Sheriff: Narko Integriti (2024)

IMDB: 7.6/10

မလေးရှားအက်ရှင်ဇာတ်ကားကောင်းတစ်ခုဖြစ်တဲ့ Sheriff: Narko Integriti ကတော့ မလေးရှားနိုင်ငံရဲ့ဒုတိယရုံတင်ဝင်ငွေအများဆုံးရုပ်ရှင်ကားဖြစ်ပါတယ်။ရုပ်ရှင်ရိုက်ကူးမှု၊ ဇာတ်လမ်းရေးသားမှု၊ သရုပ်ဆောင်ကောင်းမွန်မှု၊
ကင်မရာလှုပ်ရှားမှုနဲ့ ထင်မှတ်မထားတဲ့ဇာတ်လမ်းဇာတ်ကွက်အပြောင်းအလဲတွေအတွက် ချီးကျူးမှုတွေရရှိထားပြီးနောက်ဆက်တွဲရုပ်ရှင် ထပ်မံရိုက်ကူးဖို့အထိ ကြေညာထားပါတယ်။ဥပဒေကိုလက်တစ်လုံးခြားလုပ်ပြီး တရားရုံးကိုဝင်လိုက်ထွက်လိုက်လုပ်နေတဲ့ မလေးရှားနိုင်ငံရဲ့အကြီးဆုံးဘိန်းဖြူဂိုဏ်းခေါင်းဆောင်တိုနီကို မူးယစ်နှိမ်းနှင်းရေးရဲတပ်ဖွဲ့ဝင်တစ်ဦးဖြစ်တဲ့နာဇရီကဥပဒေနဲ့မဟုတ်ဘဲ ဘိန်းဖြူလူသတ်သမားဆိုတဲ့နာမည်နဲ့ကိုယ်တိုင်ရှင်းလင်းဖို့လုပ်ဆောင်ခဲ့ပါတယ်။ ဒါပေမဲ့ အဲဒီအချိန်မှာပဲတိုနီရဲ့လူတွေကိုသတ်ဖြတ်နေတဲ့နာမည်ကြီးဘိန်းဖြူလူသတ်သမားကို စစ်ဆေးဖော်ထုတ်ဖို့ ရှရစ်ဖ်ဆိုတဲ့ရဲတစ်ဦးရောက်ရှိလာပြီး မူးယစ်နှိမ်နှင်းရေးတပ်ဖွဲ့ထဲက နာဇရီနဲ့အပေါင်းအပါတွေကို စတင်စုံစမ်းစစ်ဆေးလာခဲ့ပါတယ်။ရဲတပ်ဖွဲ့ဝင်တွေကြား တိုနီရဲ့သူလျှိုတွေကဘယ်သူလဲ..ဘိန်းဖြူလူသတ်သမားက ဘယ်သူလဲဆိုတာ အချင်းချင်းသံသယတွေနဲ့ဖော်ထုတ်သွားကြပုံကို ရင်တမမနဲ့ကြည့်ရှု့ရမှာပဲဖြစ်ပါတယ်။

Kisah Tanah Jawa: Pocong Gundul (2023)
================================
ဒီဇာတ်ကားကတော့ ကျောတချမ်းချမ်းနဲ့ စိတ်ဝင်စားဖွယ်ရာ

