📌 Өфөлә үткән Рөстәм Шәрипов исемендәге ҡурайсыларҙың асыҡ республика конкурсында Бөрйән районы Иҫке Собханғол ауылынан Зөфәр Сәйетбатталов та ҡатнашты.

Егет ҡурайҙа 8 йыл уйнай, яңыраҡ өзләргә өйрәнгән.

Вәт шундай шәп башҡорт йәштәре бар ❤️‍🔥

Дуҫтар, кем йырлағаны асыҡланған! 🔥

М. Кәрим исемендәге Милли йәштәр театры актерҙары ҡойған йомаҡтың яуабы табылған, видеоны ҡарағыҙ.

Һәм үҙегеҙҙең фараздарығыҙҙы сағыштырып ҡарағыҙ 😉

Һылыу ҡыҙҙарыбыҙ ҙа бар! 🔥

Видеола Һиндостанда үткән «Miss Asia/Miss Glam Universe» конкурсында ҡатнашып, «Miss Eurasia-2025» титулы алған һәм «Miss Glam Universe-2025» конкурсында иң һылыу 4 ҡыҙ араһына ингән, 3-сө Вице-Мисс булған Розалия Низамова.

📌 "Замандаш" экспедицияһы һөҙөмтәләре буйынса фильм төшөрөлгән.

50-нән ашыу интервью, 20 сәғәтлек материал 20 минутлыҡ фильмға һыйҙырылған.

Иртә таңдан ҡояш байығанға тиклем фильм геройҙары менән бер көн "йәшәгеҙ".

🔹«Замандаш экспедицияһы» проекты авторҙары: Зиннур Сөләймәнов, Сәрүәр Сурина, Рима Харисова, Әлиә Яхина-Иванова

🔹Режиссер: Рөстәм Ғайсин
🔹Композитор: Марат Татурас
🔹Генераль продюсер: Әлиә Яхина-Иванова
🔹Креатив продюсер: Сәрүәр Сурина
🔹Тәржемә/субтитрҙар: Руслан Шәйбәков, Альбина Вәлиуллина, Сәрүәр Сурина.

Башҡорт бейеүен музыка һәм таҡмаҡһыҙ ҙа бейергә мөмкин: тәңкәләр сыңы, сирткән һәм тыпырлаған тауыштар үҙе үк ритм бирә.

Видео: Миләүшә Хәйбуллина.

📌Географик диктант яҙығыҙ!
30 ноябрҙә бөтә ил буйынса Географик диктант яҙыу акцияһы үтә.

✅Ул 2025 йылдың төп ваҡиғаларына арналған: Рус география йәмғиәтенең 180 йыллығы, Бөйөк Ватан һуғышында Еңеүҙең 80 йыллығы, Төньяҡ диңгеҙ юлын үҙләштереүгә 500 йыл тулыуға һәм Рәсәйҙең БРИКС илдәре менән тарихи-мәҙәни һәм географик бәйләнештәрен сағылдыра.

📍Башҡортостанда төп майҙансыҡ итеп Өфө ҡалаһындағы М. Аҡмулла исемендәге БДПУ билдәләнгән.
Унда саҡырылған ҡунаҡтар - Рәис Ғәбитов, Олег Чагодаев һәм Рина Гринберг киләсәк.

📍Шулай уҡ Географик диктантты республикабыҙҙа 800-ҙән ашыу майҙансыҡта - мәктәптәрҙә, вуздарҙа, музейҙарҙа, китапханаларҙа яҙыу ойошторола.
Һәм, әлбиттә, өйҙән һәр кем дистанцион рәүештә ҡатнаша ала.

⚡Үҙегеҙгә яҡын майҙансыҡты ошонан ҡарап белегеҙ: dictant.rgo.ru.

📝Диктант яҙыу 30 ноябрҙә сәғәт 12.00-дә башлана.
Өйҙән генә яҙырға теләүселәр 14 декабргә тиклем ошо сайтҡа инеп, быны эшләй аласаҡ: dictant.rgo.ru

💯Географик диктант ике өлөштән тора: беренсеһендә 10 һорау һәм Рәсәй географияһы тураһында нигеҙ белемде тикшереүгә ҡоролған. Икенсе өлөшөндә 30 һорау - бында тәрәнерәк белем талап ителәсәк.

Ойоштороусылар Географик диктант - ул имтихан түгел, ә ғаилә менән бергә ваҡытты файҙалы итеп үткәреү, үҙеңде һынап ҡарау һәм яңы белемгә ынтылыш уятыу сараһы, ти.

Ҡатнашығыҙ!👍

📌Бөгөн "Тамыр" балалар һәм үҫмерҙәр телеканалының "Сулпылар - 2025" бәйгеһенең еңеүсеһе билдәләнә.

Телевизион бәйгенең Гала-концертында финалға үткән 14 йырсы көс һынаша.

⏰Ҡасан: 27 ноябрь, сәғәт 19:00
📍 Ҡайҙа: М.Кәрим ис. Милли йәштәр театры (Өфө, Ленин урамы, 62)
☎️Билеттар: ufakoncert.ru/event/gala...
Шулай уҡ ошонда: 8 (917) 341 30 07

#башҡорт_аҡылы
⚡Ҡайһы бер кешеләр араһында шундай холоҡлолар була шул: үҙ туғанын эшкә һанамай, ситтәрҙе яҡыныраҡ күргәндәр. Бындайҙар тураһында ата-бабаларыбыҙ бына шулай тапҡыр итеп әйткән.

❤Үҙебеҙҙең башҡорт халыҡ мәҡәлдәренә "лайыҡ"тарығыҙҙы йәлләмәгеҙ, дуҫтар.

Өлкәндәр күреп, "йөрәк" ҡуйһа, йәштәрҙең һәм балаларҙың да күҙҙәренә ошо пост сағылыр.

💯Туғанлыҡ ептәренең мөһимлеген дә ҡолаҡтарына киртеп ҡуйырҙар.