قصتي مع الباك ليير : كفاش درت مع الحفاظة ؟ 🤯
كفاش حفظت مقرر الاجتماعيات كامل ؟ وجبت فيها18.5 وانا مرتااااح ؟
"ما لم تبدأه اليوم، لن يكتمل غذا"
صباح الخير معشر المتفوقين
مساج خفيف ظريف اليوم انصيفطو لك بكري
حاليا 06:45 وانا دابا فالبيرو ديال الخدمة غادي نبدا واحد ساعتين من التركيز العالي
كنصحك حتى انت دخل معانا للتحدي 15 يوم
كل نهار تفيق مع الفجر تصلي صلاة الصبح فالوقت ديالها وتخدم من موراها ساعتين على الهدف ديالك
واللي فهاد الحالة غادي ايكون الجهوي/الوطني
فين خليناها فالمساج ديال البارح ؟
...اهمممم
خليناها فانني كنت كنحس بوحدي فداك الوقت، مقاتل مع الماكلة راسي، الحوايج اللي خاص اتصبنو، الماعن اللي خاص اتغسلو، التقدية ديال الدار
وزيد على هادشي كامل الخدمة ديالي كصانع محتوى، يعني كنحط فيديو كل نهار من الفكرة، الكتابة، تحضير الاضاءة، التصوير، المونتاج، عاد النشر ديالو، من غير الاجابة على التعاليق والمساجات ديال الناس اللي كسولوني
وفوسط هادشي كااامل اللي هضرت عليه، كنت ضروري كنخرج على الاقل 9 ساعات فالنهار ديالي، بعد المرات كنت كنوصل ل 12 ساعة
تسع ساعات ديال التركيز فداكشي اللي كنخدم، وفهاد الوقت الصباح العام اللي فات بديت الحفاظة ديال التاريخ والجغرافيا، كل صباح كنبدا نتفرج فالدرس فاليوتوب ومن موراها كنصاوب ملخص ديالو كاتبو ب ايدي وكنبدا الحفاظة تقريبا مع ديك 7:30 ومع 9:00 كنكون ساليتو،
من موراها كندوز لمدخل من المداخل ديال التربية الاسلامية كنراجعو ولا كنحفظ واحد جديد ف3 الساعات اللي من بعد
وكتبقى لي آخر حصة من مورا الغدا هي اللي كنخدم فيها شي وطني ديال الرياضيات ولا الفيزياء والكيمياء، وكندير ليه التصحيح وكنشوف الاخطاء اللي درت وكنسجلهم باش منطيحش فيهم عاوتاني
غير كنسالي، كنصور الفيديو، وكنتكى فبلاصتي وانا مرتااح،
واحد الروتين رهييييب بزااااف، فديك الوقت كنت كنلوح صطوري وحدة فالصباح فالانستغرام فقط
وفمدة ديال 16 يوم ساليت شي حاجة سميتها التاريخ والجغرافيا وبديت كنخدم الامتحانات ديالها ومرة مرة كندير المراجعة لداكشي باش ميتنساش ليا
كل درس حافظو بشي بلاصة فالدار، مثلا الدرس ديال الاتحاد الاوربي حافظو بالصالون، درس ديال الصين حافظو بالبيت فين كنعس، درس العالم العربي : مشكل التصحر كنت حفظتو بالكوزينة …
وفينما كنت كنمشي لشي بلاصة فهاد البلايص كنت كتجيني ساهل نراجع ونعرف اشنو اللي كتنسى باش نتبتو
معمرني كنت كنتخيل انني شي نهار غادي نحفظ 16 درس كاملة ديال الاجتماعيات وانت فعمري 28 سنة
تيق بيا، أكثر حاجة تقدر تخرج بيها على راسك هي تقول : أنا مكلخ، أنا عقلي مكدخلش ليه القراية، انا مكنقدرش نحفظ، انا كتجيني الحفاظة صعيبة
كلشي واي واحد اقدر احفظ مقرر كامل، غير الطريقة هي اللي كتلعب دور كبيييير
الا كنت كتحفظ بالطريقة التقليدية المملة (اللي اصلا العقل ديالنا ماموافقاش معاه) اكيد النتيجة غادي تكون هي الفشل في الحفظ وداكشي دغيا يتنسى
خاص طريقة موافقة لكفاش كخدم العقل ديالنا
هو مكبغيش تبقى تقرا ليه فسطر وتعاودو
هو كبغي تعاود ليه قصة ودخل فيها الماكس ديال الشخصيات والاحاسيس والذوق والشم والالوان وووو
مثلا انا فالدرس ديال التحولات، الجزء ديال التحولات الفلاحية كنت كنتخيل واحد الفلاح كنعرفو مزيان جالس انا وياه او هو تعاود ليا على اشنو طرا او اشنو تبدل، التحولات الصناعية كنت كنتخيل مدير العمليات فالشركة الاخيرة اللي خدمت فيها (صناعة الطائرات) وانا وياه كنضورو فالمعمل او هو كشرح ليا اشنو تبدل، التحولات الفكرية والتيار الاشتراكي كنتخيل راسي جالس مع ماركس او هو كشرح لي اشنو الفكرة ديالو ….
هانتا لاحظ معايا بلي دازت عام ومازال عاقل على هاد التفاصيل كاملة ومنسيتهاش
هنا العقل كعجبو الحال وكبدا كصحابليه بلي انت غير كتلعب معاه ولكن فنفس الوقت راك كدخل ليه بزااااف ديال المعلومات
هادشي راه والو من بزاااااف ديال التقنيات اللي استعملت العام اللي فات باش كنت اي حاجة كنديرها فالمراجعة كردها فيها المتعة والضحك وكلشي
اي نتيجة كحققها شي واحد وكتبان للناس راه صعيبة، هاداك الشخص خلص عليها بزاااف ديال الحاجات باش وصل ليها (الوقت، المجهود، البحث، الصبر …)
غادي نعاود نأكد عليها، العام اللي فات مكنتش باغي (غير نجح فالباك)، العام اللي فات بغيت نعرف أقصى حدود ديال العقل ديالي وفين اقدر اوصل، داكشي علاش ضحيت ب 3 اشهر ديال العمل والخدمة كاملة، وكنت واثق من راسي بزاف ومن الله سبحانه وتعالى بلي غادي تكون النتيجة واعرة
مازاااال كين مايتعاود… انا جايك غير بشويا بشويا نعاود ليك على كل مادة فالجهوي والوطني وكدرت ليها وكدوزتها …
عجبك هاد النوع ديال الرسائل؟ تبغي نبقى نصيفط ليك بحال هكا كل نهار حتى دوز الامتحان ؟
عافاك ! جاوبني على هاد المساج ! باش نعرف واش نخصص الوقت كل نهار نكتب ليك
كفاش حفظت مقرر الاجتماعيات كامل ؟ وجبت فيها
"ما لم تبدأه اليوم، لن يكتمل غذا"
صباح الخير معشر المتفوقين
مساج خفيف ظريف اليوم انصيفطو لك بكري
حاليا 06:45 وانا دابا فالبيرو ديال الخدمة غادي نبدا واحد ساعتين من التركيز العالي
كنصحك حتى انت دخل معانا للتحدي 15 يوم
كل نهار تفيق مع الفجر تصلي صلاة الصبح فالوقت ديالها وتخدم من موراها ساعتين على الهدف ديالك
واللي فهاد الحالة غادي ايكون الجهوي/الوطني
فين خليناها فالمساج ديال البارح ؟
...اهمممم
خليناها فانني كنت كنحس بوحدي فداك الوقت، مقاتل مع الماكلة راسي، الحوايج اللي خاص اتصبنو، الماعن اللي خاص اتغسلو، التقدية ديال الدار
وزيد على هادشي كامل الخدمة ديالي كصانع محتوى، يعني كنحط فيديو كل نهار من الفكرة، الكتابة، تحضير الاضاءة، التصوير، المونتاج، عاد النشر ديالو، من غير الاجابة على التعاليق والمساجات ديال الناس اللي كسولوني
وفوسط هادشي كااامل اللي هضرت عليه، كنت ضروري كنخرج على الاقل 9 ساعات فالنهار ديالي، بعد المرات كنت كنوصل ل 12 ساعة
تسع ساعات ديال التركيز فداكشي اللي كنخدم، وفهاد الوقت الصباح العام اللي فات بديت الحفاظة ديال التاريخ والجغرافيا، كل صباح كنبدا نتفرج فالدرس فاليوتوب ومن موراها كنصاوب ملخص ديالو كاتبو ب ايدي وكنبدا الحفاظة تقريبا مع ديك 7:30 ومع 9:00 كنكون ساليتو،
من موراها كندوز لمدخل من المداخل ديال التربية الاسلامية كنراجعو ولا كنحفظ واحد جديد ف3 الساعات اللي من بعد
وكتبقى لي آخر حصة من مورا الغدا هي اللي كنخدم فيها شي وطني ديال الرياضيات ولا الفيزياء والكيمياء، وكندير ليه التصحيح وكنشوف الاخطاء اللي درت وكنسجلهم باش منطيحش فيهم عاوتاني
غير كنسالي، كنصور الفيديو، وكنتكى فبلاصتي وانا مرتااح،
واحد الروتين رهييييب بزااااف، فديك الوقت كنت كنلوح صطوري وحدة فالصباح فالانستغرام فقط
وفمدة ديال 16 يوم ساليت شي حاجة سميتها التاريخ والجغرافيا وبديت كنخدم الامتحانات ديالها ومرة مرة كندير المراجعة لداكشي باش ميتنساش ليا
كل درس حافظو بشي بلاصة فالدار، مثلا الدرس ديال الاتحاد الاوربي حافظو بالصالون، درس ديال الصين حافظو بالبيت فين كنعس، درس العالم العربي : مشكل التصحر كنت حفظتو بالكوزينة …
وفينما كنت كنمشي لشي بلاصة فهاد البلايص كنت كتجيني ساهل نراجع ونعرف اشنو اللي كتنسى باش نتبتو
معمرني كنت كنتخيل انني شي نهار غادي نحفظ 16 درس كاملة ديال الاجتماعيات وانت فعمري 28 سنة
تيق بيا، أكثر حاجة تقدر تخرج بيها على راسك هي تقول : أنا مكلخ، أنا عقلي مكدخلش ليه القراية، انا مكنقدرش نحفظ، انا كتجيني الحفاظة صعيبة
كلشي واي واحد اقدر احفظ مقرر كامل، غير الطريقة هي اللي كتلعب دور كبيييير
الا كنت كتحفظ بالطريقة التقليدية المملة (اللي اصلا العقل ديالنا ماموافقاش معاه) اكيد النتيجة غادي تكون هي الفشل في الحفظ وداكشي دغيا يتنسى
خاص طريقة موافقة لكفاش كخدم العقل ديالنا
هو مكبغيش تبقى تقرا ليه فسطر وتعاودو
هو كبغي تعاود ليه قصة ودخل فيها الماكس ديال الشخصيات والاحاسيس والذوق والشم والالوان وووو
مثلا انا فالدرس ديال التحولات، الجزء ديال التحولات الفلاحية كنت كنتخيل واحد الفلاح كنعرفو مزيان جالس انا وياه او هو تعاود ليا على اشنو طرا او اشنو تبدل، التحولات الصناعية كنت كنتخيل مدير العمليات فالشركة الاخيرة اللي خدمت فيها (صناعة الطائرات) وانا وياه كنضورو فالمعمل او هو كشرح ليا اشنو تبدل، التحولات الفكرية والتيار الاشتراكي كنتخيل راسي جالس مع ماركس او هو كشرح لي اشنو الفكرة ديالو ….
