Әйт, ауылым!

Видео: Илназ Вәлиев.

Хәйерле иртә! ☀️

❓Иҫнәгән кешегә ҡарап, һеҙҙең дә ҡапыл иҫнәге килгәне бармы һәм бының сәбәбен беләһегеҙме?

💯 Был күренеште ҡайһы бер ғалимдар, көҙгө нейрондарына бәйләп аңлата.
Мейенең был күҙәнәктәре кеше башҡаларҙың хәрәкәттәрен күҙәткәндә әүҙемләшә һәм автомат рәүештә уны ҡабатлай.

✅ Кеше иҫнәгәнде күрһә, мейеһе быны үҙе менән булған хәл итеп "тойоп", ирекһеҙҙән иҫнәтә.

🔥Был ҡыҙыҡ:
🔹Юғары эмпатиялы, йәғни башҡаларҙың хәленә инә белеүселәр, йышыраҡ ҡушылып иҫнәй икән.

🔹4 йәштән бәләкәй балаларға һәм аутистик спекрҙағы ауырыу кешеләргә иҫнәү һирәгерәк "йоға".

🔹Ҡайһы бер ғалимдар иҫнәүҙең "йоғошло" булыуын кешенең социаль тәбиғәтенә бәйләп аңлата, был верьпль булмаған коммуникация - һүҙһеҙ аралашыу, тип иҫәпләйҙәр.

🔹Эволюция күҙлегенән ҡушылып иҫнәү - синхронизация ысулы, берәү ял иткәндә башҡаларға ла мөмкин.

Фото: "Беҙҙең Асҡар" ТГ-каналынан.

ТАУҘАР, ТАУҘАР!
Ҡайһы тау бейек? - тип,
Мин Уралға тағы ла ҡараным.
Тик тапманым шул тауҙарҙа тыуған
Шатлыҡтан да бейек ҡаяны.

🔥Был юлдарҙың авторы - башҡорт шағиры Ғәлимов Сәләм, ул 1911 йылдың 18 ғинуарында хәҙерге Силәбе өлкәһе Сосновка районының Оло Тәгеш ауылында тыуған.

28 генә йәшендә ҡаты сирләп вафат булған шағирҙың тыуыуына быйыл 115 йыл.

Уның һәр шиғыры йырлап торған кеүек, оҙон поэмалары ла еңел генә хәтерҙә ҡала, күп шиғри юлдары халыҡҡа таралған. 🫶

❓Ә һеҙ уның әҫәрҙәрен беләһегеҙме?

Фото: Илнур Байегетов.

Һай, азамат арыҫлан да
Яуҙа дошман айҡаған.
Йөҙҙәрендә даны балҡый,
Күп ерҙәрҙе байҡаған.

Һай, һай, һай, һай,
Түрҙән урын алығыҙ,
Һары балды һалығыҙ,
Арыҫландай батырҙарҙың
Арҡаһынан ҡағығыҙ.

Видео: Хәйҙәр Хәмиҙуллин.

📌 Башҡортостандың Урман хужалығы министрлығында "Шыршы-2025" операцияһына йомғаҡ яһалды.

2025 йылдың 24 ноябренән 2026 йылдың 8 ғинуарына тиклем ведомство ылыҫлы ағастарҙы әҙерләү һәм һатыуҙы ҡаты контролдә тотҡан. Был "Урмандарҙы һаҡлау" федераль проекты ҡуйған мәсьәләләрҙе үтәүгә ҙур булышлыҡ итә.

Ошо маҡсаттан 1533 рейд яһалған. Дәүләт урман инспекторҙарынан тыш, урман һағына Гостехнадзор, казак йәмәғәтселектәре, йәмәғәт инспекторҙары баҫҡан.

📍 60 стационар пост, 156 мобиль төркөм эшләгән.

Был миҙгелдә законһыҙ ҡырҡылған ылыҫлы ағастар һаны яҡынса ете тапҡырға тиклем кәмерәк - үткән йылға ҡарағанда 149 төпкә әҙ. Йәш үҫентеләрҙе рөхсәтһеҙ кискән 12 осраҡ теркәлгән (был 26 төп ағас). Урман фондына бөтәһе 86,5 мең һум зыян килтерелгән,

- тип хәбәр итә БР урман хужалығы министры урынбаҫары Юнир Садиҡов.

