🔥 AY YOLA төркөмө 12 йырҙан торған альбомын сығарған!

Унда "Урал батыр" башҡорт халыҡ эпосына нигеҙләнгән йырҙар ингән.

Альбомды ошонда тыңларға мөмкин.

📌БР Милли музейында "Ҡурай - башҡорт халҡының күңеле" тигән күргәҙмә асыласаҡ.

Милли музей хеҙмәткәрҙәре хәбәр итеүенсә, Башҡортостандың халыҡ артистары Ринат Рамаҙанов һәм Заһир Зәйнетдинов үҙҙәренең уйын ҡоралын тапшырған. Республиканың билдәле музыканттары күргәҙмәне тулыландырырға ярҙам итә.

🔹Был күргәҙмә Ҡурай көнө айҡанлы ойошторола - иҫтәлекле дата Быйыл беренсе тапҡыр билдәләнә.

Ул Башҡортостан Республикаһы Башлығы Радий Хәбиров указы менән булдырылды.

Көс урыны❤️‍🔥

Башҡортостаныбыҙҙың ҡайһы урынында төшөрөлгән?

Танынығыҙмы?

Видео: oceanspacellove

📌 Салауат ҡалаһында - көҙ 🍂

Ҡалаға 1948 йылда нигеҙ һалынған: нефтехимик завод төҙөгәндә ҡасаба булараҡ барлыҡҡа килә.

1954 йылдан Салауат ҡалаһы тип йөрөтөлә.

1958 йылда Бөтә Союз ударный комсомол төҙөлөшө иғлан ителә һәм бында төрлө яҡтан йәштәр эшкә йыйыла.

Видео: alina_video

📌 Салауат Юлаев һәйкәлен һүтә башлағандар. Эшселәрҙең һаҡлыҡ менән батырҙың ҡылысын күтәреүен төшөрөп алғандар.

Тәүҙә һәйкәлдең ваҡ өлөштәре алына, шунан батырҙың кәүҙәһен, һәйкәлдең урта һәм аҫҡы өлөшөн алалар.

Салауат Юлаев һәйкәле яңырып 2027 йылдың көҙөндә урынына ҡайта.

Видео: UTV.

Беҙҙе тағы ла бер матур йыр көтә түгелме?

Илгиз Абдрахманов менән Лиана Хәбибуллина "Аиша" тигән яңы йыр сығарырға әҙерләй.

❓Нисек?

“Һәйкәлде, эстәге каркасын, тарихи материалдарҙы, фотоматериалдарҙы оҙаҡ тикшергәндән һуң, беҙ бер ҡарарға килдек: һәйкәлде һүткәндә, уны ҡороп ҡуйыуҙың тап киреһен ҡабатлаясаҡбыҙ”,

- ти реставратор Михаил Татарников, Салауат Юлаев һәйкәле тураһында.

✅Әле сифатлы реставрация өсөн мөһим эштәрҙең береһе - һәйкәлде һүтеп алыу башланған. Белгестәр иң тәүҙә батырҙың ҡылысын ысҡындырып алған. Артабан ҡамсыһы, шунан һәйкәлдең өҫкө яғы, уртаһы һәм аҫҡы өлөштәре һүтелә.

💯Артабан ҡомартҡының өлөштәрен Өфөләге цехҡа ташыйҙар һәм шунда төп эштәр башҡарыла.

Һәйкәлдең тарихи йөҙө мотлаҡ һаҡлап ҡалына.

✅Эш барышы белгестәр һәм Күҙәтеү советы ағзаларының иғтибары үҙәгендә.

📍Яңыртылған һәм нығытылған Салауат Юлаев һәйкәлен 2027 йылдың көҙөндә килеп күрәсәкбеҙ: Салауат майҙаны ла тулыһынса яңырыу кисерәсәк.

Видео: "Салават Юлаев. Реставрация" төркөмөнән.

Йортоғоҙға ҡот, үҙегеҙгә күтәренке кәйеф теләйбеҙ! 🥰

📌 "Урал" этноүҙәгендә "Күҙ нуры" күргәҙмәһе асылған.

