Nagaanan eegala
Akkam bultan jamaa
Ijoollee biyya koo
qaqqaaliwwan namaa

Har'a dhufe kunoo
Ganamumaan barii
Hawwiin kiyya kanaa
oolaa oolmaa gaarii

✍@Kaachaalluu
❤️❤️❤️❤️❤️❤️❤️❤️
@Walaloon_Jaalala
@Dambalii_Jaalalaa
@Simbookee

Bari'uun hin oolu

Dukkanaa timee jooree
Gufuu fanaa ko buqqise
Nan nyaadha nan dhugaa
Yaadatuu na huqqisee

dur mootiin gibee shanii
Keessaa tokkoo limmuu
Qofaan yaada dachasaa
Yon dhabees nama naf dhimmuu

Dukkannii daaraan dheratee
Calcallii abdii dhibee
Abdii hin kutadhuu
Ofaan jajjabeessaa sobee

Waransii danuu baayatee
Midhamuus cabee ceekuu
Garummaatti fudheen obsaa
Wan boruu ta'u hin beekuu

Garaan koo iyyee iyyisisee
Gaddees bo'e gadoodee
Bari'uu lafaan eegaa
Midhaames yon adoodee

@obsiin

@bashannanuuf
@sona_walaloo
@well_come

Ija kee yoon laalu
bishaanuman ta'a
Lafa irraa ka'een
samii gubbaa ba'a

Waan biraan barbaadu
ani sirraa Caalii
Sa'aa 24
Callisii na laalii

✍
@Kaachaalluu
❤️
@Walaloon_Jaalala

Baar

Jaalalli ke Annanii
Isa laphee qabbaneessuu
Argannoo kooti ati
Sobes hin odeessuu

Guyyaa akka biiftuu
Halkaan akka goobanaa
Dukkanaa jiruu koo
Ifa ta'e situu hogganaa

Ati baar...

Dammumaa yoo jedhe
Dammatuu gagaa qaba
Dhandhamaa jirenyati
Sin ala gatiin dhaba

Si argannaan jaalle
Onnee gogeetu jidha
Qaama koo hundaaf
Wabiin socho'uu siidha

Baar....


@obsiin

@sona_walaloo
@sona_walaloo

Sin jaaladha

Baredduu nyaarri kulaa
Lookoo warraa leeqaa
Argaa kee na sassachisaa
Wan isaas maalan beekaa
~
urgoo koo goobana jiruu
Si dhabnaanin gaddee
Halkaan ciisa dhabee
Siifan deeme daddee
~
Ija kee ilaalee hin quufu
Sagalee keen dharra'aa
Qooqaa sagalee kee dhabe
Qalbii kootu na rarra'aa
~
Nyaatni koo dhugaatin koo
Yaadni koo hunduu sumaa
Jaalalli kee na booji'eera
Yoom kam jedhe dhumaa
sin jaaladha jedha malee
Wan ofii koo yeroo hundumaa
~
@Rattaadha

@sona_walaloo
@sona_walaloo

Mee Maal barbaaddu?

Ergaa Jaalalaa mimmiidhagoo Jaalala dachaadhan cimsan

Walaloo babbareedoo gurraaf mijatan

Dubartoota Oromoo aadaafi seenaa isaanin boonan

Odeeffannoo waltawaafi haaraa

Qoosaalee adda addaa fi kolfa

Hundumaa bakka tokkotti

Yaada Qabdaniif Kaachaalluu

Waa lama n'dhabin!!
~~
Asii fi achii kattaa
Sanas kana akattaa
Gurgurachuu hin beektuu
Hin beektuu yoo bittuu
Achi as burraqxaa
Gamanaattis hin cittuu
~~
Akka saree bakka nyaatte
Gafaa nyaatte quftuu
Achumaa duttaa ato
Mana ketu hin dhuftuu
~~
Hidda dhiiga kee nyaatta
Ribuu qaama kee buttaa
Afaan kee nagaan qabu
Sa'af margaa waliin kuttaa
~~
Hundee keetu dagattee
Fiigda osoo qixatti hin laallee
Waan argatteen goyyomtaa
Kee kana walii wallallee
~~
muu.. sin jedhe
Sa'af namni martuu
Baddee barbachaa dhabda
Bineensu si nyaata osoo agartuu
~~
lammii keef hin tanee
Alagaaf osoo ergamtuu
Aduun sitti dhihurraa
Barbaddee maaf hin argamtuu
~
Seena hama dalagdee
Boruu qalbii hin cabinii
Sabaa keef hojjedhuu
Yookan dhisii #lama_n'dhabini

@obsiin

@sona_walaloo
@sona_walaloo

Gatii dhiiga!!!

