📌Хәйерле көн - бөгөн Сәнғәттәр төнө! 😃

"Сәнғәттәр төнө" Бөтә Рәсәй акцияһына Башҡортостандың мәҙәни учреждениелары ла ҡушыла һәм бик ҡыҙыҡлы саралар әҙерләгән.

Быйыл акция Халыҡтар берҙәмлеге көнөнә арнала һәм "Мәҙәниәттәр берлегендә - халыҡ көсө" тигән теманы асыуға йүнәлтелә.

📍3 ноябрҙә БР Милли музейы киске сәғәт 6-нан 10-ға тиклем эшләйәсәк.
Бында этно-стилдә башҡорт төйрәмесен, татар асылмаларын, балсыҡтан һыҙғыртҡыс әүәләү, прәниктәрҙе биҙәү, славяндарҙың бетеү-ҡошон эшләү, кейеҙҙән тубырсыҡтар яһау, мехенди һәм матур яҙыу буйынса оҫталыҡ дәрестәре үтә. Шулай уҡ ҡараңғыла археология залдары буйлап йөрөргә һәм балаларға "Бал ҡортонда ҡунаҡта" интерактивында ҡатнашырға була. Һәм тағы ла бик күп мауыҡтырғыс саралар ҡаралған.

📍3 ноябрҙә М. Нестеров исемендәге Башҡорт дәүләт художество музейында XVIII быуат – XX быуат башындағы рус сәнғәтенә, Михаил Нестеров, Александр Тюлькин, XV–XIX быуаттарҙағы боронғо рус сәнғәтенә һәм Башҡортостандың заман аквареленә арналған күргәҙмәләрҙе ҡарарға саҡыралар.
Шулай уҡ сәғәт киске 6-ла "Башкирская с каблучком" халыҡ уйынсыҡ ҡурсағын эшләү буйынса оҫталыҡ дәресе үтә.

📍3 ноябрҙә Башҡорт дәүләт ҡурсаҡ театры онлайн-спектаклдәр ҡуя - "Алиса Мөғжизәләр илендә", "Әминбәк", "Әлдермештән Әлмәндәр", "Мең дә бер кисә", "Һинд легендаһы". Спектаклдәрҙе театрҙың "Бәйләнеш"тәге төркөмөндә киске сәғәт 9-ҙан ҡарап була.

📍 4 ноябрҙә М. Кәрим исемендәге Милли йәштәр театрында сәғәт көндөҙгө 12-лә "Ете батыр тураһында хикәйәт" спектакле уйнала, сәғәт төшкө 2-лә театр алдындағы майҙанда "Мин йәшәгән донъя" тигән асыҡ һауала концерт, киске сәғәт 6-ла "Аҡһаҡ" спектакле көтөлә.

📍 4 ноябрҙә Стәрлетамаҡ дәүләт театр-концерт берләшмәһенең музыкаль-әҙәби лекторийы Фёдор Шаляпин тормошона һәм ижадына арналған "Я пою, и звуки тают..." программаһын онлайн күрһәтә. Уны ошонда сәғәт иртәнге 10-дан ҡарап буласаҡ.

"Ҡул салғыһы менән бер көндә гектар ярым бесән сапҡан"

- бына шулай тип хәтерләйҙәр Ғиззениса Ямалетдинованы яҡташтары.

Ғиззениса Ғатаулла ҡыҙы 1914 йылдың 17 ғинуарында тыуған, Салауат районы Йонос ауылынан. "Социализмға" колхозында эшләгән, бригадир булған.

⭐"1941-1945 йылғы Бөйөк Ватан һуғышында фиҙаҡәр хеҙмәте өсөн" миҙалы менән бүләкләнгән тыл геройы.

Ғиззениса Ямалетдинованың һәм тағы бер нисә кешенең фотоһын Салауат Юлаев музейына нигеҙ һалыусы Тархан Заһиҙуллиндың шәхси архивынан музей хеҙмәткәрҙәре табып алған. Артында яҙыуы булмағанға күрә, таныусы булмаҫмы тип, халыҡҡа мөрәжәғәт иткәндәр. Һәм, әлбиттә, таныусылар табылған!

"Биш бала тәрбиәләп үҫтергән. Эшкә шәп булған. Ҡул салғыһы менән бер көндә гектар ярым бесән сапҡан. Кир 1,5 тигән тағылмалы трактор салғыһын" Ғиззениса салғыһы" тип йөрөттөләр",

- тип хәтирәләре менән уртаҡлашҡан Лена Хәлиловна.

