بدك تعرف شوفي شروحات بقناتنا؟🤭
طب أنا جمعتلّك بهالبوست أغلب الشغلات الهااامة في القناة🤭😍 ..
{{ ملاحظة كلها شغلنا وتعبنا الحمدلله ☆❤️❤️❤️تحياتي للمشرفين😌🥰 }}

⭐️ الرياضيات 🤭:
حالات عدم تعيين
وكيفية حلّها من انجاز الأستاذ المتألّق
الأستاذ رامز عنيزان ☆
https://t.me/baklorea24/6443

⭐️ الملف الذهبي حرفيّاً🤭🤎😍 :
الملاحظات الشاملة لحل أي سؤال جدول تغيرات 🤭😍
🔸 أكثر من 15 سؤال مع الشرح المفصل عن كيفية الإجابة عليه.
🔸 نماذج خارجية شاملة لجميع الطلبات الواردة .
🔸اسئلة النماذج الوزارية المتعلقة بسؤال الجدول مع الحل .
🔸 اسئلة الدورات من عام 2017 وحتى 2021 المتعلقة بسؤال الجدول مع الحل .
🔻بالإضافة للتنبيه عن أخطاء قد تقع أثناء الحل :
https://t.me/baklorea24/6553

⭐️ شروحات الدكتورة اسلام في العلوم🤎🤭😍 :
https://t.me/baklorea24/6423

⭐️ شوية فقرات علوم من شروحاتي أناا🤭😌😍🤎❤️ وبطريقتي😉 :
https://t.me/baklorea24/6421

⭐️ البوست الذهبي للرياضيات
لأن حرفيّاً جاية منو🤭😍
لوغاريتمي ونصائح وشروحات من انجازنا أنا والأستاذ رامز سواا 🤭😌⭐️ :
https://t.me/baklorea24/6419

⭐️ مشكلتك وعقدتك الكلمة المفقودة في المنهاج القديم انكليزي🤭🤎 وتصحيح الغلط في المنهاج الحديث ..
أهم الملاحظات والشروحات في منهاجيّ الانكليزي القديم والحديث :
{{ ازمنة واغلب القواعد }}
https://t.me/baklorea24/6395


⭐️ حل معادلات التابع اللوغاريتمي وشرحها🤭🤎😍😍 :
https://t.me/baklorea24/6376

⭐️ صعب عليك الاعراب🤭💔 ..
وقدما فهمتو بتضيع🥲💔🤭
جمعنالك البوست المرجعي بالشرح المفصّل شروحاتنا أنا والأستاذ اسماعيل حلاق جزاه الله خير الجزاء😍 :

https://t.me/baklorea24/6371

⭐️ وطنية حديث دراسة حالة🤭🤎
+ كيفية كتابة موضوع وطنية للمنهاجين :
https://t.me/baklorea24/6370

⭐️ البوست المرجعي لمنهاج الوطنية القديم🤭🤎😍 :
https://t.me/baklorea24/4965

⭐️ يلي لسا ما بلش دراسة الفرنسي منهاج حديث صار فيك تبلّشش🤭
تجميعة شروحاتي بالفرنسي الحديث ☆♡ :
https://t.me/baklorea24/6342

⭐️ الرياضيات 🤭✨💥 :
حالات استنتاج رسم تابع🤭😍 من تابع مرسوم
https://t.me/baklorea24/6307

⭐️ البوست المرجعي ل شروحات الكيميا بقناتناااا🤭🤎😌 :
https://t.me/baklorea24/6157

⭐️ البوست المرجعي منهاج حديث🤎😍😍😍انكليزي من شروحات الآنسة مرح 🤭🤎يعني أنا🤭🤎 :
https://t.me/baklorea24/5743

⭐️ البوست المرجعي للمنهاج القديم
في اللغة الانكليزية من شروحاتي أنا ل شوية نصوص وشوية شغلات هااامةةةة مع قواعد 🤭🤎 :
https://t.me/baklorea24/3302

