📌Башҡортостан Ҡатын-ҡыҙҙар союзына яңы етәксе тәғәйенләнгән.

Быға тиклем ойошманы 28 йыл етәкләгән Рәшиҙә Солтанова үҙ теләге менән рәйеслектән бушатылған һәм Иглин районы хакимиәте башлығы Гүзәл Насирова һайланған.

❓Учалы ҡалаһынан арабыҙҙа берәйһе бармы?

Тап ошо "бәйләмле" видеола кеүекме һеҙҙә?

Бигерәк күңелгә ятышлы ысул булып сыҡты әле ҡалаларҙы ошо рәүешле һүрәтләү🥰

Видео: интернеттан.

"Мираҫ - үткәндәр түгел, ул - беҙ",

- ти видео авторы Сулпан Ағзамова.

Өс быуын өләсәй, әсәй, ейәнсәр ❤️

📌 Мадъярҙарға туған ЮРМАТЫЛАР тураһында бер нисә ҡыҙыҡ факт:

🔹 XIIIбыуат урталарында монгол ханлығына сәйәхәт ҡылған Рим папаһының илсеһе Иоан де Плано Карпини һәм Франция короле Людовик IX илсеһе Вилгельм де Рубрук үҙҙәренең яҙмаларында башҡорт менән венгрҙарҙы бер үк халыҡ, улар бер телдә һөйләшә тигән мәғлүмәт ҡалдыра. Әммә улар башҡорт ерендә булмай һәм башҡа сығанаҡтарҙан "күсереп" шулай яҙа.

🔹XII быуатта ғәрәп сәйәхәтсеһе Әбү Хәмит әл Ғарнати Венгрияла була һәм ундағы халыҡты башҡорттар тип атай.

🔹Ә бына XIII быуатта йәшәгән ғәрәп Ибн Сәйет әл Мәғриби башҡорт һәм һунғар (венгр) халыҡтарын айырып ҡарай:

"... Әл Һункар иле. Улар - төркиҙәр, башкурдтарҙың туғандары..."

- тип яҙа.

🔹Боронғо башҡорттар венгрҙар төйәк иткән Дунай буйындағы Паннония еренә шулай барып сыға: IХ быуатта башҡорттарҙың бер өлөшө бәшәнәктәр менән союзға инеп, яджни, нәүкердтәр менән бергә Византия ҡалаларын баҫып ала. Шуға 1091 йылда ҡыпсаҡ хандары Бүнәк менән Туғарҡандың 40 меңлек ғәскәре менән Византия императоры уларға ҡаршы һуғыша. Шунан ҡалған бәшәнәктәр һәм башҡорттар Венгрия иленә килә һәм королдәре ғәскәренә хәрби хеҙмәткә алына.

Башҡорттарҙың юрматы һәм йәнәй ырыуҙары атамаһы венгрҙарҙың дьярмат һәм енё этнонимына оҡшаш.

✅ Тарихсы Рәил Кузеев юрматыларҙың сығышы боронғо булғарҙар менән бәйле булыуы ихтимал, тип фаразлай.

✅ Ә Салауат Хәмиҙуллин уларҙы Х быуатта венгрҙар составына ингән Гермат атамалы ырыуҙың савромат-сарматтарға барып тоташыуын фаразлай. Сармат атамаһының сауромат, сирмат, сюрмат формаһында әйтелеүе һәм юрматының да бәйле булыуы ихтимал. Был осраҡта юрматыларҙың килеп сығышында сарматтар ҡатнашлығы булып, бер өлөшө башҡорттар, икенсе өлөшө мадъярҙар составына инеүе бар.

🔹Этногенетика тикшеренеүҙәре һөҙөмтәһендә, юрматыларҙың айырым төркөмдәре хәҙерге венгрҙарҙың ҡайһы берҙәренә туған булыуы асыҡланған. Тимәк, ысынлап та, ниндәйҙер бәйләнеш булған.

🔹Юрматылар иртә тимер быуат осоронда сак һәм савромат ҡәбиләләренә ҡараған һәм унан да алдараҡ булған андронов мәҙәниәтенә ингәндәр.

📍 Хәҙерге осорҙа юрматы ырыуы башҡорттары республикабыҙҙың Ишембай, Ғафури, Мәләүез, Стәрлебаш, Стәрлетамаҡ, Федоровка райондарында йәшәй.
Шулай уҡ Татарстанда, Ырымбур һәм Һарытау өлкәләрендә лә юрматылар бар.

