📌 Һеҙ фотоларын яратып ҡараған фоторәссам Елена Перминованың шәхси күргәҙмәһе асылған!

Белорет ҡалаһына юл төшһә, мотлаҡ Үҙәк баҙарға инеп, Башҡортостандың хозур тәбиғәтен сағылдырған фотоларҙы ҡарап сығығыҙ. Бында авторҙың бик матур эштәре ҡуйылған.

📍 Ҡайҙа?
Белорет ҡалаһы, П. Точисский урамы, 27. Үҙәк баҙар, 1-се ҡат, 105-се павильон (эскалатор эргәһендә).

✅ Инеү: БУШЛАЙ.

🔥Фото: Елена Перминова. Белорет районы, Ҡолсоғаҙыташтан (Синие скалы) Абҙаҡ ауылына күренеш.

Моңло тәнәфес 🎶

Төшкө аштарығыҙ тәмле булһын 🥰

Видео: Ян Лира.

31 октябрҙә ошо ЯҢЫ йыры сыға, тигән.

📌#МУЗЫКАВМЕСТЕ проектының "Бөйөк илдең йырҙары. Волга буйынан һөйөү менән" тигән сығарылышының тәүге проектында Башҡортостан музыканттары ла ҡатнашҡан.

✅ Улар "Течёт река Волга" йырын күмәкләп башҡарған. Башҡортосан исеменән ҡурайсыбыҙ Арыҫлан Оморҙаҡов һәм гитарасы Тимур Аҡсурин сығыш яһаған.

Был клипты Волга буйы федераль округы төбәктәрендә төшөргәндәр, бөтәһе 400-ҙән ашыу кеше ҡатнашҡан.

"Беҙ ниндәй матур илдә йәшәйбеҙ һәм ниндәй талантлы кешеләребеҙ бар, ҡарағыҙ",

- тип яҙған был хаҡта Башҡортостан Республикаһы Башлығы Радий Хәбиров.

Проект сиктәрендә тағы ла яңы видеолар буласаҡ: vk.com/musicavmeste

✅16 ноябрҙә Өфөлә билдәле ғалим, сәсән, йәмәғәтсе Розалия Солтанғәрәеваның ижад эшмәкәрлегенә 50 йыл тулыуға һәм юбилейына арналған «Яҡшылыҡ нуры» концерт-театрлаштырылған тамаша үтәсәк.

🧷Программа нигеҙенә башҡорт халҡының бөйөк эпосы-ҡобайыры «Урал-батыр», башҡорт халыҡ йырҙары, йолалары һәм көйҙәре алынған. Юбилей кисәһендә Башҡортостан Республикаһының абруйлы сәнғәт оҫталары ҡатнаша. Башҡортостан Республикаһының халыҡ артистары Илшат Мөслимов һәм Венер Сөнәғәтов, Хөсәйен Әхмәтов исемендәге Башҡорт дәүләт филармонияһы солисы Алмас Сирусин, билдәле журналист, шағир Айбулат Сәсәнбаев, Заһир Исмәғилев исемендәге Өфө дәүләт сәнғәт институты ҡурайсылар ансамбле (етәксеһе - Башҡортостан Республикаһының атҡаҙанған артисы Венер Йылҡыбаев), Өфө сәнғәт училищеһы думбырасылар ансамбле (етәксеһе - Башҡортостан Республикаһының атҡаҙанған артисы Гүзәл Үмәрғәлина), сәсәндәр һәм бейеүселәр сығыш яһай.

Концерттың режиссеры – Башҡортостан Республикаһының халыҡ артисы Илнур Лоҡманов.

📍Сара «Башҡортостан» дәүләт концерт залында үтәсәк.
Адресы: Өфө ҡалаһы, Ленин урамы, 50.

⌚Башлана: 19:00 сәғәттә.

🎫Билеттар vk.cc/cQJpt7 һылтанмаһы аша һатыла.

📌 Салауат ҡалаһында булғанығыҙ бармы?

Ул йылдан-йыл йәмләнә, төҙөкләндерелә.
⚡Хәҙер ҡалала "Нуль саҡрымы" бар - бынан республиканың һәм донъяның төрлө нөктәләренә араны иҫәпләргә мөмкин.

Видео: Гөлнара исемле һылыуҙан.

Хәйерле көн, барығыҙға ла 🥰

Фото: Елена Перминова.

Һандуғастар йылы яҡҡа күптән осто инде, моңо ҡалды...

Видео: Айҙар Исхаҡов.

📌 Бөгөн, 30 октябрҙә, БР Мәҙәни мираҫ объекттарын һаҡлау буйынса идаралыҡ эргәһендәге Салауат Юлаев һәйкәлен реставрациялау мәсьәләләре буйынса Күҙәтеү советы ағзалары күсмә кәңәшмә уҙғарҙы.
Улар Салауат Юлаев һәйкәлен һүтеп алыу эштәрен тамамлап килгән белгестәр менән осрашты.

🔸Әлеге ваҡытта һәйкәлдең аҫҡы өлөшө генә ҡалған - ат һыны, ҡалған өлөштәре һүтеп алынған. Артабан эштәр Өфөләге цехта дауам итәсәк.

🔸Ошо уңайҙан Күҙәтеү советы ағзалары эш барышын тикшерҙе һәм реставрациялаусыларға үҙҙәрен ҡыҙыҡһындырған һорауҙарын бирҙе. Һәр кем үҙенсә һәйкәлде төҙөкләндереү менән шөғөлләнеүселәрҙең белемен һынап ҡараны һәм алған яуаптарҙан ҡәнәғәт ҡалды - юғары квалификациялы белгестәр эшләй.

🔸Эштәр пландарға ярашлы бара, тип билдәләнде. Яҡын көндәрҙә һәйкәл тулыһынса цехҡа оҙатыла.

📍 Ә инде батырыбыҙ яңырып, үҙ урынына 2027 йылдың көҙөндә ҡайтасаҡ.