ကြည့်ရှုရမယ့် အင်ဒိုနီးရှားနိုင်ငံသရဲကားဖြစ်ပါတယ်။

ဇာတ်လမ်းကတော့

Hao ဟာ မထင်မှတ်ဘဲ ပျောက်ဆုံးသွားတဲ့ ကျောင်းသူလေး

Sari ကို ပြန်လည်ရှာတွေ့အောင် ကြိုးစားခဲ့ပါတယ်။

ကျောင်းတက်ရင်း ရုတ်တရက် ကျောင်းဝန်းထဲမှာ ပျောက်ဆုံး

သွားတဲ့ Sari ကို ဟောင်က သူ့အစွမ်းအစနဲ့ရှာဖွေတဲ့အခါ

ကျောင်းသူလေးကို ပြန်ပေးဆွဲသွားခဲ့တဲ့ သင်္ချိုင်းဖုံးမှာ

ရစ်ပတ်နေတဲ့ ခေါင်းပြောင်တစ္ဆေကြီးပိုချောင်နဲ့ ထိပ်တိုက်

တွေ့ခဲ့ပါတယ်။

ဟောင်ရဲ့လုပ်ရပ်တွေကို မနှစ်မြို့တဲ့ ခေါင်းပြောင်တစ္ဆေကြီး

ပိုချောင်ဟာ ဟောင်နောက်ကိုလိုက်လာပြီး ဒုက္ခပေးဖို့

ကြိုးစားပါတော့တယ်။ ဒီအခါမှာတော့ ဟောင်နဲ့သူ့ကောင်မလေး

ရီဒါတို့ကြားမှာ ရင်တုန်စရာ အဖြစ်အပျက်တွေက ဆက်တိုက်

ဖြစ်ပျက်လာခဲ့ပြီး ဟောင်က ပိုချောင်ရဲ့အတိတ်ကို စူးစူးစိုက်စိုက်

ကြည့်ရင်း သူ့ရဲ့ဇစ်မြစ်နဲ့ လျှို့ဝှက်ချက်တွေကို ရှာဖွေဖော်ထုတ်

သွားမှာဖြစ်ပါတယ်။

#Credit_Org_Owner

Pattaya Heat (2024)

ဆိုင်မွန်အဖြစ် Ananda Everingham
ထော့အဖြစ် Got Jirayu
ဟော့အဖြစ် Sukosol Clapp
ဂီအဖြစ် Ploy Laila
ချိုင်အဖြစ် Ek Thaneth

ဒီတစ်ခါမှာတော့ Ash Channel ပရိသတ်ကြီးအတွက် ပူလောင်ပြင်းပြတဲ့အချစ်ဇာတ်လမ်းတွေကို ခဏလောက်အနားပေးပြီး တစ်ခဏတာအမောပြေစေဖို့ရာအတွက် ဟာသကားလေးတစ်ကားကို တင်ဆက်ပေးလိုက်ရပါတယ်

ဇာတ်လမ်းအကျဉ်းကို ဆိုရရင် ပင်စင်ယူတော့မဲ့ တပ်ကြပ်ကြီးချိုင်ဟာ ဆိုင်မွန်ရဲ့လောင်းကစားရုံမှာ ရှုံးပြီး မနည်းလှတဲ့ အကြွေးတစ်ပုံတစ်ပင်နဲ့ ဒုက္ခရောက်နေရသူပါ ဘန်ကောက်ကနေ ပတ္တရားကို ရွှေပို့ပေးတဲ့အလုပ်ကို လက်ခံရင် အကြွေးတွေကို ချေပေးမယ်ဆိုတာကြောင့်လည်း တပ်ကြပ်ကြီးချိုင်ဟာလည်း လက်ခံလိုက်ရပါတော့တယ်

ပို့နေတဲ့လမ်းတစ်ဝက်ကနေ ဆိုင်မွန်နဲ့ရန်စဟောင်းတွေရှိဖူးတဲ့ ဟော့၊ဂီ၊ချိုင်တို့ကလည်း ရွှေတွေကို လုယက်ဖို့စောင့်နေကြတာကိုလည်း မသိဘဲ ပဲလှော်ကြားဆားညပ်သွားတဲ့ တပ်ကြပ်ကြီးချိုင်တစ်ယောက် ရွှေတွေကို အောင်မြင်စွာပို့ဆောင်နိုင်ပြီး အကြွေးချေနိုင်မှာလားဆိုတာ ကြည့်ရှုလိုက်ကြပါဦး

( ဇာတ်လမ်းအကျဉ်းကို Hades မှ ရေးသားပေးထားပါတယ် )