هانتا لاحظ معايا بلي دازت عام ومازال عاقل على هاد التفاصيل كاملة ومنسيتهاش
هنا العقل كعجبو الحال وكبدا كصحابليه بلي انت غير كتلعب معاه ولكن فنفس الوقت راك كدخل ليه بزااااف ديال المعلومات
هادشي راه والو من بزاااااف ديال التقنيات اللي استعملت العام اللي فات باش كنت اي حاجة كنديرها فالمراجعة كردها فيها المتعة والضحك وكلشي
اي نتيجة كحققها شي واحد وكتبان للناس راه صعيبة، هاداك الشخص خلص عليها بزاااف ديال الحاجات باش وصل ليها (الوقت، المجهود، البحث، الصبر …)
غادي نعاود نأكد عليها، العام اللي فات مكنتش باغي (غير نجح فالباك)، العام اللي فات بغيت نعرف أقصى حدود ديال العقل ديالي وفين اقدر اوصل، داكشي علاش ضحيت ب 3 اشهر ديال العمل والخدمة كاملة، وكنت واثق من راسي بزاف ومن الله سبحانه وتعالى بلي غادي تكون النتيجة واعرة
مازاااال كين مايتعاود… انا جايك غير بشويا بشويا نعاود ليك على كل مادة فالجهوي والوطني وكدرت ليها وكدوزتها …
عجبك هاد النوع ديال الرسائل؟ تبغي نبقى نصيفط ليك بحال هكا كل نهار حتى دوز الامتحان ؟
عافاك ! جاوبني على هاد المساج ! باش نعرف واش نخصص الوقت كل نهار نكتب ليك
Please open Telegram to view this post
VIEW IN TELEGRAM
(هاد المساج خدا ليا 40 دقيقة باش نكتبو ليك)
...يتبع
______________________________________________
مجموعة ديال التلاميذ متاحاش ليهم الفرصة ادخلو لأكاديمية النخبة فشهر 4، الا كنت انت واحد منهم راني رجعت العرض لابغيتس تسجل ولكن المقاعدت محدودة وغير لمدة 4 ايام
الا كنت يالله اتبدا المراجعة ولا ديجا بديتي وكتحس براسك تالف ومعارفش اشنو ادير فهاد الشهر اللي بقى فراه عندك الفرصة باش تسجل فالاكاديمية وغادي تكون هي الاخيرة هاد السنة ان شاء الله
: التفاصيل كاملة ديال الاكاديمية واشنو غادي تستافد منها وطريقة الخدمة كينين فهاد الرابط
https://www.youssefelbadaoui.com/elite-academy-2023
ملاحظة : بقى عدد قليل ديال المقاعد
: الا عندك اي تساؤل بخصوص الاكاديمية ممكن تخليه ليا هنا فالواتساب
+212610146608
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
...يتبع
______________________________________________
مجموعة ديال التلاميذ متاحاش ليهم الفرصة ادخلو لأكاديمية النخبة فشهر 4، الا كنت انت واحد منهم راني رجعت العرض لابغيتس تسجل ولكن المقاعدت محدودة وغير لمدة 4 ايام
الا كنت يالله اتبدا المراجعة ولا ديجا بديتي وكتحس براسك تالف ومعارفش اشنو ادير فهاد الشهر اللي بقى فراه عندك الفرصة باش تسجل فالاكاديمية وغادي تكون هي الاخيرة هاد السنة ان شاء الله
: التفاصيل كاملة ديال الاكاديمية واشنو غادي تستافد منها وطريقة الخدمة كينين فهاد الرابط
https://www.youssefelbadaoui.com/elite-academy-2023
ملاحظة : بقى عدد قليل ديال المقاعد
: الا عندك اي تساؤل بخصوص الاكاديمية ممكن تخليه ليا هنا فالواتساب
+212610146608
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
قصتي مع الباك ليبر : SVT
المعاناة مع هاد المادة 😥
خصوصا فاش كتكون مولف غير الماط والفيزيك
"ما لم تبدأه اليوم، لن يكتمل غذا"
صباح الخير معشر المتفوقين
كنتمنى امورك تكون بيخير
باما انه عجبك الايميل ديال البارح وطلبت انني نبقى نصيفط بحالهم كل نهار
فانا غادي نحاول ناخد من وقت ونكتب ليك شي حاجة اللي تعاونك كل نهار ظباش تحرك تخدو وتزيد القدام
فالعام اللي فات، كينين بزاف ديال المواد اللي لقيت معاهم مشاكل ومابين هاد المواد هي مادة العلوم الحياة والارض
اول حاجة كنشد الدرس كنتفرج فيه فاليوتوب مع شي أستاذ، مركز بزاااف وحدايا ستيلو وورقة كنصاوب الملخص ديالي، المشكل الي لقيت فاللول هو شي حاجات مغاديش نحتاجهم وجلست كنحمق راسي معاهم باش نفهم بزاااف التفاصيل ديالهم، وفالاخير مكنفهمش
ساليت الدرس، كنلقى راسي فهمت شويا، غير كيدوز شويا دالوقت كيجيوني اسئلة أخرين، مكنعرفش كفاش نفهمهم
عاودت الدرس للمرة الثانية، عاوتاني المرة اللولة حسيت براسي فهمت، شويا كنلقى راسي مافاهم والو، هادشي راه مازال مابديت كنخدم التمارين
ومع داك التعاويذ وبقيت كنشوف الملخصات والفيدويات والشرح ديالهم وأخييييرا بدا كيبان ليا شويا ديال الضو وعرفت داك المحور اللول علاش ضاير واشنو الحاجات الاساسية اللي خاصني نكون كنعرف فيه بلا منحمق راسي
ونفس الحاجة طرات ليا فالمحور الاخير ديال الجيولوجيا ولكن الحاجة الللي عاوناتني هي خدمت الامتحانات السابقة فيها وبشويا بشويا وليت كنفهم بزاف د الحاجات فيها وتعلمت حتى التعبيير فالاجابات ديالي
بالنسبة لمحور ديال النفايات والمواد العضوية وغير الهضوية دغيا دوزتى وفهمتو صراحة مكانوش مشاكل بزاااف وخدمت فيه امتحانات كنلقى راسي كنسلك
وبقات آخر حاجة هي الوراثة، من عند الله لقيت راسي مازال فاهم بزاف دالحاجات مركزتش عليها بزااف، خدمت فيها تمارين قليلة حينت لقيت راسي اجابات كيكونو ديما صحاح فالقوانين الاحصائية
بخلاصة تخيل معايا كون قلت مع راسي بلي هادشي صعيب وعمرني غادي نفهمو فاش تبلوكيت فالمحور الاول ؟ تخيل معايا كون حبست ؟ مكنتش انكما هاد المادة ونفهمها، كنت انفق الثقة فراسي، كان ايصحابلي بلي انا مكلخ فعلوم الحياة والارض، كنت انقول بلي معمرني انفهم هاد المادة
ولكن عاودت و عاودت وعاودت قريت بزاف د المرات المحور الاول وتفرج ف بزاااف د الفيديوات حتى فهمت شويا وملي عاودت بزاف د المرات وخدمت تمارين دخل ليا لراسي داكشي
معظم التلاميذ كيبغي ملي يبدا الدرس القى راسو فاهمو قبل مايقراه، كيحبس راسو فاول جزء فيه مكفهموش، الا كنت عندك هاد العقلية ماغاديش تمشي بعيد، صغر راسك وحاول تفهم وعاود، الله اجعلك تعاودو 5 المرات بحال كيف درت انا (5 المرات وانا كنكتبو) واكن فالاخير كتكون فهمتيه ودزت اللي من موراه
الحمد لله، بتوفيق من الله دوزت الامتحان ديال علوم الحياة والارض وجاوبت على الاسئلة كاملين وكان من أحسن الامتحانات اللي دوزت وقدرت على انني نجيب فيه 17.5 اللي بالنسبة ليا راه بزااف بالمقارنة بالتركيز اللي عطيت لهاد المادة وكفاش خلعاتني فالاول
ملاحظة : مكنتش حافظ بزاااف ديال المفاهيم ولكن كنت فاهم كل حاجة منين جاية واشنو اللاصق فيها
فالقوانين الاحصائية تحطات حالة اللي نادرا فاش كتحط وقدرت غير بالمنطق ديالي نجاوب عليها وخا معمرني خدمتها
هادشي هي قصتي مع آخر امتحان وطني دوزتى العام اللي فات ومن موراها واحد النعسة يا سلااااااام
فاش كدوز الجهوي 5 مواد والوطني موراها بسيمانة 5 مواد ورااااضي بزاااف على كفاش دوزتيهم راه واحد احساس بالانجاز خيالي بزااااف كنتمناه ليك انت اللي تابعك هاد العام الجهوي ولا الوطني ان شاء الله
فاش تبغي تحبس تفكر غير هاد الاحساس من مورا الامتحانات، فاش تبغي تحبس تفكر الورقة د الامتحان تحطات ساهلة وجميع الاسئلة عرفتي شنو اتكتب فيهم وانت فرحان كيفما دوزت انا
...يتبع
(هاد الايميل خدا ليا 30 دقيقة ديال الكتابة)
________________________________
مجموعة ديال التلاميذ متاحاش ليهم الفرصة ادخلو لأكاديمية النخبة فشهر 4، الا كنت انت واحد منهم راني رجعت العرض لابغيتس تسجل ولكن المقاعد محدودة وغير لمدة 4 ايام
الا كنت يالله اتبدا المراجعة ولا ديجا بديتي وكتحس براسك تالف ومعارفش اشنو ادير فهاد الشهر اللي بقى فراه عندك الفرصة باش تسجل فالاكاديمية وغادي تكون هي الاخيرة هاد السنة ان شاء الله
: التفاصيل كاملة ديال الاكاديمية واشنو غادي تستافد منها وطريقة الخدمة كينين فهاد الرابط
https://www.youssefelbadaoui.com/elite-academy-2023
ملاحظة : بقى عدد قليل ديال المقاعد
: الا عندك اي تساؤل بخصوص الاكاديمية ممكن تخليه ليا هنا فالواتساب
+212610146608
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
المعاناة مع هاد المادة 😥
خصوصا فاش كتكون مولف غير الماط والفيزيك
"ما لم تبدأه اليوم، لن يكتمل غذا"
صباح الخير معشر المتفوقين
كنتمنى امورك تكون بيخير
باما انه عجبك الايميل ديال البارح وطلبت انني نبقى نصيفط بحالهم كل نهار
فانا غادي نحاول ناخد من وقت ونكتب ليك شي حاجة اللي تعاونك كل نهار ظباش تحرك تخدو وتزيد القدام
فالعام اللي فات، كينين بزاف ديال المواد اللي لقيت معاهم مشاكل ومابين هاد المواد هي مادة العلوم الحياة والارض
اول حاجة كنشد الدرس كنتفرج فيه فاليوتوب مع شي أستاذ، مركز بزاااف وحدايا ستيلو وورقة كنصاوب الملخص ديالي، المشكل الي لقيت فاللول هو شي حاجات مغاديش نحتاجهم وجلست كنحمق راسي معاهم باش نفهم بزاااف التفاصيل ديالهم، وفالاخير مكنفهمش
ساليت الدرس، كنلقى راسي فهمت شويا، غير كيدوز شويا دالوقت كيجيوني اسئلة أخرين، مكنعرفش كفاش نفهمهم
عاودت الدرس للمرة الثانية، عاوتاني المرة اللولة حسيت براسي فهمت، شويا كنلقى راسي مافاهم والو، هادشي راه مازال مابديت كنخدم التمارين
ومع داك التعاويذ وبقيت كنشوف الملخصات والفيدويات والشرح ديالهم وأخييييرا بدا كيبان ليا شويا ديال الضو وعرفت داك المحور اللول علاش ضاير واشنو الحاجات الاساسية اللي خاصني نكون كنعرف فيه بلا منحمق راسي
ونفس الحاجة طرات ليا فالمحور الاخير ديال الجيولوجيا ولكن الحاجة الللي عاوناتني هي خدمت الامتحانات السابقة فيها وبشويا بشويا وليت كنفهم بزاف د الحاجات فيها وتعلمت حتى التعبيير فالاجابات ديالي
بالنسبة لمحور ديال النفايات والمواد العضوية وغير الهضوية دغيا دوزتى وفهمتو صراحة مكانوش مشاكل بزاااف وخدمت فيه امتحانات كنلقى راسي كنسلك
وبقات آخر حاجة هي الوراثة، من عند الله لقيت راسي مازال فاهم بزاف دالحاجات مركزتش عليها بزااف، خدمت فيها تمارين قليلة حينت لقيت راسي اجابات كيكونو ديما صحاح فالقوانين الاحصائية
بخلاصة تخيل معايا كون قلت مع راسي بلي هادشي صعيب وعمرني غادي نفهمو فاش تبلوكيت فالمحور الاول ؟ تخيل معايا كون حبست ؟ مكنتش انكما هاد المادة ونفهمها، كنت انفق الثقة فراسي، كان ايصحابلي بلي انا مكلخ فعلوم الحياة والارض، كنت انقول بلي معمرني انفهم هاد المادة
ولكن عاودت و عاودت وعاودت قريت بزاف د المرات المحور الاول وتفرج ف بزاااف د الفيديوات حتى فهمت شويا وملي عاودت بزاف د المرات وخدمت تمارين دخل ليا لراسي داكشي
معظم التلاميذ كيبغي ملي يبدا الدرس القى راسو فاهمو قبل مايقراه، كيحبس راسو فاول جزء فيه مكفهموش، الا كنت عندك هاد العقلية ماغاديش تمشي بعيد، صغر راسك وحاول تفهم وعاود، الله اجعلك تعاودو 5 المرات بحال كيف درت انا (5 المرات وانا كنكتبو) واكن فالاخير كتكون فهمتيه ودزت اللي من موراه
الحمد لله، بتوفيق من الله دوزت الامتحان ديال علوم الحياة والارض وجاوبت على الاسئلة كاملين وكان من أحسن الامتحانات اللي دوزت وقدرت على انني نجيب فيه 17.5 اللي بالنسبة ليا راه بزااف بالمقارنة بالتركيز اللي عطيت لهاد المادة وكفاش خلعاتني فالاول
ملاحظة : مكنتش حافظ بزاااف ديال المفاهيم ولكن كنت فاهم كل حاجة منين جاية واشنو اللاصق فيها
فالقوانين الاحصائية تحطات حالة اللي نادرا فاش كتحط وقدرت غير بالمنطق ديالي نجاوب عليها وخا معمرني خدمتها
هادشي هي قصتي مع آخر امتحان وطني دوزتى العام اللي فات ومن موراها واحد النعسة يا سلااااااام
فاش كدوز الجهوي 5 مواد والوطني موراها بسيمانة 5 مواد ورااااضي بزاااف على كفاش دوزتيهم راه واحد احساس بالانجاز خيالي بزااااف كنتمناه ليك انت اللي تابعك هاد العام الجهوي ولا الوطني ان شاء الله
فاش تبغي تحبس تفكر غير هاد الاحساس من مورا الامتحانات، فاش تبغي تحبس تفكر الورقة د الامتحان تحطات ساهلة وجميع الاسئلة عرفتي شنو اتكتب فيهم وانت فرحان كيفما دوزت انا
...يتبع
(هاد الايميل خدا ليا 30 دقيقة ديال الكتابة)
________________________________
مجموعة ديال التلاميذ متاحاش ليهم الفرصة ادخلو لأكاديمية النخبة فشهر 4، الا كنت انت واحد منهم راني رجعت العرض لابغيتس تسجل ولكن المقاعد محدودة وغير لمدة 4 ايام
الا كنت يالله اتبدا المراجعة ولا ديجا بديتي وكتحس براسك تالف ومعارفش اشنو ادير فهاد الشهر اللي بقى فراه عندك الفرصة باش تسجل فالاكاديمية وغادي تكون هي الاخيرة هاد السنة ان شاء الله
: التفاصيل كاملة ديال الاكاديمية واشنو غادي تستافد منها وطريقة الخدمة كينين فهاد الرابط
https://www.youssefelbadaoui.com/elite-academy-2023
ملاحظة : بقى عدد قليل ديال المقاعد
: الا عندك اي تساؤل بخصوص الاكاديمية ممكن تخليه ليا هنا فالواتساب
+212610146608
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
من مورا شهر غادي تكون …
بديتي كدوز اول امتحان وطني ديالك
وكنتمنى انه ايدوز مزيان ان شاء الله
"ما لم تبدأه اليوم، لن يكتمل غذا"
صباح الخير معشر المتفوقين
