Хәйерле иртә, республика! 🌥️

📌 Әбйәлил районында үҙенсәлекле ҡомартҡы балаҫ һаҡлана: уны комбриг Муса Мортазиндың ҡатыны һуҡҡан.

Фатиха ханым кәзә мамығын иләп, буяп һуҡҡан буй балаҫты Әбйәлил районы Рауил ауылында йәшәгән Шәмсикамал Ғәлимоваға бүләк иткән. Бөгөн был ҡомартҡыны ҡәҙерләп һаҡлайҙар.

Муса Мортазин хәҙерге Учалы районы Көсөк ауылынан, башҡорт милли хәрәкәте ағзаһы, репрессия ҡорбаны.

📍 Балаҫ тураһында Әбйәлил районы "Ағинәй" йәмәғәт ойошмаһы етәксеһе, Юлдаш ауылынан Гөлзифа Ғафарова һөйләне.

📌 Бөгөн Башҡортостандың халыҡ артисы Вәхит Хызыров күркәм юбилейын билдәләй.

Вәхит Ғәлибай улы Әбйәлил районы Таштимер ауылында 1965 йылда тыуған. Ул музыка һөйгән ғаиләлә тыуған: 6 баланың 3-һе профессиональ музыкант булып китә.

Йырсы башҡорт халыҡ оҙон көйҙәрен, сит ил һәм рус классиктарының, башҡорт композиторҙарының әҫәрҙәрен оҫта башҡара. Нур Дауытовтың бик күп вокаль әҫәрҙәрен беренсе булып башҡарыусы ла ул.

Вәхит Хызыров моңло йырҙары менән бер рәттән нәфис һүҙ оҫтаһы булараҡ та билдәле беҙгә. Уның "Ауылда шулай..." тип аталған китабы донъя күрҙе. Үҙе менән булған төрлө ҡыҙыҡ хәлдәр тураһында ла әле бер, әле икенсе гәзит-журналда, телевидениела уҡып, белеп торабыҙ. Мәрәкәсел йырсының ҡәйнәһе "Х.В" тигән яҙыулы бәлеш бешереүсе һәм быны ул "Хызыров Вәхит" тип аңлап, хөрмәт билдәһе тип ҡабул итеүе, әммә ысынында "Христос воскрес" булып сығыуы хаҡындағы хәтирәһе үҙе ни тора.

📍 18 ноябрҙә Өфөлә Х. Әхмәтов исемендәге Башҡорт дәүләт филармонияһында Вәхит Ғәлибай улының юбилейына арналған концерт үтә. Бармай ҡалмағыҙ.

- Әхирәт!
- Әү, әхирәт!
Бер йырлашып, бер илашып
Янып йәшәне йөрәк.
- Әхирәәәт!
- Әү, әхирәт!
Бер табаҡтан , бер ҡалаҡтан
Беҙҙәй йәшәгән-һирәк!
- Әхирәт!
- Әү, әхирәт!
Бер ултырып алайыҡсы,
Кәңәшләшергә кәрәк.
- Әхирәт!
- Әү, әхирәт!
Баштар әйләнгән сағында
Һин генә миңә терәк.
Шатлыҡта ла, ҡайғыла ла
Бергә булырға кәрәк.

📍 (Йыр һүҙҙәренән өҙөк. Флёра Шәрипова һүҙҙәре һәм көйө).

Терәк булыр кешеләрегеҙ гел янығыҙҙа булһын. Яңы аҙна ҡыуаныстар менән килһен! 🫶

📌 Салауат Юлаев һәйкәлен реставрациялау: цехтан күренештәр һәм эш барышы тураһында.

Башҡортостан Республикаһы Башлығы Радий Хәбиров менән Тура бәйләнештә милли батырыбыҙ һәйкәлен реставрациялау мәсьәләһе лә үҙәктә булды. Әле һәйкәл Өфөләге цехта урынлаштырылған, белгестәр көн дә үҙ тапҡырындағы эштәрҙе атҡара.

Һәйкәлде 2027 йылдың көҙөнә кире үҙ урынына ҡуясаҡтар. Әле барлыҡ эштәр ваҡытында башҡарыла, пландан тайпылыштар юҡ, ти реконструкция яһаусылар.

📌 "Йөн мөғжизә" - 2025 республика конкурсы еңеүселәренең ҡул эштәрен Зилә Лира китапҡа туплаған.

Был кейеҙ китаптың, уны эшләү өсөн ойошторолған конкурстың әһәмиәте баһалап бөткөһөҙ!

Ул балалар һәм үҫмерҙәр тәү сиратта башҡорт шағиры Шәйехзада Бабичтың тормош юлы һәм ижады менән яҡшылап танышҡан, шунан бар ижади ҡомарын һалып эскиз яһаған, йөндө буярға һәм ҡатмарлы кейеҙ һуғыу эшен өйрәнгән, тигәнде аңлата. Рух, илһөйәрлек һәм эшһөйәрлек тәрбиәләү был.