#Credit_Org_Owner

Aham Reboot (2024) ဘဝသစ် ပြန်လည်စတင်

IMDB: 6/10

ဒီတစ်ခေါက် ပရိသတ်ကြီးကို တင်‌ဆက်ပေးချင်တဲ့ ဇာတ်ကားကောင်းလေးကတော့ IMDb rating 6.6 အထိ
ရရှိထားတဲ့ 2024 ခုနှစ်မှ ထွက်ရှိထားတဲ့ Aham Reboot ဆိုတဲ့ ဇာတ်ကားလေးပဲ ဖြစ်ပါတယ်
ဒီကားမှာတော့ Main cast အနေနဲ့ Sumanth က ပါဝင်သရုပ်ဆောင်ပေးထားပါတယ်

ဇာတ်လမ်းအကျဉ်းကတော့ နီလေးဆိုတဲ့လူဟာ နိုင်ငံ့ကိုယ်စားပြု ဘောလုံးသမားဖြစ်ချင်ခဲ့တဲ့သူပါ
ဒါပေမဲ့ ကံဆိုး‌ချင်တော့ နီလေးကြောင့် အာဗန်သီကာဆိုတဲ့ ကောင်မလေးဟာ မတော်တဆမှုတစ်ခုမှာ
သေဆုံးသွားခဲ့ရပါတယ် ဒီလိုဖြစ်ရပ်ကြောင့် အပြစ်ရှိစိတ်တွေနဲ့ ရှင်သန်ရင်း ရေဒီယိုဌာနတစ်ခုမှာ
အစီအစဉ်တင်ဆက်သူအနေနဲ့ အလုပ်လုပ်ခဲ့ရာ တစ်နေ့မှာတော့ အစီအစဉ်ကို
တိုက်ရိုက်ထုတ်လွှင့်တင်ဆက်နေတုန်း ကောင်မလေးတစ်ယောက်ဆီက ဖုန်းဝင်လာပါတော့တယ်။ဖုန်းထဲက ကောင်မလေးက နီလေးကို သူအခန်းတစ်ခုထဲမှာ ပိတ်ခံထားရလို့ သူ့ကို
ကယ်ပေးဖို့ ပြောတဲ့အချိန်မှာတော့…..
ဒီကောင်မလေးက ဘယ်သူလဲ
နီလေးကရော K ဆီ ဘာလို့ ဖုန်းခေါ်ခဲ့တာလဲ
ရဲကရော ဒီဇာတ်ကားထဲမှာ ဘယ်ကဏ္ဍနေ ပါဝင်နေတာလဲ
နီလေးကရော ဒီရှိုးကနေတဆင့် ကောင်မလေးရဲ့ နေရာကို ဘယ်လိုရှာဖွေ ဖော်ထုတ်သွားမလဲ
ဖမ်းခံထားရတဲ့ ကောင်မလေးကရော အာဗန်သီကာနဲ့ ဘယ်လိုဆက်စပ်နေတာလဲ….
ဆိုတဲ့ မေးခွန်းတွေရဲ့ အဖြေကို သိချင်ရင်တော့ ဒီဇာတ်ကားလေးကို ကြည့်ရှုအားပေးကြပါဦးရှင်

