Avicii – I’m Tim (2024)

IMDB – 7.9/10

EDM လောကမှာ Avicii ဆိုတာ မသိသူရှားပါတယ်။
EDM နားမထောင်လည်း သူ့ သီချင်းတွေကို ကြားဖူးနေကြမယ်ဆိုတာလည်း သေချာပါတယ်
Wake Me Up တို့ The Nights တို့ Waiting for Love တို့ စသဖြင့် အများကြီးပါ။
Avicii ဆိုတာ အဓိပ္ပာယ်အပြည့် သီချင်းကောင်းတွေနဲ့အတူ ချန်ရစ်ပြီး
စောစောစီးစီး အရွယ်ကောင်းနဲ့ ကြွေလွင့်ခဲ့ရတဲ့ အနုပညာသမားကောင်းတစ်ယောက်ပါ။
၂၀၁၇ ခုနှစ်မှာတုန်းကလည်း သူ့အကြောင်း Documentary တစ်ကား ထွက်ခဲ့ပါသေးတယ်။ဒီကားမှာတော့ ငယ်ဘဝတုန်းက မှတ်တမ်းတွေရော မိတ်ဆွေတွေရဲ့ အမှတ်တရတွေကို ပြန်ပြောပြ
ဇာတ်ဖော်ထားပြီး အစုံအလင်ပါဝင်ထားပြီး ပိုပြီး ပြည့်စုံစေတယ်လို့ မြင်မိပါတယ်။
ငယ်ရွယ်စဉ်ဘဝမှာ EDM ကို ဘယ်လိုထိတွေ့ခဲ့ပြီး ဘယ်လိုမျိုး စလုပ်ဖြစ်ခဲ့တာတွေ။
ဘယ်လိုမျိုး အောင်မြင်ခဲ့တာတွေ။ အောင်မြင်လာတဲ့အလျောက် ဘယ်လိုမျိုး ဆိုးကျိုးတွေကို ခံစားရပြီး
ဘာဖြစ်ခဲ့သလဲဆိုတာကို တင်ဆက်ထားတာပါ။ Tiesto တို့ Alesso တို့ David Guetta တို့
Coldplay အဆိုတော် Christ Martin တို့ စသဖြင့် နာမည်ကျော်တွေလည်း ပါဝင်ထားတာကို မြင်ရပါဦးမယ်။
Avicii ဆိုတာ ထာဝရတည်တံ့စေမယ့် သီချင်းတွေ ဖန်တီးချင်တယ်တဲ့
တကယ်လည်း လူသေသွားခဲ့ပေမဲ့ သီချင်းတွေက ခုထိရှင်ကျန်နေဆဲ ဖြစ်ပါတယ်။ကျွန်တော်က EDM သမားတစ်ယောက်ပါ ကျွန်တော့်အတွက် ဘဝမှာ အနှမြောဆုံးတစ်ခု
ပြောရမယ်ဆိုရင် Avicii ကို အပြင်မှာ Liveset မကြည့်ခဲ့လိုက်ရတာပါပဲ။
အခုချိန်ထိ တချို့ EDM သီချင်းတွေ နားထောင်မိလို့ သူတီးခဲ့တာလေးတွေနဲ့ ဆင်နေရင်
ဒါက Avicii စတိုင်ပါလားဆိုပြီး ဒီလောကမှာ ပြောစမတ်တွင်ရလောက်အောင် သမိုင်းချန်ထားခဲ့သူပါ။
အဲဒါကလည်း သူ America မှာ ဒီ Folk, Rock, Blue ဆန်ဆန်လေးတွေနဲ့ House ကို
တွဲလုပ်လိုက်တာက ပိုပြီး ထူးခြားသွားစေတယ် ပြောရမယ်။ သူ့အနေနဲ့ True ရယ် Stories ရယ်
Tim ရယ် Album ၃ ခွေထွက်ခဲ့ပြီး နောက်ဆုံးခွေ Tim ကတော့ သူ ဆုံးပြီးမှ ထွက်ရှိခဲ့တာပဲ ဖြစ်ပါတယ်။သူ့ သီချင်းတွေအနေနဲ့ ကျွန်တော်က အကုန်လုံးနီးပါး ကြိုက်တယ်ဆိုပေမဲ့ လူသိပ်မသိတဲ့ Stories ခွေထဲက City Lights ရယ်
Can’t Catch Me ဆိုတဲ့ အပုဒ်လေးကတော့ မှတ်မှတ်ရရပါပဲ။ ဒီ ရုပ်ရှင်လေးထဲမှာဆို
True Album ကို ထူးထူးခြားခြား Ultra ပွဲကြီးမှာ Debut လုပ်ခဲ့တာတွေ၊
သီချင်းတွေ ဖန်တီးမှုရဲ့နောက်ကွယ်က မှတ်တမ်းတွေ ကြည့်ရတာ တကယ်ကို Nostalgia ဖြစ်ပါတယ်။အောင်မြင်လာတဲ့ Avicii တစ်ယောက် သူ့အတွက် မအောင်မြင်ခင်က ပိုပျော်ရွှင်ရတယ်ဆိုပြီး ဖြစ်လာတယ်၊
အောင်မြင်မှုနောက်က ငွေကြေးတွေ မကြိုက်တော့ဘူး လွတ်လပ်မှုကို ရှာဖွေချင်တယ်ဆိုပြီး အိုမန်နိုင်ငံမှာ
ကိုယ့်ကိုကိုယ် ဖန်ခွဲစနဲ့ အဆုံးစီရင်သွားရလောက်အောင် သူ့စိတ်ထဲမှာ ဘာတွေဖြစ်နေခဲ့မလဲဆိုတော့ သူကိုယ်တိုင်ပဲ သိမှာပါ။အနုပညာတွေကိုပဲ လွတ်လပ်စွာဖန်တီးချင်တဲ့လူတစ်ယောက်က ကတိကဝတ်တွေ Deadline တွေ လူပိန်းကြိုက်
လုပ်ရတာတွေ အောင်မြင်မှုတွေ ငွေကြေးတွေ ကြိုးကိုင်မှုတွေရဲ့အောက်မှာ နေရတာ မွန်းကျပ်လာပြီး
အားရပါးရ ဖွင့်ထုတ်လိုက်တယ်လို့ မြင်မိပါတယ်။ ဘယ်လိုနေနေပါ သူ မရှိတော့ပေမဲ့
သူ့ သီချင်းတွေကတော့ သူပြောခဲ့သလို ထာဝရတည်မြဲနေပြီး
ခုထိ အောက်မေ့အမှတ်ရနေဆဲပါလို့ ပြောရင်း နိဂုံးချုပ်လိုက်ပါရစေခင်ဗျာ။

