السلام عليكم ورحمة الله وبركاته 💚
مرحبا أصدقائي معكم محمود شيخو من الدفعة 52 مقيم داخلية عصبية سنة أولى بتمنى تركزوا بقراءة المنشور لانه مهم وبوضح كلشي استفسارات عندكن..
من أكثر من 3 سنين عملت قناة الموجز الطبي وصرت أنشر عليها ملخصات للمواد السريرية ومن ضمن المواد الي اشتغلتها بشكل كامل الحمد لله هنن العصبية والنسائية وهدول المواد موجودين عندكن بهاد الفصل، حبيت اشارككن هدول الملفات لحتى تدرسوا منهن بس بالبداية رح وضح كم نقطة وجاوب عالاسئلة الشائعة..

شو فائدة هي الملفات؟
الفائدة أنه بتحوي خلاصة المواد السريرية بعيداً عن الحشو يعني الشي المهم والمفيد بالحياة العملية بالإضافة لحالات سريرية بتعزز الفهم وبتركز المعلومات وبتشجعكن لحتى تحلوا حالات سريرية اكتر وتربطوا الجانب النظري مع العملي..

من وين مصادر المعلومات؟
المصادر اغلبها من كتب الستيبات (فحص المعادلة الأمريكية) وكتب الفيرست ايد والي بضموا زبدة وخلاصة السنوات السريرية، وبالنسبة للحالات السريرية فهنن من بنك Uworld الشهير والي كمان بدرسوه مشان فحص الستيب..

طيب نحن كطلاب بجامعة حلب شو بفيدنا هاد الشي اذا مارح نقدم فحص الستيب دوبنا نلحق مقررنا؟
بفيد علمياً وبحسن القدرة على المقاربة السريرية والمحاكمة العقلية وبزيد تركيز المعلومات المهمة والجوهرية بكل مادة، مع الاشارة أن ٩٠٪ من المعلومات نفسها بمقررنا ولكن معروضة بطريقة أبسط مع حالات سريرية و ذكر المعلومات المهمة سريرياً وعلمياً، بالنسبة لموضوع العلامة فأنا أكدت أنه المعلومات نفسها عدا أنه ممكن مثلاً موضوع معين  مايكون مشروح لأنه مامهم لفحص الستيب او للحياة العملية، غير هيك كله مشروح بشكل مختصر وبسيط مع حالة سريرية كل مادة بتضم الشي المختصر والمهم متل ماذكرت وعدد صفحات كل مادة عبكون تقريبا ١٤٠ - ١٠٠ صفحة طبعاً مع الحالات السريرية، وانا بضمن اذا درستوا المواد بهي الطريقة رح تحصلوا العلامة والعلم سوا وتذكروا دراسة مية صفحة بتركيز أفضل من دراسة ٤٠٠ صفحة بدون تركيز وطبعاً مامننسى التركيز على أسئلة الدورات الي هي الشق الاهم ومن خلالها بتعرفوا نمط الاسئلة والتكرار، اكيد صرتوا بتعرفوا طريقة تحصيل العلامة بأقل مجهود بعد هالسنين الي درستوا فيها بهالكلية بس الأهم هو العلم لازم نتخرج ومعنا المعلومات الاساسية والمهمة..

أخيراً بتقدروا تشوفوا المحتوى والمواضيع المشروحة وطريقة عرض المعلومات وتحكموا بنفسكن وأنا جاهز لأي استفسار عالبوت
http://t.me/Medical_Brief_bot
رابط القناة على التليجرام
https://t.me/MedicalBrief
رابط صفحة الفيس
https://www.facebook.com/MedicalBrief1

بعتذر كتير عالاطالة وشكرا لكل شخص عطى من وقته و كمل القراءة لهون، بالنهاية بتمنالكن كل التوفيق 💚 وان شاء الله تستفيدوا من القناة وتحقق الفائدة المرجوة مع كامل محبتي لكم جميعاً 💚

يوجد لقاح التهاب كبد مجاني في قسم الجلدية في المشفى الجامعي.

اللقاح متاح اليوم وبأعداد محدودة.

#الهيئة_الطلابية
#كلية_الطب_البشري

السلام عليكم ورحمة الله وبركاته،

زملائنا الأعزاء،
يرجى من الجميع الالتزام بآلية متابعة علامات الستاجات وعدم مراجعة السكرتيرة أو الأساتذة بشكل فردي أو متكرر للاستفسار عن العلامات.

ممثلي الدفعة او ممثلي الفئات بتابع الموضوع بشكل دوري، وذلك حفاظا على تنظيم العمل وضمان استمرار التعاون والثقة بين الدفعة والسكرتيرة والأساتذة.

مبارح سكرتيرة الداخلية العصبية ماكنت ترضى نصور العلامات بحجة انو في طلاب اجو وصوروهن وماكانو العلامات منشورين عالغروبات للاسف
ممثل الفئة مسؤول يصورهن ومعو ورقة موقعة من العمادة بتعطيه صلاحية يصورهن وقت يجهزو

منتمنى التعاون بهالأمر 💚

يقام امتحان السنة الخامسة الفئة الثانية الساعة ١١ غدا في قاعة مشفى حلب الجامعي
التواجد في القاعة قبل ١٠ دقائق
احضار الهوية الشخصية و البطاقة الجامعية
٢٠ سؤال ... لكل سؤال علامة واحدة
تعرف على الصورة ... اختيار من متعدد
٣٠ ثانية لكل سؤال
٤ خيارات لكل سؤال
الإجابة على ورقة الاتمتة
مع كتابة الاسم والرقم الجامعي
ممنوع استخدام الموبايلات نهائيا (كأي امتحان آخر)
بالتوفيق للجميع

يبدأ الامتحان اولا للأرقام من ١ ل ٥٢
ومن ثم للأرقام ٥٣ حتى نهاية الفئة

السلام عليكم ورحمة الله

زملائي،
إن عمادتنا موجودة دائماً لخدمتكم والإجابة على أسئلتكم، لكننا وبفعل أعدادنا الضخمة قد نخلق بعضاً من الضغط عليهم في مسائل قد لا تستحق أحياناً.

لهذا قد أرفقنا لكم سابقاً طرقاً للتواصل معنا كوننا نمثل صوتكم أمامهم وأمام الجميع، فبإمكانكم إطلاع ممثل الدفعة عن مشكلتكم وهو مسؤول عن إيصالها والعمل فيما يخدم مصالحكم.

بالنسبة لتقديم أي طلب بإمكانكم أيضاً أن تسلموه لمكتب العميد أو نائب العميد في حال عدم تواجدهم ومراجعتهم لاحقاً لاستلام الطلب مع الرد.

ذاك كله فقط تحقيقاً للنظام واحتراماً لمكانتكم كي لا يضيع وقتٌ لكم في أي مكانٍ منتظرين، ولكي لا نخلق ضغطاً على العمادة الكريمة.

دمتم بخير أعزاءنا.

#الهيئة_الطلابية

مقابلات الطب الوقائي يوم الاربعاء القادم رح تكون:

الساعة ٢:٠٠ بالجامعة مدرج النظري من الرقم 271 حتى الرقم 420 من طلاب حلب حسب القوائم يلي بالتعليقات

القوائم بالتعليقات

تنويه 1 : طلاب الفرات والراسبين والاستضافة ضمن هالأحرف او السابقة ينزلو يقابلو

تنويه 2 : ممنوع الغياب عبصير كتير حالات غياب ومعظمها دون مبرر او إذن من الدكتورة