💯Бынан тыш, инспекторҙар башҡа төр ағастарҙы рөхсәтһеҙ ҡырҡыу осраҡтарын да асыҡлаған һәм 14-е буйынса закон боҙоусылар административ яуаплылыҡҡа тарттырылған, ҡалған 13-ө енәйәт эше ҡуҙғатыу өсөн Эске эштәр министрлығы органдарына йүнәлтелгән.

Йырын да тыңлағыҙ. Фәрүәз Урманшин башҡара.

📌 Башҡортостан Милли китапханаһы "Традицияларҙың йәнле ебе" Бөтә Рәсәй видео-флешмобы иғлан итте. Ул Рәсәй халыҡтары берҙәмлеге йылына арналған һәм 27 февралгә тиклем дауам итә.

Флешмоб илебеҙҙә йәшәгән төрлө милләт кешеләрен берләштереү һәм уларҙың бай мәҙәни мираҫын күрһәтеү өсөн ойошторола.

📍 Унда ҡатнашыу өсөн:

🔹 Милли йола тураһында, яратҡан әкиәттән йә риүәйәттән өҙөк уҡып, халыҡ бейеүе, милләттәшең яҙған китап тураһында һөйләп ҡыҫҡа видео төшөрөргә (60 секундҡа тиклем);

🔹Видео башында мотлаҡ ҡайһы төбәктән булыуыңды әйтергә;

🔹Видеороликты социаль селтәрҙәрҙә #ГодЕдинстваНародовРоссии, #ЖиваяНитьТрадиций, #нацбиблрб и милли китапхана хештегтары менән урынлаштырырға;

🔹Башҡортостан Республикаһы Милли китапханаһының "Бәйләнештә"ге төркөмөнә яҙылырға һәм яҙмала уны билдәләргә кәрәк;

🔹Ошо һылтанма буйынса мәғлүмәт тултырырға.

Бөтә шарттарҙы үтәүселәргә электрон сертификаттар бирелә, иң шәп видеолар интерактив "Мәҙәни мәғәнәләр картаһы"на индереләсәк.

💯Ҡатнашығыҙ, үҙебеҙҙең башҡорт халҡы тураһында һөйләгеҙ, күрһәтегеҙ!

📌 Башҡортостан уҡсылары Рәсәй Кубогында еңгән.

Владимир өлкәһендә ачери-биатлон - саңғыла йөрөү һәм уҡ атыуҙы берләштергән ҡышҡы спорт төрө - буйынса ил Кубогының II этабы тамамланған. 

✅ Унда Башҡортостан спортсылары еңеүҙәр яулаған:
🥇🥇🥈Анастасия Сафонова
🥈🥉🥉Нәргизә Маннанова
🥈🥉Владислав Әнүәров
🥈Алиса Миңлеғолова
🥉Юлиә Ямалетдинова

Башҡортостан. Ҡышҡы ауыл. ☃️

Видео: Салауат Юнысов.

📌 Донъяға билдәле башҡорт опера йырсыһы "Тауыш" шоуының яңы остазы.

Рәсәйҙең һәм Башҡортостандың халыҡ артисы, "Грэмми" премияһы лауреаты Илдар Абдразаҡов Беренсе каналда күрһәтелгән шоуҙа остаз буласаҡ.

Тапшырыуҙың был миҙгелендә шулай уҡ Анна Асти, Пелагея һәм Владимир Пресняков үҙенә "уҡыусылар" һайлай.

#башҡорт_аҡылы
💯Бына шулай, һәр заманда ла уйын-кәйеф ҡороуға артыҡ ваҡыт бүлеү хупланмаған.
Ә бит ашыҡ уйнап, туп тибеп йөрөү әлеге күҙлектән бик насар ҙа түгел һымаҡ - бала исмаһам саф һауала, физик әүҙемлек тә бар...

БАШҠОРТСА УЛАЙ БУЛМАЙ

Кемдер "Төркиҙәр әлифбаһы", кемдер "Төрки әлифба" тип тәржемә иткән. Ысынында Иҫке төрки алфавиты хаҡында һүҙ бара.

Башҡортостанда шундай үҙенсәлекле ҡулланма йыйынтыҡ донъя күрҙе. Элгәре иҫке төрки теле БДУның башҡорт филологияһы факультетында маҡсатлы өйрәтелә ине, һуңғараҡ Өфө дәүләт сәнғәт институтында ла дәрестәр алып барылды. Ишмөхәмәт Ғәләүетдинов вафатынан һуң, был йүнәлештә эшләүсе, ғөмүмән, булдымы икән? Белеүебеҙсә, юҡ.
Ә бит иҫке төрки графикаһында бик күп ҡулъяҙмалар уҡырға, иң кәмендә ғаилә тарихын, өсмөйөшлө һалдат хаттарын өйрәнергә мөмкин.

