Barrack’s Buddy

Conquerer T-Shirt Update

❤32

13.5K views18:52

Jai Hind Everyone!

🍁 Total 639 students ne form fill kiya tha. Humne sabhi ko mail bhej diya hai aur abhi address verify kar rahe hain. Inme se 471 students ka reply aa chuka hai, baaki process mein hain. Is baar Barrack’s Buddy ke har us student ko T-shirt milegi jisne CDS/NDA Clear krne ke bad form fill kiya hai.

🍁 Ek T-shirt ki cost mujhe ₹495 pad rahi hai. Kyun? Kyunki kapda wahi same fabric hai jo US Polo aur Levi’s use karte hain. Manufacturer bhi wahi hai jo in bade brands ke liye kaam karta hai. Shipping charges alag hain, par main quality mein koi kami nahi chodna chahta tha.

🍁 Main ye vaada bohot pehle pura kar deta, par pichle 1.5 mahine se main apni behen ki shaadi ke kaam mein uljha hua tha, jiske baare mein maine telegram par post bhi kiya tha. Par jab main apne ghar ki duties nibha raha tha, kuch logon ne socha ki ye promises bhi "fake" hain, jaise baaki platforms karte hain.

🍁 Mujhe ye dekh kar dukh hua ki mere communication gap ka fayda utha kar kuch logon ne Barrack’s Buddy ka naam kharab karne ki koshish ki. Par ek baat clear kar du…Maine aaj tak kisi se jhooth nahi bola. Meri zubaan hi meri sab kuch hai.

🍁 Is process ka kharcha ₹3,16,305 (Making) + 5% GST aur har parcel ka courier charge lagbhag ₹100 (Total ₹64,000)……..sab milakar karib ₹3,96,120 hai.

🍁 Mere peeche koi badi funding company nahi khadi hai, na hi main kisi bohot ameer khandaan se aata hu. Ye paisa main apni jeb se laga raha hu sirf apna vaada nibhane ke liye. Main yahan Business karne nahi, Value dene aaya hu.

🍁 Is baar main chup nahi rahunga. Main sirf T-shirts nahi bhejunga, balki GST Bill bhi public karunga. Saath hi un students ki list aur unki permission ke baad unke Roll Numbers bhi share karunga. Taaki duniye ko pata chale ki main hawa mein baatein nahi karte.

🍁Jitna log ek course bech kar profit kamate hain, utna to main bas free T-shirts mein luta de raha hu 😂. Log 10 lakh ki B.Tech karke 4 lakh ki naukri dhundte hain, aur yahan hum dil khol kar khade hain.

🍁Ek Rupya bhi nahi jata meri jebh main😅(100% Charity)

🍁 Jinhone bharosa rakha, unka shukriya. Jinhone shak kiya, unhe jawaab result aur T-shirt dono se milega.

Barrack's Buddy - Always for the Students.

❤135👏8🤯5

18K viewsedited 18:56