📌Бөгөн Ҡырмыҫҡалы ауылының үҙәк майҙанында Октябрь революцияһына арналған митинг үткән, тип хәбәр итә "Кармаскалинская новь" төркөмө.

Йола буйынса, хеҙмәт коллективтары, предприятиелар һәм йәмәғәт ойошмалары вәкилдәре Владимир Ильич Ленин һәйкәленә сәскәләр һалған.

Илебеҙ тарихында 108 йыл элек булған мөһим үҙгәрештәр тураһында райондың Мәғариф бүлеге начальнигы Андрей Матвеев һәм Мәктәп-ара уҡыу комбинаты директоры, муниципаль район Советы президиумы ағзаһы Хәсән Ибраҡов сығыш яһаған.

⚡Әйткәндәй, бөгөн илебеҙ өсөн иң ауыр осорҙа - 1941 йылда Мәскәү ҡалаһындағы Ҡыҙыл майҙанда хәрби парад үткәрелгән көн. Был - совет халҡының һынмаҫ рухлы булыуын тағы бер ҡат иҫбатлаған һәм Еңеүгә ышанысын арттырған ваҡиғаларҙың береһе.

📌"Башҡорт йыры"нда кем еңер?

Еңеүселәрҙең исемен оҙаҡламай беләсәкбеҙ: ошо көндәрҙә баһалама ағзалары кәңәшмә үткәргән.

"Башҡорт йыры" телевизион фестиваль-конкурсы быйыл 15-се тапҡыр еңеүсеһен билдәләй.

Ошо йылдар эсендә әллә күпме таланттарҙы асырға ярҙам иткән сарала тиҙҙән сираттағы йомғаҡтар яһаласак.

📍 Гала-концерт 5-6 декабрҙә Өфөләге "Башҡортостан "Дәүләт концерт залында үтә.
🎫Билеттар: бында.

📌 БР Милли музейында боронғо Бөрө ҡәберлегендә табылған үҙенсәлекле әйберҙәр күргәҙмәһе асылған.

Унда 2025 йылда үткәрелгән ҡаҙыныуҙар һөҙөмтәһендә табылған ҡомартҡылар күрһәтелгән.

✅ Археологтар тапҡан ике үҙәк комплексты: һыбайлы яугир менән бай биҙәүестәр коллекцияһын ҡарарға һәм тарихы менән танышырға мөмкин.

📍 Күргәҙмә 8 декабргә тиклем эшләй.

📌 Салауат Юлаев һәйкәле аҫтында үткән быуаттан сәләм-хат табылған.

Һәйкәл аҫтына һалып ҡалдырылған шешә эсендәге яҙыулы ҡағыҙҙа исемдәр теҙеп яҙылған һәм

"Бөтәһе лә Баймаҡтан"

тиелгән.

Аҫтында датаһы ла ҡуйылған - 13 май 1967 йыл.

Исемлектәге кешеләрҙе танып-белеүсе барҙыр, бәлки 😉