Китап һөйөүселәр өсөн шәп сара!

"Китап" нәшриәте күңелле сара әҙерләй - һүҙ менән музыка осрашасаҡ! Махсус проект сиктәрендә көн дауамында тере тауышлы көй-моң, яратҡан әҫәрҙәр тураһында әңгәмәләр һәм яҡшы кәйеф көтә!

11 декабрҙә Өфө ҡалаһы, Ленин урамы, 26-сы һанлы йорт адресы буйынса "Китап" магазинына ашығығыҙ!

12.00 - Илшат Абдуллин ("Бүреләр" төркөмө)
14.00 - Рөстәм Ғиззәтуллин
16.00 - Лиана Хәбибуллина
18.00 - Baby Ti
20.00 - Ринат Зарипов ( "Дәрүиш - Хан" төркөмө) сығыш яһаясаҡ.

Иркәләтмә, тиһең, ейәнемде,
Иркәләтмәй нисек түҙәйем?
Кескәй генә остоҡ кешекәйҙең
Күңелкәйен нисек күрәйем?

Иркәләнһен әйҙә, бала сағы
Үтһен алһыу таңдар илендә.
Шатлыҡ менән тулһын һәр бер көнө,
Ур(ы)ны булһын өйҙөң түрендә.

Һый-ниғмәттең иң-иң тәмлеһен
Уның өсөн генә бешерәм.
Һорай икән, бергә шар осорам,
Сана шыуам, һүрәт төшөрәм.

Тәтәйҙәрҙең йәне теләгәнен
Һатып алам, хаҡын ҡарамай.
Йылы ойоҡбаштар бәйләйем,
Кәрәк булһа, төндә йоҡламай.

...Минең дә бар ине сабый сағым,
Минең дә бар ине өләсәй.
Ул да мине шулай иркәләтте
Күңел йылыларын йәлләмәй.

Өләсәйҙең наҙлы ҡараштары
Мәңгелеккә ҡалған иҫемдә.
Ул бешергән тәмле йыуасаның
Онотмайым тәмен, еҫен дә.

Эстән генә көйләп йөрөйөм
Йырҙарының иң-иң моңлоһон.
Өшөгәндә йомшаҡ ҡулдарының
Тоям кеүек һаман йылыһын.

Иркәләтмә, тиһең, ейәнемде,
Иркәләтәм, һөйәм, наҙлайым.
Аҡ ҡағыҙҙай таҙа күңелендә
Йылы хәтер булып ҡалайым.

Римма СОЛТАНОВА

Хәйерле иртә! 🥰

Әсәйҙәрҙән сәс үрҙереү - бәхет инде ул ❤️

Видео: Ләйсән Мәзитова.

🔥Искәндәр Ғәзизов утынды ултырып ҡына яра😎 Ә һеҙ?

Үҙе кеүек тырыштарға Өфөләге студенттар кампусынан сәләм юллай был бал ҡорто 🫶

Томанға ҡарамай, төҙөлөш дауам итә. Тиҙҙән бында йәштәр өсөн барлыҡ уңайлыҡтар булдырылған күп ҡатлы ятаҡ барлыҡҡа киләсәк.

📍 Әйткәндәй, әле Геном үҙәгендә теләгән һәр кем "Мәктәп 21" (Школа 21 от Сбера) программаһында ҡатнаша ала. Уға ярашлы, IT өлкәлә белемде бушлай алырға мөмкин - программалаштырыу нигеҙҙәренә өйрәтәләр.
Әле 8 декабрҙә уҡыуҙар башланырға тора, эләгер өсөн ошо арала ғариза бирергә кәрәк.

Ҡалаҡҡа һалып йоторлоҡ, тиҙәрме әле? 😍

❓Йылдың иң шәп конкурсында быйыл кем еңгән, тип уйлайһығыҙ?

"Башҡорт йыры" - 2025 башланырға тора.

Барып күрәһегеҙме, телевизор аша ҡарарға йыйынаһығыҙмы?

📌 "Башҡорт йыры" телевизион конкурсы үҙенең юбилейын билдәләй. Быйыл уны төшөрә башлауға һәм моң эйәләрен барлауға - 15 йыл!