كنتمنى ليك نهاية اسبوع مليئة بالمراجعة وبالتقدم ان شاء الله في التحضير للامتحانات
شهر بالضبط
نعم 30 يوم تفصلنا على اول الامتحانات الوطنية
امتحان الفيزياء والكيمياء بالنسبة لشعب العلوم التجريبية والرياضية
انبقى ديما نفكرك شحال بقى، ولكن الهدف ماشي هو نخلعك ولكن باش نموتيفيك
انا العام اللي فات، شحال وانا كنتسنى فديك اللحظة امتى غادي ندوز دوك الامتحانات، كنت مشوق بزااااف واخا مازال مكملت البرنامج ديال المراجعة، ولكن كنت كنقول مع راسي، بغيت غير نعرف اشنو غادي اتحط هاد العام، بغيت غير امتى يوصل نهار الامتحان، بغيت ابداو اتفرقو الامتحانات ونشد الورقة ونبدا نقرا الاسئلة ونبدا نتقاتل ياش نجاوب على اكثر عدد من الاسئلة،
العكس ديال بزاااف ديال التلاميذ والمترشحين اللي كضغطو على راسهم ومكرهوش انه داك النهار ميوصلش وانه طرا شي حاجة واتئجلو الامتحانات وميدوزش حينت فالغالبية متايقش فراسو
كلشي على العقلية اللي عندك وكفاش كتواجه داك الامتحان، خاص واحد العقلية من حديد وهاد الحاجة خدمت عليها بزااااااف العام اللي فات (مكانتش عندي قبل، كنت تلميذ متوسط) عقلية الناجح المتفوق اللي كيجيب 18 و 19 اللي مكتخلعش اللي كيقولك هارا ليا اي نهاية، ها را ليا اي مشتقة ها را ليا اي امتحان انا نتقاتل معاه تانجاوب عليه، مامعولش على الامتحان ايكون ساهل ولكن معول على انه غادي اجاوب كيفما تحط الامتحان
الا كان الهدف ديالك نيت انك تجيب الباك بنقطة مزيانة وبميزة ممتازة فراه هاد الشهر خاص ايكون ديال الاعتكاف، خاص واحد الروتين، خاص واحد الوقت مخصص كل نهار للمراجعة مكتنازلش عليه
تقدر ساعة ديال المراجعة تبدل بزاااف فالنقطة اللي غادي تجيب، متحتقرش هاد الوقت اللي بقى
كمل ومتحبسش والله حتى مازال عندك الوقت الا ستغليتيه مزياااان وعضيتي فيه بسنانك ومطلقتيش
نجيك الصراحة؟
والله مكرهت نعاود ندوز هاد العام الباك
نمشي نكتاشف عاوتاني الحدود ديالي
نمشي نعيش دوك الاجواء ديال الامتحان
نمشي نحط راسي فواحد الموضع ديال نخرج الماكس ديالو
غير بقوة مكنهضر على الباك وكنتفكر الرحلة ديالي العام اللي فات اللي غادي نعاود نقوليك بلي دازات من احسن التجارب الواعرة فحياتي اللي معمرني غادي ندم عليها
بغيتك حتى انت تكون بحالي والعام الجاي تكون من الناس اللي عاودو على التجربة ديالهم فالباك وكفاش قدرو على انهم اخليوها من احسن التحارب فحياتهم
اليوم مهضرتش على شي مادة ولكن كنواعدك غدا انهضر على شي مادة فالجهوي ولا الوطني وكفاش قدرت نتعامل معاها
شكرا بزاااف على الرأي ديالك والتجاوب ديالك مع الرسائل اللي صيفط قبل
... يتبع …
______________
ملاحظة : البارح حبسنا التسجيل في الاكاديمية ومشات آخر فرصة الا كنت متسجلتيش
الناس اللي تواصلو معايا قبل مع 00:00 البارح واللي خليت لهم بلاصتهم راه اقدرو انواصلو معايا من مورا دفع ثمن التسجيل
شكرا بزاااااف لجميع التلاميذ والمترشحين الاحرار اللي تسجلو فالاكاديمية على الثقة ديالكم فيا، وجدو راسكم حينت تابعنا شهر ديال الخدمة ان شاء الله
وبالنسبة اللي مكانش فالاستطاعة ديالو ولا اختار انه ميتسجلش كنتمنى ليك التوفيق والنجاح وراه تقدر تبقى تقدر هاد الرسائل وتفرج فالفيديوات ديالي على اليوتوب
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
وكنتمنى انه ايدوز مزيان ان شاء الله
"ما لم تبدأه اليوم، لن يكتمل غذا"
صباح الخير معشر المتفوقين
كنتمنى ليك نهاية اسبوع مليئة بالمراجعة وبالتقدم ان شاء الله في التحضير للامتحانات
شهر بالضبط
نعم 30 يوم تفصلنا على اول الامتحانات الوطنية
امتحان الفيزياء والكيمياء بالنسبة لشعب العلوم التجريبية والرياضية
انبقى ديما نفكرك شحال بقى، ولكن الهدف ماشي هو نخلعك ولكن باش نموتيفيك
انا العام اللي فات، شحال وانا كنتسنى فديك اللحظة امتى غادي ندوز دوك الامتحانات، كنت مشوق بزااااف واخا مازال مكملت البرنامج ديال المراجعة، ولكن كنت كنقول مع راسي، بغيت غير نعرف اشنو غادي اتحط هاد العام، بغيت غير امتى يوصل نهار الامتحان، بغيت ابداو اتفرقو الامتحانات ونشد الورقة ونبدا نقرا الاسئلة ونبدا نتقاتل ياش نجاوب على اكثر عدد من الاسئلة،
العكس ديال بزاااف ديال التلاميذ والمترشحين اللي كضغطو على راسهم ومكرهوش انه داك النهار ميوصلش وانه طرا شي حاجة واتئجلو الامتحانات وميدوزش حينت فالغالبية متايقش فراسو
كلشي على العقلية اللي عندك وكفاش كتواجه داك الامتحان، خاص واحد العقلية من حديد وهاد الحاجة خدمت عليها بزااااااف العام اللي فات (مكانتش عندي قبل، كنت تلميذ متوسط) عقلية الناجح المتفوق اللي كيجيب 18 و 19 اللي مكتخلعش اللي كيقولك هارا ليا اي نهاية، ها را ليا اي مشتقة ها را ليا اي امتحان انا نتقاتل معاه تانجاوب عليه، مامعولش على الامتحان ايكون ساهل ولكن معول على انه غادي اجاوب كيفما تحط الامتحان
الا كان الهدف ديالك نيت انك تجيب الباك بنقطة مزيانة وبميزة ممتازة فراه هاد الشهر خاص ايكون ديال الاعتكاف، خاص واحد الروتين، خاص واحد الوقت مخصص كل نهار للمراجعة مكتنازلش عليه
تقدر ساعة ديال المراجعة تبدل بزاااف فالنقطة اللي غادي تجيب، متحتقرش هاد الوقت اللي بقى
كمل ومتحبسش والله حتى مازال عندك الوقت الا ستغليتيه مزياااان وعضيتي فيه بسنانك ومطلقتيش
نجيك الصراحة؟
والله مكرهت نعاود ندوز هاد العام الباك
نمشي نكتاشف عاوتاني الحدود ديالي
نمشي نعيش دوك الاجواء ديال الامتحان
نمشي نحط راسي فواحد الموضع ديال نخرج الماكس ديالو
غير بقوة مكنهضر على الباك وكنتفكر الرحلة ديالي العام اللي فات اللي غادي نعاود نقوليك بلي دازات من احسن التجارب الواعرة فحياتي اللي معمرني غادي ندم عليها
بغيتك حتى انت تكون بحالي والعام الجاي تكون من الناس اللي عاودو على التجربة ديالهم فالباك وكفاش قدرو على انهم اخليوها من احسن التحارب فحياتهم
اليوم مهضرتش على شي مادة ولكن كنواعدك غدا انهضر على شي مادة فالجهوي ولا الوطني وكفاش قدرت نتعامل معاها
شكرا بزاااف على الرأي ديالك والتجاوب ديالك مع الرسائل اللي صيفط قبل
... يتبع …
______________
ملاحظة : البارح حبسنا التسجيل في الاكاديمية ومشات آخر فرصة الا كنت متسجلتيش
الناس اللي تواصلو معايا قبل مع 00:00 البارح واللي خليت لهم بلاصتهم راه اقدرو انواصلو معايا من مورا دفع ثمن التسجيل
شكرا بزاااااف لجميع التلاميذ والمترشحين الاحرار اللي تسجلو فالاكاديمية على الثقة ديالكم فيا، وجدو راسكم حينت تابعنا شهر ديال الخدمة ان شاء الله
وبالنسبة اللي مكانش فالاستطاعة ديالو ولا اختار انه ميتسجلش كنتمنى ليك التوفيق والنجاح وراه تقدر تبقى تقدر هاد الرسائل وتفرج فالفيديوات ديالي على اليوتوب
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
محبوبة الجماهير : الفلسفة 🤭
وكفاش جوج مرات مكنوجدهاش وكنجيب فيها 16/20
"ما لم تبدأه اليوم، لن يكتمل غذا"
صباح الخيرات معشر المتفوقين
تعطلت عليك شويا اليوم
حينت فديك الوقت مشيت جريت واحد 5كلم
ودازت جرية مزيانة
وانت كيف الحال ؟ كيف غادا الامور ؟
تسع وعشرون يوم على الوطني
استغل اليوم اللي هو الاحد ابشع استغلال
شهر الاعتكاف هو هذا
غير غادي ايسالي وديك الساعة اتكون مرتاح
حينت درت اللي عليك ومبقيتيش جالس كتلوم راسك وندمان
المادة اللي انهضر عليها اليوم هي حبيبة الجماهير
اسطورة الامتحان الوطني
مادة الفلسفة
المادة الوحيدة اللي مدخلتهاش فالبرنامج ديال المراجعة ديالي
وغادي نكون خصصت ليها شي نهار من مورا مادوزت الجهوي
وساعة قبل منمشي ندوز امتحان الرياضيات وساعة قبل من الامتحان ديالها
ولكن هادشي راااجع لمجموعة ديال الاسباب
اول حاجة : الامتحان ديال الفلسفة مافيهش عنصر المفاجئة، معروف اشنو غادي انحط ليك
ثاني حاجة : الامتحان فيه سؤال واحد
ثالث حاجة : رجعت مهارة التعبيير باللغة العربية، اادن ماغاديش نلقى مشكل، معمرني اندفع ورقة خاوية، نقدر نعمرها مزيااان، وحتى البنية ديال التعبيير الكتابي، يعني مقدمة عرض خاتمة كنعرف كفاش نديرو
رابع حاجة : نقدر نحفظ مجزوءة فوقت قصير بزااف وهادشي راجع للطرق ديال الحفظ الي تعلمت
هاد الاسباب كاملة خلاتني انني منبقاش مركز على هاد المادة ونمشي نشوف المواد اللي المعاملات ديالها طالعين وفيها المشاكيل نزيد نخدمها كثر باش نجيب احسن نقطة وهادشي غاعما شكل ضغط ولا حسيت براسي مبرزط
حينت فايت عشت نفس الحالة فسنة 2012 وبلا منكون عارف المنهجية ديال السؤال والقولة وقدرت نجيب 16
من الزهر انني فالليلة ديال الامتحان الرياضيات والفلسفة طحت فواحد الايف كشرح المنهجية ديالهم ب3 بكل بساطة وضحك ونشاط وهو اللي فقت ليه مع الصباح راجعتو ودرت آخر مراجعة لداكشي فوقيتة ديال الغدا
والحمد لله جاب الله التيسير وقدرت ندوز امتحان زوييين، كتبت فيه مزيااان وقدرت نحصل على نقطة 15.5 فقط بديك المراجعة اللي هضرت لكم عليها
يعني شي حاجة كثر من الدقيقة 90، هادو راه ركلات الترجيح وكان معايا بونو وقدرت نربح فيهم
هادي كانت قصتي مع مادة الفلسفة واخا مدخلتش بزاااف فالتفاصيل ديالها
المهم مكنصحكش انك تدير بحالي، حينت عطيتك اسبابي علاش خدمت بديك الخطة
واكن نصيحتي على الاقل تحفظ مجزوءة وحدة وتكون عارف المنهجيات ب 3
والله اوفقك
يتبع …
______________
شكرا بزاااااف لجميع التلاميذ والمترشحين الاحرار اللي تسجلو فالاكاديمية على الثقة ديالكم فيا، وجدو راسكم حينت تابعنا شهر ديال الخدمة ان شاء الله
وبالنسبة اللي مكانش فالاستطاعة ديالو ولا اختار انه ميتسجلش كنتمنى ليك التوفيق والنجاح وراه تقدر تبقى تقدر هاد الرسائل وتفرج فالفيديوات ديالي على اليوتوب
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
وكفاش جوج مرات مكنوجدهاش وكنجيب فيها 16/20
"ما لم تبدأه اليوم، لن يكتمل غذا"
صباح الخيرات معشر المتفوقين
تعطلت عليك شويا اليوم
حينت فديك الوقت مشيت جريت واحد 5كلم
ودازت جرية مزيانة
وانت كيف الحال ؟ كيف غادا الامور ؟
تسع وعشرون يوم على الوطني
استغل اليوم اللي هو الاحد ابشع استغلال
شهر الاعتكاف هو هذا
غير غادي ايسالي وديك الساعة اتكون مرتاح
حينت درت اللي عليك ومبقيتيش جالس كتلوم راسك وندمان
المادة اللي انهضر عليها اليوم هي حبيبة الجماهير
اسطورة الامتحان الوطني
مادة الفلسفة
المادة الوحيدة اللي مدخلتهاش فالبرنامج ديال المراجعة ديالي
وغادي نكون خصصت ليها شي نهار من مورا مادوزت الجهوي
وساعة قبل منمشي ندوز امتحان الرياضيات وساعة قبل من الامتحان ديالها
ولكن هادشي راااجع لمجموعة ديال الاسباب
اول حاجة : الامتحان ديال الفلسفة مافيهش عنصر المفاجئة، معروف اشنو غادي انحط ليك
ثاني حاجة : الامتحان فيه سؤال واحد
ثالث حاجة : رجعت مهارة التعبيير باللغة العربية، اادن ماغاديش نلقى مشكل، معمرني اندفع ورقة خاوية، نقدر نعمرها مزيااان، وحتى البنية ديال التعبيير الكتابي، يعني مقدمة عرض خاتمة كنعرف كفاش نديرو
رابع حاجة : نقدر نحفظ مجزوءة فوقت قصير بزااف وهادشي راجع للطرق ديال الحفظ الي تعلمت
هاد الاسباب كاملة خلاتني انني منبقاش مركز على هاد المادة ونمشي نشوف المواد اللي المعاملات ديالها طالعين وفيها المشاكيل نزيد نخدمها كثر باش نجيب احسن نقطة وهادشي غاعما شكل ضغط ولا حسيت براسي مبرزط
حينت فايت عشت نفس الحالة فسنة 2012 وبلا منكون عارف المنهجية ديال السؤال والقولة وقدرت نجيب 16
من الزهر انني فالليلة ديال الامتحان الرياضيات والفلسفة طحت فواحد الايف كشرح المنهجية ديالهم ب3 بكل بساطة وضحك ونشاط وهو اللي فقت ليه مع الصباح راجعتو ودرت آخر مراجعة لداكشي فوقيتة ديال الغدا
والحمد لله جاب الله التيسير وقدرت ندوز امتحان زوييين، كتبت فيه مزيااان وقدرت نحصل على نقطة 15.5 فقط بديك المراجعة اللي هضرت لكم عليها
يعني شي حاجة كثر من الدقيقة 90، هادو راه ركلات الترجيح وكان معايا بونو وقدرت نربح فيهم
هادي كانت قصتي مع مادة الفلسفة واخا مدخلتش بزاااف فالتفاصيل ديالها
المهم مكنصحكش انك تدير بحالي، حينت عطيتك اسبابي علاش خدمت بديك الخطة
واكن نصيحتي على الاقل تحفظ مجزوءة وحدة وتكون عارف المنهجيات ب 3
والله اوفقك
يتبع …
______________
شكرا بزاااااف لجميع التلاميذ والمترشحين الاحرار اللي تسجلو فالاكاديمية على الثقة ديالكم فيا، وجدو راسكم حينت تابعنا شهر ديال الخدمة ان شاء الله
وبالنسبة اللي مكانش فالاستطاعة ديالو ولا اختار انه ميتسجلش كنتمنى ليك التوفيق والنجاح وراه تقدر تبقى تقدر هاد الرسائل وتفرج فالفيديوات ديالي على اليوتوب
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
هضرة قاصحة ولكن من القلب ❤️
وانا والله حتى باغي ليك غير الخير
صباح الخير معشر المتفوقين
كنتمنى لك بداية أسبوع موفقة
28
يوم بالضبط على الامتحان الوطني
كيف غادي مع المراجعة ؟