Фото: интернеттан. Әйткәндәй, Ишембай районындағы "Юрматы" музейында ошо фотолағы кеүек башҡорт ҡатын-ҡыҙҙарының "кәләпүш" тигән баш кейеме һаҡлана.

Матур ялдар! 🥰

Видео: DarMan project һәм "Быуын" хоры - Башҡортостан улдары.

Хәйерле көн! Ялдарығыҙ файҙалы һәм күңелле үтһен! 🥰

Бер аҙым алға баҫам да, әйләнәм мин артыма. Ҡайҙа баҫҡандар икән тип, күҙ һаламын халҡыма...
Республика халҡының бөгөнгөһөн һәм киләсәген хәстәрләгән етәксе.

Рәхимов ваҡытында һәләтле, булдыҡлы йәштәргә ҡарата «көтөп торһон, йәшерәк әле» тигән ҡараш йәшәне. Ә олпатланыу менән "йәше үткән" тип һығымта яһала ине. Дөрөҫөн әйтергә кәрәк, уңыш һирәк йәштәргә йылмайған заман булды ул – күп тигәндә әртис халҡына.

Хәмитов дәүерендә, ғөмүмән, йәштәр хаҡында берәй һүҙ ҡуҙғатылдымы икән? Иҫләй алмайбыҙ.

Ниһайәт, ҡәҙерһеҙ йәштәр заманы артта ҡалды. Уларҙың һәр бер ҡатламы - йәш уҡытыусылар, табиптар, эҙәрмәндәр, ирекмәндәр, эшҡыуарҙар, ижадсылар, хатта гот, косплеер, квадробер, анимешниктар менән дә Республика етәксеһе үҙе осраша. Ни өсөн? Сөнки улар барыһы ла беҙҙең балалар. Киләсәктә ниндәй генә һөнәр һайламаһын – иртәгәбеҙ улар ҡулында. Шуға ышаныс, тыуған ерҙәренә кәрәклелек тойғоһон бөгөн күрһәтеү һәм аңлатыу зарур. Мәктәп уҡыусыһы, йә студент көйө республика Башлығынан рәхмәт хаты, хатта дәүләт наградаһы алыу элек төшкә инмәҫлек хәл булһа, бөгөн ғәҙәти күренеш.

Был хаҡта иҫкә төшөрөүҙең сәбәбе – кисәге сара. Радий Хәбиров Мәскәү юғары уҡыу йорттарында белем алған Башҡортостан йәштәре менән осрашты. Был шундай сараларҙың нисәнсеһелер – теүәл әйтеүе ауыр. Илебеҙ башҡалаһында, студенттар каникулға ҡайтҡанда Өфөлә ошондай осрашыуҙар даими үткәрелә. Иң аҡыллы һәм маҡсатлы йәштәрҙең федераль юғары уҡыу йорттарын һайлауҙары ҡыуандыра. Улар араһында ҡала йәштәре генә түгел, ауылдыҡылар ҙа байтаҡ. Илдең алдынғы вуздарында белем алған белгестәр республика өсөн бик кәрәк. Шуға улар менән студент саҡтарынан бәйләнеш булдырыу – аҡыллы сәйәсәт. Мәскәү, Питерҙа ҡалыусылар ҙа, илдең төп ҡалаларында ҙур карьера эшләүселәр ҙә күп, ундайҙар киләсәктә лә буласаҡ. Улар менән дә аралашыу мөһим. Сөнки был егет-ҡыҙҙар беҙҙең республика вәкиле булараҡ, Башҡортостандың амбассадорына әйләнә.

Бындай осрашыуҙар Радий Хәбировтың бөгөнгө бурыстар менән генә сикләнмәй, республиканың киләсәге тураһында хәстәрлеге хаҡында һөйләй.

Республика етәксеһенән район-ҡала башлыҡтарына үрнәк алмаҡ кәрәк. Өфө вуздарында уҡыусы яҡташ йәштәр менән осрашыу – ул тап һеҙҙең бурыс, район-ҡалаларҙың киләсәген хәстәрләү ул тап һеҙҙең вәкәләт.

❓Кем йырлай, кем моңланып, ауыҙ ҡыбырлатып ҡына ултыра?