⭐️ الملف الذهبي🤭😍😍
لحل أي سؤال عن حالات كتابة معادلة المستوي بالاضافة ل تطبيقات
سؤاال هام ومتكرر وجاية🤎😌
للأستاذ الرااائع رامز عنيزان ☆ :
https://t.me/baklorea24/6199

{{ دعواتكم ل فريقنا بكلوريات ☆ }}
وموفقين💫🌸⭐️🌸😌

مالل..كرهان حالك..شايف مستقبلك ضاع..طيب انت بتعرف ليش هيك عم تفكّر،رح قلّك ليش بهالمثال:اذا كان في غرفة فيها مليون طابة بيضاء وطابة وحدة حمراء وقالولي سحاب طابة وانت مغمّض عيونك واذا بتسحب الحمراء رح يصير لحدا من أهلك شي(بعيد الشر أكيد)انا تلقائيا رح خاف واتلبّك ومارح اعرف اسحب مع انو احتمال انو تطلعلي الكرة الحمراء هوي شبه مستحيل.
طيب بدك تسألني شو دخل هالمثال بوضعك؟انا رح جاوبك...انت كطالب بكلوريا عم تحط حالك ضمن خيارين بس هنن(يا طب يا إما خلص انا انتهيت)(هندسة معلوماتية او انا فاشل)(مدنيّة او انا ضاع مستقبلي)وطبعاً هاد الشي عادي عند أي طالب بكلوريا هالتفكير الغلط تماماً واذا بدك دليل بقى لازم تجاوبني عهالسؤال بس ورح تلاقي الدليل بالإجابة.
السؤال:مين خلق الكون؟مين خلقني وخلقك؟مين يلي كفل عباده على الأرض؟مين يلّي قدّر رزقي ورزقك..نصيبي ونصيبك...عمري وعمرك..اهلي وأهلك...؟
يا ترى معقول مستقبل بأكملو وحياة بأكملها تتحدد ببكلوريا؟لك صحصح معي يا خيي وخيتي انت مكبّرها زيادة ولك صدّقني فداك يا كبير شو ماكانت النتيجة لا تخاف نحنا فخورين فيك.
طيب شو خضر هلئ يعني بلا ماندرس ولا شو.
أكيد لا يا عيوني المطلوب منّك بهالشهرين هوي الآتي:تفصل عن كلشي حواليك وعن كلشي بلهيك عن دراستك وبعدين بتمسكلي ورقة وقلم بتحط فيها خطّتك بأنك تحاول ترمم كل النقص والضعف اللي عندك لأنو انت بتقول بقى بس شهرين بس هدون صدقني اهم شهرين بالبكلوريا،خطوة 3 لا تضل خايف خلص حاول خلّص اكبر كمية ممكنة وانطلق عزيزي واذا بدك اي شي مني حاكيني من عيوني بخدمك.
موفقين حبايب قلبي❤

خطأ بسيط ضمن ملف الجداول، بكلوريات بتمنى تصحّحوا هاد الغلط، والّلي هو : بدل f(0) [ملون بالأحمر] تحطوا f(3)، مشان الناس يلي حفظت الملف بالمحفوظات، ومشان ما حدا يتخربط.❤️❤️❤️
موفقين جميعاً يا طلاب.❤️❤️

#الرياضيات #تمرين #خط_بياني
تمرين ب 10 طلبات هامة حول خط بياني مرسوم

كيف تحصل على 600 بالرياضيات بخطوة واحدة و بدون روت ⁉️

ببساطة اشترك بالقناة 😇
اختبر نفسك بالنماذج الشاملة و الجزئية الأفضل على الإطلاق

T.me/bac_maths_1

💙🍁 @baklorea24

بالنسبة ل العربي
في قناتنا بالاضافة للبوست المرجعي
وشروحات القواعد ..
نذكّركم 🌸🤗
شرح القصيدة الأولى في الكتاب :
{{ بعنوان :
حتام تغفُلُ ☆}} :
https://t.me/baklorea24/6529