📍 Бына шундай ғәжәйеп яҙмыш һәм тарих һаҡлай бер фото.

Ҡыш һулышын тояһығыҙмы? 🌬️❄️

Видеоны актер Шәһит Хамматовтан алдыҡ. Ул:

"Тыуған яҡтарға юл",

- тигән. Әбйәлил районына ҡайтып барышлай Белореттың ҡарлы урман-тауҙарын шулай матур итеп төшөрөп алған.

Көлөп алайыҡ 🤭

Видео: "Күршеләр" - Фәнил Ҡарасурин.

📌Башҡорт ҡатын-ҡыҙҙарының кейемендә, ғәҙәттә, елән итәктәрендә мөһөр биҙәк - "солярный знак" - Ҡояшты аңлатҡан биҙәк эшләгәндәр.

Уны төрлө төҫлө ептәрҙән, уртаһына туҡыма, төймә, ситтәренә мәрйен тегеп тә сиккәндәр.
Мөһөр тартылған, мөһөр баҫылған тип әйтәләр бындай "ҡояшлы" әйберҙе.

Башҡорт донъяһына яҙылығыҙ!

Байрам менән!

Күп милләтле илебеҙҙә дуҫлыҡ һәм татыулыҡ хөкөм һөрһөн, бер-беребеҙгә ҡарата ихтирамлы һәм иғтибарлы булайыҡ, уртаҡ киләсәгебеҙ өсөн бер маҡсат ҡуйып, алға барайыҡ.

Берҙәм булайыҡ!

📌"Башҡортостан" мотоуҡсылар полкы яугирҙары Халыҡтар берҙәмлеге көнө менән ҡотлаған.

Яугирҙарыбыҙ халыҡтар араһында татыулыҡ һәм берҙәмлекте, илебеҙҙең тыныслығын һаҡлайыҡ, тигән теләктәрен еткерә.

📌Кисә БР Милли музейында "Сәнғәттәр төнө" Бөтә Рәсәй акцияһы үтте.

"Мәҙәниәттәр берлегендә - халыҡ көсө!" тигән темаға арналған сарала йөҙәрләгән ҡатнашыусыға оҫталыҡ дәрестәренән алып, тарихи реконструкцияларға тиклем бай программа тәҡдим ителде.

Музейға килгән ҡунаҡтар башҡорт төйрәмесе һәм татар асылмаһын, мехенди һәм славян бетеүҙәрен эшләү серҙәренә төшөндө. Ҡыйыуҙар ҡараңғыла археология залдарына экскурсия яһаны, ә балалар өсөн "Бал ҡортонда ҡунаҡта" тигән матур программа ойошторолдо.

Сәнғәттең берләштерер көсөн таңы бер ҡат иҫбатлаған сара булды был. 👍

📌 Халыҡтар берҙәмлеге көнө менән Республика халыҡ ижады үҙәге директоры урынбаҫары Нәфисә Тулыбаева ҡотлай.

📌 Арҙаҡлы башҡорт ғалимы, мәғрифәтсе, дин әһеле Ризаитдин Фәхретдинов (һулда) ғаиләһе менән Һаҡмар йылғаһы буйында сәхрәлә сәй эсә.
Ризаитдин Фәхретдинов тыумышы менән Кисеүсәт ауылынан, Юрмый ырыуы башҡорто.

Сығанаҡ: БАШҠОРТОСТАН ТАРИХЫ - ИСТОРИЯ БАШКОРТОСТАНА

📌Рәсәй Федерацияһы Президенты Владимир Путин бөгөн ике указға ҡул ҡуйған.

🔹Береһе - йыл һайын 8 сентябрҙә Рәсәй халыҡтары телдәре көнөн билдәләү тураһында.

"Рәсәй Федерацияһы халыҡтары телдәрен һаҡлау һәм күтәрмәләү маҡсатында ҡарар итәм: Рәсәй Федерацияһы халыҡтары телдәре көнөн булдырырға һәм уны 8 сентябрҙә билдәләргә",

- тиелә рәсми ҡағыҙҙа.

🔹Икенсе мөһим ҡарар Рәсәйҙең ерле аҙ һанлы халыҡтары көнөн булдырыуға бәйле - 30 апрелдә билдәләнәсәк.

Указдар ҡул ҡуйғандан алып үҙ көсөнә инә.

