bashkortdonja

📌Мәскәүҙәр башҡорт китаптарын уҡый

Хәҙер мәскәүҙәргә Башҡортостанда донъя күргән китаптарҙы табыуы еңелерәк: парктарҙа урынлашҡан китапханаларҙа "Китап" нәшриәтендә донъя күргән баҫмалар ҡуйыласаҡ.

🔹 Бының өсөн Рәсәй Президенты ҡарамағындағы Башҡортостандың тулы хоҡуҡлы вәкиллеге менән "Мәскәү парктары үҫеше" автономиялы коммерция булмаған ойошма араһында килешеү төҙөлгән.

📍 "Урман китапханаларында" балалар өсөн 15 төрлө китапты табырға була, улар араһында "Урал батыр" башҡорт халыҡ эпосы, "Башҡорт әкиәттәре" йыйынтыҡтары бар. Нәшриәт хеҙмәткәрҙәре әйтеүенсә, нәҡ балалар әҙәбиәте менән тәьмин итеүҙе һорағандар.

Башҡорт донъяһы МАХ-та: https://max.ru/channel_bashkortdonja

📌"Һөт иле" Ҙур һәм татыу ғаилә йылына арналасаҡ.

🔥 Киләһе аҙнала, 29 августа, Өфөләге "Ҡашҡаҙан" мәҙәниәт һәм ял итеү паркында халыҡ яратып көтөп алған сараларҙың береһе - "Һөт иле" ғаилә фестивале үтәсәк.

🔹 Быйыл уның төп программаһы Башҡортостанда иғлан ителгән Ҙур һәм татыу ғаилә йылына бағышлана.

🔹 Фестиваль йола буйынса бер стакан һөт эсеүҙән башланасаҡ, уны төп партнер - "Росмол" КТ ("Беренсе тәм") Стәрлетамаҡ филиалы тәҡдим итәсәк.

🔹 Йылдағыса ойошторолған һөт йәрминкәһе, фермерҙар баҙары, сыр кибете, бал ризыҡтары, Ҡымыҙ ауылы майҙансығы буласаҡ. ЭкоАуылды быйыл "БашИнком"компанияһы һәм баҡсасылыҡ ойошмалары тәьмин итәсәк.

🔹 Балалар һәм өлкәндәр өсөн уйындар, оҫталыҡ дәрестәре, концерт ойошторола.

📍 Тәүге тапҡыр фестивалдә "Һөт циркы" күрһәтелә - ғаилә труппалары сығыш яһаясаҡ.

Шулай уҡ кескәйҙәр өсөн (1,5 - 4 йәшлектәр) "Быҙауҙар сабышы" ("Телячьи скачки") тигән ҡыҙыҡлы ярыш ойоштороласаҡ - һауа тултырылған һыйырҙар әҙер!

✅ Инеү бушлай.

Туңдырманың да төрлөһө буласағын әйтеп тормайбыҙ, мотлаҡ ялығыҙҙа ғаилә менән "Ҡашҡаҙан"ға сығығыҙ!🍦🍧🍨

Башҡорт донъяһы МАХ-та: https://max.ru/channel_bashkortdonja

❓ Стәрлетамаҡта башҡортса һөйләшеүселәр бармы?
🔥 Һеҙҙең өсөн генә шәп байрам - "Мин башҡортса һөйләшәм!" фестивале ойошторола!

5 сентябрҙә сәғәт 18:00-дә

📍 Стәрлетамаҡ ҡалаһы Салауат Юлаев исемендәге сквер, Комсомол урамы, 80-се йорт.

Ҡаланың 260 йыллығына арналған шәп сарала һеҙ яратҡан йырсылар сығыш яһаясаҡ.

🎫 Инеү бушлай.

Башҡорт донъяһы МАХ-та: https://max.ru/channel_bashkortdonja

📌Бөгөн, 21 августа, башҡорт шағиры, мәғрифәтсе, туған яҡты өйрәнеүсе, титуляр советник, Рус география йәмғиәтенең Ырымбур бүлексәһе ағзаһы, III дәрәжә Станиславский ордены кавалеры Мөхәмәтсәлим Өмөтбаевтың тыуыуына - 185 йыл.

🔹 Мөхәмәтсәлим Өмөтбаев хәҙерге Башҡортостандың Ҡырмыҫҡалы районы Ибраһим ауылында тыуған. Атаһы Ишмөхәмәт Ишемғол улы кантон башлығы булған.

🔹 Башланғыс белемде Мөхәмәтсәлим тыуған Ибраһим ауылы мәҙрәсәһендә ала.