#Credit_Org_Owner

Blackwater Lane (2024)
******
မကြာသေးခင်ကမှထွက်ရှိထားတဲ့ လျှို့ဝှက်ဆန်းကြယ်

လူသတ်တရားခံ ရှာပုံတော်ဇာတ်ကားလေးကို

တင်ဆက်ပေးလိုက်ချင်ပါတယ်။

ကတ်စ်ဟာ ကျောင်းတစ်ခုမှာ ဆရာမအဖြစ်လုပ်ကိုင်

နေတာဖြစ်ပြီး ခင်ပွန်းဖြစ်သူ မက်သရူးနဲ့ သာယာတဲ့

အိမ်ထောင်ရေးလေးကိုပိုင်ဆိုင်ထားသူပါ။ တစ်ညမှာ‌တော့

သူတို့နေတဲ့အိမ်နဲ့သိပ်မလှမ်းတဲ့ တောအုပ်ဘေးက

Blackwater Lane ကားလမ်းမပေါ်မှာ အမျိုးသမီးယောက်

ကားထဲသေဆုံးနေတာကို ရဲတွေရှာတွေ့ခဲ့ကြပါတယ်။

ဖြစ်ချင်တော့ သေဆုံးသွားတဲ့အမျိုးသမီးဟာ ကတ်စ်နဲ့

အနည်းငယ်ခင်မင်ရင်းနှီးတဲ့လူဖြစ်နေပါတယ်။ တစ်ချိန်

တည်းမှာပဲ ကတ်စ်တစ်ယောက် ထူးဆန်းတဲ့အသံတွေ

ကြားရတာမျိုးတွေ မှတ်ဉာဏ်တစ်ပိုင်းတစ်စပျောက်ဆုံး

တာမျိုးတွေပါဖြစ်လာပါတယ်။

တကယ့်လူသတ်သမားအစစ်က ဘယ်သူဖြစ်မလဲ၊

နောက်ကွယ်မှာ ဘယ်လို လျှို့ဝှက်ချက်တွေရှိနေမလဲ၊

ဘယ်လို plot twist မျိုးကိုမြင်ရမလဲဆိုတဲ့မေးခွန်းတွေနဲ့

အတူ ဇာတ်လမ်းအဆုံးထိ ‌ဖြည်းဖြည်းချင်းဆွဲခေါ်သွားမဲ့

ရုပ်ရှင်ကားတစ်ကားပါပဲ။ မိုးအေးအေး ရာသီဥတုနဲ့လည်း

လိုက်ဖက်ညီမဲ့ ဇာတ်ကားလေးဖြစ်တာကြောင့်

ကော်ဖီတစ်ခွက်ဘေးနားချ နားကြပ်လေးတပ်ပြီး

တစိမ့်စိမ့်နဲ့ ခံစားကြည့်ရှုရမဲ့ ဇာတ်ကားမျိုးဖြစ်ကြောင်းညွှန်းဆိုလိုက်ပါစေ။

#Credit_Org_Owner

The Rebel Princess (2021) စဆုံး
ဖီးနစ်(စ်)ဧကရီကကြိုး

Wang Xuanနဲ့Xiao Qiတို့ဟာ တိုင်းပြည်ကိုကာကွယ်နိုင်ဖို့အတွက် အဖေ့ရဲ့သဘောဆန္ဒအတိုင်း အချစ်မပါဘဲ လက်ထပ်ခဲ့ကြပါတယ်

Xiao Qiကနှိမ်ချတတ်တဲ့ ပုံစံနဲ့နေထိုင်ခဲ့ရပေမယ့်မင်းသမီး Wang Xuanကတော့ ယောင်္ကျားတစ်ယောက်ထက်တောင် စိတ်ဓာတ်ကြံ့ခိုင်နေခဲ့သူပါ

တော်ဝင်မိသားစုမျိုးရိုးဂုဏ်မြင့်တဲ့အသိုင်းအဝိုင်းကသူတွေကတော့ ပြည်သူတွေကို မငဲ့ညှာပဲ သုံးဖြုန်းနေကြပြီးအာဏာရဖို့ အတွင်းပိုင်းမှာ အကောက်ကြံမှုတွေရှိနေပါတယ်

မင်းသမီးWang Xuanရဲ့ငယ်ချစ်ဦး မင်းသား၃ကလည်း စစ်တုရင်နယ်ရုပ် သာသာပဲဖြစ်ခဲ့ရပါတယ်

မင်္ဂလာဦးညမှာပဲ Xiao Qiက ဖိအားပေးခံရလို့မြို့တော်ကနေ ထွက်သွားခဲ့ရပါတယ်

Helanမင်းသားက Xiao Qiကို လက်စားချေဖို့အတွက် Wang Xuanကို ပြန်ပေးဆွဲခဲ့ပါတယ် Wang နဲ့ Xie တိုင်းပြည်ကရောအာဏာအတွက် ဆက်တိုက်ခိုက်ကြမလား