2005 ခုနှစ်ကိုရီးယားနိုင်ငံမှာဖြစ်ခဲ့တဲ့ ဆွံ့အနားမကြားခလေးတွေအပေါ် အဓ္ဓမပြုကျင့်မှု ရုံတင်ပီး ကိုရီးယားတနိုင်ငံလုံး အုံကြွမှုဖြစ်စေခဲ့တဲ့ ဖြစ်ရပ်မှန်ဇာတ်ကား…

Silenced (2011)
============

ခုတင်ဆက်ပေးမဲ့ ဇာတ်ကားကတော့ ရုံတင်ပြီးချိန်ကိုရီးယားပြည်သူတရပ်လုံးကိုဆူပူအုံကြွလာစေတဲ့ ဇာတ်ကားတကားပါ…

ဇာတ်လမ်းအကျဉ်းကတော့ ဆွံ့အနားမကြားကျောင်းတခုမှာနှစ်ရှည်ကာလကြာရှည်စွာ မုဒိန်းကျင့် အနိုင်ကျင့်ခံနေရတဲ့ ကျောင်းသားကျောင်းသူတွေဟာ အဲ့ဒီကိုပြောင်းလားတဲ့ဆရာတယောက်အကူအညီနဲ့အဖြစ်ဆိုးကလွတ်မြောက်ပြီး ကျောင်းအုပ်ကြီးအပါအဝင် ဆရာတချို့ကိုတရားဥပဒေအတိုင်းအရေးယူနိုင်ခဲ့တာဖြစ်ပါတယ်…

သိူ့သော် တရားခံတွေဟာ ငွေကြေးပြည့်စုံ အာဏာရှိတဲ့သူတွေဖြစ်တာကြောင့်ထိုက်သင့်တဲ့ ပြစ်ဒဏ်မရခဲ့ပါဘူး။ဒီဇာတ်ကားဟာ ဖြစ်ရပ်မှန်ကိုအခြေခံထားတဲ့ကားတကားပါ။ ဒီဇာတ်ကားကြောင့် ဆွံ့အနားမကြားကျောင်းသူတွေမတရားခံနေရတာကို တနိုင်ငံလုံးသိသွားကြပြီး တရားသေလွှတ်လိုက်တဲ့တရားခံကိုပြန်စစ်ဆေးစီရင်ချက်ပြန်ချဖို့ သောင်းချီလက်မှတ်ထိုးတောငိးဆိူတာတွေရှိလာပါတယ်။နဂိုတရားခံလေးယောက်ကနေ ကျောင်းအုပ်အပါအဝင်တရားခံဆယိယောက်အထိ ဖမ်းဆီရမိခဲ့ပါတယ်။သက်ငယ်မုဒိန်းဥပဒေကိုလညိးပြန်လည်းပြင်ဆင်ခဲ့ကြပါတယ်…

#CRD

The Professor And The Madman (2019)
=========================

တစ်ခေတ်တစ်ခါက A+ စတားတွေဖြစ်ခဲ့တဲ့ ခုထိလည်း နာမည်မကျသေးတဲ့ ရှောင်ပန်းန်နဲ့ မယ်ဂစ်ဆွန်တို့ အဓိကသရုပ်ဆောင်ထားတဲ့ကားပါ

ဇာတ်အိမ်ကတော့ 19 ရာစုအလယ်မှာ ပထမဆုံး အောက်စ်ဖို့ဒ်အဘိဓာန်ကို ရေးသားတည်းဖြတ်ခဲ့တဲ့အကြောင်း ကြုံခဲ့ရတဲ့ အခက်အခဲတွေအကြောင်းပါပဲ