Конкурс артабан да дауам итһен, кейеҙ китаптар һаны арта барһын - мөғжизәле китапхана асырлыҡ булһын. 🥰

📌"Самауырлы ритайым" гастролдәргә сыға, тип хәбәр итә ойоштороусылар.

Декабрь айында ижади команда билдәле йырсы Тимур Ямалов менән бергә Себер тарафына юллана.

1 декабрь - Төмән,

2 декабрь - Нижневартовск,

3 декабрь - Мегион,

4 декабрь - Сургут ҡалалары.

"Йырлы-моңло, хуш еҫле башҡорт сәйле шәп саранан ситтә ҡалмағыҙ, дуҫтар!
Себер яҡтарында оҙаҡ йылдар йәшәп, туған моңдарға күңелдәре сарсаған туған-тыумасаларығыҙға, дуҫтарығыҙға, вахтаға йөрөгән таныштарығыҙға социаль селтәрҙәр, мессенджерҙар  аша ошо мәғлүмәтте еткерһәгеҙ, репосттар эшләһәгеҙ, беҙ бик шат булырбыҙ!"

- тип яҙған ойоштороусылар.

Тулыраҡ мәғлүмәт: samawirliritayim.tilda.ws/

📌 Бөгөн Ҡыш бабайҙың тыуған көнө икән.

Ҡыш бабай булып, балаларға бәхет һәм шатлыҡ өләшкән барыһын да ҡотлайбыҙ!

Бына шундай иң яҡшы күңелле, яҡшы ғәмәлдәре һәм тәртибе өсөн балаларҙы бүләкләп торған Ҡыш бабайҙың тыуған көнөндә барлыҡ төркөмдәштәргә мөғжизәгә ышаныс теләйбеҙ. ✨

📌 "Башҡортостан" мотоуҡсылар полкы яугиры, журналист Рафиҡ Әхмәтшин билдәле йырсы Гөлсөм Бикбулатованың яңы йырҙарын тыңларға саҡырған.

Гөлсөм Бикбулатова "Ете ҡыҙ" ойошмаһы һәм коллегалары менән бергә бер нисә тапҡыр махсус хәрби операция зонаһында булып, яугирҙарыбыҙҙың рухын күтәреп, күңелдәрен асып, сығыш яһап ҡайтҡандан һуң, яңы йырҙар ижад иткән.

"Сәфәр мине тетрәндерҙе, махсус хәрби операция биләмәһендә концерттарҙан илһам килде. Егеттәрҙең батырлығына һоҡланам, уларҙы Еңеүгә дәртләдергем килә",

- ти йырсы.

BABY Ti менән бергә моңланып алайыҡ әле💔

📌Башҡортостан Республикаһы Башлығы Радий Хәбиров Бахрейн шәйехенә "Әр-Рахим" мәсете тураһында һөйләне.

Бөгөн Радий Хәбиров короллек шәйехе Абдулрахман бин Мөхәммәд Әл Хәлифә менән осрашты һәм төбәктә ислам диненең үҫеше, Бахрейнға республика делегацияһын ебәреү тураһында һөйләште.

"Беҙҙә ҙур мәсет төҙөлә. 2015 йылда төҙөлөш туҡтатылған һәм Аллаһы Тәғәлә ярҙамы менән уны яңынан башларға насип булды",

- тине республика етәксеһе, "Әр-Рахим" мәсете тураһында телгә алып.

📌22 ноябрҙә Өфөлә баймаҡтар осраша!

Был аҙнала баш ҡалалағы "Башҡортостан" Дәүләт концерт залында "Беҙ - баймаҡтар бит әле!" тигән күркәм сара ойошторола.🔥

Программала эшлекле һөйләшеүҙәр, ауыл хужалығы продукцияһы йәрминкәһе, Баймаҡ районы хакимиәте башлығы ҡатнашлығында тантаналы өлөш, фекер алышыу, һорауҙарға яуап биреү, концерт ҡаралған.

Шулай уҡ йәштәргә З. Аҡназаров исемендәге премия тапшырыласаҡ.

📍Башлана: сәғәт 15:00
Хаҡы: 300-400 һум.

❓Бармы бында баймаҡтар?
💌"Лайыҡ" ҡуйығыҙ һәм таратығыҙ!

"Сайҡалалар кәмәләр" 🩵

Ғәзиз Әлмөхәмәтов ижад иткән йырҙы ҡурайҙа Арыҫлан Оморҙаҡов башҡара.
Уға дингеҙ ҙә шаулап ҡушыла төҫлө...

Хәйерле көн! ☀️

Фотола: Азалия Сәйфуллина Һомай образында.

Һандуғастар эйәләшкән
Һыу эсергә миләштән.
Ҡайғыларым бөтөр ине
Һине күреп һөйләшһәм.

Эх, тала, тала, тала,
Тала ике беләгем.
Ниңә тала, ниңә яна
Икән минең йөрәгем?..

Видео: Юлиә Хәбибуллина.