📌 Башҡортостан халҡын Республика көнө менән Радий Хәбиров ҡотлаған.

"Миңә Башҡортостанда тыуыу бәхете тейҙе. Республикабыҙҙа үҫеү, йәшәү һәм эшләү.

Башҡортостаныбыҙ - ул күп быуатлы тарих, үҙенсәлекле мәҙәниәт, уникаль тәбиғәт. Ул көслө сәнәғәт һәм ауыл хужалығы. Фән һәм инновациялар. Даими алға барыу һәм бейеклеккә ынтылыш.

Әммә иң мөһим байлығыбыҙ - бында йәшәгән кешеләр. Ҡаһарман геройҙар, баҫалҡы хеҙмәтсәндәр, талантлы артистар, шағирҙар, рәссамдар, спортсылар, ғалимдар.

Барлыҡ республика халҡына - уңыштар, һаулыҡ, изгелек һәм сәскә атыуҙы теләйем!

Республика көнө менән, ҡәҙерле ватандаштар! Иң ҙур байлығыбыҙ – берҙәмлек. Бер төптән булһаҡ, бер һынау ҙа беҙҙе бөгә алмаҫ. Заман елдәренә бирешмәй, тағы ла көслөрәк була барырбыҙ. Байрам менән! Тыуған еребеҙгә, татыу халыҡтарыбыҙға яҡты өмөтлө киләсәк теләйем",

- тип яҙған сәхифәһендә Радий Фәрит улы.

Алыҫ араларҙан күңелдәрҙе йылытыр видео - "Башҡортостан" мотоуҡсылар полкы яугирҙарынан ҡотлау һүҙҙәре.

Республикабыҙ, халҡыбыҙ һәм оло илебеҙ именлеге һағында булған барлыҡ уландарыбыҙ, тормош иптәштәребеҙ, атай-олатайҙарыбыҙ имен-һау булһын! ❤️

📌 Балаларға - республикабыҙ киләсәгенә иғтибар булды һәм буласаҡ.

Башҡортостандың халыҡ шағиры, "Аҡбуҙат" журналының баш мөхәррире Лариса Абдуллина республика халҡын байрам ҡотланы.

Республикабыҙҙы һәм башҡорт халҡын донъяға танытыусы йәштәребеҙҙең береһе - Зарина Исламова, тай боксы буйынса чемпион, Рәсәйҙең спорт мастеры. 🔥

📌 Яңыртылған күпер асылды.

Ағиҙел аша аркалы күпер ремонттан һуң сафҡа индерелде. Хәҙер Өфөнән сығыу яғына тағы ике һыҙат өҫтәлде.

Был аркалы күпер 1956 йылдың 3 ноябрендә асылған булған. Ул саҡта Ырымбур һыу аға сығыу урыны ябыла, ә 1808 йылдан төҙөлгән плашкоут күпер һүтелә.

✅ Яңыртылған күперҙең арҡаһы төп нөсхәне теүәл ҡабатлай. Уның ике янына ҡоролманы төҙөгән йылдар тураһында мәғлүмәт яҙылған таҡта ҡуйылған.

"Башҡорт моңо, башҡорт ҡурайына
Алҡышламай бөгөн ҡай тараф?"

Рауил БИКБАЕВ, Башҡортостандың халыҡ шағиры.

Видео: Нурсолтан Зарипов.

📌 Республикабыҙға дан йырлайбыҙ бөгөн - Башҡортостаныбыҙҙың һәр төбәгендә байрам саралары үтте.

Бөрйән районы Иҫке Собханғол ауылында ошо айҡанлы матур концерт ойошторғандар.

Һеҙҙә нисек билдәләнеләр? Яҙығыҙ!

Тыуған яҡтың, һөйгән йәрҙең, дуҫтарҙың ҡәҙерен беләйек 😉

Видео: Лилиә Ғибәҙәтова.

HAZINA этно-проектының Республика көнөнә бүләге - "Ерем" ❤️‍🔥

"Яҡшы тыуһа, илгә ҡот, ямғыр яуһа, ергә ҡот"

- башҡорт халыҡ мәҡәле.

Видео: AY YOLA, "Кил ҡотом" йыры.

Афариндар!

Видео: интернеттан.

❓Кем ҡайҙан?