ان شاء الله كلكم جبتو الي تبوه يارب

️

#رسالتي للكل :

مبروك لكل ناجح، لكل شخص تعب وسهر واجتهد، اليوم شفت ثمرة تعبك، فالحمد لله على فضله وتوفيقه. 🎓✨

ولكل من لم يحالفه النجاح هذه المرة… لا تعتبرها نهاية الطريق، ولا تجعل نتيجة واحدة تختصر قيمتك أو تحكم على مستقبلك.

ربما تأخّر الفرح، لكنه لم يُلغَ.

راجع خطواتك، وابدأ من جديد، فكم من إنسان تعثّر ثم وصل، وكم من باب أُغلق ليُفتح بعده باب أجمل.

النجاح ليس أن تصل دائمًا من أول محاولة، بل أن تملك الشجاعة لتواصل الطريق مهما تعثرت.

ارضَ بما كتب الله لك، واشكره في الحالتين؛

فما دام الله يكتب لك الطريق، فثق أن في نهايته خيرًا. 🤍

مبارك للناجحين، وربّي يعوّض كل من لم ينجح اليوم بما هو أجمل، ويكتب للجميع مستقبلًا يفرحون به.

#عيبهم_ينسووو

#تنويه :

نقول «لم يحالفهم التوفيق»،

ولا نقول «لم يحالفهم الحظ»؛

لأننا نؤمن أن ما كتبه الله للإنسان ليس حظًا عابرًا، وإنما هو توفيقٌ من الله وتقديرٌ منه.

فالنجاح توفيق، والتأخير قد يكون توفيقًا، وحتى التعثر قد يحمل في طيّاته خيرًا لا نراه في لحظته.

#عيبهم_ينسووو

.

⁣💌 وصلتك رسالة جديدة
⏱ وقت الرسالة: 2026/08/10 - 08:23:26 PM
----
نبو معلومات ع سيم الانترو، بالاخص نضام الكورسات، عند منو نشتركو ومع منو نقروا، وشن نضام الامتحان وهكذا

ياريت تفيدينا
----

- تبرع لإستمرار عمل بوت صارحني 🎁

بعون الله أول ما تشوف رسالتك الدكتوره تو ترد عليك

حاضر بإذن الله يومين ونجهزلكم تعريف لكل المـواد 🤍

بارك الله فيك وجزاكِ الله كل خير

⁣💌 وصلتك رسالة جديدة
⏱ وقت الرسالة: 2026/08/10 - 08:35:49 PM
----
ياريت تجيب زوز من دفعة 60 جايبين نسب يعطونا نصائح في قناتك ع سيم الانترو
----

- تبرع لإستمرار عمل بوت صارحني 🎁

حاضر بعون الله لو حصلنا

طلعت الدكتوره من القناة ادعولها ربي يوفقها ويسدد خطاها

السلام عليكم ورحمة الله وبركاته
دفعة كيف حالكم شن أخباركم
منشاركم تجربة زميلتنا في الطب البشري من دفعة 60 صفت بمعدل كويس جداً ماشاء الله تبارك الرحمن،أهم شي ادعولها أن ربي يوفقها ويسدد خطاها في باقي مسيرتها

بالنسبة للإنجليزي

نبدوا بالإنجليزي بما أنها اسهل مادة
مادة خفيفة وسهلة ماتختلفش هلبا على التمهيدي غر هاذي مواضيعها طبية
فيها 15 يونت الدفعات السابقة قروا حتى grame
حني لا
7 وحدات نصفي
النهائي 15 يونت كلهم

قراته الدكتوره من زياد الزليطني شرح مجاني

بالنسبة ل it

مادة IT

طبعًا أغلب الطلبة يقولوا إن مادة IT سهلة وإنها من مواد المعدل، وبالفعل المنهج يعتبر بسيط ومش طويل، لكن أهم حاجة في المادة هي التدريب على العملي.

نظام المادة والامتحان
• المنهج كان عبارة عن شيت واحد.
• ما درناش نصفي، كان عندنا امتحان واحد فقط.
• النظري: 60 درجة.
• العملي: 30 درجة.
• البحث: 10 درجات.

الامتحان النظري

الامتحان كان 30 سؤال نظري على الكمبيوتر.

النظري يعتبر سهل جدًا، وخاصة لو حضرت المحاضرات وفهمت شرح الدكتور، فما يحتاجش تعقيد كبير.

الامتحان العملي

العملي كان عبارة عن 5 مطالب، والمطالب تكون على شكل جداول.

وهنا النقطة المهمة جدًا:
العملي أصعب من النظري ويبي تدريب هلبا هلبا.

الموضوع مش بس إنك تعرف الحل، لازم تكون متدرب وتحل بسرعة؛ لأن وقت الامتحان محدود، ولو كنت بطيء ممكن يضيع عليك الوقت.