Helanမျိုးနွယ်က နိုင်ငံတော်ကိုပုန်ကုန်ဖို့ ကြေညာလိုက်တဲ့ အချိန်မှာရော စစ်တပ်ကပါတိုင်းပြည်ကို သစ္စာဖောက်မှာလား

Wang Xuanကပါ စစ်တပ်ကိုဦးဆောင်တိုက်ခိုက်ပေးပြီး Xiao Qiလိုချင်တဲ့ တရားမျှတမှုနဲ့ တိုင်းပြည်ငြိမ်းချမ်းမှုရအောင် ကူညီပေးနိုင်မလား

အခြေအနေတွေက သူတို့ကိုဘယ်လိုပဲ ဖျက်စီးဖို့ ကြိုးစားပါစေ တွေ့ကြုံနေရတဲ့အခက်အခဲတွေနဲ့ဝေဖန်မှုတွေက အတွဲညီညီဖြေရှင်းတတ်တဲ့ ဇနီးမောင်နှံအတွက် ကံကောင်းမှုတစ်ခုဖြစ်မလား

Wang Xuanနဲ့Xiao Qiကရော ပြဿနာတွေကြားထဲကနေ တစ်ယောက်ကိုတစ်ယောက် ချစ်မိသွားမလား ဆိုတာကိုတော့ စောင့်မျှော်ကြည့်ရှူ့ ပေးကြဖို့ ဖိတ်ခေါ်လိုက်ပါတယ်

#Credit_Org_Owner

Satyabhama 2024 (အမျိုးသမီးတို့အတွက် အားကိုးရာ ဆတ်ယာဘမ်)

အမျိုးသမီးထုကြီးကို မားမားမတ်မတ် ရပ်တည်ပေးမယ့် SHEအဖွဲ့ကို ဦးဆောင်နေတဲ့ ACPဆတ်ယာဘမ်။
တစ်ရက်မှာတော့ ဟာဆီနာလို့ခေါ်တဲ့ကောင်မလေးတစ်ယောက်ဟာ ခင်ပွန်းသည်ရဲ့ အနိုင်ကျင့်နှိပ်စက်မှုကို
ခံနေရတဲ့အတွက် ဆတ်ယာဘမ်ဆီကို လာရောက် အကူအညီတောင်းခံခဲ့ပါတယ်။

ဟာဆီနာရဲ့ ခင်ပွန်းဖြစ်သူဟာ တင်ဒါက တွေ့တဲ့ကောင်မလေးတစ်ယောက်ကို အိမ်ပေါ်ခေါ်တင်လာတဲ့အတွက်
ဟာဆီနာဟာ သည်းမခံနိုင်တော့ဘဲ ကွာရှင်းခွင့်တောင်းလိုက်ပေမယ့် ခင်ပွန်းဖြစ်သူဟာ ကွာရှင်းခွင့်မပေးဘဲ
ဟာဆီနာကို ဆက်လက်နှိပ်စက်လျက်ရှိပါတယ်။ အဲဒီအတွက် ဟာဆီနာဟာ အိမ်ကနေ ဆင်းပြီးတော့
မောင်လေးဖြစ်သူနဲ့ လာနေထိုင်တဲ့အခါ မောင်လေးဖြစ်သူကိုပါ ခင်ပွန်းက ကိုယ်ထိလက်ရောက်ကျူးလွန်လာတဲ့အတွက်
မခံနိုင်တဲ့အဆုံးမှာ ဆတ်ယာဘမ်ဆီကို ရောက်လို့လာခဲ့တာပဲဖြစ်ပါတယ်။