Akka bishaani jigee
Lola'ee lafaa uffisee
Yaa'a galanaa ta'ee
Dhiigan nama kuffisee

Baratti bara yartuu
Qammeen jijjiruu didee
Kunoo nurraa bulchee
Hammeenya nurratti fidee

Kararrattii dhangala'ee
Miilli hundaa mucucataa
Dhiigni lammii kooti
Bakkeerraa ciise wawwataa

Hiddi dhiiga citee
Dhiigatu lakkuu cobee
Sin yaala jedhe madeesse
Danuutu lammii ko sobee

Cabaa lafee cabsee
Ajjeesse duubatti fiiga
Akkanatti hin hafuu
Gafannaa #Gatii_dhiiga!!

@obsiin

@sona_walaloo
@sona_walaloo
@sona_walaloo

Siifan...

Akka ati of dhabde
Anaf maqaa dhaabde
Akka ati dhagaa cuffattee
Jireenya gaarii tuffattee
Bosonattii qorraan gubbattee
Aduun awwaraan daaraa uffattee
Qarsaa gogaa borafattee
Akka ati ciifte
Anaf jedhe mara dhiifte
Siif ani cabu
Siif ani of yaa dhabu
Qodaa kee biyyoo uffadhee
Qarsaa sana boorafadhe
Ani dhagaa cuufadhe

yaa ilmaa ayyaa....
yaa intaala ayyaa....
Ati gootni kun michuun rasaasaa
Du'un siif hin malle sila tasa
Du'a goota dute boqottee sila
Siifan caba okkolaa hin qabu jila
Siifa akka osolee dhagatti galee
Akka cuno lagaa baala nyaadhe bulee
Siifan akka jawwee biyyoo nyaadhe malee

Yoomiyyuu......

Waada kee nyaadhe hin galu manatti
Siifan cichaa amma dhumattii
Siifan kakadhaa qumbii cinineetoo
Siifan fiiga tulluu qari'ee finineetoo
Waanin nyaadhus jira akkamin dhuugusi
Karaan irra kadhuu jira akkamitti kadhuusi
Miilli waada na saakalee akka kufne
Alaabaa keen fannisaa ano hin bufne
Isaa ati mana batee kaayyoo kee
Galmaanan gaha dhiimma ijo kee
Yoon dadhabee hin galu manatti
Osoon kaayyoo keef dhimmuu du'a achumatti
Hundumaa dhiise lammiif fira
Waadan eega kuno bosonumaan jira

#ABO

#siifani_yaa_ilmaa_ayyaa
#siifani_yaa_intaala_ayyaa

⚜⚜⚜⚜⚜⚜⚜⚜⚜
Chaneloota Afaan oromoo member 10000 ol qaban guyyaa guyyaatti qophii adda addaatiin isin bohaarsan █▓▒►JOIN ►▒▓█ godhaa
👇👇👇👇👇👇👇👇👇👇

#Gadaan_bulla

Angafaa oromtichaa
Hortee warraa jaba
Seenaan isa dheeradha
Oromoon duudhaa qaba
~~
Alangee haadha dhugaa
Kallachaaf bokkuu qabatanii
Abbootatu waaqa dhugeessaa
Hawwaanis siiqqee qabatanii
~~
Jara kana warrii haqa
Warraa ala manni qajeela
Gadaan oromoo qabeenya
Hormuu keenya kajeela
~~
Jaalalan of ijaarra
Tokkummaa keenya tulla
Horteen ilmaan kuush
Oromoon #Gadaan_bulla

✍✍
Writter by @Garre

@sona_walaloo
@sona_walaloo

Asoosaama gababaa kana isif qabdhee dhihadheera itti dhihadha
Kan fudhatamee kitaaba #yaasoon_Kabbadaa irraa


