‏البارحة ..
غمضت أنا عيوني على وجهك .. سريت
حبست في عروقي دفا صوتك .. سريت
درت الشوارع كلها ..
فـ دنيا أبد .. ما ادلها ..
خليتني أسهر واضيع ..
اخترتني بين الجميع ..
وأسقيتني البسمه ربيع ..
لا ما دريت إنك تحب ..!

‎
#بدر_بن_عبدالمحسن

‏أنا معك .. هذا المهم .. أنا معك
لا صرت أشوفك وأسمعك ..
باكر متى صار الألم .. ليل وبعاد
اتذكرك فوق الدموع .. كثر السهاد
وجهٍ أحبه .. وابتسم ..
هذا المهم !


#بدر_بن_عبدالمحسن

‏احبّك .. ما فرق قلبي
يشوف او ما يشوف اعمى
حبيبك لو تغيب احتاج .. من اللي يمسكه بيده
ولا ادري ضي عيني انت .. والا غيرك الظلما
أظنه ما خلق غيرك .. يشع الصبح من خدّه
عطشت لضحكة تشفي
ورمش لو جرح ادمى
من اللي قد ملك كل هالجمال .. وما غدى عبده

‎
#بدر_بن_عبدالمحسن

‏السهر واجد حبيبي
مر تالي الليل .. او تعال بأوله
وصحّي جفني .. و ادخله
ولا تخاف من العتب
مافي جفني الا الوله
مرني متى تحب
اصعب الحب .. اجمله
انا وحدي والمكان .. مثل تتخيله
شمعتين وطاولة
والزهور الذابلة
وكرسي فوقه صورتك
مثل حظي مايلة

‎
#بدر_بن_عبدالمحسن

‏اول الناس انتي .. وكلهم
وآخر اللي عيوني .. تملهم
لو تحبيني .. هذا يكفيني
اسكني عيني .. ونامي
انتي يا نوري .. وظلامي
يا قمرهم كلّهم
أعدل الناس .. وازينهم خجل ..
واغلى من الناس .. في وقت الزعل
واجمل اللي حصل لي .. وما حصل
لو تحبيني .. هذا يكفيني
يا قمرهم كلّهم

‎
#بدر_بن_عبدالمحسن

‏اخر لقانا في الخريف
تذكري الثوب الخفيف
والبرد .. يوم خفتى عليّ
من البرد .. وامطار الخريف
ومرت سنة يمكن سنين
ويني أنا ووين السنين
قلتي كلام كله كذب
ليه اتصلتي .. عني سألتي
صوتك طيور مهاجرة
مرت في قلبي مسافرة
والحب .. لو طال الغياب اول مداك وآخره ..

‎
#بدر_بن_عبدالمحسن

‏عيونك لا توريها .. لغيري لا توريها ..
عيونك لي .. ولو أقدر ..
عيونك عنك أداريها ..
أنا لو بعت نظراتك.. ابيع العمر واشريها
عيون الليل .. انا بالحيل
أحب أسهر لياليها ..
وأحب أبكي .. وهي تبكي ..
وأفرح للفرح فيها ..


#بدر_بن_عبدالمحسن

‏يالله يا قلبي تعبنا من الوقوف ..
ما بقى بالليل نجمة .. ولا طيوف ..
ذبلت أنوار الشوارع ..
وإنطفى ضيّ الحروف ..
يالله يا قلبي سرينا ..
ضاقت الدنيا علينا ..
القطار وفاتنا ..
والمسافر راح ..

‎
#بدر_بن_عبدالمحسن

‏صديق الليل ..
لو تندم .. على جرحٍ تركته لي ..
لا انسّي قلبك المسكين ..
حبيبٍ جرحك قبلي ..
ولكن سكتك تحتار ..
ابد .. بين الندى والنار ..
والى منه قضى المشوار ..
بدا مشوارك الثاني ..

#بدر_بن_عبدالمحسن

‏عن حبك رحلت ..
ولحبك وصلت ..
وهذي سوالف رحلتي ..
سافرت .. في كل التراب
سافرت .. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه ..
ودعتك وغصب علي خذتك معايه ..

