ባሸዋም ቅድመ አንደኛ፣ አንደኛና መካከለኛ እና ፤ አጠቃላይ ሁለተኛ ደረጃ  ትምህርት ቤት

የተማሪዎች የክፍል ውስጥ ስነ-ምግባር ደንብ (Ground Rule)

➢ ዩኒፎርም መታወቂያና አስፈላጊውን የትምህርት ቁሳቁስ አሟልቶ በሰዓቱ ትምህርት ቤት መገኘት(አለማርፈድ ፤አለመቅረት)፣ በአለባበስና በፀጉር አቆራረጥ ትምህርት ቤቱ ያስቀመጠውን ደንብ ማክበር፤

➢ በሰንደቅ ዓላማ ስነስርዓት ላይ በሰዓቱ በመገኘት(ከጠዋቱ 2፡00 ሰዓት) ብሄራዊ መዝሙር በመዘመር ተገቢውን ክብር መስጠት፤ በሚኒ ሚዲያ የሚተላለፋ መልዕክቶችን በጥሞና ማዳመጥ፤ ለወላጅ የሚተላለፉ መልዕክቶችን በወቅቱ ማድረስ

➢ የክፍል ፅዳትንና ፀጥታን በመጠበቅ ለመማር ማስተማሩ ሂደት ሰለማዊና ምቹ ሁኔታን መፍጠር፤ ከተመደቡበት ክፍል ውጭ አለመግባት፣የሚገቡ ካሉ ለመምህራን ማሳወቅ

➢ የግል የጋራ እና ማንኛውንም የትምህርት ቤቱን ንብረት ከጥፋት መከላከል መጠበቅና በአግባቡ መጠቀም፤ በግዴለሽነት ለሚበላሹ ንብረቶች በግልና በጋራ የመጠገን የመተካት ኃላፊነት መወሰድ፡፡ አጥፊዉን ለክፍል ሃለፊ መምህር ማሳወቅ

< ➢ ምክንያታዊ መሆን በህግ የበላይነት ማመን፤ እርስ በርስ መከባበር መቻቻል፣ ለመምህራንና ሰራተኞች ተገቢውን ክብር መስጠት፣ ከእርስ በርስና ከቡድን ጠብ መራቅ፤ ትምህርት ቤት ፖለቲካዊና ሃይማኖታዊ ጉዳዮች ማራመጃ አለመሆኑን መገንዘብ

➢ ማንኛውንም ጎጂ አደንዛዥና ሱስ አስያዥ የሆኑ ነገሮችን እንዲሁም ያልተፈቀዱ ቁሳቁሶችን ይዞ ወደ ትምህርት ቤት አለመምጣት፣ አለመጠቀም፤ ሀገራዊ እሴትን ከሚሸረሽሩ መጤ ባህሎችና ጎጂ ልማዶች መራቅ መቆጠብ፤

➢ የግል የክፍልና የግቢ ንፅህናን መጠበቅ፣ በማንኛውም ወረርሽኝ በሽታ ላለመያዝ ተገቢውን ጥንቃቄ ማድረግ፤ የጤና ባለሙያዎችን ምክር ተግባራዊ ማድረግ፤

► በግልና በቡድን በክፍል ውስጥ እንዲሁም በክበባት ንቁ ተሳትፎ በማድረግና በመተጋገዝ መምህራን የሚሰጡአቸውን የትምህርት ተግባራት በወቅቱ በማከናወን ውጤትን ማሻሻል፡፡ ለሳይንስና ፈጠራ ስራዎች ትኩረት መስጠት

➢ በሶስትዬሽ ስምምነት መሰረት የተቀመጠውን የውጤት ማሻሻያ ግብ ለማሳካት ሁል ጊዜ መትጋት የግል ጥረት ማድረግ ፤ የንባብ ባህልን ማዳበር፤

➢ በትምህርት ሰዓት ያለምክንያት በኮሪደርና በግቢ ውስጥ አለመዘዋወር መምህር በማይኖርበት ጊዜ በክፍል ውስጥ ሆኖ በግልና በቡድን ማጥናት፤ መረዳዳት

➢ ከኩረጃ ከስርቆት እና ከመሳሰሉት አስነዋሪ ተግባራት መቆጠብ፤

➢ በትምህርት ቤቱ ማህበረሰብና በተቋሙ ላይ ጉዳት ሊያደርስ የሚችሉ ነገሮችን ሲያዩ ወይም ሲመለከቱ መከላከል ወይም ለሚመለከተው ክፍል ፈጥኖ ማሳወቅ፤