#Kutaa_1ffaa

MOROMAA

‘Afachu! yoon funyaan kee qaawwa aarri keessa bahu,sonba kee bobeessaa cilee,tiruu kee warshaa
alkoolii gochuu baadhe---!’naan jedhe otoon ani waan
inni ta’ellee hin beekin.Nan wareere;maal taate hin
jenneen; aaruu isaa beekera.Akkana naan jedhaa
dhiisetoo guyyaa takkallee daba ni yaada jedhee
yaadee hin beeku.Garuu obsan dhabe.Akkamittan
odoo waan inni ta’ellee hin gaafatin callisa?yoon cal
jedheen ammoo na tuffateeti jedheet waan biraa natti
fida jedheen sodaadhe. Anis xiqqoo aaruu
kajeelera.Maaal taate jedhuun moo maal dhabde
jedhuun laata jedheen ofiin mari’adhe.Maal taatee
wayyuu hin didu jedheen murteessee kaa’ee maal taate
jechuutti dogongoree:
‘Maal dhabdeet---!?’jedheen
‘Maalin argadhe---!’naan jedhe.Ammas irra deebi’een
wareere.Garuu ergan dogongoree jedhee booda
gaaffiin koo sun sirrii natti fakkaate.Dhugaayyuu maal
dhabeeti jedheen of gaafadhe.Sanumaanin gaaffuma
san itti deebise.‘Maalin argadhe ?maal faa naaf
fidde?akka namaa nama si taasise;bakka namaatin si
ga’e;dadhabee asitti na boqachiisi, asitti na buusi siin
jedhee hin beeku.Amma garuu sis ofis dadhabeera!na aarsuu malee didde---!’hin ficcisiifne. Dafee waan
barbaadu qofa akka natti himun afaanitti qabe.
‘Mee maaluma barbaadde gabaabumatti’n jedheen.
Garaan isaa waan gubate fakkaata.
‘Ati amma waanan barbaadu wallaltetii!?waan hiriyaan
kee qabu qabdaa!?waan uuman namaa argatu argattee
?lubbuun kee fuulduratti maalitti deemti---?’
Reefu wanti inni jedhu hundi bitaa na gale;wanti inni
ka’eef hundi na jalaa dhokate.Ibsaa ibseen callisee
baaxii baxii ilaaluu jalqabe.Ko’ummaan natti
dhagahame,keessi koo sodaate ....

Isaa booda hoo.....
#Kutaa_2ffaan itti fufaa

@obsiin

@sona_walaloo

#CoronaVirus| Ityoophiyaatti namni vaayrasii koroonaan qabame tokko argame.

Qorannaa Ityoophiyaatti taasifameen lammiin Jaappaan tokko vaayrasii koroonaatin qabamuu ministirri Ministeera Fayyaa Dooktar Liyaa Taaddasaan ibsan.

Ummanni tuttuqqii harkaa, harka walqabachuu, bakka namni itti heddummaaturraa akka of qusatu Ministeerri Fayyaa beeksiseera.

Inistiitiyuutiin Fayyaa Hawaasaa Ityoophiyaa akka mirkaneessetti namichi kan ka'e Burkiinaa Faassootii gara Ityoophiyaati.

Namichi dhibames Gurraandhala 25,2012 gara Ityoophiyaa kan seene.
Lammiin Jaappaan kun umriin isaa waggaa 48 yammuu ta'u, kophaatti fo'amee hordoffiin taasifamaafii jira.

