Башҡортостан парламенты социаль һәм ҡануни үҙгәрештәрҙе ҡараны

Башҡортостанда күп балалы ғаиләләр көнө, шәхси клиникаларға өҫтәмә яуаплылыҡ, дини символдарҙы алып ташлауҙы тыйыу, граждандарҙы ҡабул итеүҙең яңы юлдары. Дәүләт Йыйылышы-Ҡоролтайҙың бөгөнгө 26-сы пленар ултырышында ошо һәм башҡа закон проекттары ҡаралды. Парламент депутаттары Башҡортостан мәғариф министры Илдар Мәүлитбирҙиндың отчет докладын да тыңланы. Ултырышта Башҡортостан башлығы Радий Хәбиров ҡатнашты. Төп ҡануни үҙгәрештәр тураһында репортаж.

Башҡортостанда импортты алмаштырыусы яңы продукт-анилин етештерә башлау планлаштырыла

Республика йортонда уҙғарылған «Инвестиция сәғәте»ндә «Яңы материалдар һәм химия» милли проекты буйынса тормошҡа ашырылған проект ҡаралды. Уға ярашлы, инвестициялар күләме 15 миллиард һумға етә, шул уҡ ваҡытта йөҙҙән ашыу яңы эш урыны булдырыу ҡаралған. Яңы производство дүрт йыл эсендә сафҡа инер тип көтөлә. Рәсәйҙең сәнәғәтте үҫтереү фонды линияһы буйынса льготалы кредит алынасаҡ. Бынан тыш, «Алға» махсус иҡтисади биләмәһендә сәнәғәт эшен алып барыу буйынса килешеү төҙөү башланғысы ла хупланды.

Башҡортостан уҡыусылары дрондарҙа осорға һәм роботтар төҙөргә өйрәнә

Инженер һөнәрен ғәмәлдә.Республика инженер лицей-интернатында белем алыусы уҡыусылар «Пилотһыҙ авиация системалары» милли проекты буйынса дрондарҙа осоу нигеҙҙәрен өйрәнә. Башҡортостанда егерме мәктәп заманса кабинеттар менән йыһазландырылған. Бынан тыш, үҫмерҙәр робототехника өлкәһендә лә төплө белем ала.Киләсәктә техник фәндәр менән шөғөлләнәнеүселәр сафын тулыландырасаҡ йәш инженерҙарҙың уңыштарын беҙҙең ижади төркөм өйрәнде.

«Башҡортостан» мотоуҡсылар полкында хәрби-сәйәси эш пункты асылды

Яугирҙар рухын күтәреп. «Башҡортостан» мотоуҡсылар полкында хәрби-сәйәси эш пункты асылды. Ул хәрби-ялан клубы менән музейҙан тора. Үҙенең сәхнәһе лә бар. Бында яугирҙар өсөн хәүефһеҙ шарттарҙа концерт ойошторорға мөмкин. Тәүгеләрҙән булып пункт сәхнәһен «Ете ҡыҙ» йәмәғәт ойошмаһы ағзалары менән бергә, махсус хәрби операция биләмәһенә юлға сыҡҡан артистар һынап ҡараны.

Салауат Юлаев һәйкәлен һүтеү яҡын көндәрҙә тамамланасаҡ

Эш барышы федераль әһәмиәттәге мәҙәни мираҫ объектын һаҡлау мәсьәләһе буйынса күҙәтеү советының сираттағы кәңәшмәһендә тикшерелде.
Өс тиҫтәнән ашыу кешене берләштергән советҡа тарихсылар, төҙөүселәр, скульпторҙар, металдарҙы өйрәнеүсе ғалимдар һәм башҡа белгестәр ингән.

Өфөлә түләүле туҡталҡаларға хаҡ күтәрелеүе ихтимал

Урамдарҙың айырым участкаларында парковка урындарына ихтыяж артыуы күҙәтелә. Шуға күрә киләсәктә түләү суммаһы үҙгәреүе мөмкин. Иҫегеҙгә төшөрәбеҙ, баш ҡала үҙәгендәге түләүле парковкалар эшенә старт 27 июндә бирелде. Улар иртәнге сәғәт 7-нән киске сәғәт 9-ға тиклем эшләй. Хаҡы-сәғәтенә 40 һум. Нисә кеше түләүле парковкалар менән ҡуллана һәм хатҡарҙың артыуына кем нисек ҡарай?

Дим тимер юл станцияһында пассажирҙар төрлө белгестәрҙән консультация алды

Тимер юлы транспортын көткәндә һаулығыңды тикшерт. Бөгөн Дим тимер юл станцияһында пассажирҙар төрлө белгестәрҙән консультация алды. «Сәләмәтлек көнө» акцияһына теләгән һәр кем ҡушылды.