نخليك تقرا واحد اللعيبة زوينة عجباتني كان قالها ايلون ماسك على تيسلا
ولكن قبل الله ارحم ليك الواليدين الا مكنتيش غادي تقبل الصراحة اللي غادي نقولك فالبقية ديال هاد الرسالة
غير سد الايميل وسير كمل نهارك
تحياتي
: ايلون كيقول
"اذا لم نكن نفشل بانتظام فإننا لا نتطور بصورة كافية"
هاد الجملة هي اللي محتاج انت
انت اللي كتبلوكا فاول تمرين وكتشكا
انت اللي غير كتغير السؤال وكتستسلم وتحط الورقة
انت اللي باغي من اللول تكون كتفهم دغيا
انت اللي كتعتقد بلي داك القراي ديال القسم معندوش مشاكل وكفهم دغيااا وكحفظ دغيا ومعندوش مشاكل
وبلي انت خاص المراجعة ديالك كلها تكون زوينة وتفهم دغيا
مكرهتيش تبقى غير جالس متكي وتحس بالقراية كدخل ليك لراسك
: كيجيوني بزااااااااااااف ديال الأسئلة بحال
مكنقدرش نفهم SVT
أسئلة ديال الدالة صعاب كيبلوكيوني
مكنعرفش اشنو نكتب ف Production Ecrite
فاش كنحفظ وكدوز مدة كنسى
SVT واش كتعتقد بلي الناس القراية، فهمو
من النهار الاول ؟
واش كتعتقد بلي القراي اللي كيجيب 19 فالماط، كان ناعس فاق وهو يلقى راسو عامر بطرق الاجابة Cf على اسئلة الدالة، وجدول المشتقة، والنهايات الاعتيادية وكفاش ارسم
واش كتعتقد بلي هاداك اللي كيكتب بالفرنسية وكسلك راسو فيها، كان مكعرف والو وهو يطيح عليه الوحي ولا كيكتب بالفرنسية ؟
واش كتعتقد بلي اي واحد كحفظ الدرس من الدقة اللولة ومكنساهش ؟
اسمح لياااا، ولكن هادشي كامل اللي لفوق غالط
السنة اللي فاتت، فاش بديت المراجعة ديال الباك ليبر
خديت واحد الاتفاق بيني وبين راسي واللي هو
انا صفحة بيضة ومفاهم والو
انا غادي نصغر عقلي ونحاول نفهم ونعاود نحاول
ونتقاتل حتى 10 المرات باش نفهم
المهم منحبسش، المهم نكمل
واي حاجة مافهماش واي حاجة خطأت فيها نفرح بزااف
حينت كتاشفتها قبل من نهار الامتحان
فبلاصت ما انها غادي تهرسني، العكس غادي تفرحني
واش كحسابليك بلي ساهل تكون من المتفوقين ؟
عرفت شحال من امتحان خدمت السنة الماضية، خصوصا فالرياضيات والفيزياء والكيمياء
الفيزياء والكيمياء اللي كنت كنظل كنكندب على راسي وكنقول معنديش معاه ومكنحاولش نقراها واللي عقداتني فالباكلوريا ديال 2012، قدرت على انني نفهمها ونولي نخدم امتحاناتها ونجاوب على اسئلة ديالها فجميع المحاور
بالمناسبة، اول امتحان سابق غادي نخدمي في فالفيزياء جبت فيه 19 لاصقة
وغير للملاحظة، الفيزيك قريتو بالفرنسية فاللول ومن بعد ضطريت نعاودو بالعربية يعني برنامج كامل
وخاصني نوريك شحال ديال الوراق وشحال ديال العلاقات وشحال ديال الامتحانات خدمت
باش تعرف قيمة الوصول للقمة
مهم ان شاء الله انهضر بالتفاصيل على هاد المادة فشي ايميل خااااص ونهضر على اللصق فيها حينت هي اول مادة كبداو بيها العلميين كاملين
خلاصة القول ومسك الختام هي خاصك تطيح وتنوض وتطيح وتنوض وتخدم ومتقطعش وتعلم من اخطائك وتستمر
هادي هي الطريق الوحيد للنجاح في اي مجال
منهم التفوق الدراسي
...يتبع
_____________
شكرا بزاااااف لجميع التلاميذ والمترشحين الاحرار اللي تسجلو فالاكاديمية على الثقة ديالكم فيا، وجدو راسكم حينت تابعنا شهر ديال الخدمة ان شاء الله
وبالنسبة اللي مكانش فالاستطاعة ديالو ولا اختار انه ميتسجلش كنتمنى ليك التوفيق والنجاح وراه تقدر تبقى تقدر هاد الرسائل وتفرج فالفيديوات ديالي على اليوتوب
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
وانا والله حتى باغي ليك غير الخير
صباح الخير معشر المتفوقين
كنتمنى لك بداية أسبوع موفقة
28
يوم بالضبط على الامتحان الوطني
كيف غادي مع المراجعة ؟
نخليك تقرا واحد اللعيبة زوينة عجباتني كان قالها ايلون ماسك على تيسلا
ولكن قبل الله ارحم ليك الواليدين الا مكنتيش غادي تقبل الصراحة اللي غادي نقولك فالبقية ديال هاد الرسالة
غير سد الايميل وسير كمل نهارك
تحياتي
: ايلون كيقول
"اذا لم نكن نفشل بانتظام فإننا لا نتطور بصورة كافية"
هاد الجملة هي اللي محتاج انت
انت اللي كتبلوكا فاول تمرين وكتشكا
انت اللي غير كتغير السؤال وكتستسلم وتحط الورقة
انت اللي باغي من اللول تكون كتفهم دغيا
انت اللي كتعتقد بلي داك القراي ديال القسم معندوش مشاكل وكفهم دغيااا وكحفظ دغيا ومعندوش مشاكل
وبلي انت خاص المراجعة ديالك كلها تكون زوينة وتفهم دغيا
مكرهتيش تبقى غير جالس متكي وتحس بالقراية كدخل ليك لراسك
: كيجيوني بزااااااااااااف ديال الأسئلة بحال
مكنقدرش نفهم SVT
أسئلة ديال الدالة صعاب كيبلوكيوني
مكنعرفش اشنو نكتب ف Production Ecrite
فاش كنحفظ وكدوز مدة كنسى
SVT واش كتعتقد بلي الناس القراية، فهمو
من النهار الاول ؟
واش كتعتقد بلي القراي اللي كيجيب 19 فالماط، كان ناعس فاق وهو يلقى راسو عامر بطرق الاجابة Cf على اسئلة الدالة، وجدول المشتقة، والنهايات الاعتيادية وكفاش ارسم
واش كتعتقد بلي هاداك اللي كيكتب بالفرنسية وكسلك راسو فيها، كان مكعرف والو وهو يطيح عليه الوحي ولا كيكتب بالفرنسية ؟
واش كتعتقد بلي اي واحد كحفظ الدرس من الدقة اللولة ومكنساهش ؟
اسمح لياااا، ولكن هادشي كامل اللي لفوق غالط
السنة اللي فاتت، فاش بديت المراجعة ديال الباك ليبر
خديت واحد الاتفاق بيني وبين راسي واللي هو
انا صفحة بيضة ومفاهم والو
انا غادي نصغر عقلي ونحاول نفهم ونعاود نحاول
ونتقاتل حتى 10 المرات باش نفهم
المهم منحبسش، المهم نكمل
واي حاجة مافهماش واي حاجة خطأت فيها نفرح بزااف
حينت كتاشفتها قبل من نهار الامتحان
فبلاصت ما انها غادي تهرسني، العكس غادي تفرحني
واش كحسابليك بلي ساهل تكون من المتفوقين ؟
عرفت شحال من امتحان خدمت السنة الماضية، خصوصا فالرياضيات والفيزياء والكيمياء
الفيزياء والكيمياء اللي كنت كنظل كنكندب على راسي وكنقول معنديش معاه ومكنحاولش نقراها واللي عقداتني فالباكلوريا ديال 2012، قدرت على انني نفهمها ونولي نخدم امتحاناتها ونجاوب على اسئلة ديالها فجميع المحاور
بالمناسبة، اول امتحان سابق غادي نخدمي في فالفيزياء جبت فيه 19 لاصقة
وغير للملاحظة، الفيزيك قريتو بالفرنسية فاللول ومن بعد ضطريت نعاودو بالعربية يعني برنامج كامل
وخاصني نوريك شحال ديال الوراق وشحال ديال العلاقات وشحال ديال الامتحانات خدمت
باش تعرف قيمة الوصول للقمة
مهم ان شاء الله انهضر بالتفاصيل على هاد المادة فشي ايميل خااااص ونهضر على اللصق فيها حينت هي اول مادة كبداو بيها العلميين كاملين
خلاصة القول ومسك الختام هي خاصك تطيح وتنوض وتطيح وتنوض وتخدم ومتقطعش وتعلم من اخطائك وتستمر
هادي هي الطريق الوحيد للنجاح في اي مجال
منهم التفوق الدراسي
...يتبع
_____________
شكرا بزاااااف لجميع التلاميذ والمترشحين الاحرار اللي تسجلو فالاكاديمية على الثقة ديالكم فيا، وجدو راسكم حينت تابعنا شهر ديال الخدمة ان شاء الله
وبالنسبة اللي مكانش فالاستطاعة ديالو ولا اختار انه ميتسجلش كنتمنى ليك التوفيق والنجاح وراه تقدر تبقى تقدر هاد الرسائل وتفرج فالفيديوات ديالي على اليوتوب
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
ممنوع تطرح هاد السؤال ⚠️
انا جد فخور بيك، حينت انت من القلة اللي باغا طور راسها وتوصل لهدف ديالها
"ما لم تبدأه اليوم، لن يكتمل غذا"
صباح الخيرات معشر المتفوقين
كيف الحال؟ كيف غادي مع المراجعة؟
الا مكنتي كدير والو دابا وانت كتقرا هاد المساج
تقدر من موراه مباشرة توكل على الله وتبدا المراجعة فهاد النهار
مازال لينا ايام معدودات، خاصك تستغلها أبشع استغلال
وماشي بالضرورة تفيق بكري، وقتما فقت بدا الخدمة وكمل نهارك
السؤال اللي غادي ايكون شاغلك دابا هو :
واش غادي نجح؟ واش غادي نجيب ديك النقطة اللي بغيت؟
بغيتيني نجاوبك على هاد السؤال ؟
اقدر اصدمك شويا الجواب ديالي
ولكن كنصيحة، متبقاش تسول هاد السؤال، حينت معندوش باش انفعك وحتى شي واحد ميقدر اجاوبك عليه
منهم انا، راه منقدرش نعطيك جواب شافي وكافي
الجواب كين فاشنو درت شحال هادي واشنو كدير دابا وخصوصا اشنو غادي دير فالايام اللي جاية
هما اللي غادين اجاوبوك
الا بقيتي غير كتسول هاد السؤال، راك غير كضيع وقتك
توكل على الله، خدم، راجع، دير غاع داكشي الي خاصو يدار، وحط غاع جهدك
معمرك غادي تندم على الخدمة والمراجعة اللي كدير دابا
وانا كنقولك معمرني ندمت على الخدمة اللي درت العام اللي فات فالباك ليير وتعلمت منها بزااااافش ديال الدروس ديال الحياة
باش نجيك الصراحة، الشك شي حاجة عادية فوسط الرحلة، الحاجة اللي ماشي هي هاديك هي تخلي هاد الشك اتسلل ليك والعب عليك واخليك تحبس ولا ازيد عليك الضغط
خاص تعرف كفاش تعامل معاه، هذا هي اهم حاجة
الباك امتحان مهم فحياتك داكشي علاش انت ممرتاحش، داكشي علاش انت خايف
اي حاجة كتكون مهمة فحياتنا، كيكونو فيها هاد الاحاسيس
ولكن هادشي غادي ايفوت
كتبقى فالطريقة كفاش غادي ايفوت
وهاد الطريقة راك انت اللي محكم فيها هاد الساعة
قبل ما يجي الامتحان وقبل ما تبان النتيجة
كلشي بين ايديك
والله ارحم ليك الواليدين، متبقاش تقارن راسك مع الناس مع صحابك مع شي حد كتعرفو فالعائلة
ركز على راسك، طور راسك كل نهار فالمراجعة، متسوقش للناس فين وصلو ماحدك انت كتزيد القدام
وربي ماعمرو ماغادي اضيعك ان شاء الله
مازال لينا 20 على الامتحانات الجهوية
ومازال 27 يوم على الامتحانات الوطنية
مابقى قد مافات وغادي تدوز من هادشي كامل
وتجي حتى انت تعاود لينا قصة النجاح والكفاح ديالك فالباكلوريا
وانا متشوق بزاااااف نسمعها من عندك
بالمناسبة، الرسالة ديال البارح كانت قاصحة شويا ياك؟
اشمن موضوع ولا مادة تبغي نهضر ليك عليها فالرسائل اللي جاية ؟
يتبع…
_______________________
الا كنت كتستافد شي حاجة من هاد الرسائل متنساش تصيفط ليا الرأي ديالك وتقدر الا بغيتي بالتأكيد تشاركهم مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
انا جد فخور بيك، حينت انت من القلة اللي باغا طور راسها وتوصل لهدف ديالها
"ما لم تبدأه اليوم، لن يكتمل غذا"
صباح الخيرات معشر المتفوقين
كيف الحال؟ كيف غادي مع المراجعة؟
الا مكنتي كدير والو دابا وانت كتقرا هاد المساج
تقدر من موراه مباشرة توكل على الله وتبدا المراجعة فهاد النهار
مازال لينا ايام معدودات، خاصك تستغلها أبشع استغلال
وماشي بالضرورة تفيق بكري، وقتما فقت بدا الخدمة وكمل نهارك
السؤال اللي غادي ايكون شاغلك دابا هو :
واش غادي نجح؟ واش غادي نجيب ديك النقطة اللي بغيت؟
بغيتيني نجاوبك على هاد السؤال ؟
اقدر اصدمك شويا الجواب ديالي
ولكن كنصيحة، متبقاش تسول هاد السؤال، حينت معندوش باش انفعك وحتى شي واحد ميقدر اجاوبك عليه
منهم انا، راه منقدرش نعطيك جواب شافي وكافي
الجواب كين فاشنو درت شحال هادي واشنو كدير دابا وخصوصا اشنو غادي دير فالايام اللي جاية
هما اللي غادين اجاوبوك
الا بقيتي غير كتسول هاد السؤال، راك غير كضيع وقتك
توكل على الله، خدم، راجع، دير غاع داكشي الي خاصو يدار، وحط غاع جهدك
معمرك غادي تندم على الخدمة والمراجعة اللي كدير دابا
وانا كنقولك معمرني ندمت على الخدمة اللي درت العام اللي فات فالباك ليير وتعلمت منها بزااااافش ديال الدروس ديال الحياة
باش نجيك الصراحة، الشك شي حاجة عادية فوسط الرحلة، الحاجة اللي ماشي هي هاديك هي تخلي هاد الشك اتسلل ليك والعب عليك واخليك تحبس ولا ازيد عليك الضغط
خاص تعرف كفاش تعامل معاه، هذا هي اهم حاجة
الباك امتحان مهم فحياتك داكشي علاش انت ممرتاحش، داكشي علاش انت خايف
اي حاجة كتكون مهمة فحياتنا، كيكونو فيها هاد الاحاسيس
ولكن هادشي غادي ايفوت
كتبقى فالطريقة كفاش غادي ايفوت
وهاد الطريقة راك انت اللي محكم فيها هاد الساعة
قبل ما يجي الامتحان وقبل ما تبان النتيجة
كلشي بين ايديك
والله ارحم ليك الواليدين، متبقاش تقارن راسك مع الناس مع صحابك مع شي حد كتعرفو فالعائلة
ركز على راسك، طور راسك كل نهار فالمراجعة، متسوقش للناس فين وصلو ماحدك انت كتزيد القدام
وربي ماعمرو ماغادي اضيعك ان شاء الله
مازال لينا 20 على الامتحانات الجهوية
ومازال 27 يوم على الامتحانات الوطنية
مابقى قد مافات وغادي تدوز من هادشي كامل
وتجي حتى انت تعاود لينا قصة النجاح والكفاح ديالك فالباكلوريا
وانا متشوق بزاااااف نسمعها من عندك
بالمناسبة، الرسالة ديال البارح كانت قاصحة شويا ياك؟
اشمن موضوع ولا مادة تبغي نهضر ليك عليها فالرسائل اللي جاية ؟
يتبع…
_______________________
الا كنت كتستافد شي حاجة من هاد الرسائل متنساش تصيفط ليا الرأي ديالك وتقدر الا بغيتي بالتأكيد تشاركهم مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
Please open Telegram to view this post
VIEW IN TELEGRAM
قصتي مع الفيزيك : من 8/20 إلى 19.5/20
ومن انني كنت كرهت هاد المادة وعقداتني الى انها ولات كتعجبني بزاااف وكنتمتع بيها