@HawwiTiMES
@HawwiTiMES

#kutaa_2ffaan kunoti

.......Maaloo natti himimee na hin raakinii!’jedheen
kadhadhe ‘Sittan hima akkamin sitti himuu dida---
’jedhe.Yoo kanan tilmaamee odoo inni hin dubbatiin
dafee dubbadhee eeyyee jedheetoo akka inni gammadu
gochuuf kajeele.‘Mee na dhagay’n jedheen. ‘Garuu
kan ati yaadde konkolaataa manaa miidhagduu,mana
jireenyaa,qabeenya gahaa,---jechuu Barbaaddeti.Ta’us
kun hunduu yeroo qaba.Akkuma beektu ani digirii koo
kan duraa baranan fudhadhe,naaf eeggachuu, obsuu
akkamitti dadhabdeet akkanatti na sardita!?jedhee
akkan fedhii isaa dubbadhe baruuf itti dhaggeeffadhe.
Itti beekun yaa hafuutii waanan karaa san darbe hin
fakkaadhu.Asumaa achi akka ramaxa faana keessaa
yaadni isaa na waadde.Homaa itti beekuu dadhabuu
kootifii innis baasee natti himuu dhiisuu isaatiin keessi koo aareen ol jedhee taa’e.Garuu otoo baay’ee hin turin
dhaamochuu kajeellanan deebi’ee ciise.
‘Dadhabaa’naan jedhe.
Ofii gaditti gad na mil’achaatii waan natti haasa’u natti
fakkaate; nattiis gadi ulfaate.Waan narra taa’en se’e.
Suuta jedhee gara gateetti kiyyaa yoon qaqqabadhu
homtuu narra hin turre!
‘Abbaayyuu hin qabduu abbeeradhaa boochi jedhan!’
jedheet natti mammaake.Wanneenin ani lafa kaa’een
ala ta’uun naaf galus maal akka ta’e tilmaamutu na
rakkise.Kontooffadhee, diriirfadhee, asii fi achi
garagareen yaade. Homaa beekuu hin dandeenye.
Sodaadhus deebisee isuma gaafachuun fedhe.
‘Maaluma jechuu barbaadde,maaf natti himuu
sodaatte?’gaafadhe.
‘Ati sodaadhu! ani maalifan sodaadha!’naan jedhe.
‘Eegas natti himi’
‘Beekta oggaa baay’een siif obse;lubbuun jirti kan
jedhamtu yoo jaalattee jaalatamte qofa .yoo kan qarshii
argachuun,warqee horachuun,mana godhachuun
barachuun, nama waliin ooluun--- hiikni isaa kami!?
naan jedhe.Ani silaa jaaladheera; jaalatameera, anaan
maal jechuu barbaadeti jedheen of keessatti ususe.
‘Ani jaaladhes, jaalatamesiim! Maal jechuu
barbaaddeti’ gaafadhe.
‘Eeyyee jaalatteerta;garuu jaalatamteertaa

#jaalatameertaa??? siifu gaaffidha

#jaalatameera_anii?????
anafuu gaaffiidha

#kutaa_3ffaa itti fufaa

maddi kitaaba #yaasoon_Kabbadaa

qopheessan

@obsiin

@sona_walaloo

#COVID19| Dhibee Koronaa Vaayirasii osoon hin qabaniin duraa of- eeggannoo godhamuu qabaan:

• Yeroo qufaatanii fi haxxiffattan afaanii fi funyaan keessan sooftii ykn ciqilee keessan dabsuudhaan haguugaa.

• Huccuu ykn sooftii itti fayyadamtaan sirnaan dhabamsiisaa.

• Erga qufaatanii ykn haxxiffattanii booda fi yeroo dhukkubsataa wal'aantan harka keessan qulqulleessaa.

@HawwiTiMES
@HawwiTiMES

Koronaa fi Oromiyaa....❗️

Akkuma beekamu namichi lammii Jaappaan vaayirasii Koronaan jalqaba qabame turtii Ityoophiyaa keessatti godhe baay'inaan Oromiyaa keessatti akka ture beekameera. Kanaafuu namoonni naannoo Oromiyaa keessatti argamtan hunda of-eeggannoo cimaa akka gootan dhaamsa keenyaati. Qulqullina harka keessan eegaa ( harka keessan sirritti Saamunaan yeroo yeroon dhiqadhaa), namoota biroo waliin harka wal hin fudhiinaa (No hand shake), fuula keessan harkaan hin tuqinaa.

📞 Odeeffannoo dabalataaf toora bilbila bilisaa 8335, yookaan lakkoofsa bilbila idilee 0118276796 bilbiluun argachuu dandeessu.

@Gadaapost
@Gadaapost

Itoophiyaatti maal maal fa’atu dhorkame?

Itoophiyaatti lakkoofsi namootaa koroonaavaayirasiin qabamanii shan gahuu hordofee MM Abiy Ahimad tatamsa'inna vaayirasichaa qolachuuf tarkaanfiwwan garagaraa fudhachuusaanii ibsa har'a kennaniin beeksisaniiru.

Haaluma kanaanis walitti qabamuu namootaarratti dhorkaa torban lamaaf turu kaa'aniiru.

📌 Walga'iiwwan namoonni 'hedduu' itti hirmaatan achi dabarsuu. Namoota hedduu yogguu jedhamu meeqa akka tahe wanti ibsame hinjiru.

