بالنسبة ل it

مادة IT

طبعًا أغلب الطلبة يقولوا إن مادة IT سهلة وإنها من مواد المعدل، وبالفعل المنهج يعتبر بسيط ومش طويل، لكن أهم حاجة في المادة هي التدريب على العملي.

نظام المادة والامتحان
• المنهج كان عبارة عن شيت واحد.
• ما درناش نصفي، كان عندنا امتحان واحد فقط.
• النظري: 60 درجة.
• العملي: 30 درجة.
• البحث: 10 درجات.

الامتحان النظري

الامتحان كان 30 سؤال نظري على الكمبيوتر.

النظري يعتبر سهل جدًا، وخاصة لو حضرت المحاضرات وفهمت شرح الدكتور، فما يحتاجش تعقيد كبير.

الامتحان العملي

العملي كان عبارة عن 5 مطالب، والمطالب تكون على شكل جداول.

وهنا النقطة المهمة جدًا:
العملي أصعب من النظري ويبي تدريب هلبا هلبا.

الموضوع مش بس إنك تعرف الحل، لازم تكون متدرب وتحل بسرعة؛ لأن وقت الامتحان محدود، ولو كنت بطيء ممكن يضيع عليك الوقت.

نصيحتي للطلبة

حاولوا تحضروا في الكلية، لأن شرح الدكتور مهم جدًا، ويفهمكم طريقة المادة واللي مطلوب منكم.

وكذلك من البداية افتحوا حسابكم على الكمبيوتر وتعودوا عليه، لأن الامتحان يكون عليه.

بالنسبة للكورسات، أنا قريت عند دريبيكة على منصة أكاديميا، والكورس بشكل عام يعطيك أمثلة إضافية وتدريب أكثر على العملي.

لكن أهم شيء في المادة مش الكورس نفسه، الأهم إنك تتدرب وتحل عملي هلبا هلبا، لدرجة إن طريقة الحل تولي عندك سريعة وتلقائية.

باختصار:

النظري: سهل جدًا.
العملي: يحتاج تدريب وسرعة.
المادة: تقدر تجيب فيها درجة ممتازة جدًا لو تدربت كويس

بالنسبه للهستو

سامحونا النت الضعيف شويا يعطلعو الرسايل بيش يوصلو

مادة Histology (الهستو)

الهستو تعتبر أطول مادة في السيم من ناحية كمية المنهج، فممكن في البداية تحس إن المنهج كبير، لكن لو قسمت قرايتك ونظمت وقتك تمشي فيها بإذن الله.

نظام الدرجات
• النصفي: 20 درجة
• العملي: 20 درجة
• الفاينل: 60 درجة

النصفي

في النصفي قرينا:
• Cytology
• Microtechnique
• شيت من Epithelium

منهج النصفي في حد ذاته مش صعب، لكن يبي قرايا ومراجعة كويسة.

الحضور في الكلية

أنا شخصيًا حضرت في الكلية عند د. طه القبرون
واستفدت منه جدًا، وخصوصًا في الفاينل؛ لأن بعض أسئلته كانت تعتمد على الفهم مش مجرد الحفظ، وقدرت نجاوب عليها بسبب فهمي للموضوع من شرح الدكتور.
وكذلك في
د.سامية فرارة
د.يسرى الرفيفي
فبالنسبة للطلبة اللي عندهم جهد ووقت يمشوا للكلية، ننصحكم بالحضور؛ لأنك تفهم المعلومة من الدكتور، وبعدها تثبتها من شيتات الكورس والمصادر.

الكورسات والمصادر

أنا قريت عند أيوب البحوري، وبالنسبة لي مشى معاي جدًا.

شيتاته في Cytology كانت ممتازة، خصوصًا إن شيت الكلية في السايتو ما كانش فيه نفس كمية المعلومات.

لكن بالنسبة لباقي المنهج، أغلب القراية كانت من شيتات الكلية + مرجع Junqueira.

منسقة المادة دائمًا كانت تنصحنا بقراءة المرجع، وتقول إن بعض الأسئلة تجي منه، لكن بصراحة في النصفي والفاينل، أغلب الأسئلة اللي جتنا كانت من شيتات الكلية.

وبالنسبة لكورس أيوب، ميزته إنه ما يكتفيش بالشيت، بل حتى الزيادات الموجودة في المرجع يشرحها ويتوسع فيها، وهذا الشي فادني جدًا.

العيب الوحيد بالنسبة لي إن الكورس قديم شوية
لكن السيم هذا بيجدد بإذن الله.

وبشكل عام، دكاترة الكورسات ننصحكم تجربوا وتشوفوا شن الدكتور اللي أسلوبه يمشي معاكم، لأن مش بالضرورة الدكتور اللي يناسب طالب يناسب طالب ثاني.

منهج الفاينل

الفاينل يشمل:
• Epithelium 2
• Connective Tissue
• Cartilage
• Bone
• Blood
• Muscle
• Nerve

وطبعًا منهج النصفي داخل معاكم في الفاينل، فانتبهوا للنقطة هذه من البداية.

وكما تشوفوا، المنهج طويل، لذلك ما ننصحش أبدًا بتأجيل الهستو لآخر فترة.