"ما لم تبدأه اليوم، لن يكتمل غذا"
صباح الخيرات معشر المتفوقين
كيف غادي الاسبوع ديالك ؟
كين شي مراجعة ولا والو؟
فين وصلت؟ بديتي كتخدم الامتحانات الوطنية؟
شكرا بزاف
حينت الغالبية جاوبوني وختارو مادة من مراد الوطني
باش نهضرو عليها فالرسالة ديال اليوم
وختاريت مادة الفيزياء والكيمياء
الوحش اللي كطلع ليك النهار اللول
وهو باش كتفتح الامتحانات الوطنية
وصراحة معرفتش علاش كبداو بيها هي اللولة ؟
المهم هاد المادة كتشكل عقدة لبزااااف ديال التلاميذ العلمية وكتخلعهم بزاااف
وهادشي صراحة كنتفهمو بزاااف، حينت دوزت هاد المادة جوج المرات فسنة 2012 والعام اللي فات فباك ليبر
الفرق ما بين 2012 و 2022
فسنة 2012، دخلت للامتحان مجاوبتش على السؤال اللول فالكيمياء اللي كانت معقداني ومفاهم فيها والو وبدات كتجيني الدوخة ديال صافي مشا الباك غادي ندوز الاستدراكية، من موراها كندوز للجزء الثاني حتى هو معرفت منين نجيه
كنمشي للنووي كنجاوب على سؤال واحد عليه شي 0.25 وقيلة، ولكن اسئلة اللي من موراها معرفتش ليهم، واخا النووي كيكون ساهل، كنمشي من بعد للكهرباء واللي كان واجعو معايا صاحبي وقالي بلي راه اسهل ماكين، مع كنشوف المعادلة التفاضلية، كنلقى راسي معمرني خدمت هاد الحالة واول مرة كنشوفها
هنا شداتني الخلعة ديال بصح ومعرفت مندير، بقى غير الميكانيك، الوحش اللي كخلع كلشي، دازات شي ساعة وانا مازال مادرت والو،
دخلت لجزء الميكانيك وانا نلقى فالجزء الاول التمرين كشبه شويا لواحد التمرين كنت خدمت بحالو فداك الامتحان الوحيد اللي كان عندي، جاوبت على بزاف ديال الاسئلة وانا نرتاح شويا بعدا وهادشي زاد موتيفاني وجاوبت حتى على الجزء الثاني اللي كان على النواسات وخا كان قاصح ضاربت معاه
ساليت من الميكانيك، وبديت كنرجع لاجزاء اللي قبل، كل جزء كنحاول نجمع فيه شي نقيطات لعل وعسى نكبر شويا النقطة ديالي متبقاش كارثية ولكن ديك الكيمياء والو مقدرت عليه بقى خاوي
فالاخير كنكتشف بلي فاربع ساعات، عمرت مزدوجة وحدة، سالا الوقت وخزجت من الامتحان، لقيت كلشي كيقول بلي الامتحان كان صعيب، مكينش شي حد قال بلي كان ساهل
ملي جيت نجمع النقط لقيت راسي الا دارو معايا المزيان، 5 النقط اللي مأكد منها، شي اللخر اللي عمرت غير تخربيق واهم حاجة فهادشي كامل هي انني عترفت بيني وبين راسي بلي انا موجدتش لهاد المادة وكنت محتقرها بزااف، ومخدمتش فيها تمارين وامتحانات ومقريت حتى النصف ديال الدروس
المهم جيت للنتيجة لقيت راسي جبت 8.75، صراحة تصدمن من الفرحة، حينت كنت كنتوقع انجيب قل منها، والحمد لله مكانش تأثير كبير على النقطة ديالي واخا مراجعتش هاد المادة بزااف ومركزتش عليها
ومن تما بدات عقدة الكيمياء وبدا حب الميكانيك، وانا كنقرا فالتعليم العالي، وبالضبط فالمدرسة الوطنية للعلوم التطبيقية )ENSA( فالعام اللول جبت نجحت فمادة الكيمياء بزاز ب 10.6 وكانو النقط كارثية، غير من ديك العقدة د الباك
والعكس صحيح، فنفس العام قرينا مادة الميكانيك وجبت فيها ثاني نقطة فالبرومو 16.5 وكانت اول نقطة هي 17، قريت الكيمياء فالسنة الثانية والقصة كتعاود نفسها فاليديت المادة ديالها بشي 11 وقيلة
اجي دابا نشوفو اشنو تبدل السنة اللي فاتت فالباك ليبر، وكفاش واجهت هاد العقدة وجبت 19.5 فالوطني (6.75 فالكيمياء)
اول حاجة هي عطيت لهاد المادة حقها، يعني كنحاول ما امكن نفهم الخبايا ديالها، اشنو الحاجات اللي خاصني نركز فيهم، بحال مثلا ما بين المشاكل اللي كنت كنعاني منهم شحال هادي هو التعامل مع المنحنيات، مكنتش كنعرف نخدم بهم، في حين الفيزياء والكيمياء كاملة ضايرة غير على هادشي، حينت كيديرو تحارب وكياخدو النتائج ديالها على شكل جداول كحولوها لمنحنيات
وكديرو التحليل باش اوصلو لواحد النتيجة، بحال مثلا سعة واحد المكثف اللي لقيناه موضر فواحد المختبر، ولا التركيز ديال واحد المحلول اللي طارت ليه التيكيتة، وهنا فين بديت كنحس بالحلاوة، هادشي زويييين
وما حدي كنزيد نتقدم فالدروس وانز كنزيد نبغي هاد المادة و وليت كنتمتع وكنقرا، خصوصا فاش كنعرف لشي حاجة وكنفهم ليها بلانها، اللي كانت ف 2012 مكنعرف منين نجيها، وبالمناسبة رجعت لداك الامتحان ديال 2012، وشديت ديك الكيمياء وانتقمت منها، واخا هكاك خليت بعض الاسئلة مقدرتش نجاوب عليهم، وعرفت نيت بلي الامتحان نيت كان صعب شويا (ولكن ممكن الواحد ايجيب واحد 15 ديالو، الا كان خادم مزيان المادة وتاقنها)
ومن انني كنت كرهت هاد المادة وعقداتني الى انها ولات كتعجبني بزاااف وكنتمتع بيها
"ما لم تبدأه اليوم، لن يكتمل غذا"
صباح الخيرات معشر المتفوقين
كيف غادي الاسبوع ديالك ؟
كين شي مراجعة ولا والو؟
فين وصلت؟ بديتي كتخدم الامتحانات الوطنية؟
شكرا بزاف
حينت الغالبية جاوبوني وختارو مادة من مراد الوطني
باش نهضرو عليها فالرسالة ديال اليوم
وختاريت مادة الفيزياء والكيمياء
الوحش اللي كطلع ليك النهار اللول
وهو باش كتفتح الامتحانات الوطنية
وصراحة معرفتش علاش كبداو بيها هي اللولة ؟
المهم هاد المادة كتشكل عقدة لبزااااف ديال التلاميذ العلمية وكتخلعهم بزاااف
وهادشي صراحة كنتفهمو بزاااف، حينت دوزت هاد المادة جوج المرات فسنة 2012 والعام اللي فات فباك ليبر
الفرق ما بين 2012 و 2022
فسنة 2012، دخلت للامتحان مجاوبتش على السؤال اللول فالكيمياء اللي كانت معقداني ومفاهم فيها والو وبدات كتجيني الدوخة ديال صافي مشا الباك غادي ندوز الاستدراكية، من موراها كندوز للجزء الثاني حتى هو معرفت منين نجيه
كنمشي للنووي كنجاوب على سؤال واحد عليه شي 0.25 وقيلة، ولكن اسئلة اللي من موراها معرفتش ليهم، واخا النووي كيكون ساهل، كنمشي من بعد للكهرباء واللي كان واجعو معايا صاحبي وقالي بلي راه اسهل ماكين، مع كنشوف المعادلة التفاضلية، كنلقى راسي معمرني خدمت هاد الحالة واول مرة كنشوفها
هنا شداتني الخلعة ديال بصح ومعرفت مندير، بقى غير الميكانيك، الوحش اللي كخلع كلشي، دازات شي ساعة وانا مازال مادرت والو،
دخلت لجزء الميكانيك وانا نلقى فالجزء الاول التمرين كشبه شويا لواحد التمرين كنت خدمت بحالو فداك الامتحان الوحيد اللي كان عندي، جاوبت على بزاف ديال الاسئلة وانا نرتاح شويا بعدا وهادشي زاد موتيفاني وجاوبت حتى على الجزء الثاني اللي كان على النواسات وخا كان قاصح ضاربت معاه
ساليت من الميكانيك، وبديت كنرجع لاجزاء اللي قبل، كل جزء كنحاول نجمع فيه شي نقيطات لعل وعسى نكبر شويا النقطة ديالي متبقاش كارثية ولكن ديك الكيمياء والو مقدرت عليه بقى خاوي
فالاخير كنكتشف بلي فاربع ساعات، عمرت مزدوجة وحدة، سالا الوقت وخزجت من الامتحان، لقيت كلشي كيقول بلي الامتحان كان صعيب، مكينش شي حد قال بلي كان ساهل
ملي جيت نجمع النقط لقيت راسي الا دارو معايا المزيان، 5 النقط اللي مأكد منها، شي اللخر اللي عمرت غير تخربيق واهم حاجة فهادشي كامل هي انني عترفت بيني وبين راسي بلي انا موجدتش لهاد المادة وكنت محتقرها بزااف، ومخدمتش فيها تمارين وامتحانات ومقريت حتى النصف ديال الدروس
المهم جيت للنتيجة لقيت راسي جبت 8.75، صراحة تصدمن من الفرحة، حينت كنت كنتوقع انجيب قل منها، والحمد لله مكانش تأثير كبير على النقطة ديالي واخا مراجعتش هاد المادة بزااف ومركزتش عليها
ومن تما بدات عقدة الكيمياء وبدا حب الميكانيك، وانا كنقرا فالتعليم العالي، وبالضبط فالمدرسة الوطنية للعلوم التطبيقية )ENSA( فالعام اللول جبت نجحت فمادة الكيمياء بزاز ب 10.6 وكانو النقط كارثية، غير من ديك العقدة د الباك
والعكس صحيح، فنفس العام قرينا مادة الميكانيك وجبت فيها ثاني نقطة فالبرومو 16.5 وكانت اول نقطة هي 17، قريت الكيمياء فالسنة الثانية والقصة كتعاود نفسها فاليديت المادة ديالها بشي 11 وقيلة
اجي دابا نشوفو اشنو تبدل السنة اللي فاتت فالباك ليبر، وكفاش واجهت هاد العقدة وجبت 19.5 فالوطني (6.75 فالكيمياء)
اول حاجة هي عطيت لهاد المادة حقها، يعني كنحاول ما امكن نفهم الخبايا ديالها، اشنو الحاجات اللي خاصني نركز فيهم، بحال مثلا ما بين المشاكل اللي كنت كنعاني منهم شحال هادي هو التعامل مع المنحنيات، مكنتش كنعرف نخدم بهم، في حين الفيزياء والكيمياء كاملة ضايرة غير على هادشي، حينت كيديرو تحارب وكياخدو النتائج ديالها على شكل جداول كحولوها لمنحنيات
وكديرو التحليل باش اوصلو لواحد النتيجة، بحال مثلا سعة واحد المكثف اللي لقيناه موضر فواحد المختبر، ولا التركيز ديال واحد المحلول اللي طارت ليه التيكيتة، وهنا فين بديت كنحس بالحلاوة، هادشي زويييين
وما حدي كنزيد نتقدم فالدروس وانز كنزيد نبغي هاد المادة و وليت كنتمتع وكنقرا، خصوصا فاش كنعرف لشي حاجة وكنفهم ليها بلانها، اللي كانت ف 2012 مكنعرف منين نجيها، وبالمناسبة رجعت لداك الامتحان ديال 2012، وشديت ديك الكيمياء وانتقمت منها، واخا هكاك خليت بعض الاسئلة مقدرتش نجاوب عليهم، وعرفت نيت بلي الامتحان نيت كان صعب شويا (ولكن ممكن الواحد ايجيب واحد 15 ديالو، الا كان خادم مزيان المادة وتاقنها)
المهم، خدمت بزاف ديال اللمتحانات السابقة، شفت بزاااف ديال الحالات، وكل حالة كفاش نتعامل معاها، وكل مرة كنكتاشف شي حاجة جديدة كنطبقها وهي غادة، كنت مسالي المادة فالبدية ديال شهر 4، وبقيت من ديك الفترة مرة مرة كنشد شي امتحان وطني، مرة كنجيب 19، مرة كنجيب 18.5 ولكن معمر النقطة مهبطات على 18، وكنت كنسالي الامتحان فساعتين
اوا كلشي كان غادي مزيااان وانا فرحان حتى قري الجهوي وهنا ركزت على المواد اللي فيه ونسي شي حاجة سميتها مواد الوطني ومنهم الفيزيك وفاش دوزت الجهوي وساليتو، قلت اجي نستارح واحد النهار عاد نبدا المراجعة ديال مواد الوطني، حينت عييت بزاااف، مقدرت نهار الثاني نتحرك والو، الكاو بمعنى الكلمة، يعني حتال النهار الثالث عاد نويت نهز شويا داك الكتاب ونراجع هاد الفيزيك، لقيت راسي شي حاجة مبقيتش عاقل عليهم
وايلي اش طرا؟ كنحس بعقلي خاوي، هنا جبت الملخصات ديالي كاملين وبديت كندوز درس بدرس وكنشوف شنو شاد مزيان واشنو اللي لا، كنكتاشف بلي 40٪ فيها مشكل، يعني تقريبا النصف، بدات كتشدني الدوخة وبديت كنحس براسي عامر بزاااااف، وهادشي عااادي جدا وغادي اقدر اطرا ليك حتى انت خصوصا فمادة الفيزياء اللي مكتساليس، نقدر نقوليك بلي هاد المادة بزااااف، بالدروس ديالها بالعلاقات بالحالات اللي فيها …
المهم، كنت بغيت نراجع الSVT والفلسفة والانجليزية، صدقت غاع ماطليت عليهم، بقى واحل غير مع الفيزيك، كنحاول نرجع داكشي اللي ضاع، حتى وصل نهار قبل من الامتحان عاد فهمت البلان وفهمت اشنو طاري
القضية ومافيها، العقل ديالي عامر ببزاف ديال المعلومات، ماشي خاوي كيفما كتخيل ليا، غير حينت كنكثر عليه بزاااف د المعلومات دقة وحدة كتبلوكا وحينت باغي نراجع بزاف ديال الدروس دقة وحدة داكشي علاش هادشي طرا
صافي تكالميت وجلست مكندير والو، بقيت غير كندعي بدعاء التيسير، وحطيت الملخصات اللي كنحس بلي عندي فيهم مشاكل باش نشوفهم مع 5 د الصباح قبل مانشد الطريق ندوز الوطني
داكشي اللي كان، فقت بكري، شفت الملخصات (والله منكدب عليك، الا الاقمار كنت حاس بيهم بزااف ايتحطو معرفتش علاش، وخا مخدمتش فيهم تمارين بزااف، عرفت اشنو هما الحاجات الاساسية اللي خاصني نكون عارف وآخر حاجة شفت قبل منخرج من الدار كانت هي علاقات ديال داك الدرس)
مشيت الامتحان، توكلت على الله، تفرقو اوراق الامتحان، قريت الامتحان كامل، مكين حتى سؤال جديد، جميع الاسئلة فالمتناول، نقدر نجاوب على كلشي، خاص غير الاجابات تكون صحيحة
بالمناسبة، تبعت المنهج ديال الامتحان، يعني تبعت الترتيب، الكيمياء هي اللولة، موراها الموجات، من بعي النووي، الكهرباء وآخر حاجة اللي كتعجبني هي الميكانيك
فاللول خديت راحتي وبديت كنكتب بسويا وكنزوق واللعيبات، واحد شويا شفت الوقت داز بزاف وانا غير فالكيمياء، وانا مبدا نزيد فالسرعة، زيرني شويا السؤال الأخير ولكن قدرت نجاوب عليه
كملت عادي سؤال مورا سؤال، تمرين مورا تمرين، متبلوكيتش والو، حتى ساليت الامتحان كامل كانت بقات شي 10 دقايق بحال هكاك، درت مراجعة خفيفة لنكون نسيت شي سؤال وسنيت وخزجت وانا فرحان
علاش؟
حينت تمتعت وانا كندوز داك الامتحان، حينت حسيت بلي الخدمة وداكشي اللي ركزت عليه تحط وخدمتو مزيان ومتأكد النقطة اتكون مابين 19 و 20 فغالب الاحيان
وفالآخير كنكتشف بلي مابين أحسن النقط اللي جبت فالباك ليبر وعاونتني نجيب 18 هي مادة الفيزياء والكيمياء اللي جبت فيها 19.5 والمعامل ديالها 7 يا سلاااام
كانت هذه قصة التحول من واحد كاره الفيزيك وجايب فيه 8 الى كنبغي هاد المادة وجايب فيها 19.5 تبارك الله
ملاحظة : مدرت حتى عرض عند شي أستاذ، فقط المراجعة فاليوتوب وصاحبي غوووغل
تانتا ممكن ديرها ومازال عندك الوقت
يتبع ….