ဒီလိုနဲ့ ဟာဆီဘမ်ရဲ့ ခင်ပွန်းဖြစ်သူဟာ ရဲကိုတိုင်လိုက်တာသိသွားတဲ့အချိန်မှာတော့ ဟာဆီနာ့ထံသို့ လာရောက်သောင်းကြမ်းနေစဉ်
ဟာဆီနာဟာ သေဆုံးလို့ သွားခဲ့ရပါတယ်။ ကိုယ့်ဆီကို ယုံကြည်လို့ လာရောက်အကူအညီတောင်းခဲ့တဲ့သူကို မကူညီနိင်လိုက်တဲ့
ဆတ်ယာဘမ်ကတော့ ကိုယ့်ကိုယ်ကိုယ် အပြစ်တင်နေရင်းနဲ့ ဟာဆီနာ့ရဲ့ခင်ပွန်းကို အပူတပြင်းလိုက်လံရှာဖွေရင်းနဲ့ ......
ဟာဆီနာ့ခင်ပွန်းကို လိုက်လံရှာဖွေရင်းနဲ့ရော ဘယ်လိုအဖြစ်တွေနဲ့ ကြုံတွေ့ရမလဲ ......

ရှေ့ဆက် ဘယ်လိုတွေ ဖြစ်လာမလဲ ..... ဆိုတာတွေကို စိတ်ဝင်စားဖွယ် ကြည့်ရှုရမယ့်
မှုခင်းဇာတ်လမ်းကောင်းလေးဖြစ်ပါတယ်။

#Credit_Org_Owner

Garudan 2024 (လျှို့ဝှက်မှုတို့၏နောက်ကွယ်)

IMDb 7.6/10

အာဒီနဲ့ ကာရူနာတို့ဟာ ငယ်သူငယ်ချင်း ဆိုးဖော်ဆိုးဖက်ဖြစ်ကြပြီး ဘဝအခြေအနေလည်း
တူညီကြတဲ့ သူငယ်ချင်းနှစ်ယောက်ဖြစ်ပါတယ်။ သူတို့ဘဝတွေ ဘယ်လောက်ထိ
တူညီလည်းဆိုရင် သူတို့ရဲ့ဖခင်နှစ်ယောက်ဟာ ကားအက်စီးဒန့်တစ်ခုတည်းမှာတင်ပဲ
အသက်ဆုံးပါးသွားခဲ့ပါတယ်။

အာဒီကတော့ သယ်ယူပို့ဆောင်ရေးလုပ်ငန်းကို လော်ရီကားတွေနဲ့ လုပ်ကိုင်နေပြီးတော့
ကာရူနာကတော့ တော်ဝင်မိသားစုဝင်ဖြစ်ပေမယ့် အခွံသာကျန်ခဲ့တဲ့ ဒီမိသားစုမှာ
အုတ်ဖုတ်လုပ်ငန်းကိုလုပ်ကိုင်ရင်း ကာရူနာရဲ့အုတ်တွေကို အာဒီရဲ့ လော်ရီကားတွေနဲ့
သယ်ပြီးတော့ ဈေးကွက်ရှာကြပါတယ်။ဖခင်တွေသေဆုံးသွားပြီးနောက်မှာတော့
သူတို့သူငယ်ချင်းနှစ်ယောက်ကို ကာရူနာရဲ့အဘွားဖြစ်သူ ဆယ်လာရီက စောင့်ရှောက်ထားခဲ့ပါတယ်။

သူတို့နှစ်ယောက်ဟာ ဘယ်လောက်ပဲ ဆိုးမိုက်နေပါစေ ဘုရားကျောင်းကိုတော့ အသွားမပျက်ခဲ့ပါဘူး။
ဘာလို့လဲဆိုတော့ ကွမ်ဘိုင်အမ်မန်လို့ခေါ်တဲ့ ဘုရားကျောင်းရဲ့ အကြီးအကဲဟာ သူတို့ရဲ့အဘွား ဆယ်လာရီဖြစ်နေလို့ပါပဲ။
သူတို့သူငယ်ချင်းနှစ်ယောက်အကြောင်းကိုပြောတဲ့အခါမှာ ချော့ခ်ကန်ကိုလည်း မေ့ထားလို့မရပါဘူး။