📌 Dhaabbilee barnootaa olaanoo (yunivarsiitiiwwan) alatti manneen barnootaa hundi ni cufamu. Yunivarsiitiiwwan keessatti mootummaan haala barattoonni kutaa ciisichaa isaanii keessatti akka baratan haalli ni mijata jedheera.

📌 Manneen amantaafi iddoowwan waaqeffannaatti walitti qabamuu hir'isuu

Kana malees mootummaan Itoophiyaa tarkaanfiilee armaan gadii tatamsa'inna vaayirasichaa ni hir'isu jedhe fudhachuusaa beeksiseera.

📌 Aguugduu fuunyaaniifi afaanii (maaskii), saamunaa, dhangalaa'aa harka qulqulleessuufi kanneen biroo iddoowwan barbaachisaa ta'anitti ni dhiyeessa.

📌 Geejjiba uummataa keessatti baay'ina namootaa hir'isuuf, awutoobisoonni mootummaa tajaajila bilisaa ni kennu.

Ragaa hanga ammaa jiruun, lakkoofsi namoota vaayirasii kanaan qabaman namoota 170,000tti kan siqu yoo ta'u, namoonni 6,500 ol ammoo lubbuu isaanii dhabaniiru.

Madda: BBC

http://www.gadaapost.com/news/covid-19-itoophiyaa-2020-03-16-130137264835

Jajee hin qufuu

Hidda keetu sanyiidha
Sanyii warraa jaba
Bareeda uuman badhasee
Siifan qalbii caba

Hortee warra guddaa
Kuushidha qaccee kee
Aadaf duudhaan boonta
Na booji'e eenyummaan kee
=
Qaroo kee qorsaa sana
Guntutni akka loomi birraa
Ilkaan kee cabbii suni
Nama booji'ata hundarraa
--
Asaan kee suuta jettu
Erga qaba gaafa hubatanii
Ogummaan si guute dura
Hin qufamtuu dubbatanii
~
suuta jette dubbattaa
Hundumaa qalbiin fuuta
Ananiyyuu booji'atte
Jaalalumaan booda suuta
°
Halkaani guyyaan si yaada
Abjuunis sumaa kan dhufuu
Ijan lalee maqaas waame
Bareeddu koo jajee hin qufuu

@garree

@sona_walaloo

​​Bakkeewwan Akkamii Irraa of Qusachuu
Qabnaa? Rabbi lafa nagaa isin haa oolchu!!!!

=====================

1. Mana puulii, jootenii, teenisii.... fi
taphoota kana fakkaatan dargaggoonni itti
dabarsan yeroof dhiifnee mana teenyee
kitaabota dubbisuu.
2. Bakkeewwan waaqeffannaa amantaa gara
garaa deemuu irra mana ofii taa'anii
amantaa ofii geggeeffachuu.
3. Gabaa fi bakkeewwan bittaaf gurgurtaa
namni itti heddummatu/rukkatu haga
dirqama hin taanetti fayyadamuu dhiisuu.
4. Mana cidhaa fi ceremony adda addaa
namni itti baay'atu irratti hirmaachuu irraa of
qusachuu.
5. Manneen boo'ichaa ykn sirna awwaalchaa
garagaraa irraatti argamuu dhiisuu.
6. Geejjiba hawaasaa (public transportation)
haga dirqama nutti hin taanetti fayyadamuu
dhiisuu.
7. Manneen nyaataaf dhugaatii (haga
dirqama hin taanetti) manneen sirbaa
(guyyaas ta'e halkanii) irraa hafuu.
8. Walga'ii, afooshaa fi gurmaa'inaalee biroo
namni itti baay'atu irraa yeroof fagaachuu.
9. Manneen fiilmii fi agarsiisa adda addaa
(cinema) keessatti hirmaachuu dhiisuu.
10. Waldorgommii taphootaa gosa kam iyyuu
(kubbaa, wal'aansoo, fiigicha....) irraa
fagaachuu.
11. Hospitaala (Yoo ofii dhukkubsanne,
yokaan hin dhukkubsachiifnu ta'e, nama
gaafachuu dhiisuu).
12. Manneen dubbisaa (Library) keessatti
baay'atanii dubbisuu irra mana ofiitti kitaaba
fudhatanii galanii qofaa ofii dubbisuu.

© Dr. Gurmeessaa Hinkoosaa

Fayyaan Faaya.