شرح القصيدة الثانية :
{{ وهي بعنوان :
عرس المجد ☆ }} :
https://t.me/baklorea24/6560

شرح القصيدة الثالثة :
{{ وهي بعنوان
انتصار تشرين ☆ }} :
https://t.me/baklorea24/6570

أما القصيدة الرابعة في الوحدة الأولى :
{{ فهي قصيدة الجسر ☆ }} :
https://t.me/baklorea24/6571

القصيدة الخامسة في الكتاب
والأولى في الوحدة الثانية :
{{ وهي بعنوان : وطني ☆ }}
https://t.me/baklorea24/6680

القصيدة السادسة في الكتاب
والثانية من الوحدة الثانية :
{{ وهي بعنوان : المهاجر ☆ }}
https://t.me/baklorea24/6798

القصيدة السابعة في الكتاب
والثالثة من الوحدة الثانية :
{{ وهي بعنوان : الغاب ☆ }}
https://t.me/baklorea24/6822

قصائد الوحدة الرابعة 😍🌸
{{ قصيدة الوطن ..🇸🇾
وقصيدة لوعة الفراق 🌸💥🔥
والأمير الدمششقي .🪐💫👑}}
في بوست واحد🤭😌
https://t.me/baklorea24/6894

الوحدة الخامسةةة :
القصائد
نبض الطفولة ☆ قوة العلم ..
قصيدة مروءة وسخاء
https://t.me/baklorea24/7256
دعواتكم ل فريقنا بكلورياات ..☆
وموفقين ❤❤❤💜

السلام عليكم
كيفكن أصدقائي
رح حكيك شي بما انو الاغلب وضعو ما مريح🥲
يا جماعة معكن حق تملو وتطقو وخلص بس بدكو تخلصو
وهي السنة اكره سنة وأصعب سنة
بس والله عادي كلنا مرينا بالفترة وحسينا بالتعب
《فدا العلم يباشا 》🥲
بس بدي قلكن
عنجد السنة الجاي حتكون كتير مبسوط
طعمة النجاح غير ..صدقا صدقا
فرحة اهلك فيك بتجنن
بتجنن يا صاح...🥺

عن فرحة اهلي رح احكيلك
بيوم النتائج كنت بالسوق انا ورفيقتي
قام دقت اختا عليي وقال بعد ساعة النتائج
اجيت مشي ع البيت
جد كنت عم امشي واركض واتدعثر وغصب غصب وصلت
بعد بشوي ونحنا عم نحاول نفتح الرابط (بالفترة اخي عم يرد ع قرايبينا انو ما طلعنا النتيجة لسا 😂)
طلعت النتيجة وكنت متوقعة فوق ال ٢٣٥ هاد طبعا غير توقع نتائج التحضيري😒😂
جبت ورقة وصرت اكتب قدي ناقصني (شعوري قبل النتائج بس بدي علامة فوق ال ٢٣٠ لاضمن حالي ...وما كنت شايفة سلالم التصحيح كلا او بالأحرى ما كنت اتذكر شو حليت )
المهم حسبناها وطلعت النتيجة وشوفو الدموع ...طبعا اتمالكت اعصابي لثانية وبعدا فرطتت😄😂هي دموع الفرح الله يرزقكم ياها 🤍🤲
اهلي كمان نفش الشي كيفو وفرحتنا كانت يومها احلى فرحة 🤩..
اي ومافي ربع ساعة غير عيلتنا يلا واحد ورا واحد اول شي اجت تيتا وبلشت زلاغيط يااااعنجد هالشعور ما بعرف كيف بدي اوصلكم ياه بش اشي كتير حلو