______________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
اوا كلشي كان غادي مزيااان وانا فرحان حتى قري الجهوي وهنا ركزت على المواد اللي فيه ونسي شي حاجة سميتها مواد الوطني ومنهم الفيزيك وفاش دوزت الجهوي وساليتو، قلت اجي نستارح واحد النهار عاد نبدا المراجعة ديال مواد الوطني، حينت عييت بزاااف، مقدرت نهار الثاني نتحرك والو، الكاو بمعنى الكلمة، يعني حتال النهار الثالث عاد نويت نهز شويا داك الكتاب ونراجع هاد الفيزيك، لقيت راسي شي حاجة مبقيتش عاقل عليهم
وايلي اش طرا؟ كنحس بعقلي خاوي، هنا جبت الملخصات ديالي كاملين وبديت كندوز درس بدرس وكنشوف شنو شاد مزيان واشنو اللي لا، كنكتاشف بلي 40٪ فيها مشكل، يعني تقريبا النصف، بدات كتشدني الدوخة وبديت كنحس براسي عامر بزاااااف، وهادشي عااادي جدا وغادي اقدر اطرا ليك حتى انت خصوصا فمادة الفيزياء اللي مكتساليس، نقدر نقوليك بلي هاد المادة بزااااف، بالدروس ديالها بالعلاقات بالحالات اللي فيها …
المهم، كنت بغيت نراجع الSVT والفلسفة والانجليزية، صدقت غاع ماطليت عليهم، بقى واحل غير مع الفيزيك، كنحاول نرجع داكشي اللي ضاع، حتى وصل نهار قبل من الامتحان عاد فهمت البلان وفهمت اشنو طاري
القضية ومافيها، العقل ديالي عامر ببزاف ديال المعلومات، ماشي خاوي كيفما كتخيل ليا، غير حينت كنكثر عليه بزاااف د المعلومات دقة وحدة كتبلوكا وحينت باغي نراجع بزاف ديال الدروس دقة وحدة داكشي علاش هادشي طرا
صافي تكالميت وجلست مكندير والو، بقيت غير كندعي بدعاء التيسير، وحطيت الملخصات اللي كنحس بلي عندي فيهم مشاكل باش نشوفهم مع 5 د الصباح قبل مانشد الطريق ندوز الوطني
داكشي اللي كان، فقت بكري، شفت الملخصات (والله منكدب عليك، الا الاقمار كنت حاس بيهم بزااف ايتحطو معرفتش علاش، وخا مخدمتش فيهم تمارين بزااف، عرفت اشنو هما الحاجات الاساسية اللي خاصني نكون عارف وآخر حاجة شفت قبل منخرج من الدار كانت هي علاقات ديال داك الدرس)
مشيت الامتحان، توكلت على الله، تفرقو اوراق الامتحان، قريت الامتحان كامل، مكين حتى سؤال جديد، جميع الاسئلة فالمتناول، نقدر نجاوب على كلشي، خاص غير الاجابات تكون صحيحة
بالمناسبة، تبعت المنهج ديال الامتحان، يعني تبعت الترتيب، الكيمياء هي اللولة، موراها الموجات، من بعي النووي، الكهرباء وآخر حاجة اللي كتعجبني هي الميكانيك
فاللول خديت راحتي وبديت كنكتب بسويا وكنزوق واللعيبات، واحد شويا شفت الوقت داز بزاف وانا غير فالكيمياء، وانا مبدا نزيد فالسرعة، زيرني شويا السؤال الأخير ولكن قدرت نجاوب عليه
كملت عادي سؤال مورا سؤال، تمرين مورا تمرين، متبلوكيتش والو، حتى ساليت الامتحان كامل كانت بقات شي 10 دقايق بحال هكاك، درت مراجعة خفيفة لنكون نسيت شي سؤال وسنيت وخزجت وانا فرحان
علاش؟
حينت تمتعت وانا كندوز داك الامتحان، حينت حسيت بلي الخدمة وداكشي اللي ركزت عليه تحط وخدمتو مزيان ومتأكد النقطة اتكون مابين 19 و 20 فغالب الاحيان
وفالآخير كنكتشف بلي مابين أحسن النقط اللي جبت فالباك ليبر وعاونتني نجيب 18 هي مادة الفيزياء والكيمياء اللي جبت فيها 19.5 والمعامل ديالها 7 يا سلاااام
كانت هذه قصة التحول من واحد كاره الفيزيك وجايب فيه 8 الى كنبغي هاد المادة وجايب فيها 19.5 تبارك الله
ملاحظة : مدرت حتى عرض عند شي أستاذ، فقط المراجعة فاليوتوب وصاحبي غوووغل
تانتا ممكن ديرها ومازال عندك الوقت
يتبع ….
______________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
Youssefelbadaoui
اللائحة الخاصة
قصتي مع الفيزيك : من 8/20 إلى 19.5/20 👆
Please open Telegram to view this post
VIEW IN TELEGRAM
11 ماي : يوم ماشي عادي 😍
"ما لم تبدأه اليوم، لن يكتمل غذا"
صباح الخيرات معشر المتفوقين
اول حاجة شكرا بزاف على التفاعل ديالك مع الرسالة ديال البارح
بزاف ديال التلاميذ قالو لي بلي عجباتنم القصة
واخا بزااف ديال التفاصيل مهضرتش عليهم
وانخليهم حتى تجيبها الوقت ان شاء الله
اليوم نحاول نستارح شويا
علاش ؟ علاش ا يوسف ؟
اليوم يوم ماشي عادي عندي
اليوم هو النهار اللي تزاديت فيه هادي 29 عام
تبارك الله
الوقت كيجري ولكن اهم حاجة
هي كندير شي حاجة اللي عاجباني يزاااف فهاد الوقت
كل نهار كنفيق وكنقز من البلاصة ديالي مع 04:45 وانا فرحااان
حينت غادي ندير الحاجات اللي انا ختاريت نديرهم
كان صعيب نقنع يوسف ديال 2019 بهادشي اللي وصلت ليه اليوم
فرق كبييييييييير بزااااااااف
ومن جميييع النواحي ديال الحياة
الخدمة، الشخصية، التواصل، المهارات الاجتماعية، التحدث امام الجمهور، الجانب المادي، الثقة في النفس
وكنبقى ديما تنقول الحمد لله، الحمد لله، الحمد لله
اللي خديت هاداك القرار داك النهار وبقيت مكمل وماوقفتش
واخا، الظروف والمهارات ديالي ديك الوقت مكانتش مساعدة، توكلت على الله ودرت الثقة ديالي فالله
وهذا هو السر
الناس كحقتقرو اشنو اقدرو ف 3 ولا 4 سنوات ديال الخدمة
انا هادشي اللي وصلت ليه اليوم، كان غير حلم، رؤية، كون قلتها لشي حد اضحك عليا ديك الساعة
ولكن داكشي كامل اللي خططت ليه تحقق بالتفاصيل
الحمد لله على هاد النعمة
ومازال، مازااال الخييير ان شاء الله
حينت كلشي اللي محتاجو عندي
العقلية، الاستمرارية، المثابرة، الانضباط، الثقة في النفس
تقدر تساولني : اشنو انستافد من هادشي اللي قلت دابا ؟
حاجة وحدة : انت عليك حاجة وحدة هي التوكل على الله والخدمة، ما تبقى خليه للخالق ديالك ماتدخلش فيه ومن مورا سنوات ديك الساعة انبدا تشوف النتائج
متبقاش مركز عليهم بزاااف
نعم، 29 عام اللي كملت وانا فخور براسي وبجميع الانجازات اللي حققت لهاد الساعة ومازال متعطش بزاااف لكثر
الله اوفقك وايسر لك
نتلاقاو غدا مع مادة جديدة
اش بانليك؟ على انا مادة غادي نهضر
يتبع ….
__________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
"ما لم تبدأه اليوم، لن يكتمل غذا"
صباح الخيرات معشر المتفوقين
اول حاجة شكرا بزاف على التفاعل ديالك مع الرسالة ديال البارح
بزاف ديال التلاميذ قالو لي بلي عجباتنم القصة
واخا بزااف ديال التفاصيل مهضرتش عليهم
وانخليهم حتى تجيبها الوقت ان شاء الله
اليوم نحاول نستارح شويا
علاش ؟ علاش ا يوسف ؟
اليوم يوم ماشي عادي عندي
اليوم هو النهار اللي تزاديت فيه هادي 29 عام
تبارك الله
الوقت كيجري ولكن اهم حاجة
هي كندير شي حاجة اللي عاجباني يزاااف فهاد الوقت
كل نهار كنفيق وكنقز من البلاصة ديالي مع 04:45 وانا فرحااان
حينت غادي ندير الحاجات اللي انا ختاريت نديرهم
كان صعيب نقنع يوسف ديال 2019 بهادشي اللي وصلت ليه اليوم
فرق كبييييييييير بزااااااااف
ومن جميييع النواحي ديال الحياة
الخدمة، الشخصية، التواصل، المهارات الاجتماعية، التحدث امام الجمهور، الجانب المادي، الثقة في النفس
وكنبقى ديما تنقول الحمد لله، الحمد لله، الحمد لله
اللي خديت هاداك القرار داك النهار وبقيت مكمل وماوقفتش
واخا، الظروف والمهارات ديالي ديك الوقت مكانتش مساعدة، توكلت على الله ودرت الثقة ديالي فالله
وهذا هو السر
الناس كحقتقرو اشنو اقدرو ف 3 ولا 4 سنوات ديال الخدمة
انا هادشي اللي وصلت ليه اليوم، كان غير حلم، رؤية، كون قلتها لشي حد اضحك عليا ديك الساعة
ولكن داكشي كامل اللي خططت ليه تحقق بالتفاصيل
الحمد لله على هاد النعمة
ومازال، مازااال الخييير ان شاء الله
حينت كلشي اللي محتاجو عندي
العقلية، الاستمرارية، المثابرة، الانضباط، الثقة في النفس
تقدر تساولني : اشنو انستافد من هادشي اللي قلت دابا ؟
حاجة وحدة : انت عليك حاجة وحدة هي التوكل على الله والخدمة، ما تبقى خليه للخالق ديالك ماتدخلش فيه ومن مورا سنوات ديك الساعة انبدا تشوف النتائج
متبقاش مركز عليهم بزاااف
نعم، 29 عام اللي كملت وانا فخور براسي وبجميع الانجازات اللي حققت لهاد الساعة ومازال متعطش بزاااف لكثر
الله اوفقك وايسر لك
نتلاقاو غدا مع مادة جديدة
اش بانليك؟ على انا مادة غادي نهضر
يتبع ….
__________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
Please open Telegram to view this post
VIEW IN TELEGRAM
قصتي مع اللغة الانجليزية : من 13.5 الى 19 🫡
فقط بيومين ديال المراجعة
وكفاش التجربة خلاتني نطور بزاف من الانجليزية
صباح الخيرات معشر المتفوقين
كيف الحال ؟
وصلوني البارح بزاااف ديال الرسائل ديال التهاني بخصوص عيد ميلام ديالي
شكرا لاي واحد خدا منوقتو وصيفط ليا مساج وتفكرني فيه
البارح فرحت بزاااف ملي اكتشفت بلي غير فهاد الوقت قصي ديال 4 سنوات، قدرت على انني ندير واحد التأثير كبييير فالناس وهادشي اصلا علاش بديت النهار الاول
الحمد لله
وان شاء الله مازال الخير القدااام
البارح رتاحيت وحتفلت مع راسي ب 29 عام
اليوم نرجعو للخدمة
نكملو على قصتي مع مواد الجهوي والوطني
واليوم ختاريت مادة اللغة الانجليزية
ياس ! يو ناو وات أي مين برو !