Күргәҙмә башҡорт биҙәү-ҡулланма сәнғәте традицияларына арналған.
17-се октябргә тиклем эшләй.

📍 Адресы: "Урал" этноүҙәге - Өфө ҡалаһы, Ленин урамы, 56 (Киров урамы яҡлап инергә).

🕒Эш ваҡыты: дүшәмбе - йома сәғәт иртәнге 10-дан киске 6-ға тиклем.

Күргәҙмә сиктәрендә оҫталар менән файҙалы осрашыуҙар ҙа ойошторола.

Видео: Республика халыҡтар ижады үҙәге.

Бабич шиғырын көйгә һалған 🔥🔥🔥

Билдәле йырсы һәм мультиинструменталист Заһир Зәйнетдинов башҡорт шағиры Шәйехзада Бабичтың шиғыр юлдарын көйгә һалған.

Видео: Zainetdin.

📌 Ишембай аша Бөрйәнгә юл һалырға ниәтләйҙәр

Был турала бөгөн Башҡортостан Республикаһы Башлығы Радий Хәбиров хәбәр итте.

"Төп маҡсатым - Ишембай районы аша Бөрйән һәм Белорет яғына юл һалыу перспективаһын ҡарау. Беҙ Өфө - Инйәр - Белорет юлына транспорт альтернативаһын булдырырға ҡарар иттек. Әлеге ваҡытта Ҡолғона ауылына тиклем юл һалабыҙ. Артабан, әлегә әҙер булмаған юл буйлап Ҡағы ауылына тиклем барып етәсәкбеҙ. Төҙөлөш буйынса эш бер нисә йыллыҡ. Һәм, минеңсә, был юл беҙгә бик кәрәк.

Икенсенән. Ишембай урамдарын тәртипкә килтереүҙе дауам итәбеҙ. Әле сквер эшләйбеҙ, "Хеҙмәт ҡаһарманлығы ҡалаһы" стелаһын ҡуйырға әҙерләнәбеҙ. Был эштәр нисек барыуын күрергә теләйем.

Бындай сәфәрҙәр минең өсөн яңы туристик урындарҙы асыу ҙа, аҙаҡ унда төҙөкләндереү һәм ниндәйҙер саралар менән киләсәкбеҙ.

Был сәфәрҙең шәхси яғы ла бар - атай-әсәйемдең ҡәберҙәренә барыу.

Барығыҙға ла яҡшы көндәр һәм ялдар!"

- тип яҙған сәхифәһендә Радий Фәрит улы.

❓Ә һеҙ ялдарҙа ниҙәр эшләйһегеҙ?

📌 Салауат Юлаев һәйкәле: һуңғы яңылыҡтар

Реконструкция эштәре дауам итә. Кисә белгестәр ҡылыс, ҡамсы, эйәр-өпсөндө һүтеп алды.

📍 Бөгөн кран ярҙамында айырыуса һаҡлыҡ менән һәйкәлдең өҫкө өлөшөн - батырҙың кәүҙәһен аҫҡа төшөрҙөләр.

Рәсәйҙең атҡаҙанған архитекторы, Рәсәй художестволар академияһы академигы Александр Мирианашвили әйтеүенсә, һынға зыян килтермәҫ өсөн алдан йөйҙәре буйлап беркетеп сығалар. Яҡын көндәрҙә шул уҡ рәүештә ат һыны ике өлөшкә бүлеп алынасаҡ.

Һәйкәлде нисек ҡорғандар, шулай һүтәләр - тик кире тәртиптә.

📍 Бөтә эштәр төҙөлгән техник документацияға ярашлы алып барыла, тип билдәләне Башҡортостан Хөкүмәте премьер-министры урынбаҫары Рөстәм Ғәзизов.

Шулай уҡ бөтә эштәр Рәсәй художестволар академияһы етәкселегендә һәм Күҙәтеү советы контролендә атҡарыла.

📍 Яңыртылған һәйкәл үҙенең законлы урынына 2027 йылдың көҙөндә - 60 йыллыҡ юбилейында кире ҡуйыласаҡ.

Видео: "Салават Юлаев. Реставрация" төркөмө.