بالاخير بدي قلكن بكامل الصراحة الله بختار الخير والمناسب الك وصدقني المكتوب عليك حيصيبك اللي عليك فقط هو السعي والسعي والسعي
تذكر دائما انو تدعي لحالك وتدعي لرفقاتك كمان بالخير
خلي طموحك عالي وهدفك التوب حتى لو الشي اللي بدك ياه ما بدو معدل عالي
ربك كريم وحيعطيك كتير اذا فوضت امرك اله وتوكلت عليه
بدي ذكركن انو الكل بمر عليه اوقات ضعف واوقات قوة
خليك دائما متفائل وتغلب ع اوقات الضعف لانو مو وقتا
شد حالك وما تقول مستحيل
رتب أولوياتك وما تهمل ولا تضييع وقت بقيل وقال
مالك بغيرك المهم انت 🧐
بالاخير(عنجد هالمرة😝😂) ان شالله كون قدرت فائلكن ايها العظماء 🥰
كل التوفيق يارب .
صديقتكن اسلام
@baklorea24

التوب قصدي الأعلى مش الطب 😂😂❤️

مُكثفة العربِي تضمَن التامَّة شريطَة دراستِها بدقَّة للأُستاذ القدِير جابِر معمرجِي لطلاب ٢٠٢٢ دعواتكن له 💙📖
@baklorea24 🌸

جلسَة امتحانِية تربِيَة إسلامِيَّة للأستاذ محمد محُو تضمن العلامة التامة 💙📖
@baklorea24 🌸

صدرَت الأورَاق الذهبيَّة التي تضمَن العلامَة التامّة في التربية الوطنية منهاج حديث للأستاذ حِكمَت والِي لطلاب ٢٠٢٢ دعواتكن لهُ 💙📑
@baklorea24 🌸

أسعد الله أوقاتكم🤭🥰 ..
ولأنو منحبكم كتيرات ..
وبعرف صعب عليكم الدراسة
مع الصيام 🤗😍
حبيّنا نخفف عنكم🥰🤎 ..
ونسوي فقرة رمضانية
كل يوم منشرح فيها فقرات صعبة
من اختياركم واختيارنا
يعني ع ذوق ال مِس مرح🤭😌 ..
وبأييي مااادةة❤❤

والبداية اليوم نطرونا ح تكون🥰😌 ..
مع فقرة طلبتوها مني بالعلوم 🤭😉 .

{{ دعواتكم ل فريقنا ☆ ..
وموفقيييين 🤗😍😍🌸 }}

+ يا جمااااعةة مكملة معكم باختبارات
العلوم وماني ناسيتكم🤭🤎 ..
وفي مفاجأة اختبارات جديدة ..☆
بشغلة بتحبوها غير العلوم🤭🤎 ..

أسعد الله أوقاتكم 🤗🌸
{{رمضانكم في عائلتناا🤗🌸 ..
فقرة الحُب من قناتنا لكم 🌙✨🪐}}

الآنسة مرح 🌸👑:
خلينا نحكي شوية عن خلايا الدبق ..
المدبقة يلي كتار بيكرهوها🙃👍🏻😂 ..

والخلايا عنا نوعين
في الجهاز العصبي المحيطي ..
وفي الجهاز العصبي المركزي ..

في الجهاز العصبي المحيطي :
عنا شغلتين🌚 ..
خلايا شوان ^_^ والخلايا التابعة { يلي بيقولو عنها ساتلة }🌚انتبه يا ابني ساتلة مو سالتة😏😂 ..

ل نحكي بتفصيل أكتر شوية مثلاً
خلايا شوان :
أين توجد ؟
تذكر بما انها بالجهاز العصبي المحيطي
ف تذكر هالشي قريب ل شي بيخصها🤭
⭐ لأنها تشكل غمد النخاعين حول الألياف العصبية ..
وتساهم في تجددهااا عندما تتعرض للأذى🥺💔🙊 ..

⭐️ أما بالنسبة للخلايا التابعة
{ الساتلة 🌚}
مو كمان بالجهاز المحيطي؟؟
فهي تحيط ب أجسام العصبونات
في العقد العصبية الكبيرة ..