مادة اللي معاملها غير 2 ولكن كتخلع ليا الشعب
بحالي بحال غاع ولاد الشعب والمغاربة عامة
كنكتشف هاد المادة فالثالثة اعدادي اول مرة
وفخاطري كنقول متفاكينا حتى مع الفرنسية
بقات غير الانجليزية
ولكن واخا هكاك، كتاشفت فهاد المادة واحد الحلاوة بالمقارنة مع الفرنسية
وجاتني ساهلة شويا فالقواعد بعدا
مهم دوزت الجذع المشترك والاولى باك مستوى مستحسن
كنفهم شويا وكنعرف القواعد البسيطة
وهادشي اللي خلاني منبغيش ناخد من وقتي ونطور راسي كثر
وحبنت كنت علوم رياضية، مكزتش عليها بزااف
وصلت للباك، داز تاهو عام بحال الاعوام اللي فاتو
كنت كنراجع للفروض فليلتهم
ونقولك واحد الحاجة وانا عارف ماغاديش تيقني
ماراجعتش للامتحان الوطني
الا بقيت عاقل دوزت الفيزيك او جيت مخلوع طليت بالزربة على القواعد وصافي ومشيت ندوز فالعشية
الامتحان تحذ كيف ديما عادي
انا فهمت النص غادي كنجاوب على الاسئلة واكن ممأكدش من الجواب الصحيح حتى وصلت لل
writing
, كانت فيه شي كلمة ولا جوج مفهمتهومش وهنا وقفت، معرفت مندير
بقيت كنفكر شحال وانا مقول اجي نقمر ونكتب بعدا شي حاجة
المهم كتبت شي حاجة وخرجت
كنقول بالمقارنة بالمراجعة اللي مدرتش فهاد المادة وكفاش دوزتها راه بيخييييير
فاش كنجي للنتيجة كنلقى راسي جايب 13.5 ومتصدمتش حينت هادي هي النقطة اللي كنت كنجيب فالقسم
وكنظن
writing
مجبتش فيها مزيان
المهم، انا بعدا حسيت براسي راضي على النتيجة
فاش دخلت للمدرسة الوطنية للعلوم التطبيقية طراو لي مجموعة ديال المشاكل فهاد المادة غادي نهضر عليهم ان شاء الله فشي ايميل خاص ولكن الحاجة الزوينة هي فاش كريت مع واحد الولد فأسفي كان كخدم غير بالانجليزية وكهضر بيها بزاااف وهنا فين انبدا نهتم بهاد المادة وغادي نقلب السيستيم ديالي كامل بالانجليزية باش نبدا نولف عليها
فاش تخرجت فسنة 2018 مهندس دولة دوزت بزااف ديال مقابلات العمل، حتى هادو الا جيت نعاود عليهم كين مايتقاااااال بزااف نخصص لهم شي ايميل
ومن حسن الحظ، اول خدمة ديالي غادي تكون ف شركة عالمية وكتخدم غير بالانجليزية ومشرووووع كبييير فميناء طنجة المتوسط
وهنا فين بزز مني غادي نولي كنهضر وكنخدم غير بالانجليزية، جميع اوراق الشركة والاجتماعات كيدارو بهاد اللغة، وخدمت مع بزاااف د الناس من جنسيات مختلفة، الهنود، الصينيين، الالمان، الامريكيين، البرتغاليين، المصريين …
يا سلااام، احسن بداية حياة مهنية تحلم بيها
المهم، دوزت عام تما ومن موراها جيت لكازا، بدلت الخدمة ورجعت تاني للسيستيم اللفرنسي وجاتني صعيبة بزااف صراحة
ولكن فديك المدة ديال عام، قريت بزااااااف ديال الكتوبة، الفيديوات غير بالانجليزية وفمواضيع كثيييييرة
وفديك المدة ديال عام تطورات الانجليزية بشكل خيالي، خصوصا بزز مني خاصني نهضر بيها
فاش دفعت الباك ليبر العام اللي فات، كانت عارف راسي مغاديش نلقى مشكل فالانجليزية، حتى من writing
ماغاديش تخلعني، حينت فاش كنت خدام كنت كنكتب الايميلات بهاد اللغة، اللي هو السؤال اللي كتحط مرة مرة فالامتحان
ولكن كان ضروري انني نشوف الدروس ديال اللغة، واحد النهار، كندور فالانستغرام، كطلع ليا فيه ساعتين ديال واحد الاستاذة دايرة فيه 5 ديال الوحدات، يعني النصف ديال المقرر، وانا نقول اجي نشوف هاد العجب، محسيتش تا لقيت راسي سالا الوقت وفنفس الوقت درت ملخص لكلشي
فاش ساليت قلت اجي نجرب هادشي اللي قريت فشي امتحان،
اشمن امتحان جبت فنظرك؟
هممم…
آه ! هو هداك الامتحان ديال 2012 اللي كنت دوزت وانا متمدرس
جاوبت غير على الجزء الاول والثاني
لقيت راسي ساليتهم فاقل من 15 دقيقة
وجبت فيهم 14/15 وهادشي مازال مكملت الوحدات الكاملين
من موراها خدمت امتحان آخر، كنلقى راسي نفس النتيجة
وانا نعس على جنب الراحة، وانا نقول هاد المادة انخصص ليها شي نهار وصافي منزيدش ليه
نهار نكمل فيه 5 الوحدات اللي بقاو ونتعمل شويا الكتابة اللي انحتاج فال
writing
داكشي اللي درت
واحد الصباح، من مورا ما فقت مع 6 ديال الصباح، بلاصت مندير غير 5 الوحدات اللي بقاو
لقيت فيديو ديال نفس الاست
فقط بيومين ديال المراجعة
وكفاش التجربة خلاتني نطور بزاف من الانجليزية
صباح الخيرات معشر المتفوقين
كيف الحال ؟
وصلوني البارح بزاااف ديال الرسائل ديال التهاني بخصوص عيد ميلام ديالي
شكرا لاي واحد خدا منوقتو وصيفط ليا مساج وتفكرني فيه
البارح فرحت بزاااف ملي اكتشفت بلي غير فهاد الوقت قصي ديال 4 سنوات، قدرت على انني ندير واحد التأثير كبييير فالناس وهادشي اصلا علاش بديت النهار الاول
الحمد لله
وان شاء الله مازال الخير القدااام
البارح رتاحيت وحتفلت مع راسي ب 29 عام
اليوم نرجعو للخدمة
نكملو على قصتي مع مواد الجهوي والوطني
واليوم ختاريت مادة اللغة الانجليزية
ياس ! يو ناو وات أي مين برو !
مادة اللي معاملها غير 2 ولكن كتخلع ليا الشعب
بحالي بحال غاع ولاد الشعب والمغاربة عامة
كنكتشف هاد المادة فالثالثة اعدادي اول مرة
وفخاطري كنقول متفاكينا حتى مع الفرنسية
بقات غير الانجليزية
ولكن واخا هكاك، كتاشفت فهاد المادة واحد الحلاوة بالمقارنة مع الفرنسية
وجاتني ساهلة شويا فالقواعد بعدا
مهم دوزت الجذع المشترك والاولى باك مستوى مستحسن
كنفهم شويا وكنعرف القواعد البسيطة
وهادشي اللي خلاني منبغيش ناخد من وقتي ونطور راسي كثر
وحبنت كنت علوم رياضية، مكزتش عليها بزااف
وصلت للباك، داز تاهو عام بحال الاعوام اللي فاتو
كنت كنراجع للفروض فليلتهم
ونقولك واحد الحاجة وانا عارف ماغاديش تيقني
ماراجعتش للامتحان الوطني
الا بقيت عاقل دوزت الفيزيك او جيت مخلوع طليت بالزربة على القواعد وصافي ومشيت ندوز فالعشية
الامتحان تحذ كيف ديما عادي
انا فهمت النص غادي كنجاوب على الاسئلة واكن ممأكدش من الجواب الصحيح حتى وصلت لل
writing
, كانت فيه شي كلمة ولا جوج مفهمتهومش وهنا وقفت، معرفت مندير
بقيت كنفكر شحال وانا مقول اجي نقمر ونكتب بعدا شي حاجة
المهم كتبت شي حاجة وخرجت
كنقول بالمقارنة بالمراجعة اللي مدرتش فهاد المادة وكفاش دوزتها راه بيخييييير
فاش كنجي للنتيجة كنلقى راسي جايب 13.5 ومتصدمتش حينت هادي هي النقطة اللي كنت كنجيب فالقسم
وكنظن
writing
مجبتش فيها مزيان
المهم، انا بعدا حسيت براسي راضي على النتيجة
فاش دخلت للمدرسة الوطنية للعلوم التطبيقية طراو لي مجموعة ديال المشاكل فهاد المادة غادي نهضر عليهم ان شاء الله فشي ايميل خاص ولكن الحاجة الزوينة هي فاش كريت مع واحد الولد فأسفي كان كخدم غير بالانجليزية وكهضر بيها بزاااف وهنا فين انبدا نهتم بهاد المادة وغادي نقلب السيستيم ديالي كامل بالانجليزية باش نبدا نولف عليها
فاش تخرجت فسنة 2018 مهندس دولة دوزت بزااف ديال مقابلات العمل، حتى هادو الا جيت نعاود عليهم كين مايتقاااااال بزااف نخصص لهم شي ايميل
ومن حسن الحظ، اول خدمة ديالي غادي تكون ف شركة عالمية وكتخدم غير بالانجليزية ومشرووووع كبييير فميناء طنجة المتوسط
وهنا فين بزز مني غادي نولي كنهضر وكنخدم غير بالانجليزية، جميع اوراق الشركة والاجتماعات كيدارو بهاد اللغة، وخدمت مع بزاااف د الناس من جنسيات مختلفة، الهنود، الصينيين، الالمان، الامريكيين، البرتغاليين، المصريين …
يا سلااام، احسن بداية حياة مهنية تحلم بيها
المهم، دوزت عام تما ومن موراها جيت لكازا، بدلت الخدمة ورجعت تاني للسيستيم اللفرنسي وجاتني صعيبة بزااف صراحة
ولكن فديك المدة ديال عام، قريت بزااااااف ديال الكتوبة، الفيديوات غير بالانجليزية وفمواضيع كثيييييرة
وفديك المدة ديال عام تطورات الانجليزية بشكل خيالي، خصوصا بزز مني خاصني نهضر بيها
فاش دفعت الباك ليبر العام اللي فات، كانت عارف راسي مغاديش نلقى مشكل فالانجليزية، حتى من writing
ماغاديش تخلعني، حينت فاش كنت خدام كنت كنكتب الايميلات بهاد اللغة، اللي هو السؤال اللي كتحط مرة مرة فالامتحان
ولكن كان ضروري انني نشوف الدروس ديال اللغة، واحد النهار، كندور فالانستغرام، كطلع ليا فيه ساعتين ديال واحد الاستاذة دايرة فيه 5 ديال الوحدات، يعني النصف ديال المقرر، وانا نقول اجي نشوف هاد العجب، محسيتش تا لقيت راسي سالا الوقت وفنفس الوقت درت ملخص لكلشي
فاش ساليت قلت اجي نجرب هادشي اللي قريت فشي امتحان،
اشمن امتحان جبت فنظرك؟
هممم…
آه ! هو هداك الامتحان ديال 2012 اللي كنت دوزت وانا متمدرس
جاوبت غير على الجزء الاول والثاني
لقيت راسي ساليتهم فاقل من 15 دقيقة
وجبت فيهم 14/15 وهادشي مازال مكملت الوحدات الكاملين
من موراها خدمت امتحان آخر، كنلقى راسي نفس النتيجة
وانا نعس على جنب الراحة، وانا نقول هاد المادة انخصص ليها شي نهار وصافي منزيدش ليه
نهار نكمل فيه 5 الوحدات اللي بقاو ونتعمل شويا الكتابة اللي انحتاج فال
writing
داكشي اللي درت
واحد الصباح، من مورا ما فقت مع 6 ديال الصباح، بلاصت مندير غير 5 الوحدات اللي بقاو
لقيت فيديو ديال نفس الاست
اذة فيه الوحدات كاملين
دوزتى كااااامل وصوبت ملخص ديال الدروس
ومن موراها مباشرة دخلت للفيديوات ديال التمارين ديال هاديك الاستاذة، وبديت كنتريني، كنتريني، فالغالبية كنجيبها صحيحة، مرة مرة كنخطأ كنصحح، وهي غاد بحال هكا تاساليت داكشي
وفالعشية خدمت شي 3 ديال الامتحانات كاملين ولقيت راسي كنجيب 15/15 غير
writing
اللي كنلقى راسي ماشي مزيان فيها
المهم ديك 18 ولا 19 اللي كنجيب
صافي ملي شفت هاد النتائج، سديت على شي حاجة سميتها اللغة الانجليزية حتال نهار الامتحان
فوقيتة ديال الغدا شفت القواعد بالزربة ومشيت دوزت
يا سلااام على امتحان واشنو موضوع الامتحان ؟
واحد السيد اللي كنعرفو فاش كنت كنقرا فاسفي
كان واحد المرة مشا من الجديدة لاسفي على رجليه
وفالامتحان كيعاود على القصة ديالو كفاش ضار افريقيا كاملة علىى رجليه، بيكالا، والسكايت
وهضرو حتى على الفيلم اللي غادي اعاود فيه القصة ديالو …
انا راه ماشي غير فهمت النص، انا راه تانسبيريت، كنشوف واحد حقق الحلم ديالو، واحد تاهو بدا من الزيرو، نفس العقلية، بشااااااخ، يا سلااام
كندوز فالامتحان وكنحس بواحد الطاقة
من الاحسن الامتحانات اللي دوزت
مكينش الغرام ديال الستريس
جاوبت على الاسئلة ديال الجزء الاول والثاني ومأكد منهم كاملين بحال كيف ديما
ودزت لل
writing
، كنلقى جوج ديال المواضيع، اللول عجبني كهضر على اليوم العالمي للمرأة وكفاش احتفلتو فيه فمدرستكم، هنا بدعت مزياان وربطت داكشي بمواقع التواصل الاجتماعي حينت عندي فيه شويا دالكلمات بالانجليزية
ولكن ولكن …
اللي صدمني هو الموضوع الثاني، جاني لا علاقة، الموضوع كان على التشجير والغابات يعني فالبيئة ولكن الطريقة باش تطرح معجبتنيش، كان اقدر اتحط بطريقة حسن وايكون زوين
ماعلينا، هنا العائق اللي كان عندي كبير، هو المفردات اللي كتنتمي لحقل البيئة منين غادي نجيبهم
بقيت مقاتل مقاتل كنعصر فالعقل ديالي تا خرجت الماكس وزوقت الوريقة وحترمت طريقة الكتابة، وتوكلت على الله وسينست وخرجت وانا كنقول ومتأكد النقطة اتكون مابين 17 و 20 هادشي اللي بان ليا
اوا نهار النتيجة، متصدمتش وليقت راسي جايب 19
شحال ديال الخدمة خدات ليا ؟ قل من يومين
هادي هي المراجعة الفعالة
هادي هي المراجعة بذكاء
هادي هي باريتو
ماكضيعش الوقت، كتركز فالمهم، كتخدم فقط الاخطاء والمشاكل اللي عندك
وفالاخير كتجيب نقطة جد متميزة
مكنصحكش دير بحالي
حينت انا متأكد مغاديش ايكون عندنا نفس المستوى
ولكن كنصحك تعرف المشاكل اللي عندك والاخطاء وخدم عليها بزاااف وان شاء الله ايكون غير الخير
كانت هادي قصتي مع الانجليزية
ملاحظة : يالله دوزت واحد الامتحان ديال اللغة الانجليزية فرمضان وكانت النتيجة مرضية الحمد لله وخا موجدتش ليه بزااف، 59/80 والحاجة الواعرة هي جبت فال
writing
احسن نقطة وهي 72/80 واللي كتبين بلي انا ناااضي بزااف فالكتابة وهادا تاهو خاصو ايميل بوحدو نعاود ليك عليه
يتبع ….