ချော့ခ်ကန်ဟာလည်း မိဘမဲ့တစ်ယောက်ဖြစ်ပြီး ဘုရားကျောင်းမှာ ကြီးပြင်းလာရင်းကနေ ကာရူနာနဲ့ ခင်သွားရင်းကနေ
ချော့ခ်ကန်ကိုပါ အိမ်ကိုခေါ်လာခဲ့ပါတော့တယ်။အသက်တွေကြီးလာတဲ့အခါမှာ ချော့ခ်ကန်ဟာ
ကာရူနာရဲ့ သစ္စာရှိလူယုံတစ်ယောက်ဖြစ်လာခဲ့ပါတော့တယ်။ ဒီလိုနဲ့ ချော့ခ်ကန်ရဲ့ သစ္စာရှိမှု,
ကိုယ့်ကိုယ်ကိုယ် လေးစားယုံကြည်မှုတို့ကို စမ်းသပ်စစ်ဆေးတဲ့နောက်မှာတော့ ဘာတွေဆက်ဖြစ်လာမလဲ ........

သူတို့နဲ့ ဆက်စပ်နေတဲ့ ကွမ်ဘိုင်အမ်မန်ဘုရားကျောင်းကရော ဘယ်လိုအကြောင်းအရာတွေ ပေါ်ပေါက်လာဦးမလဲ .....
သူတို့သူငယ်ချင်းတွေရဲ့အကြောင်းကို စုံစမ်းနေတဲ့ အင်စပက်တာနဲ့ရော ဒီကိစ္စတွေက ဘယ်လိုပုံစံနဲ့ ဆက်စပ်နေတာလဲ ....
ဆိုတာတွေကို ကြည့်ရှုရမယ့် အက်ရှင်ကားကောင်းတစ်ကားဖြစ်ပါတယ်။

#Credit_Org_Owner

Space Command Redemption (2024)
========================

အာကာသ သိပ္ပံ sci-fi ရုပ်ရှင်ဇာတ်လမ်းတွေကို ကြိုက်နှစ်သက်တဲ့သူတွေအတွက် 2024 ခုနှစ်အသစ်စက်စက်ထွက်ထားတဲ့ ဇာတ်ကားလေးပါ။

ဇာတ်လမ်းအကျဉ်း

မကောင်းသူပယ် ကောင်းသူကယ်ဆိုတဲ့ စိတ်ဓာတ်နဲ့ အာကာသယာဉ်ပိုင်းလော့ တစ်ဦးဖြစ်တဲ့ ဂျက်ခမ်မာဟာ နယ်မြေစူးစမ်းလေ့လာရေး ထွက်ရင်း စက်ချို့ယွင်းပြီး မီးလောင်ပျက်ကျတော့မယ် ယာဉ်ငယ်တစ်စင်းကို သူလက်ထောက်ယာဉ်မှူးဘဝမှာ ယာဉ်မှူးအမိန့်ကို ဖီဆန်ပြီး ကယ်ဆယ်ရင်း ပိုင်းလော့ ယာဉ်မှူးတစ်ယောက် ဖြစ်လာခဲ့ပါတယ်။ အဲ့ဒီအချိန်မှာပဲ သူတို့နေတဲ့ဂြိုဟ်ပေါ်မှာ စက်ရုပ်လူသားတွေဟာ တဟုန်ထိုး နာမည်တွင်လာပြီး နေရာအသီးသီးမှာ နေရာယူနေတာဖြစ်ပါတယ်။

လူတွေကို လုံးဝအာဏာဖီဆန် ဆန့်ကျင်တာမျိုးမလုပ်ဘူးလို့ အာမခံပြီးတော့ပေါ့။ ဒါပေမဲ့ မိုင်းတွင်းလုပ်သားအနေနဲ့ အလုပ်လုပ်နေတဲ့ စက်ရုပ်လူသားတစ်ယောက်ဟာ မတော်တဆမှုတစ်ခုထဲမှာပါသွားပြီး သူ့ကိုထိန်းချုပ်ထားတဲ့ ချစ်ပ် ဆားကစ်လေး ပျက်သွားပြီး မူမမှန်တဲ့အပြူအမူတွေ လုပ်လာပါတော့တယ်။ ယာဉ်မှူးဖြစ်လာတဲ့အချိန်မှာ ဂျက်ခမ်မာဟာ သူကယ်ခဲ့တဲ့ အမျိုးသမီးက သူ့ကို သူတို့လုပ်နေတဲ့ မိုင်းတွင်းအောက်က တူးဖော်လေ့လာရေးအကြောင်းတွေကို ပြောပြပြီး ဂြိုဟ်သားတွေနဲ့ပတ်သက်တာ တစ်ခုခုတွေ့နိုင်တယ်လို့ တစ်ထစ်ချယုံကြည်နေပါတယ်။