💥 أما وظيفتها :
فهي تقوم بدعم العصبونات وتغذيتها🌚⭐
ح تقلي يا آنسةة اي وين مساعدتك بالموضوع لأحفظها؟
ح قلك قصة صغنونة🌚😂👍🏻 ..

( بما ان اسمها ساتلة ..
وفي طلاب يتمسخرو عليها ويقولو عنها سالتة😂 ف جكارة هيي قررت تحيط ب أجسام العصبونات متخيل يعني أجسام العصبونات { المكان الكبير يعني } لا وفوق هاد يعني أجسام مو أي عصبونات ..
أجسام العصبونات في العقد العصبية الكبيرة 😏 ..
يعني مشان تسوي لحالها هيبة🌚😏 ..
أي وما اكتفت بالموقع ..
هاد يا سيدي الحجر يلي ما بيعجبك بيفجك🌚👍🏻 ..
وظيفتها متخيل وظيفتها صارت دعم العصبونات وتغذيتها كمان🙃😂 ..

هي درس بعنوان :
لا تحكم على قدرات الآخرين بأسمائهم ..
نقطة انتهى .👍🏻 )
{{ يعني منفهم من هالحكي انو الجهاز العصبي المحيطي خلاياه عم تسهم بالمساعدة دايماً }}
✨يعني خلايا شوان
بتشكل غمد النخاعين
حول الألياف العصبية ..
وبتساهم بتجددها عندما تتعرض للأذى ..
أما الخلايا الساتلة ..
وظيفتها دعم العصبونات وتغذيتها🌚🥰 ..
#الآنسة_مرح❤️❤️
...........

⭐️🤭أمّاااا بالنسبة للجهاز العصبي المركزي🙃 ..
فهو يحتوي على 4
أنواع من الخلايا😌😌🌸 ..
وهي خلايا الدبق الصغيرة { اخر العنقود }
خلايا الدبق قليلة الاستطالات { البنت الوسطانية قليلة التماديات😂😂 المظلومة البريئة }
خلايا الدبق النجمية🙃🙃🙃 وهي الأخ التاني بالعيلة يلي مفكر حالو اجا بعد الأول ونجم وحياخد غلاوة الأول🙃🌚😂 ..
والرابعة :
خلايا البطانة العصبية
هاد الأخ ابو بطن كبير😂😂😂😂 ..

⭐️ يلا نعيدن :
/١/ خلايا الدبق الصغيرة
😏المدلل
/٢/ خلايا الدبق قليلة الاستطالات ..
يعني الأخ الوسطاني المظلوم
قليل التماديات😂 ..
/٣/ خلايا النجمية
هاد يلي مفكر حالو آخد بكعة الكل😂🙂
/٤/ خلايا البطانة العصبية
وهو الأخ ابو بطن كبير🙃😂 ..
🤗وهلق منحكي عنهم بالتفصيل🙃 ..


[٢/‏٤ ١٠:٢٢ ص] الآنسة مرح 🌸👑:
راح ساعدك ل تحفظ وظيفة
كل وحدة منهم🙃🌸👍🏻 ..

/1/ خلايا الدبق الصغيرة :
{{ اخر العنقود يلي مدللة يلي بتضل تزحف بالبيت وكل ما بتلاقي شي عالارض بتبلعو🙃😂 ..
بتمنى تكون قربت شوية الفكرة ..لأن الوظيفة :
تقوم ببلعمة الخلايا التالفة والخلايا الغريبة }}
يعني للتأكيد نعيد :
وظيفة خلايا الدبق الصغيرة :
تقوم ببلعمة الخلايا الغريبة والخلايا التالفة🌚🌸 ..

