🔹Аҡҡан һыу, үткән ғүмер кире ҡайтмай.
🔹 Аҡмаған һыуҙы үлән баҫа.
🔹 Ат аунаған ерҙә төк ҡала.
🔹 Ваҡыт - алтын, форсат - алмас.
🔹 Ваҡытын юғалтҡан - малын юғалтҡан.
🔹 Ваҡыт менән аҡса табыла, аҡса менән ваҡыт табылмай.
🔹 Донъя - даръя, ғүмер - ҡалъя.
🔹Иҫкеһе юҡтың яңыһы юҡ.
🔹 Ояңа ҡарап ҡанат ҡаҡ, дуғаңа ҡарап ҡыңғырау таҡ.
🔹 Таштың да тарихы була.
🔹 Әтәс ҡысҡырмаһа ла, таң ата.

Ҡыҫҡа эш аҙнаһы нисек үттеееү? 🤩

"Бишбармаҡ" оркестры һәм талантлы Урал Тимеров менән бергә, бик булмаһа, дәртле көйгә баҫып алығыҙ!🔥

Егеттәр төрлө тынлы музыка ҡоралдарында шәп уйнай 👏

Яҙмышығыҙ мөйөштән өйәмәкәй бәхет күтәреп көтөп торһон🥰

Матур ялдар теләп ҡалабыҙ!

📸Фото: Зөлмәрә Ҡарабулатова, М. Кәрим исемендәге Милли йәштәр театры актрисаһы.

📌Башҡортса яңы фильм ҡарағыҙ!

"Батырҙар ташы" тип аталған яңы мажаралы фильм донъя күрҙе.

Уны 6 ноябрҙән Өфөләге "Родина" кинотеатрында һәм республиканың башҡа муниципаль кинотеатрҙарында ҡарарға мөмкин.

"Батырҙар ташы"/"Камень батыров" Өфөлә йәшәгән Руслан исемле бер маңҡорт һәм ул тарыған мажаралар тураһында. Һәм тағы ла бик мөһим төшөнсәләр хаҡында булыр.

Төп ролдәрҙе Наил Сафин, Гөлсәсәк Зарипова, Динислам Сафин һәм Ренат Фәтхиев башҡара.

Йәш сикләүе: 12+

📌 Хәҙер М-12 трассаһы буйлап Татарстандан Башҡортостанға ингән яҡ ошолай, тип хәбәр итәләр 💙🤍💚

Ай, Дунайҙа айлы кистә
Һыу эсерҙем аттарға.
Ай ҡояшҡа әйләнде бит,
Һин килгәс был яҡтарға...

📍 "Дунай" башҡорт халыҡ йыры 1812 йылғы Ватан һуғышында хәрби походта ҡатнашҡан саҡта сығарылған йырҙарҙың береһе.

Киске Өфө ✨

Видео: "Ҡәһүә" ҡәһүәханаһы битенән.

...Беребеҙ өсөн беребеҙ терәк,
Беребеҙ өсөн беребеҙ кәрәк,
Бында ярҙам, изге теләк,
Бында һөйөп тибә йөрәк,
Имен булһын ғәзиз ғаиләм –
Бәхетемде яҡлар ҡәлғәм!

Фирүзә АБДУЛЛИНА.

Фото: Сулпан Ағзамова.

📌AY YOLA төркөмө "Беренсе" каналдағы "Антропология" подкасында ҡунаҡта булған.

Билдәле яҡташтарыбыҙ Дмитрий Дибров алып барған тапшырыуҙа ҡатнашҡан. Уны 7 ноябрҙә күрһәткәндәр.

Ә инде кем өлгөрмәгән, һылтанма буйынса үтеп ҡарай алаһығыҙ: https://www.1tv.ru/-/jskmfj

✨БАЛ

Былай ғына баҡһаң,
Тормош – теүәл.
Зәңгәр генә йәки ал ғына.
Тәмен генә тойһаң,
Балдар ҙа бит
Бары шәрбәт кенә, бал ғына.

Һәр бер ал да,
Хатта татлы бал да
Килеп кенә төшмәй күктәрҙән.
Уйлап ҡара: күптәр
Улар өсөн
Ауырлыҡтар күргән, күтәргән.

Татлы балды йыйған бал ҡорттары
Әле ҡайҙа ғүмер итәлер?
Һин бал ҡапҡан мәлдә
Әллә нисә
Саҡрымдарға осоп китәлер.

Ҡанаттары, бәлки, талғандыр ҙа
Гөлгә ҡунып ялдар итәлер.
Бәлки, биреп бөтә йыйған балын,
Үҙе балһыҙ ғүмер итәлер.

Ҙур күлдәрҙе осоп сыҡҡан саҡта
Хәлдән тайып һәләк булғандыр.
Иҫәндер ҙә, бәлки,
Оса-ҡуна
Һиңә тағы балдар йыялыр...

Һәр бер зәңгәр булмай зәңгәр генә,
Алдар булмай бары ал ғына.
Уйлап баҡһаң,
Ай-һай, хикмәтле бит
Был донъяның хатта балы ла.

Рауил ШАММАС.

📌 Бөгөн Башҡортостандың халыҡ шағиры Рауил Шаммасовтың тыуыуына - 95 йыл.

📌 Кисә Өфөлә "Урал батыр" халыҡ-ара бәһлеүәндәр турниры үтте. Уны Башҡортостан Республикаһының көс экстримы төбәк федерацияһы ярҙамы менән үҙебеҙҙең башҡорт бәһлеүәне Эльбрус Ниғмәтуллин ойошторҙо.

Сарала Рәсәй, Беларусь һәм Ҡаҙағстандан 12 иң көслө атлет сығыш яһаны.

"Бер нисә йыл элек мин башҡорт халҡының күренекле улы Эльбрус Ниғмәтуллинды тәжрибәһе, белеме менән уртаҡлашһын, спорт һәм сәләмәт тормош алып барыуҙы пропагандалаһын өсөн Силәбенән Башҡортостанға саҡырғайным.
Хәҙер Эльбрус Өфөлә йәшәй. Ул бик әүҙем, республика Дәүләт Йыйылышы - Ҡоролтай депутаты итеп һайланды. Балаларыбыҙ өсөн бик күп нәмә эшләй, уларҙы спортҡа ылыҡтыра.

Яҡташтарыбыҙ, төрлө өлкәлә ҙур тәжрибә туплаған, сағыу, аяҡҡа баҫҡан кешеләр өйгә ҡайтыуҙары бик яҡшы",

- тип яҙҙы сәхифәһендә был турала Башҡортостан Республикаһы Башлығы Радий Хәбиров.