‎
#بدر_بن_عبدالمحسن

قصيدة (( إنتي حلم ))


انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم

#بدر_بن_عبدالمحسن

في كل قصة حب أحلام ومدينة ..

ليل ونخيل وهبوب ..

لكل قصة حب لو كانت حزينه ..

أجمل ألوان الغروب ..

ناظري ضي الحوانيت القديمه ..

ونقش أبواب البيوت ..

كلها شعر ومواعيد قديمه ..

وصوت قلبي اللي يموت وما يموت ..

لكل قصة حب عذال وحسود ..

ليه تخدعنا الأماني والليالي السود سود

إشعلي جمر العناد قربي معاد أشوفك ..

لا يفرقنا السواد ..

ارسمي وجهي بكفوفك ..

ولا تجرحنا عيون الليل وحروف النميمه

ولا يعذبنا السكوت ..

إن عطشنا أو شربنا الدمع ديمه ..

للهوى بنحيا ونموت ..

لكل قصة حب أشواك وورود ..

وليه نصرخ من ألمها وكلها تنبت في عود ..

ناظري هذا قمرنا لو تغطيه الغيوم ..

وناظري هذا شجرنا مهما تحرقه السموم ..

ولو تجرحنا عيون الليل وحروف النميمه ..

ولو يعذبنا السكوت ..

إن عطشنا أو شربنا الدمع ديمه ..

للهوى بنحيا ونموت

#بدر_بن_عبدالمحسن

أوقات ياخذنا الحكي ..

وننسى بالحكي أوقات ..

واوقات .. يا ليت الكلام سكات ..

يجرحنا الحكي ..

اسهر .. مع حبيبي .. يا قمر الكلام ..

لين يغفى حبيبي .. وجروحي تنام ..

ابعد عن حروفي .. وعن المي وخوفي ..

وابحر في سفينه .. عن بحر الظلام ..

وصلنامدينه .. من عطر وغمام

انا وين القى كلام .. ما مر فــ كلام

اوقات .. يا ليت الكلام سكات .. يجرحنا الحكي ..

بغني لعيونك .. في حزني وفرحي

وبكتب عيونك .. قصيده لجرحي

واخلي ابتسامك .. دموعك كلامك

قمر هالسوالف في ليل السكوت ..

ولو الف نجمه في عيني تموت ..

في حزني أحبك .. ويأسي أحبك ..

_________

كلمات : الأمير بدر بن عبد المحسن

وسبق أن غنت الكلمات الفنانة أصالة

#بدر_بن_عبدالمحسن

‌‎تصدقي … ما اخترت أنا أحبك
ما احدٍ يحب اللي يبي
سكنتي جروحي غصب
ياحبي المرّ … العذب
ليت الهوى وانتي … كذب
كان اعتذر لك عن هواي
ما أقول أنا … كوني معاي

♥️
لله درك يالبدر

#بدر_بن_عبدالمحسن

‏كان الكلام مرّه مهمّ .. ذكّرني يالقاسي الزّعول
أنا ليه اشوفك تبتسم.. بموت منّ كثر الفضول

#الأمير_بدر_بن_عبدالمحسن

‏أنا مشتاق.. أنا ميت لقىَ وعناق
تصدق عاد..
خجل وجه اللقا منّا.. وحنّا بعاد

#بدر_بن_عبدالمحسن

‏يقول البدر :

‏تبسمي لايسكن الحزن وجهك
‏عين السماء تمطر علشان ترضين.

#بدر_بن_عبدالمحسن

‏

كأن أحبابنا غابو ..
تنفس وانطفى القنديل
وتبلل بالدمع منديل
وخصلات الشعر شابو

أحبك قد ما أقدر
وأبي توعدني
ماتزعل ولاتحزن ولاتسهر
وأكيد أحبابنا .. غابو

#بدر_بن_عبدالمحسن

وقال في أحد الصباحات الأمير بدر :

( تظنُ أنها وردة بينما هيَ بستان 💛)

#بدر_بن_عبدالمحسن

‏لليل أحبك ما بقى في السما نور
و الى ضواني الليل للصبح أحبك
واللحظه اللي كلها صد وغرور
أشوف قبري بين عينك وقلبك

‎
#بدر_بن_عبدالمحسن