Gabaasa dabalataaf oduu waayee koronaa Ethiopia keessatti ta'aa jiru ilaaluuf.
👇👇👇👇👇👇👇👇👇
https://youtu.be/6IQpoHkuezI



✍ @Abdii16

@Abdii_Official

.......Ani jaaladhes, jaalatamesiim! Maal jechuu
barbaaddeti’ gaafadhe.
‘Eeyyee jaalatteerta;garuu jaalatamteertaa? ......

Asoosamaa gabaaba mataa duree #moromaa jedhu #kutaa 2ffaa keessaatti #jaalatateertaa?? Jedhee adda kutee kuno har'a #kutaa_3ffaan walitti deebineerra

Kunooti #kutaa_3ffaan

Ani jaaladhes, jaalatamesiim! Maal jechuu
barbaaddeti’ gaafadhe.
‘Eeyyee jaalatteerta;garuu jaalatamteertaa?
‘Jaalatame jedheen amana’
‘Amani!xiqqaas guddaas amani!beekas wallaalas
amani! Dhiiras durbas amani!---Waaqas ---amani,
hundumaa amani, amantumaan fixi,amantumaan
dhiisi;amanamanii akka dhiisan argitaa ---Gowwaa!’
naan jedhe.Hiddi qaaruu isaa dhiita’ee,ijji isaa
diimatee,onneen isaa bokoktee dhiiga fincaa’atii waan
dubbatu natti fakkaate;na surure!
‘Amanamuu koo moo amanuu kootitu Soba,moo
badiidha!?’n jedheen.
‘Amanuun kees amanamuun kees badii miti.garuu
jaalachuu kee malee jaalatamuu kee waan beektu waan
hin qabneef akka akkanatti dubbattu hin barbaadu’
jedhe.
‘Maalif?’deebiseen gaafadhe.
‘Akkanuma kaa!eega jaalatamtee hin sobamtu,
Ega sobamtee ammoo hin jaalatamtu!sii galee!’jedhe.
‘Ani jaalatamuu koo beeka ,ati garuu maal akka argite
hin beeku’jedheen itti deebise
‘Hii...iii... gowwaa!’naan jedhe dabaleetoo
‘Maal jechuu keeti?’gaafadhe.
‘gowwaa jechuu kooti’
‘Akkam?’
‘Akkana,ati gootaa mitii,ati dhiiraa mitii---’naan jedhe.
‘Eeyyee goota ,dhiirasi---kanaafuu maaltu yaa ta’u?
‘Uu---uuu---goota!uuu---dhiira---odoon gadheedhaa?
Lugnaayis siin jedhee eeyyee jechuun kee hin oolu!’
yoo naan jedhu amma utaalee siree kiyyarraa ka’e.
Maqaa Rabbii waamatan .
‘---Maaltu kana natti erge, ergama maalit ta’a yaa
gooftaa! maal guyyaa abaarramaan! maalinni abaarsi
akkanaa! maali jeequmsi dhuma hin qabne---!’ Ka’een
ibsaa ibsee sa’aatii ilaale.Halkan aartuudha;
walakkeessa halkanii sa’aatii 7:30 ta’ee jira.Fuula
kiyya haxaa’achaan huccuu kiyya kan guyyaa ofitti
harkisuu jalqabe.U’uffadheen balbala harka tokkoon
banaatii harka biraatiin ibsaa dhaamsee gadi bahe .
Afachuukaa .........

Maaltu ta'innaa lata?

#kutaa_4ffaa itti fufa
Guyyoota muraasa bodaa nu eega

Kan fudhatamee kitaaba #yaasoon_Kabbadaa irraa yoo ta'u
Kan qindeesse
#obsiiin
#40_minch_university

yaada keessan nuf qooda adaraa @obsiin teessoo keenya

#COVID19| Dhibee Koronaa Vaayirasiin osoo hin qabaniin duraa of- eeggannoo godhamuu qabaan:

• Yeroo qufaatanii fi haxxiffattan afaanii fi funyaan keessan sooftii ykn ciqilee keessan dabsuudhaan haguugaa.

• Huccuu ykn sooftii itti fayyadamtaan sirnaan dhabamsiisaa.

• Erga qufaatanii ykn haxxiffattanii booda fi yeroo dhukkubsataa wal'aantan harka keessan qulqulleessaa.
#Share #Share

@HawwiTiMES
@HawwiTiMES