Ваҡытында ошо баҫманы әҙерләп нәшер итеү башланғысын, әле Хөкүмәттә эшләгән сағында, Азат Бадранов тәҡдим итә. Уны тормошҡа ашырыусылар Искәндәр Сәйетбатталов, Ислам Байғужин, Илшат Миңлебаев, Йософ Күрәев. Тағы ла Шамил Вәлиев ҡатнашҡан.

Икеһе лә уңдан һулға яҙылһа ла, иҫке төрки телен ғәрәп теле менән бутарға ярамай.
Ғәрәп алфавитында 28 хәреф, иҫке төрки графикаһында 35 билдә.

Ғәрәп телендә һүҙҙә һәр хәреф мотлаҡ ҡушылып яҙыла, иҫке төрки телендә хәрефтәр айырым языла.

Бөгөн "Китап" нәшриәте магазинында яңы йыйынтыҡтың исем туйы үткән.  Китап 700 тираж менән донъя күргән тип хәбәр ителә. Республикала иҫке төрки теле менән ҡыҙыҡһынған шунсама кеше, моғайын, юҡтыр. Әммә был йыйынтыҡ маркетплейстар аша таралып бөтөр, тип күҙалларға мөмкин. Сөнки ваҡытында иҫке төрки телен ҡулланыу географияһы киң була.

Ә беҙҙеңсә йыйынтыҡ авторҙарына шул уҡ "Китап" магазинында иҫке төрки телен өйрәнеү буйынса асыҡ дәрестәр ҙә ойоштороу мөһим. Нисек уйлайһығыҙ?

Башҡортса улай булмай тигәндән, Яңы йылдың тәүге эш көнөндә Өфө районында өр-яңы, заманса мәктәп асылды. Шмидт һәм уға яҡын-тирәләге ауылдар халҡы өсөн ҙур бүләк булды ул. Әйтер һүҙебеҙ шул - Шмидтово башҡортса Шмидтов түгел, Шмидт ҡына була. Ә мәктәп алтаҡтаһына нисек яҙылды икән?

Мөмкинлектәр табыла, теләк кенә кәрәк 💟

Хәйерле иртә теләп, кисә Өфө ҡалаһы уртаһында саңғыла йөрөгән кешенән үрнәк алырға кәңәш итәбеҙ: һылтау эҙләмәгеҙ, тотоғоҙ за эшләгеҙ.

БӨГӨНГӨНӨ ҮТКӘНДӘРГӘ БӘЙЛӘП

❓ Боронғо яҙмаларҙы, ата-бабаларыбыҙ тураһындағы архивтарҙа һаҡланған мәғлүмәттәрҙе, үткән быуат башына тиклем ҡулланылған хәрефтәрҙе танырға теләйһегеҙме?

✅ Улайһа, һеҙҙең өсөн яҡшы яңылыҡ - Башҡортостанда иҫке төрки теле буйынса матур яҙыу дәфтәре донъя күрҙе.

Кисә 700 дана баҫылған "Алифба тюрки" матур яҙыу дәфтәре авторҙары менән "Китап" нәшриәте магазинында йәнле осрашыу үтте. Йыйынтыҡ - дөйөм коллектив хеҙмәте, ә уны әҙерләү идеяһын Хөкүмәттә эшләгән сағында Азат Бадранов күтәреп сыҡҡан.

Иҫке төрки теле әлифбаһын өйрәнеү, матур яҙырға күнегеүҙәр тамырҙары менән ҡыҙыҡһынған кешеләргә айырыуса файҙалы булмаҡсы.

Сөнки йыйынтыҡ нәҡ архив материалдарына, боронғо метрикаларға нигеҙләнеп төҙөлгән, бер нисә яҙыу стилен үҙ эсенә ала.

🔥11 йәшлек ҡыҙ атын еккегә өйрәтә.

Атты еккегә өйрәтеүселәр араһында конкурс бара икән "Ирәндек" мәрхәмәтлек фондының рәсми төркөмөндә. Шунда Йылайыр районы Һултантимер ауылынан Зөләйха Йомабаева ла ҡатнаша.

Ҡыҙ быға тиклем "Башҡорт аты" халыҡ-ара фестивале бәйгеһендә призлы урын да алған икән. Бәләкәйҙән һыбай йөрөй, ти.

Үәт, һоҡландырҙы, афарин! 👏