အဘိဓာန်တစ်အုပ်ရဖို့ ဘယ်လိုဘယ်ပုံ
ခက်ခဲတယ်ဆိုတာကို ကောင်းကောင်းကြီး
ပြထားတယ်

နာမည်နဲ့အတော်လိုက်ပါတယ်..ကိန်းကြီးခန်းကြီးစကားလုံးတွေ အရူးစကား‌တွေ
အပြည့်နဲ့ပါပဲ

သမိုင်းဒရာမာပေမယ့် တင်ပြပုံ အရမ်းရှင်းမနေပါဘူး..သမိုင်းတွေ ဒိုကူမန်ထရီတွေ စိတ်၀င်စားတဲ့လူတွေ ကြိုက်မယ့် ရုပ်ရှင်ပါပဲ

မင်းသားကြီး ၂ယောက်ရဲ့ သရုပ်ဆောင်ကွက်တွေကို ကြည့်ရတာနဲ့ တန်ပါတယ်

Kumki 2 (2025)
===========

IMDb 7.3/10

2012တုန်းကထွက်ရှိခဲ့တဲ့Kumki 1က တောင်ပိုင်းအိန္ဒိယ (Tamil) ရုပ်ရှင်လောကရဲ့ နာမည်ကြီး ရိုမန့်တစ်အက်ရှင် ဒရာမာဇာတ်ကားတစ်ကား ဖြစ်ပါတယ်။
ဒီဇာတ်ကားက ပရိသတ်တွေကြားမှာ တော်တော်လေး လူကြိုက်များခဲ့သလို ဝေဖန်ရေးသမားတွေဆီကလည်း ချီးမွမ်းမှုတွေ အများကြီး ရရှိခဲ့ပါတယ်

အခု2025မှာထွက်ရှိလာတဲ့ Kumki 2ဇာတ်ကားကတော့ 2012တုန်းက ဇာတ်လမ်းနဲ့ဆက်စပ်မှုမရှိပဲ သီးသန့်ထွက်လာတဲ့ကားလေးပါ ။
ဇာတ်လမ်းလေးကတော့ ဘူမိဆိုတဲ့ကောင်လေးတစ်ယောက် ပထွေးအရက်သမားနဲ့ အမေရဲ့ ရန်ပွဲတွေကြားအမြဲတမ်းစိတ်ညစ်နေရပြီး
ကျောင်းနေဖက်သူငယ်ချင်းများကလည်းသူ့အမေရဲ့စရိုက်ဆန်မှုတွေကြောင့် သူ့ကိုဝိုင်းပယ်ထားခံရပါတယ်။

သူငယ်ချင်းမရှိတဲ့ဘူမိတစ်ယောက် တောထဲလျှောက်သွားရင်းကနေ ကျင်းထဲကျနေတဲ့ဆင်ပေါက်ကလေးကို ကယ်တင်လိုက်ပါတယ်။
သူက အဲဒီဆင်လေးကို နီလာလို့ အမည်ပေးလိုက်ပြီး သူတို့နှစ်ဦးကြားမှာ လူနဲ့တိရစ္ဆာန်ထက်ပိုတဲ့ သူငယ်ချင်းသံယောဇဉ်တွေ ခိုင်မြဲလာပါတယ်။

ဒါပေမဲ့ ကံကြမ္မာရဲ့ အလှည့်အပြောင်းတစ်ခုကြောင့် သူတို့နှစ်ဦးခွဲခွာခဲ့ရပါတယ်။နှစ်အတော်ကြာပြီးနောက်မှာတော့ ဘူမိဟာ အရွယ်ရောက်လာပြီး
သူ့ရဲ့ ငယ်သူငယ်ချင်း နီလာကို ပြန်ရှာဖို့ ကြိုးစားပါတော့တယ်။ ဒီခရီးစဉ်မှာ သူဟာ တောရိုင်းတိရစ္ဆာန် မှောင်ခိုကူးသူတွေ၊ တောတောင်ဖျက်ဆီးသူ
တွေနဲ့ ရင်ဆိုင်ရသလို၊ တောဆင်ရိုင်းတွေနဲ့ လူတွေကြားက ပဋိပက္ခတွေထဲမှာလည်း ကြားညှပ်ပါဝင်လာပါတယ်။

ဘူမိ တစ်ယောက် နီလာ ကို ပြန်တွေ့နိုင်ပါ့မလား။နီလာ ကရော သူ့ကို မှတ်မိပါ့မလား။ "Kumki" (တောဆင်ရိုင်းတွေကို ထိန်းကျောင်းတဲ့ဆင်)
တစ်ကောင်ရဲ့ တာဝန်နဲ့ သံယောဇဉ်ကြားမှာ ဘယ်လိုဆုံးဖြတ်ချက်တွေ ချမလဲဆိုတာကို ရင်သပ်ရှုမောဖွယ် တောတောင်အလှအပတွေနဲ့အတူ...