Бөгөн тамашаның икенсе көнө һәм "Башҡорт йыры - 2025" конкурсы еңеүсеһенең исеме билдәле буласаҡ.

📍 Ә беҙ һеҙҙең иғтибарға кисә үткән концерттан күңелгә ятышлы сығышты тәҡдим итәбеҙ: "Башҡорт йыры - 2025" конкурсанты Азамат Ғөбәйҙуллин башҡарыуында "Сибай" башҡорт халыҡ йыры. Бер өҙөк.

Зөһрә Мөхәррәмова башҡарыуында "Ай менән Зөһрә" йыры

📌 AY YOLA төркөмөнөң Рәсәй ҡалалары буйлап беренсе гастроле Өфөлә тамамланды.

Бөйөк «Урал батыр» эпосына арналған музыкаль альбом Рәсәйҙең 22 ҡалаһында яңғыраған.

Һәр осрашыу аншлаг менән үткән. Был хаҡта тулыраҡ - БСТ каналының "Яңылыҡтар" сюжетын ҡарағыҙ.

«Валитов-ТВ» каналының сираттағы сығарылышы милли матбуғаттың роленә һәм әһәмиәтенә бәйле.

Рәхим итеп танышығыҙ:
https://vkvideo.ru/video-229671171_456239032

Башҡорт ҡатындары нисек кейенгән? Бәләкәстәргә күрһәтегеҙ!

Аҡыллы һүҙҙәр ☝️

Бөгөн Өфөлә Бөтә донъя башҡорттары ҡоролтайы съезы үтә. Съезды Башҡортостан дәүләт ҡурайсылар ансамбле "Урал" көйө менән асты.

МЕГАла Башҡорт теле көнө уңайынан байрам уҙасаҡ

14 декабрҙә Өфөләге МЕГА сауҙа үҙәгендә Башҡорт теле көнөнә арналған байрам уҙасаҡ.

Башҡортостан башлығы указы менән 2019 йылдан алып йыл һайын 14 декабрҙә Башҡорт теле көнө билдәләнә. Быйылғы йылда ла был уңайҙан республикала бихисап саралар уҙасаҡ. Уларҙың береһе МЕГА сауҙа үҙәгендә үткәреләсәк. Ойоштороусыһы - Башҡорт телен һаҡлау һәм үҫтереү ойошмаһы.

Сара 12.00 сәғәттә башлана. Унда ҡатнашыусылар өсөн төрлө майҙансыҡтар эшләйәсәк: Башҡортостан Республикаһы халыҡтар дуҫлығы йорто һәм Республика халыҡ ижады үҙәге оҫталарынан оҫталыҡ дәрестәре, аниматорҙар сығышы, интерактивтар, викториналар һәм уйындар. Теләүселәр Башҡорт дәүләт филармонияһы оҫталары менән милли музыка инструменты - ҡурайҙы үҙ ҡулдары менән эшләй ала. Сараның алып барыусыһы - Милли йәштәр театры актеры Шәһит Хамматов.

Бәләкәстәр өсөн дә ҡыҙыҡлы программа әҙерләнгән. Улар өсөн Башҡорт дәүләт ҡурсаҡ театры актерҙары “Ямаҡай бәпкә” спектаклен ҡуясаҡ, “Тамыр” вокал ансамбле һәм “Ғаилә” башҡорт балалар баҡсаһы тәрбиәләнеүселәре концерт номерҙары менән сығыш яһаясаҡ.

Сарала ҡатнашыусыларҙы шулай уҡ “Хазина” этно-төркөмөнән концерт көтә.

Байрам барышында махсус фотозона эшләйәсәк, һәр теләгән кеше унда иҫтәлеккә фотоға төшә ала.

Ваҡыты: 14 декабрь, 2025 йыл, 12:00-15:00 сәғ.
Урыны: МЕГА сауҙа үҙәге (Өфө ҡалаһы, Рубежная урамы, 174)

Ҡоролтайҙың 30 йыллығында ҡатнашыусылар "Ҡоролтай нимә ул?" тигән һорауға яуап биргәндәр