➢ በበጎ አድራጎት ተግባራት ላይ አቅም በፈቀደ መጠን መሳተፍ፤

➢ በልዩ ልዩ የተማሪዎች አደረጃጀቶች በንቃት በመሳተፍ፤ ለትምህርት ቤቱ መሻሻል የሚረዳ ማናቸውንም የራስን አስተዋፅኦ በተነሳሽነት ማበርከት፤

➢ ሌሎች የትምህርት ቤቱ ህግና ደንቦችን እንዲሁም በትምህርት ቢሮ የወጣውን የተማሪዎች መተዳደሪያ ደንብ ማክበር፤

ለተማሪዎቻችን ዉጤትና ስነ ምግባር መሻሻል በጋራ እንስራ!!

ባሸዋም ትምህርት ቤት ፡ ትውልድ እንቀርፃልን፡ ሁሌም ለለውጥ ዝግጁ ነን!

Bashewam School Administrator

የተከበራችሁ ወላጆች፡2018ዓ.ም:ትራንስፖርት አገልግሎት መስጠት የጀመርን፡መሆኑን እየገለፅን፡ቦታ ሳይያዝባችሁ፡በወቅቱ መጥታችሁ እንድትመዘገቡ፡በአክብሮት እንገልፃለን።

ማሳሰቢያ :-ለተከበራችሁ የት/ቤታችን ወላጆች የመጀመሪያ ዙር የመፅሐፍ ክፍያ የፈፀማችሁ መፅሐፍት የመጣ ስለሆነ ነገ በቀን 14/01/2018 ዓ.ም ከ 2:30-10:00 ባለዉ ጊዜ ት/ቤት በመምጣት እንድትወስዱ ስንል በአክብሮት እናሳዉቃለን::

ማሳሰቢያ:- ለተከበራችሁ የት/ቤታችን ዉድ ወላጆች በሙሉ::
ጉዳዩ:-የተማሪ መማሪያ መፅሐፍትን ይመለከታል::
በመማር ላይ ላሉ ልጆቻችሁ የመማሪያ መፅሐፍት እንድታሟሉ በተደጋጋሚ መልእክት መላካችን ይታወቃል:: በመሆኑም እስካሁን ክፍያ ያልፈፀማችሁ ወላጆች ተማሪው ያለመፅሐፍ መማር የማይቻል ስለሆነ እስከ ቀን 23/01/2018ዓ. ም ድረስ በአካል በመቅረብ ክፍያ ፈፅማችሁ እንድታሟሉ በአክብሮት እያሳወቅን ይህ ሳይሆን ቀርቶ ለሚፈጠረዉ ችግር ት/ቤቱ ኃላፊነቱን የማይወስድ መሆንኑን እናሳውቃለን::

ማሳሰቢያ:- አርብ መስከረም 23/01/2018 የእሬቻ በዓል ዋዜማ እንግዶች በብዛት የሚገቡበት ቀን በመሆኑ ምክንያት መንገድ ሊዘጋጋ ስለሚችል ትምህርት የማይኖር መሆኑን እናሳዉቃለን::

#SocialMedia

የ2018 ትምህርት ዘመን ሰኞ መስከረም 05 ቀን 2018 ዓ/ም እንደተጀመር ይታወቃል፡፡

በዲጂታል ዘመን በተማሪ ህይወት ላይ ትልቅ ተፅእኖ ከሚያሳድረው አንዱ ማህበራዊ ሚድያ ሲሆን እንደ ፦
- ቲክቶክ
- ኢንስታግራም
- ፌስቡክ
- X
- ቴሌግራም እና መሰል መተግበሪያዎችን ያለ አግባብ መጠቀም ትኩረትን ይቀንሳል ፣ የአካዳሚክ አፈጻጸምን ያዳክማል ፣ ጭንቀትና መሰል አሉታዊ የሆኑ ውጤቶችን ያመጣል።

ተማሪዎች ማህበራዊ ሚድያን ያለ አግባብ ሲጠቀሙ የሚገጥሟቸው ዋና ዋና ፈተናዎች ምንድን ናቸው ?