Ете йыл эсендә Башҡортостанда һәр өсөнсө фельдшер-акушерлыҡ пункты яңыртылған

Төбәктә һаулыҡ һаҡлау өлкәһенең беренсел звеноһын нығытыуға, ауыл медицинаһын үҫтереүгә иғтибар юғары. Республика фельдшер-акушерлыҡ пункттары иҫәбе буйынса ла ил кимәлендә алдынғы урынды биләй. Радий Хәбиров менән тура линияға килгән һорауҙарҙың бер өлөшө лә тап фаптар төҙөлөшөнә бәйле. Былтырғы мөрәжәғәттәр буйынса эш һөҙөмтәләре киләһе материалда

Башҡортостан ҡатын-ҡыҙҙары союзынан алғы һыҙыҡтағы яугирҙарға гуманитар ярҙам

Халыҡтар берҙәмлеге байрамы уңайынан Башҡортостан ҡатын-ҡыҙҙары союзынан алғы һыҙыҡтағы яугирҙарға гуманитар ярҙам. Улар сәксәк,татлы кәнфиттәр тупланмаһы һәм Ҡасим Дәүләткилдеев исемендәге республика һынлы сәнғәт интернат-гимназияһы уҡыусыларынан йылы йөкмәткеле хаттар әҙерләгән. Күстәнәстәргә йөрәк йылыһы һалынған.. Хәйриә акцияһында йөҙҙән ашыу ҡатын-ҡыҙ ҡатнашҡан.

Стәрлетамаҡтағы 29-сы мәктәп ашханаһы Рәсәйҙә иң яҡшыһы

Ул 110 белем усағы араһында Бөтә Рәсәй конкурсында еңеү яуланы. Башҡортостан башлығы социаль селтәрҙәге сәхифәһендә ошо турала белдергән. Радий Хәбиров ашнаҡсылар коллективын ҡотлаған. Өфөләге 115-се гимназия ашханаһы “иң яҡшы 20 ашхана” исемлегенә индерелгән. Стәрлетамаҡтағы 7-се мәктәп ашнаҡсыһы Рима Черненко “Мәктәп ашханаһының иң яҡшы ашнаҡсыһы” номинацияһында икенсе урын алған. “Беҙҙең республика бишенсе йыл рәттән уҡыусыларҙы ашатыуҙы ойоштороуҙа яҡшы өлгө күрһәтә. Был өлкәлә мәсьәләләр бар ине. Тырышлыҡ һөҙөмтәһендә күптәрен яйға һалыуға өлгәштек. Юғары һөҙөмтәне юғалтмайыҡ. Был эштә ҡатнашҡандарҙың барыһына ла рәхмәт”, - тип яҙған Радий Хәбиров.

Стәрлетамаҡтың 29-сы мәктәбе «Иң яҡшы мәктәп ашханаһы-2025» конкурсында еңеүсе булды

Стәрлетамаҡтың 29-сы мәктәбе командаһы «Иң яҡшы мәктәп ашханаһы-2025» Бөтә Рәсәй конкурсында еңеү яуланы. Һөйөнөслө яңылыҡ менән социаль селтәрҙәрҙә Радий Хәбиров уртаҡлашты. Ҡала мәғариф учреждениелары араһында ойошторолған номинацияла 70 төбәктән 110 белем усағы ҡатнаша.

«Башҡортостан» мотоуҡсылар полкында һалдаттар өсөн яңы ашхана сафҡа инде

Объект тыл районында урынлашҡан. Бында ягирҙар өсөн йылы аш әҙерләргә мөмкин. Көнөнә өс тапҡыр туҡланыу ойошторолған. Ер аҫтындағы ашхананы махсус хәрби операция биләмәһенә гуманитар ылау алып килгән «Ете ҡыҙ» йәмәғәт ойошмаһы ағзалары һәм «Башҡортостан» дәүләт концерт залы солисы Айгиз Ханов, ҡурайсы Илнур Һибәтуллин, Мостай Кәрим исемендәге Милли йәштәр театры актрисаһы Гөлсөм Бикбулатова барып күрҙе.

Һыуһыҙлыҡ мәсьәләһе хәл ителә: Райман һәм Тулыбай ауылдарына яңы мөмкинлектәр

Йәшәү сығанағы. Республика башлығының тура бәйләнешенә килгән һорауҙарҙың бер өлөшө йылдағыса ауылдарҙы һыу менән тәьмин итеүгә бәйле. Бөтә мөрәжәғәттәр буйынса ла тейешле ҡарарҙар ҡабул ителә. Уларҙың ҡайһы берҙәре хаҡында киләһе яҙмала.