🔹 Уны тамамлағас, 1852 йылда Ырымбур ҡалаһындағы Ырымбур Неплюев кадет корпусында уҡый. Бында ул география, тарих, архитектура, каллиграфия һәм хәрби фәндәрҙе өйрәнә. Төрки теленән тыш рус, фарсы, ғәрәп телдәрен өйрәнә, француз теле менән мауыға.

🔹 Һигеҙ йыл дауамында Неплюев кадет корпусында уҡығандан һуң, 1860 йылдың авгусында атаһы, ауырып киткәс, Мөхәммәтсәлимде тыуған ауылына ҡайтара. Бында ул 25‑се башҡорт кантоны идаралығының тәржемәсеһе вазифаһында Башҡорт ғәскәрендә хеҙмәт итә.

🔹 Башҡортостандағы кантон идараһы бөтөрөлә башлаған осорҙа, Өмөтбаев 1864 йылда Ҡырмыҫҡалы улусы мировой аралашсы писары итеп тәғәйенләнә һәм Ҡырмыҫҡалы ауылына күсә. 1865 йылда ул Бибиғәбиҙә Мирғәләүетдин ҡыҙы Рәжәпова менән никахлаша.

🔹 1883 йылда Мөхәмәтсәлим Өмөтбаев рус география йәмғиәтенең Ырымбур бүлексәһең ағзаһы итеп һайлана.

🔹 886 йылда Өфөнөң 300 йыллығы, 1899 йылда А. С. Пушкиндың тыуыуына 100 йыл тулыу айҡанлы юбилей комиссияларының ағзаһы була.

🔹 1887—1889 йылдарҙа бəхəсле ваҡыф эштəре буйынса Эске эштəр министрлығы комиссияһына эшкә саҡырылып, бер аҙ ваҡыт Санкт-Петербургта, аҙаҡ Ҡырымда йәшәп, оҙайлы сәфәрҙә йөрөп ҡайта.

🔹 Уға үҙ заманы өсөн мәртәбәле һаналған коллегия теркәүсеһе (1884), губерна сәркәтибе (1885), коллегия сәркәтибе (1889), титуллы кәңәшсе (1892) һымаҡ исемдәр бирелә. Өфө өйəҙе земство йыйылышының гласныйы итеп тәғәйенләнә һәм бында өйәҙ мосолмандарының берҙән-бер вәкиле булып тора.

🔹 Мөхәмәтсәлим Өмөтбаев 1907 йылдың 28 июнендә 65 йәшендә вафат була. Ул үҙенең тыуған төйәгендә ерләнгән.

Байрам менән! 🇷🇺

Теүәл 35 йыл элек Мәскәүҙә Аҡ йорт өҫтөндә өс төҫлө Рәсәй флагы күтәрелә. Яңы ил һәм дәүләт ҡоролошон символлаштыра ул саҡта.

🇷🇺 Бөгөн был аҡ, күк һәм ҡыҙыл төҫтән торған әләм һәр кемебеҙ өсөн ҡәҙерле, яҡын төшөнсәне - тыуған илде сағылдыра.

🔹 Рәсәй Дәүләт Флагы төҫтәренең рәсми аңлатмаһы юҡ, әммә бөгөн уларҙы ошолай билдәләйҙәр:

🤍 Аҡ - тыныслыҡ, сафлыҡ, юғары намыҫлылыҡ, асыҡлыҡ.
💙 Күк - тоғролоҡ, рухилыҡ, тотороҡлолоҡ, күк йөҙө.
❤️ Ҡыҙыл - дәрт, көс, батырлыҡ, Ватан өсөн түгелгән ҡан.

Бөгөн "Ҡашҡаҙан" паркында һәм башҡа ял итеү урындарында байрам саралары ойошторола, музейҙарҙа флагҡа арналған ҡыҙыҡлы күргәҙмәләр үтә.

Башҡорт донъяһы МАХ-та: https://max.ru/channel_bashkortdonja

📌 "Башҡортостан" полкы яугирҙары Рәсәй Федерацияһының Дәүләт флагы көнө менән ҡотлаған.

Был турала Башҡортостан Республикаһы Башлығы Радий Хәбиров хәбәр иткән.

💯 "Рәсәй триколоры - беҙҙең ғорурлыҡ, беҙҙең көс, беҙҙе берләштергән нәмә. Бөйөк ил һәм еңеүҙәребеҙ символы",

- тип белдергән Радий Фәрит улы.

Һәм яугирҙарҙың ҡотлауҙарына ҡушылып, барыһын да байрам менән тәбрикләгән.

Башҡорт донъяһы МАХ-та: https://max.ru/channel_bashkortdonja