/2/ أما بالنسبة ل خلايا قليلة الاستطالات😂
{{ الاخ الوسطاني المظلوم 🙃 }}
{{ عم احكي عنو هيك لانو يا حرام🌚😂عم يقلد شغلة بيسويها خلية تانية ..
يعني هوي عم يقلد خلايا شوان ويششكل غمد النخاعين لكن حول محاوير الخلايا العصبية في المادة البيضاء ..🤗

نعيد 😉
وظيفة خلايا الدبق قليلة الاستطالات🌚🌸 ..
{ المظلومة🥺 }
🌸تشكل غمد النخاعين حول محاوير الخلايا العصبية في المادة البيضاء ..
( يعني بشرط المادة البيضاء كمان ...فوق ما مشرطين عليها ..بالمحاوير .. للخلايا العصبية🙃 كماااان بالمادة البيضاء فقط 🌚👍🏻
/3/ أما بالنسبةة للخلايا النجمية🌚👍🏻 ...
فهي الها 4 وظائف🙂
مو قلتلك بدها تظهر حالهاااااا ..
وهي الوظائف هي :
/١/ تسهم بتشكيل الحاجز الدماغي الدموي
{ بتعمل حالها عم تحجز بين اخواتها🌚😂 }
/٢/ تعمل على تنظيم التوازن الشاردي حول العصبونات ..
{ يعني بتسوي هيك كرمال بس🌚 تسوي لحالها هيبة انو هي انا يلي شكلت الحاجز الدماغي الدموي وهي انا يلي عم نظم التوازن الشاردي حول العصبونات 🙂😂 ..}
/٣/ تقوم بتغذيتها🌚 ..شو يعني؟
يعني فوق ماعم تنظم التوازن الشاردي حول العصبونات كمان مفضلة عليها وعم تغذيها😂😂😂 ...

/٤/ اعادة امتصاص النواقل العصبية
{{ يعني اللمامة🙂 بتلملم النواقل العصبية عبر امتصاصها 🙃😂 }}

🤗😌 نعيد :
عنا للنجمية 4 وظائف ..
☆الأولى☆ تشكيل حاجز دماغي دموي ..
☆التانية☆ تنظيم التوازن الشاردي
حول العصبونات
☆ تلاتة☆ تغذي العصبونات
☆أربعةة☆ اعاااادة امتصاص النواقل العصبية 🥳 ..

/4/ أمااا خلايا البطانة العصبيية🌚😂
فهي يلي بطنهااا كبير والدنيا رمضان🙃 ..
من اسمها😉 :
/١/ تبطن قناة السيساء وبطينات الدماغ 🤗
/٢/ تغطي سطوح الضفائر المشيمية ..
/٣/ تفرز السائل الدماغي الشوكي 🤗

🤗😇 نعيد 🌚🌸
تبطن / تغطي
ال٢ فيها حرف الطاء ..
خلايا البطانة العصبية
تغطي سطوح الظفائر المشيمية
وتبطن قناة السيساء وبطينات الدماغ ..
وأخيراً تفرز السائل الدماغي الشوكي🥳 ..
{{ وهيك بتكون خلصت فقرتنا ل اليوم }}
#الآنسة_مرح❤️❤️
دعواتكم ل فريقنااا بكلوريات وموفقين ☆ ..

في اليوم العالمي للطبيب ☆..
يكفينا قولاً :
كل عام وأنتم الأمل ❤ ..
وأنتم للأخلاق عنوان 🌸🌸
دكاترة كادرنا وكادر كروبنا وفريقناا ...
ولكل دكاترة العالم دُمتم بكل حُب ❤ ..
{{ وان شاء الله 🌸 ع قبال كل حدا مشتهي يكون طبيب يارب ..
ع قبال كل حدا تعب وعم يتعب
ل يوصل ل حلمه يارب ❤❤❤ }}

#للتأكيد مجدداً ❤❤❤
ل دكتورة قلبي يلي بتداوي قلبي فعلاً
وقت نحكي ❤❤
بوست خاص الها لحالها❤❤😌
بتستاهل كل الحب وكل الشغلات الحلوة❤❤❤💜
@the_se_a ❤❤❤❤💜