Быйыл республикала кешеләрҙең һыуҙа һәләк булыу осраҡтары 3,5 процентҡа кәмегән

Иҫкәртеү саралары һөҙөмтәһендә 311 кеше ҡотҡарылған, уларҙың 52-һе-балалар.
Һыу инеү миҙгеле йомғаҡтары Хөкүмәттең ғәҙәттән тыш хәлдәрҙе иҫкәртеү һәм бөтөрөү, янғын хәүефһеҙлеген тәьмин итеү буйынса комиссия ултырышында барланды. Башҡортостан рәсми пляждар һаны буйынса Волга буйы федераль округында алдынғы урынды биләй.

Йыл башынан Башҡортостан туристар ағымы буйынса Волга буйы федераль округында өсөнсө

Рәсәйҙә 17-се баҫҡыста. Республикала авторлыҡ экскурсиялары, тау, сәнәғәт, йылға турҙары буйынса йәмғеһе 800-ҙән ашыу маршрут булдырылған. Туристик объекттар йылдан-йыл арта. Ике йыл элек Өфө районында эш башлаған А-фрейм йорттары ла ҡала халҡы һәм ҡунаҡтары күңелен яулаған урындарҙың береһе. Миҙгел тамамланыуға ҡарамаҫтан, йорттарҙы ҡуртымға алыусы туристар кәмемәй.

Краснодарҙа Борис Мәҡсүдов исемендәге конкурс еңеүселәрен бүләкләү тантанаһы үтте

«Рәсәй 24» каналы хәбәрсеһе ике йыл элек махсус операция биләмәһендәге ваҡиғаларҙы яҡтыртҡан ваҡытта Запорожье өлкәһендә һәләк була. Уның исемендәге ижади конкурс махсус хәрби операция һәм яңы төбәктәр тормошон яҡтыртҡан хәбәрселәргә арналған иң ҙур майҙансыҡ. Быйыл унда 44 төбәктән 400-гә яҡын киңъ мәғлүмәт саралары хеҙмәткәрҙәре ҡатнашты. Жюри 900 эш араһынан иң-иңдәрен һайлап, алты еңеүсене билдәләне. Улар араһында беҙҙең коллегаларыҙ, БСТ телеканалы журналистары Гүзәл Ситдиҡова менән Гүзәл Хәмитова ла бар.

Баймаҡта Аҫылғужа Баһумановтың тыуыуына 80 йыл тулыу уңайынан әҙәби кисә үтте

Йөрәгем-кирелгән йәйә. Баймаҡ биләмә-ара үҙәк китапханаһында билдәле яҙыусы Аҫылғужа Баһумановтың тыуыуына 80 йыл тулыу уңайынан ойошторолған әҙәби кисә шулай тип аталды. Тулыраҡ киләһе яҙмала.

Өфөлә «Кесе Нуриев» алтынсы халыҡ-ара фестивале асылды

Фестивалдә Башҡортостан һәм ил төбәктәренән, Белорусиянан, Бүрәт, Саха-Яҡут республикаларынан, Ҡырғыҙстандан уҡыусылар ҡатнаша. Уның барышында заман хореография мәсьәләләре буйынса түңәрәк өҫтәлдәр, билдәле хореографтарҙың оҫталыҡ дәрестәрен уҙғарыу ҡаралған, фестиваль 2 ноябрҙә Гала-концерт менән тамамлана.

Өфө тарихы музейында «Өфө һүрәттәре»күргәҙмәһе асылды

Экспозиция ҡала халҡын, ҡунаҡтарҙы баш ҡаланың боронғо һәм хәҙерге иҫтәлекле урындарын һүрәтләгән рәссам-скетчерҙарҙың эштәре менән таныштыра. Үҙ картиналарын ижад итеү өсөн авторҙар төрлө техника ҡулланған. Һүрәттәр ручка, ҡәләм һәм буяуҙар менән төшөрөлгән. Музейҙа бөтәһе 30-ға яҡын ижали эш әтҡдим ителгән. Күргәҙмәлә ҡатнашыусылар араһында профессиональ рәссамдар ҙа, һәүәҫкәрҙәре лә бар. «Өфө һүрәттәрен»ә 25 ноябргә тиклем тамаша ҡылырға мөмкин.

Баш ҡаланың театр проекты сираттағы ижад миҙгелен асты

Шулай ҙа Заһир Исмәғилев исемендәге Өфө дәүләт сәнғәт институтының театр бүлеген тамамлаусылар төркөмө тарафынан 2013 йылдың сентябрендә булдырылған коллектив миҙгел әйләнәһенә эшләне. «Мин бит әсәй» тип исемләнгән пьеса театр проекты етәксеһе Алһыу Ғәлина тарафынан ижад ителгән. Спектакль әсә бәхете тураһында бәйән итә, бала бағыуға бәйле мәсьәлә күтәрә.