🔴توضـــيح:
الدورة بدات من قبل يعني درنا حصص و حاليًا بقاو 4 حصص و نكملوها
كلّ مافاتكم تجدونه مسجلًا يعني تحضروا معانا وش بقى لايف و واش فاتكم تشوفوه مسجل عادي جدًا 🥰

مجددًا عرض التخفيض صالح ل3 أيام فقط!
(يوم الثلاثاء هو آخر فرصة للتسجيل)

العودة لليوتيوب 🔥🤭

ابتداءً من اليوم إن شاء الله ❤️

كونوا على ترقب 👀

بعد الطلب الكبير عليه من طرف الكثير منكم راني حطيتولكم ❤️
هذا آخر درس في الميكانيك
على الأغلب إذا طاح يطيح كسؤال نظري و لكن درتلكم تطبيق خفيف عليه لعل و عسى يجيكم في الباك 🥰

https://m.youtube.com/watch?v=OkWu4lHvDxk&pp=ygUT2KfZhdmK2LHYqSDYtNmG2YjZgQ%3D%3D

يوم عرفة… 🤍
ليس يومًا عاديًا، بل يوم تُرفع فيه الدعوات، وتُجبر فيه الخواطر، وتُغفر فيه الذنوب
ربما دعوة واحدة صادقة تغيّر كل شيء في حياتك.

لا تؤجلوا أمنياتكم اليوم، ادعوا الله بكل ما في قلوبكم…
فاللهم حقق لنا ما نتمنى، واكتب لنا الخير حيث كان 🤲🏻❤️

اللهم وفّق تلاميذي في البكالوريا، وافتح عليهم فتوح العارفين، اللهم لا تضيع لهم تعبًا، ولا تكسر لهم خاطرًا، و اكتب لهم النجاح والتوفيق🤍

ولا تنسوني من دعائكم في ظهر الغيب 🤍ادعوا لي أن يرزقني الله التوفيق والبركة،
وأن يحقق لي ما أتمنى و أن يعفو عنّي و يرزقني و إياكم دخول الجنة بلا حساب ولا سابق عذاب🤍

🔹 لماذا لا نقول أن الماء بوفرة في تفاعل الأسترة؟
لأنه تُستعمل متفاعلات نقية وخالية من الماء للحصول على أكبر كمية ممكنة من الأستر. أي أن الماء هنا ناتج جديد للتفاعل. وجود الماء بكمية كبيرة يُنقص مردود الأسترة، إذ يُزيح التوازن نحو تشكل الحمض والكحول (الإماهة)

🔹 لماذا لا يتغير ثابت التوازن K بالتسخين؟
لأن تفاعل الأسترة لا حراري، أي لا يمتص و لا ينشر الحرارة، أي الحرارة لا تؤثر على المردود ولا على K، بل تسرّع التفاعل فقط.

🔥 فوائد التسخين بالإرتداد:
✔️ تسريع التفاعل
✔️ الحفاظ على درجة حرارة مرتفعة للوسط التفاعلي
✔️ منع ضياع كمية مادة المتفاعلات بالتبخر

📌 دور المبرد: تكثيف الأبخرة وإرجاعها للوسط التفاعلي

🔹 حجر الخفان:
يُنظم الغليان ويحمي الزجاجيات من الانكسار، ويمكن تعويضه بكريات زجاجية.

🔹 حمض الكبريت:
يستعمل بكمية قليلة لتسريع تفاعل الأسترة.

🔹 الماء المالح:
يساعد في عملية فصر الأستر بحيث يسحب الحمض والكحول المتبقيين نحو الأسفل بينما يبقى الأستر في الأعلى (في شكل طبقة زيتية تطفو)

🔥 أخيرًااااااااااا! 🔥
إذا كنت حاب تراجع برنامج العلوم الفيزيائية كامل وما تعرفش منين تبدا، فهذا الفيديو ليك! 😍

فيديو شامل في 12 ساعة يجمع بين:
✅شرح لجميع الدروس
+++ ✅أفكار البكالوريات السابقة

يعني بدل ما تشوف شرح الدروس وحده ثم تبحث على أفكار البكالوريا وحدها، جمعتهما كامل في مكان واحد😌
عصفورين بحجر واحد

ادعولي معكم في ظهر الغيب و إذا تعرف تلميذ محتاج مراجعة شاملة، ابعثله الفيديو لعلّه يكون سببًا في نجاحه❤️



https://m.youtube.com/watch?v=-KQz2ssaQd8&t=32s

أعييييد و أكرر اللي راهم يقولوا 12ساعة بزاف
واش راكم شوية 😂 حابين نكمل بروغرام عام كامل في 10د؟ 😂 هاااا ربي يهديكم

و ثااااانيا: الفيديو مافيهاش شرح للدروس فقط بل أيضا أفكار الوحدات اللي طاحوا من قبل في الباك تقريبا بمعدل 20سؤال لكل وحدة يعني كي شغل حليت تمارين بأفكار متنوعة ✅

و ضرك تستعرفوا ولا لالا 🙂‍↔️😌


ملاحظة: مانحتاجش لا جام لا والو مجرد دعوة خير في ظهر الغيب تعني لي الكثيييييير ❤️

شووووفوا واش زدتكم 😌❤️


من حصيلة البكالوريات السابقة: أهم أفكار الوحدة 04⚗️+ النووي☢️| بكالوريا 2026
https://youtu.be/Wv6rHOZxyPk

بالنسبة للّي سقساوني على لايف مراجعة ليلة الرعد ..

علابالي راكم مع الستراس و تحبوا واحد يعاونكم و هذا طبيعي
و كيما ثاني علابالي موالفة ندير معاكم لايف قبل كل اختبار
و لكنننن
فرق بين الاختبار الفصلي و بين امتحان تجوز فيه كلّ ما في البرنامج

أنا شخصيًا ما نحبش ندير مراجعة شاملة للبرنامج كامل ليلة قبل الامتحان
علاه؟
لأن هاذ الوقت بالذات هو أثمن وقت عند التلميذ و يليق يستغله و يريح مع روحه و يراجع وحده

كل واحد يحتاج يركز على نقاط ضعفه هو، ماشي على مراجعة عامة للجميع

مراجعة البرنامج كامل في ساعات قليلة ما راحش تعطي النتيجة اللي راكم تتصوروها

أحسن حاجة يليق تديروها اليوم هي كيما قلتلكم قبل : ✅ مراجعة الأفكار المهمة ✅ مراجعة القوانين الأساسية ✅ التركيز على النقائص الشخصية
و ربي يوفقكم كامل ❤️

💡كتاب شامل لأفكار الوحدات

تلقاو فيه أغلب أهم أفكار الوحدات في برنامج العلوم الفيزيائية، تقدروا تراجعوا منه لعلّ يفيدكم ❤️