➡️ በኦንላይን የሚጠፋው ከልክ ያለፈ ጊዜ የተማሪዎችን ትኩረት እና ምርታማነትን ስለሚቀንስ ተማሪዎችን ወደ ደካማ የአካዳሚክ አፈፃፀም ያመራል፡፡

➡️ ከፍተኛ መጠን ያለው የስክሪን ጊዜ በተማሪዎች ላይ የስነ ልቦና ጫናን ያስከትላል።

➡️ በምሽት ማህበራዊ ሚዲያን አብዝቶ መጠቀም እንቅልፍ ለመተኛት እና ጤናማ እረፍትን ለማድረግ ከባድ ስለሚሆን የማስታወስ ችግርን ያስከትላል እንዲሁም የመማር ችሎታን ይቀንሳል፡፡

➡️ በማህበራዊ ሚዲያ ላይ የአካባቢ እና የትምህርት ቤት ስሞችን ወይም ስልክ ቁጥሮች እና መሰል የግል መረጃዎችን ማጋራት ለመጭበርበር እና ለሳይበር ጥቃት በቀላሉ ተጋላጭ ያደርጋል።

ተማሪዎች አዲሱን የትምህርት ዘመን ሲጀምሩ ማህበራዊ ሚዲያን አግባብ ባለው መልክ እንዲጠቀሙ መውሰድ ያለባቸው መፍትሄዎች ምንድን ናቸው ?

📇 የስክሪን ጊዜን መገደብ እና ማህበራዊ ሚዲያን ከመጠቀማቸው በፊት ለትምህርት ቤት ስራ ቅድሚያ በመስጠት ትኩረትን የሚከፋፍሉ ነገሮችን መቀነስ።

📇 ማህበራዊ ሚዲያን እንደ መዝናኛ ብቻ ከመመልከት ይልቅ የትምህርት መሳሪያ በማድረግ የጥናት ቡድኖችን በመቀላቀል፣ የአካዳሚክ ገጾችን በመከተልና አዳዲስ ክህሎቶችን በመማር የትምህርት ጊዜን የተሳካ ማድረግ።

📇 ከቤተሰብ ጋር ጊዜ ማሳለፍ ፣ መጽሐፍ ማንበብ ወይም የስፖርት እንቅስቃሴን በማድረግ የተሻለ ማህበራዊ  ህይወት ልምምድ ማዳበር።

#ማስታወሻ ፦ ትምህርት ሚኒስቴር መስከረም 05/2018 ዓ/ም ከተጀምረው የትምህርት ዘመን ጋር በተያያዘ ተማሪዎች ስልክን ጨምሮ ማንኛውም አይነት ኤሌክትሮኒክስ ቁሶችን ወደ ትምህርት ቤት ይዘው መምጣት እንደማይችሉ አስጠንቅቋል።

ውድ የባሸዋም ት/ቤት የተማሪ ወላጆች፡አራት እና ከዚያ በላይ፡ተማሪ ለምታስተምሩ ብቻ፡የቅናሽ ክፍያ(discountpay)የምንመዘግበው ፡ከመስከረም 28-30/01/18ዓ.ም ብቻ መሆኑን፡አውቃችሁ በአካል በመገኘት፡ፎርም እንድትሞሉ እያሳወቅን፡ከተቀመጠው የጊዜ ገደብ ውጪ፡የማናስተናግድ መሆኑን፡በጥብቅ እናሳስባለን።ማመልከቻ መፃፋችሁን አትርሱ።

ውድ ወላጆች ሁለተኛ ዙር መፅሐፍ የከፈላችሁ በሙሉ ከ28/01/2018ዓም ጀምሮ መውሰድ የምትችሉ መሆኑን እናሳውቃለን።

ቀን 28/01/18 ዓ.ም
ባሸዋም ቅድመ አንደኛ አንደኛና መካከለኛ እና አጠቃላይ 2ኛ ደረጃ ት/ቤት

ለውድ ወላጅ/አሳዳጊ ከ1ኛ- 4ኛ የትምህርት እርከን የተላለፈ መልዕክት
ተማሪዎች በማንኛውም ጊዜ ወደ ትምህርት ቤት ማምጣት የሌለባቸው ነገሮች

1. ብስኩት፣ ከረሜላ ፣ሰን ቺፕስ እና
ሌሎችም

2. የመጫወቻ ቁሳቁሶች

3.ያለ ወላጅ አውቅና ብር/ገንዘብ/

4.የአንገት እና የ እጅ ጌጣጌጥ

5.ብረታብረት እና ማንኛውም ስለታማ
ነገሮች

6. ስልክ እና ማንኛውም ኤሌክትሮኒክስ
ቁሳቁሶች

7.ማንኛውም ከመማሪያ ውጪ የሆነ
ቁሳቁስ፡፡

ማሳሰቢያ

- ወላጆች የተማሪዎችን ምግብና ዉሀ ንፅህናው የተጠበቀ መሆኑን እንዲያረጋግጡ

ወላጆች የላክነውን መልዕክት ተግባራዊ እንድታደርጉ እናሳስባለን ::

School Administrator Checked by Bashewamy