انا شفت شرحه باليوتيوب صراحه حلو يفصل بشرحه وليش اختار ذي الاجابه وباقي الإجابات ما اخترها ف شوفي شرحه ممكن تفهمين عليه

يسعد مساكم
تبارك الرحمن الدكتور فيصل ابداع وشخص ملمم بالتربوي جدا
الله يسعده ويكتب اجره

الله يعطيك العافيه ويجزاك عنا كل خير وينفع بك استاذنا الكريم من فضل ربي عرفت قناتك بآخر أسبوعين بالصدفه وبديت أتابع معك وبعد الله تعلمت منك شلون افكك السؤال والقى مفاتيح الحل لله الحمد طبقت هالشي باختباري واتمنى من الله يحقق لي الترقيه اللي اطمح له ويوفق الجميع يارب العالمين

السلام عليكم ..انتظرت حتى تهدأ عاصفة الاختبار لاكتب بهدوء. رسالة شكر وامتنان لكل المدربين للبرنامج والشكر خاص للدكتور العوفي على كل مابذله من جهد واخلاص بالعمل الذي وصلنا بكل صدق ..لا اعلم كم ستكون نتيجتي لكن انهيت اختباري بكل رضى وسعاده واقتناع لايشوبه خوف شكرا لكم على المنصة المنظمه الرائعة جدا جدا استفدت رغم اني التحقت بالدوره في اخر اسبوعين قبل الاختبار لكن فعلا شغل منطم جبار شكرا لكم جميعا المنظمين والمدربين. الله يكتب لكم الاجر

من واجبي ارد الجميل لو بشكر ، كلمه شكر او ثناء قليله جداً مريت بكثير مدربين معروفين ومنصات كبيره واختبرت اختبارات كثير ودرجاتي خبير واول مره اعلق واكتب لدكتور لاني اشوف الصدق والامانه والاجتهاد في شرحه ، ماقد شفت تفسير لاسئلة التربوي كثر تفسير الدكتور فيصل وتعليلاته كلمة حق تنقال عراب التربوي وللاسف عرفت حساباته متاخر تمنيت لو من البدايه ماتعبت نفسي وانا اختبر صوته في اذني كيف اعطاني معرفه وبنيه حقيقيه وثبتها في عقلي كيف يدرب على المواقف والله العظيم انك افضل دكتور تربوي وفخورين ان هذا العلم من بلدي اتمنى ان الله ينفع فيه جميع الاجيال الجايه استاذ المعلمين هذا وموجنا كلنا في التعليم جعل كل ماقدمته يا دكتور فيصل تلاقه في الدنيا والاخره وجعلنا كلنا شاهدين عليك بعلمك ونفعك للعباد والبلاد واجر وثواب ورفعه لك اللي تقدمه في خدمة الاجيال والمعلمين مو قليل ابداً والجهد والوقت اسأل الله ان نلقاك دائماً كما عرفناك وان يكون علمك وقفاً دايماً لك واجراً عظيم

جزاك الله خير على ماقدمته لنا ف بفضل الله ثم فضلك احل وانا واثقه من الاجابه علمتنا على اسرار الرخصه كنت جاهله فيها ف الله يسعدك ويجعل ماقدمته لنا في موازين حسناتك وعقبال نبشرك بالدرجات العاليه

تابعت معك الشرح عبر المقاطع في اليوتيوب وعبر صفحاتك هنا وبعون الله استطعت أن أحل أغلب الأسئلة بفضل الله ومن ثم بتوجيهاتكم واستخدام فنيات حل الأسئلة في الساعات الأخيرة لما قبل الاختيار

جزاك الله عنا كل خير... أسأل الله العظيم أن يجعله في ميزان حسناتك ♥️

الحمداللله بفضل الله وبفضل دكتور فيصل العوفي ارتفعت من الخمسين إلى اعلى منها بكثير الحمدالله دكتور مممتاز واستفدت كثير منه ❣️

السلام عليكم ورحمة الله و بركاته
د، فيصل العوفي
أحب أشكرك جزيل الشكر، حيث أني لم أوفق في الاختبار الأول ، لكن بعد حضوري دورتك كان لها بعد توفيق الله أثر كبير في نجاحي في الاختبار التربوي الثاني.
جزاك الله خير وبارك فيك
وباذن الله اني معاكَ بكل الدورات لين ألقى الدرجة اللي ترضيني 🤍🌷.

٦٩ بعد م كنت ٥٠

كان كل الاختبار من شرح الدكتور فيصل

٧٢ من مذاكرة اليوتيوب د.فيصل العوفي ، يعطيك العافيه د.فيصل

السلام عليكم ورحمة الله وبركاته
كل الشكر للدكتور فيصل ولمنصة براعة ، حصلت ولله الحمد على درجة ٨١ ، الاختبار السابق حصلت على ٦٥ ، دخلت الدورات المسجلة واستفدت الشيء الكثير ، طريقة حذف الإجابات ،وعدم اختيار الإجابة التي تناقض السؤال ، والكثير الكثير. تحياتي لكم

أنا من فضل الله بالصدفه لقيت شروحات للدكتور فيصل الله يحفظه بآخر أسبوعين ثلاثه تقريبا من استعدادي لاختباري التربوي برمضان وخليته مثل المراجعه لي وسبحان الله وهاذي شهادة حق تعلمت منه شلون اقدر افكك السؤال واعرف المطلوب واصل للاجابه الصحيحه أو على الأقل يكون الحل الصحيح ضمن الخيارين اللي أكون محتاره بهن ارتفعت درجتي لله الحمد صحيح ماوصلت لهدفي درجة الخبير لكن بإذن الله بكون معه بالدوره الجديده وبحول الله اصل لهدفي الترقيه لخبير كل الشكر له عسى ربي ينفع بعلمه ويبارك له.

فعلأ ماشاء الله تبارك الله الله يبارك لك دكتور في علمك وعملك وعمرك يارررب

بأمانة من ضمن الاشياء اللي كنت بستفاد منها اختبارات حضرتك وتحديد نقاط القوة والضعف تقريبا مافي ولا اختبار نزلته اللي ما الحمد لله جبت درجه فيه ممتازة ولما دخلت التربوي حصلت على 89 ولله الحمد حبيت أشكرك وأنسب جزء من فضلك وتعبك وللعلم اشتركت في أي منصة ولا دورة