نصيحتي للطلبة

حاولوا تحضروا في الكلية، لأن شرح الدكتور مهم جدًا، ويفهمكم طريقة المادة واللي مطلوب منكم.

وكذلك من البداية افتحوا حسابكم على الكمبيوتر وتعودوا عليه، لأن الامتحان يكون عليه.

بالنسبة للكورسات، أنا قريت عند دريبيكة على منصة أكاديميا، والكورس بشكل عام يعطيك أمثلة إضافية وتدريب أكثر على العملي.

لكن أهم شيء في المادة مش الكورس نفسه، الأهم إنك تتدرب وتحل عملي هلبا هلبا، لدرجة إن طريقة الحل تولي عندك سريعة وتلقائية.

باختصار:

النظري: سهل جدًا.
العملي: يحتاج تدريب وسرعة.
المادة: تقدر تجيب فيها درجة ممتازة جدًا لو تدربت كويس

بالنسبه للهستو

سامحونا النت الضعيف شويا يعطلعو الرسايل بيش يوصلو

مادة Histology (الهستو)

الهستو تعتبر أطول مادة في السيم من ناحية كمية المنهج، فممكن في البداية تحس إن المنهج كبير، لكن لو قسمت قرايتك ونظمت وقتك تمشي فيها بإذن الله.

نظام الدرجات
• النصفي: 20 درجة
• العملي: 20 درجة
• الفاينل: 60 درجة

النصفي

في النصفي قرينا:
• Cytology
• Microtechnique
• شيت من Epithelium

منهج النصفي في حد ذاته مش صعب، لكن يبي قرايا ومراجعة كويسة.

الحضور في الكلية

أنا شخصيًا حضرت في الكلية عند د. طه القبرون
واستفدت منه جدًا، وخصوصًا في الفاينل؛ لأن بعض أسئلته كانت تعتمد على الفهم مش مجرد الحفظ، وقدرت نجاوب عليها بسبب فهمي للموضوع من شرح الدكتور.
وكذلك في
د.سامية فرارة
د.يسرى الرفيفي
فبالنسبة للطلبة اللي عندهم جهد ووقت يمشوا للكلية، ننصحكم بالحضور؛ لأنك تفهم المعلومة من الدكتور، وبعدها تثبتها من شيتات الكورس والمصادر.

الكورسات والمصادر

أنا قريت عند أيوب البحوري، وبالنسبة لي مشى معاي جدًا.

شيتاته في Cytology كانت ممتازة، خصوصًا إن شيت الكلية في السايتو ما كانش فيه نفس كمية المعلومات.

لكن بالنسبة لباقي المنهج، أغلب القراية كانت من شيتات الكلية + مرجع Junqueira.

منسقة المادة دائمًا كانت تنصحنا بقراءة المرجع، وتقول إن بعض الأسئلة تجي منه، لكن بصراحة في النصفي والفاينل، أغلب الأسئلة اللي جتنا كانت من شيتات الكلية.

وبالنسبة لكورس أيوب، ميزته إنه ما يكتفيش بالشيت، بل حتى الزيادات الموجودة في المرجع يشرحها ويتوسع فيها، وهذا الشي فادني جدًا.

العيب الوحيد بالنسبة لي إن الكورس قديم شوية
لكن السيم هذا بيجدد بإذن الله.

وبشكل عام، دكاترة الكورسات ننصحكم تجربوا وتشوفوا شن الدكتور اللي أسلوبه يمشي معاكم، لأن مش بالضرورة الدكتور اللي يناسب طالب يناسب طالب ثاني.

منهج الفاينل

الفاينل يشمل:
• Epithelium 2
• Connective Tissue
• Cartilage
• Bone
• Blood
• Muscle
• Nerve

وطبعًا منهج النصفي داخل معاكم في الفاينل، فانتبهوا للنقطة هذه من البداية.

وكما تشوفوا، المنهج طويل، لذلك ما ننصحش أبدًا بتأجيل الهستو لآخر فترة.

العملي

بالنسبة للعملي، قريت عند عبد المنعم المريمي، وكان ممتاز جدًا واستفدت منه.

الخلاصة

الهستو مش بالضرورة مادة صعبة، لكن طويلة وتحتاج استمرارية.

حاول تفهم قبل ما تحفظ، واحضر في الكلية لو تقدر، وخذ شيتات الكلية بجدية، وراجع من المرجع في النقاط اللي تحتاج توضيح أو توسع.

وأهم حاجة: ما تخليش المنهج يتراكم عليك، لأن طول المنهج هو أكثر حاجة ممكن تتعبك فيها.

وبالنسبة للكورسات، جرب أكثر من دكتور لو تقدر، وشوف شن الأسلوب اللي يدخل معاك ويريحك في القراية