ဆိုတော့ တကယ်ပဲဂြိုဟ်သားတွေနဲ့ ပတ်သက်တာလား စက်ရုပ်လူသားတွေရဲ့ စနက်လားဆိုတာကို စိတ်ဝင်တစားနဲ့ အပန်းဖြေကြည့်ရှူလေ့လာနိုင်မယ့် ဇာတ်ကားလေးပဲဖြစ်ပါတယ်ခင်ဗျား။

#Credit_Org_Owner

Hard Home (2024)
****
အခုတစ်ခါ cm ပရိသတ်ကြီးကို လတ်တလော ထွက်ရှိထားပြီး

သည်းထိတ်ရင်ဖို ဇာတ်ကားတစ်ခုဖြစ်တဲ့ Hard Home ဆိုတဲ့

ဇာတ်ကားနဲ့ မိတ်ဆက်ပေးပါရစေ။

ဒီဇာတ်ကားမှာ ဒီရာဘလို ကွင်းဆက် စိတ္တဇလူသတ်သမားရဲ့

ရက်ရက်စက်စက် အသတ်ခံလိုက်ရတဲ့ ကယ်လီဆိုတဲ့

ကောင်မလေးရဲ့ မိခင်ဖြစ်သူ အန်နာက ကိုယ်တိုင်စုံစမ်း

ထောက်လှမ်းပြီး လူသတ်သမားနဲ့ အပြိုင်ကြဲတဲ့ သရုပ်ဆောင်

ချက်တွေ တွေ့ရမှာပါ။

ဒီလူသတ်သမား ကိုယ်တိုင်က စကားမပြောနိုင်ဘဲ အ'နေတဲ့သူ

တစ်ယောက်ဖြစ်ပြီး သူ့ရဲ့သားကောင်တွေ အားလုံးဟာ ဆံပင်

အမည်းရောင်နဲ့ ပိန်ပိန်ပါးပါး မိန်းကလေးငယ်တွေချည်းပါပဲ။

သူဟာ သေဆုံးသူတိုင်းကို မလှုပ်ရှားနိုင်အောင် ဆေးထိုးထားပြီး

လျှာကိုဖြတ်ယူ အရှင်လတ်လတ် မီးရှို့သတ်ဖြတ်တာပါ။

တစ်ဦးတည်းသော သမီးလေးအတွက် လက်စားချေဖို့

ဆန္ဒပြင်းပြနေတဲ့ အန်နာဟာ ကိုယ်တိုင်လည်း အင်ဂျင်နီယာ

တစ်ယောက်ဖြစ်ပြီး သူမကိုယ်တိုင် ဒီဇိုင်းဆွဲ တည်ဆောက်ထားခဲ့တဲ့

စမတ်နည်းပညာအဆင့်မြင့် နေအိမ်ကို လူသတ်သမား

ထောင်ဖမ်းနိုင်ဖို့အတွက် လုံခြုံရေးတိုးမြှင့်မှုတွေ လုပ်၊

နှိပ်စက်ညှင်းပန်းဖို့အတွက် သီးသန့်အခန်းပါ နေအိမ်ထဲ

ထပ်မံတည်ဆောက်ပါတော့တယ်။

အန်နာ တစ်ယောက် လူသတ်သမားကို ထောင်ဖမ်းဖို့ ကြိုးစားရင်း

ကိုယ်တိုင်ပဲ သားကောင် ဖြစ်သွားမလား....ဒီလူသတ်သမားကရော

ဘာကြောင့် ဒီလိုမျိုးတွေ ကျူးလွန်နေတာလဲ....။

#crd_org_owner