М. Кәрим исемендәге Милли йәштәр театры артистары йыйылышып, шундай ҡыҙыҡ видео төшөргән. Араларында береһе генә йырлай, ҡалғандары - юҡ.

Кем йырлай тип уйлайһығыҙ?

📌 Башҡортостандың МХО ветерандары ассоциацияһының рәсми төркөмдәрендә "Батырлыҡ тауышы: йәштәр Ватанға хеҙмәт хаҡында" подкасы булдырылған.

Һәм уның сираттағы сығарылышына ҡунаҡҡа Нияз Мәхмүтов саҡырылған.

"Бөрйән егетенең хеҙмәте, тормош ҡағиҙәләре, маҡсаттары хаҡында видео тиҙҙән беҙҙең каналда",

- тип хәбәр итә алып барыусы Ильяс Батыргәрәев.

2026 йылға зауыҡлы календарь! 🔥

Йылдағыса, Гөлназ Ғәлимуллина үҙенең шәхси проекты сиктәрендә башҡорт милли кейемдәрендә үҙенсәлекле фотоһүрәттәр төшөрөп, зауыҡлы календарь төҙөй.

Быйылғы календарь өсөн фотолар донъя кимәлендә билдәле картиналарҙан илһам алып төшөрөлгән.

Календарь тураһында @ethno_frames төркөмөндә белергә мөмкин.

🌟"Музей Йорта" күргәҙмәһендә бына ошондай "Тыуыу" тигән панно ла урын алған. Уның авторы - Александра Елхина.

❓Барып күрҙегеҙме әле?

📌Кисә Өфөләге "Атайсал" мәҙәни үҙәгендә Рөстәм Шәрипов исемендәге ҡурайсыларҙың асыҡ конкурсы үтте.

Ярышта Башҡортостандың 10 районы һәм 5 ҡалаһынан, шулай уҡ Силәбе өлкәһенән 41 ҡурайсы ҡатнашты.

🏆Гран-приға Өфөнән Айгиз Хашимов лайыҡ булды.

🥇1-се урын - Баҡалы районынан Азамат Ханнанов һәм Силәбе өлкәһенән Алмаз Бикмәтов;

🥈2-се урын - Өфө егеттәре Сыңғыҙ Вәлиев һәм Айҙар Байтимеров;

🥉3-сө урын - Өфө районынан Морат Исмәтов һәм Өфө ҡалаһынан Айрат Тимеров.

Был конкурс башҡорт халҡының милли уйын ҡоралында оҫта уйнаған 35 йәшкә тиклемгеләр араһында ойошторола. Тәүге тапҡыр уны 2016 йылда үткәрәләр.

🎬Видеола: конкурста 1-се урынға лайыҡ булған Баҡалы районы ҡурайсыһы Азамат Ханнанов "Ҡолой кантон" башҡорт халыҡ көйөн башҡара.

📌Күренекле башҡорт яҙыусыһы, ике тиҫтәгә яҡын роман авторы Яныбай Хамматовтың тыуыуына 100 йыл тулыу айҡанлы күргәҙмә асылды.

"Тарихҡа табан алтын күпер" тип аталған был экспозиция БР Милли музейында эшләй.

Унда ниндәй үҙенсәлекле ҡомартҡылар күрһәтелгәнлеге хаҡында БСТ каналының "Яңылыҡтар" тапшырыуы хәбәрсеһе Азат Ғәлиуллин һөйләй.

📌AY YOLA һәм Алһыу "Ай былбылым" йырын башҡарҙы.

Тиҙҙән башҡорт төркөмө башҡарыуында был йырҙы бөтә музыкаль майҙансыҡтарҙа тыңлап буласаҡ🔥

«Ай, былбылым» — башҡорт фольклоры классикаһы. Уны барыһы ла яратып йырлай һәм тыңлай.

Бына көҙҙөң һуңғы аҙнаһын да ҡаршылап торабыҙ.

Быйылғы ҡырпағай ямғырлы һәм йылы булды ла ҡуйҙы. Ул имен-аман, уңыштар һәм ҡыуаныстар менән тамамланып, аҡъюлайҙы ҡаршыларға насип булһын! 🥰
Исеменә есеме тура килеп, декабрь ҡар менән ҡыуандырыр, моғайын.

Фото: Гөлназ Ғәлимуллина.