Моңһоу көҙгө көн ҡыуаныс-шатлыҡтарға тулы булһын! 🥰

Хәйерле көн!

Халыҡтар берҙәмлеге көнө Рәсәйҙәге иң йәш дәүләт байрамдарының береһе.
Ул 1612 йылғы тарихи ваҡиғаларға нигеҙләнеп
2004 йылда тәҡдим ителә һәм беренсе тапҡыр бынан теүәл
20 йыл элек - 2005 йылдың
4 ноябрендә билдәләнә.

Дөрөҫөн әйтергә кәрәк, ул саҡта күптәрҙең телмәрендә толерантлыҡ һүҙе популяр булғанда, был байрамдың әһәмиәте бик аңлайышлы ла түгел кеүек ине. Нисәмә тиҫтә йылдар 7 ноябрҙе байрам итергә күнеккән беҙҙең ил халҡына яңы дата яһалма байрам кеүегерәк тойолдо.

Ә бына әлеге ысынбарлыҡ күҙлегенән баһалағанда - был дәүләт байрамы тураһындағы ҡарарҙың ни тиклем дөрөҫ булыуын ныҡлы аңлайһың.
Халыҡтар берҙәмлеге көнө - ул күп милләтле Рәсәй халҡының ысын дуҫлығын беренсе урынға ҡуя. Халыҡтар берҙәмлектең көсөн бөгөн ниндәйҙер тарих һөйләп аңлатаһы түгел. Берҙәмлек алғы һыҙыҡта, берҙәмлек тылда, берҙәмлек хисе күңелдәрҙә. Ә инде толерантлыҡ, йәғни үҙ милләтеңдән булмағандарҙы түҙеп ҡабул итеү идеологияһы бер көн килеп селпәрәмә булыуына, ғөмүмән, ундай ҡараш күңелгә оялаған сөрөк ҡорто ише емергес көскә эйә булыуына - Украина миҫалы аныҡ дәлил. Ысын дуҫлыҡтың һәм халыҡтар берҙәмлегенең көсө баһалап бөткөһөҙ ҙур, ныҡ, ышаныслы. Ана шул берҙәмлек нисәмә тапҡыр илебеҙ бөтөнлөгөн һаҡлап, яҡлап ҡалған.

Был байрамға 20 йыл. Халыҡтар берҙәмлеге көнөн протокол саралар сигенән сығарып, халыҡсан сараға әйләндерәһе бар әле. Мәҫәлән, йыл һайын Мәскәүҙә - ВДНХла Рәсәй халыҡтары күргәҙмәһен ойоштороу - уларҙың бөгөнгө ҡаҙаныштары менән танышыу. Йә иһә Кремль Һарайында Рәсәй халыҡтары йондоҙҙары концертын ойоштороу.

Яҙылғанға өҫтәп: Киләһе йылдан Рәсәйҙең иҫтәлекле даталар теҙмәһенә тағы ике көн өҫтәлә. 30 апрель Рәсәйҙә Аҙ һанлы аҫаба халыҡтар көнө,
ә 8 сентябрь Рәсәй халыҡтары телдәре көнө. Ошо туралағы указдарға бөгөн ил Президенты
В. В. Путин ҡул ҡуйҙы.

📌Баймаҡ ҡалаһы Халыҡтар берҙәмлеге көнөн төҙөкләндерелгән Салауат Юлаев исемендәге паркта билдәләгән.

Был хаҡта район хакимиәте башлығы Азамат Иҙрисов хәбәр итә.

📍 Салауат Юлаев исемендәге парк 2023 йылда уңайлы ҡала шарттары булдырыу буйынса иң яҡшы проекттар конкурсында еңеп, федераль һәм республика кимәлендә аҡсалата ярҙам алып, яңыртыла башлағайны. Ниһайәт, быйыл эштәр тамамланып килә.

"Ҡәҙерле баймаҡтар! Был байрам беҙ тик бергә генә юғары һөҙөмтәләргә өлгәшә алыуыбыҙҙы хәтерләтеп торһон. Яҡты киләсәгебеҙгә ышанысыбыҙҙы арттырһын һәм яңы үрҙәргә илһамландырһын. Хеҙмәтегеҙ, эшкә тоғролоғоғоҙ, тыуған ергә һөйөүебеҙ өсөн рәхмәт!"

- тип яҙған шәхси сәхифәһендә Азамат Иҙрисов.