العملي

بالنسبة للعملي، قريت عند عبد المنعم المريمي، وكان ممتاز جدًا واستفدت منه.

الخلاصة

الهستو مش بالضرورة مادة صعبة، لكن طويلة وتحتاج استمرارية.

حاول تفهم قبل ما تحفظ، واحضر في الكلية لو تقدر، وخذ شيتات الكلية بجدية، وراجع من المرجع في النقاط اللي تحتاج توضيح أو توسع.

وأهم حاجة: ما تخليش المنهج يتراكم عليك، لأن طول المنهج هو أكثر حاجة ممكن تتعبك فيها.

وبالنسبة للكورسات، جرب أكثر من دكتور لو تقدر، وشوف شن الأسلوب اللي يدخل معاك ويريحك في القراية

مادة Anatomy (الأناتومي)

الأناتومي كمنهج أقل بهلبا من الهستو من ناحية كمية القراية، لكن في نفس الوقت تعتبر مادة دسمة وتحتاج فهم وتركيز.

وبالنسبة لدفعتنا، كنا أول دفعة تقرأ Embryology (علم الأجنة) ضمن المنهج، وكانت إضافة دسمة للأناتومي.

النصفي

في النصفي قرينا:

Introduction to Anatomy

وكان عبارة عن شيت واحد وسهل.

أنا حضرت عند د. سارة المقيرحي، وشرحها كان ممتاز جدًا.

والشيء المهم إن شرحها في الكلية كان مهم، لأن مرات كانت تضيف معلومات أثناء الشرح، وبعض المعلومات هذه كانت تجي في الامتحان.

حتى في النصفي، فيه سؤال جابته من شرحها في الكلية.

لذلك ننصح بالحضور، خصوصًا إن محاضرات الـIntroduction كانت تقريبًا 3 محاضرات فقط، يعني مش حتاخذ منك وقت كبير.

الفاينل

منهج الفاينل كان:
• Bone
• Cartilage
• Joint
• Embryology

الـ Bone + Cartilage + Joint كانوا في شيت واحد.

أما الـ Embryology فكان عبارة عن شيتين، وقرينا فيه إلى الأسبوع الثاني من الحمل.

وبالنسبة لي، قريت الـEmbryology عند د. خالد ميلاد، وهو نفسه اللي عطانا الأجنة في الكلية.

نظام الامتحان
• النصفي: 20 سؤال = 30 درجة
• الفاينل: 35 سؤال = 70 درجة

نصيحتي

بالنسبة للأناتومي، ننصحكم بالحضور عند د. سارة المقيرحي، خصوصًا في النصفي؛ لأن محاضراتها قليلة ومفيدة، وشرحها واضح، والأهم إن بعض المعلومات اللي تضيفها في المحاضرة ممكن تكون مهمة جدًا للامتحان.

وبشكل عام، لا تخلوكم من كلمة “المنهج قليل” وتستهينوا بالمادة؛ الأناتومي أقل من الهستو في كمية المنهج، لكن يحتاج فهم وتركيز ومراجعة

وادعولها الدكتورة متنسوهاش راه من بكري من بعد المغرب لتوا وهي قاعدة تساعد فينا وتحاول تفهمنا كل شي ونتفادو الأخطاء ، فادعولها بالله متنسوهاش من صالح دعائكم دكاترة ، ونسأل الله أن يجازيك كل خير دكتورة وبارك الله فيك ونسأل الله أن يوفقك في قرايتك وحياتك يارب

لأي استفسار 🤍

البنت طلعت حية الحمدلله ادعولها ربي يحفظها وتفوت المقالب الزايدة

تاريخ التجمع : الاحد
30/8/2026
المكان : رئاسه الجامعه
التوقيت : 9:00

ي دفعه تجمع الاحد لمصلحتكم والله نبوا عدد كبير ويلي عنده اي قناه او يعرف قروبات ياريت تعمموا الخبر هادا
التجمع الاحد
ساعه 9
المكان رئاسه الجامعه

الحمد لله الذي بنعمته تتم الصالحات.

ألف مبروك لكل من تم قبوله في كلية الطب البشري، وأسأل الله أن يجعلها بداية خير وتوفيق ونجاح، وأن يعينكم على هذه الرحلة الجميلة والصعبة في نفس الوقت، ويكتب لكم فيها العلم النافع والخدمة الطيبة للناس.

وبالنسبة لي، الحمد لله أولًا وآخرًا، فرحتي كبيرة بهذه الخطوة، وأسأل الله أن يوفقني في مشواري في الطب، وأن يجعلني عند حسن ظن أهلي وكل من دعمني ووقف معي.

وأقول لكل من لم يحالفه القبول هذه المرة: حظ أوفر بإذن الله، ولا تجعلوا نتيجة واحدة تحدد مستقبلكم. ما كتبه الله لكم سيأتيكم في وقته، وربما يكون القادم أجمل مما تتوقعون.

مبروك لكل المقبولين، والقادم بإذن الله أجمل.
نسأل الله التوفيق لنا ولكم، وأن نكون أطباء نافعِين لبلادنا وأهلنا

مبارك دكتور