__________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
دوزتى كااااامل وصوبت ملخص ديال الدروس
ومن موراها مباشرة دخلت للفيديوات ديال التمارين ديال هاديك الاستاذة، وبديت كنتريني، كنتريني، فالغالبية كنجيبها صحيحة، مرة مرة كنخطأ كنصحح، وهي غاد بحال هكا تاساليت داكشي
وفالعشية خدمت شي 3 ديال الامتحانات كاملين ولقيت راسي كنجيب 15/15 غير
writing
اللي كنلقى راسي ماشي مزيان فيها
المهم ديك 18 ولا 19 اللي كنجيب
صافي ملي شفت هاد النتائج، سديت على شي حاجة سميتها اللغة الانجليزية حتال نهار الامتحان
فوقيتة ديال الغدا شفت القواعد بالزربة ومشيت دوزت
يا سلااام على امتحان واشنو موضوع الامتحان ؟
واحد السيد اللي كنعرفو فاش كنت كنقرا فاسفي
كان واحد المرة مشا من الجديدة لاسفي على رجليه
وفالامتحان كيعاود على القصة ديالو كفاش ضار افريقيا كاملة علىى رجليه، بيكالا، والسكايت
وهضرو حتى على الفيلم اللي غادي اعاود فيه القصة ديالو …
انا راه ماشي غير فهمت النص، انا راه تانسبيريت، كنشوف واحد حقق الحلم ديالو، واحد تاهو بدا من الزيرو، نفس العقلية، بشااااااخ، يا سلااام
كندوز فالامتحان وكنحس بواحد الطاقة
من الاحسن الامتحانات اللي دوزت
مكينش الغرام ديال الستريس
جاوبت على الاسئلة ديال الجزء الاول والثاني ومأكد منهم كاملين بحال كيف ديما
ودزت لل
writing
، كنلقى جوج ديال المواضيع، اللول عجبني كهضر على اليوم العالمي للمرأة وكفاش احتفلتو فيه فمدرستكم، هنا بدعت مزياان وربطت داكشي بمواقع التواصل الاجتماعي حينت عندي فيه شويا دالكلمات بالانجليزية
ولكن ولكن …
اللي صدمني هو الموضوع الثاني، جاني لا علاقة، الموضوع كان على التشجير والغابات يعني فالبيئة ولكن الطريقة باش تطرح معجبتنيش، كان اقدر اتحط بطريقة حسن وايكون زوين
ماعلينا، هنا العائق اللي كان عندي كبير، هو المفردات اللي كتنتمي لحقل البيئة منين غادي نجيبهم
بقيت مقاتل مقاتل كنعصر فالعقل ديالي تا خرجت الماكس وزوقت الوريقة وحترمت طريقة الكتابة، وتوكلت على الله وسينست وخرجت وانا كنقول ومتأكد النقطة اتكون مابين 17 و 20 هادشي اللي بان ليا
اوا نهار النتيجة، متصدمتش وليقت راسي جايب 19
شحال ديال الخدمة خدات ليا ؟ قل من يومين
هادي هي المراجعة الفعالة
هادي هي المراجعة بذكاء
هادي هي باريتو
ماكضيعش الوقت، كتركز فالمهم، كتخدم فقط الاخطاء والمشاكل اللي عندك
وفالاخير كتجيب نقطة جد متميزة
مكنصحكش دير بحالي
حينت انا متأكد مغاديش ايكون عندنا نفس المستوى
ولكن كنصحك تعرف المشاكل اللي عندك والاخطاء وخدم عليها بزاااف وان شاء الله ايكون غير الخير
كانت هادي قصتي مع الانجليزية
ملاحظة : يالله دوزت واحد الامتحان ديال اللغة الانجليزية فرمضان وكانت النتيجة مرضية الحمد لله وخا موجدتش ليه بزااف، 59/80 والحاجة الواعرة هي جبت فال
writing
احسن نقطة وهي 72/80 واللي كتبين بلي انا ناااضي بزااف فالكتابة وهادا تاهو خاصو ايميل بوحدو نعاود ليك عليه
يتبع ….
__________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
حصة مباركة في مراجعة الرياضيات ☑️
صباح الخيرات معشر المتفوقين
كيف الحال؟
كيف غادي مع نهاية الاسبوع ؟
فين وصلت في المراجعة؟
مازال 24 يوم للوطني
البارح بدينا اللايفات ديال مادة الرياضيات في اكاديمية النخبة
والحمد لله اول حصة كانت خيالية
واحسن حاجة هي تشوف فالاخير واحد كان فاقد الامل وكيقول ماغادي ندير والو كيقولك بلي ولا كفهم ولا عارف كفاش اقدر اجاوب
الطريقة ديالي فالمراجعة مع الناس مختلفة تماما على باقي الاساتذة
علاش؟
حينت مكنعتمدش على "حفظ وعرض"
مكتعتمدش على حفظ التمارين
وانما كتعتامد على حفظ الطريقة اللي تخدم بيها
كيفما تحط ليك التمرين
يعني ماكهمكش واش الامتحان ساهل ولا صعيب
اللي كهم هو اتبع الطريقة وغادي تخرجو
وهادشي الحمد لله بشهادة الناس اللي حضرو البارح
الا كنت كتحفظ، غادي اتبدل شي حاجة بسيطة في الامتحان، غادي تخربق وغادي تبلوكا وغاتبدا تشكى وتقول الامتحان صعيب
في حين المشكل فيك انت اللي كتحفظ التمارين
ولا بغيتي تفهمني كثر علاش كنهضر انخلي ليك واحد الفيديو كنت حطيتها فاليوتوب كنهضر عامة
ولكن فالاكاديمية، كنخدم مع الناس اللي مسجلين داكشي بالتفاصيل وحتى اشنو ايكتب فورقة التحرير باش مينقصوش ليه النقط
: رابط الفيديو
https://youtu.be/I08PM0vY164
https://youtu.be/6drpkVaNisA
ميمكنش تفرج ف ديك الفيديو ومتفهمش
الماط فالوطني، المعامل ديالو طاااالع بزاااف
يعني الا مشيتي حتى جبت فيه مزيان غادي افرقع ليك النقطة ديالك، وفنفس الوقت اتلقى راسك موجود توجد الكونكورات ديال المدارس العليا
غدا ان شاء الله نهضر مزياااان على هاد المادة والقصة ديالي وكفاش قدرت نولي ناااضي فيها
يتبع ….
__________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
صباح الخيرات معشر المتفوقين
كيف الحال؟
كيف غادي مع نهاية الاسبوع ؟
فين وصلت في المراجعة؟
مازال 24 يوم للوطني
البارح بدينا اللايفات ديال مادة الرياضيات في اكاديمية النخبة
والحمد لله اول حصة كانت خيالية
واحسن حاجة هي تشوف فالاخير واحد كان فاقد الامل وكيقول ماغادي ندير والو كيقولك بلي ولا كفهم ولا عارف كفاش اقدر اجاوب
الطريقة ديالي فالمراجعة مع الناس مختلفة تماما على باقي الاساتذة
علاش؟
حينت مكنعتمدش على "حفظ وعرض"
مكتعتمدش على حفظ التمارين
وانما كتعتامد على حفظ الطريقة اللي تخدم بيها
كيفما تحط ليك التمرين
يعني ماكهمكش واش الامتحان ساهل ولا صعيب
اللي كهم هو اتبع الطريقة وغادي تخرجو
وهادشي الحمد لله بشهادة الناس اللي حضرو البارح
الا كنت كتحفظ، غادي اتبدل شي حاجة بسيطة في الامتحان، غادي تخربق وغادي تبلوكا وغاتبدا تشكى وتقول الامتحان صعيب
في حين المشكل فيك انت اللي كتحفظ التمارين
ولا بغيتي تفهمني كثر علاش كنهضر انخلي ليك واحد الفيديو كنت حطيتها فاليوتوب كنهضر عامة
ولكن فالاكاديمية، كنخدم مع الناس اللي مسجلين داكشي بالتفاصيل وحتى اشنو ايكتب فورقة التحرير باش مينقصوش ليه النقط
: رابط الفيديو
https://youtu.be/I08PM0vY164
https://youtu.be/6drpkVaNisA
ميمكنش تفرج ف ديك الفيديو ومتفهمش
الماط فالوطني، المعامل ديالو طاااالع بزاااف
يعني الا مشيتي حتى جبت فيه مزيان غادي افرقع ليك النقطة ديالك، وفنفس الوقت اتلقى راسك موجود توجد الكونكورات ديال المدارس العليا
غدا ان شاء الله نهضر مزياااان على هاد المادة والقصة ديالي وكفاش قدرت نولي ناااضي فيها
يتبع ….
__________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
YouTube
كفاش نجيب 20/20 في الامتحان الوطني - الرياضيات
للولوج الى منصة ارشيف الامتحانات السابقة من هنا :
https://www.youssefelbadaoui.com/old-exams
للتسجيل في اكاديمية النخبة والاستفادة من التخفيض من هنا :
https://www.elites.ac/
للتواصل معنا من هنا :
https://wa.me/+212775986422
مجموعة تيليغرام من هنا…
https://www.youssefelbadaoui.com/old-exams
للتسجيل في اكاديمية النخبة والاستفادة من التخفيض من هنا :
https://www.elites.ac/
للتواصل معنا من هنا :
https://wa.me/+212775986422
مجموعة تيليغرام من هنا…
قصتي مع الباك ليبر : الرياضيات و19.5/20
وكفاش فشلت فالامتحان ديال 2022 ومقدرت نجاوب عليه
السلام عليكم يا معشر المتفوقين
كيف الحال ؟ كلشي غادي مزيان ؟
اعتذر تعطلت باش نصيفط هاد الايميل
يالله كتاب اليوم ايكون عندك
نتمنى تقراه كامل من اللول حتى الاخير
اليوم غادي نهضر على قصتي مع الرياضيات
اكبر شبح وكابوس كخلع التلاميذ في امتحانات الباك
الحمد لله ، الناس اللي دخلو عندي الاكاديمية
من بعد غير 3 الحصص اللي درنا تبدلات النظرة ديالهم لهاد المادة ومازال غادي نديرو بزااف د الحصص من هنا للوطني ان شاء الله
اذن نبداو القصة ديالنا
اول حاجة انا من صغري وانا عندي مع الرياضيات
فاش كنقول عندي معاها مكنقصذش انني كنجيب 20/20 ولكن عندي معاها كتعني انني نقدر نبقى ساعات وانا كنخدم تمارين ديالها بدون ملل
اقدر سؤال ندوز فيه 3 ساعات هانية مكنحسش بالوقت
بزاف ديال الاساتذة طلبوني انني ندير علوم رياضية من خلال الخدمة والنتائج اللي كنت كنجيب
بحكم معندي حتى شي فكرة عليها
وبحكم حتى حد من العائلة وصل لهاد المستوى
قررت نغامر وانكتاشف هاد الصيونص ماط اشنو فيها
دوزت اولى باك والثانية باك
ونقدر نقوليك بلي المادة اللي كنت كنخدم ف ديك عامين كاملة بزااف هي الرياضيات وخصوصا انه المعامل ديالها 9 يا سلام
صراحة مابين احسن جوج سنوات اللي دوزت وانا كنقرا الماط
والحاجة اللي عجبتني، هي انه واحد المرة جبت اول نقطة فواحد الفرض اللي كان صعيب بزاااف وهي 16,5 وكلشي تصدم وبقى كسولني كدرت ليها
مازال عاقل مزيااااان، كان فرض فدرس النهايات والاشتقاق وكلشي ماجابش فيه مزياان
والحاجة اللي عاونتني بزاااف ديك الساعة باش نجيب ديك النقطة هي انني حبيت النهايات، خدمت التمارين العاديين ديال المقرر كاملين ومن موراها دزت لديال علوم تجريبية ومن بعد رجعت لدوك النهايات الصعاب اللي كيكونو فاللخر ديال المقرر، وفاش ساليت هادشي كامل، كنت كنقوليهم جيبو ليا اي نهاية كيفماكانت غادي نخرجها
حينت بقوة ماخرجت النهايات وليت كنعرف النهاية من الشوفة وحتى الطريقة كفاش غادي نخدمها وهادشي عاوني بزااف باش نجيب فالفرض 10/10 فجزء النهايات
هادشي كامل فاولى باك
فالثانية باك، اول فرض كندوزوه، غادي نجيب ثاني اول نقطة واللي كانت 12.5 وخا كان الفرض قاصح بزاااف
وبقيت داك العام، المادة الوحيدة اللي مضيعت فيها حتى حصة هي الرياضيات
ودوزت الامتحان الوطني مزيان بالنسبة ليا وجبت فيه 14.5 الحمد لله
من مورا الباك، ملي درت لافاك، كملت علوم رياضية، وفالدورة اللولة والي كنسميوها
S1
قدرت نجيب 13.5 فالمواد بجوج التحليل والجبر فالدورة العادية وقدرت نفاليدي
S1
ب 12.28 يا سلام
الحاجة اللي عاونتني بزاااف تاني هي ديك الصبر في حل التمارين وتحليلها وفهم العمق ديالها فبلاصت الحفظ اللي كيديروه الغالبية وفالاخير كلقاو راسهم جايبين 6 ولا قل
مشيت للمدرسة الوطنية للعلوم التطبيقية، فالعام اللول ديالي، من وسط 171 واحد، كنماجوري وكنجيب اول نقطة فالبرومو كاملة فالموديل ديال الجبر 17.4 وهادي كنت اكثر نقطة كنجيبها فشي موديل فالقراية ديالي
(قصة بوحدها هاد المادة تندير عليها شي ايميل خاص)
اوا ديما مكنتش كنلقى مشكل فالمواد ديال الرياضيات فخمس سنين كاملة ديال القراية ديالي ف ديك المدرسة، حينت فهمت البلان ديال الماط، وعرفتو باش معجون وعرفت كفاش نوجد ليه فوقت قصير
بالمناسبة، كنت راجعت لمادة الاحتمالات فالسنة الثانية فالليلة ديالها وخدمت تمرين واحد والغد ليه مشيت دوزت وقدرت نجيب فيها 18/20، انا براسي تصدمت فيها
اوا دابا اجي نشوفو الباك ليبر كفاش وجدت ليه
ملاحظة : ماشي اول مرة كنراجع مع الناس الرياضيات وكعتارفو بالقدرة ديالي على الشرح والتبسيط، هادشي راه من 2014، شحال من واحد راجعت معاه ونجح فالباك، كين اللي جاب 16، وكنت كنراجع مع الطلبة ديال السنة الاولى ديال المدرسة الوطنية للعلوم التطبيقية الجبر والتحليل وكانو كيفاليديو الحمد لله
السنة الماضية، بديت المراجعة فشهر 3، شهر واحد ساليت فيه برنامج الرياضيات والفيزيك
كفاش كنت كنراجع؟
فقط قلبت على الملخصات، شفت اشنو الحاجات المهمة اللي كنخدمو بيها فكل درس، وفاش كنسالي درس، كنمشي نخدم الجزء ديالو فالامتحانات السابقة من 2008 حتال 2021 وانا غادي حتى ساليت الدروس كاملين
لقت مشاكل فقط فالاحتمالات وكنت كنشوف ديك الساعات فيديوات واحد الاستاذ باش كنفهم الطريقة
اما ما تبقى كلشي قريتو وراجعتو راسي
ومن خلال الامتحانات السابقة، فهمت فلسفة الشخص اللي كحط الامتحان واشنو كتسنى من التلميذ
مشيت للامتحان الوطني ديال 2022، غرام ديال الخوف مكينش، وفالليلة غاعما طليت غاع على الماط
فقط مادة الفلسفة اللي شفت
دخلت لقاعة الامتحان، بسم الله توكلنا على الله
تحطات ليا الورقة، جاني داكشي كامل عادي
تاحاجة ماغريبة، كلشي ممكن تجاوب عليه
وكفاش فشلت فالامتحان ديال 2022 ومقدرت نجاوب عليه
السلام عليكم يا معشر المتفوقين
كيف الحال ؟ كلشي غادي مزيان ؟
اعتذر تعطلت باش نصيفط هاد الايميل
يالله كتاب اليوم ايكون عندك
نتمنى تقراه كامل من اللول حتى الاخير
اليوم غادي نهضر على قصتي مع الرياضيات
اكبر شبح وكابوس كخلع التلاميذ في امتحانات الباك
الحمد لله ، الناس اللي دخلو عندي الاكاديمية
من بعد غير 3 الحصص اللي درنا تبدلات النظرة ديالهم لهاد المادة ومازال غادي نديرو بزااف د الحصص من هنا للوطني ان شاء الله
اذن نبداو القصة ديالنا
اول حاجة انا من صغري وانا عندي مع الرياضيات
فاش كنقول عندي معاها مكنقصذش انني كنجيب 20/20 ولكن عندي معاها كتعني انني نقدر نبقى ساعات وانا كنخدم تمارين ديالها بدون ملل
اقدر سؤال ندوز فيه 3 ساعات هانية مكنحسش بالوقت
بزاف ديال الاساتذة طلبوني انني ندير علوم رياضية من خلال الخدمة والنتائج اللي كنت كنجيب
بحكم معندي حتى شي فكرة عليها
وبحكم حتى حد من العائلة وصل لهاد المستوى
قررت نغامر وانكتاشف هاد الصيونص ماط اشنو فيها
دوزت اولى باك والثانية باك
ونقدر نقوليك بلي المادة اللي كنت كنخدم ف ديك عامين كاملة بزااف هي الرياضيات وخصوصا انه المعامل ديالها 9 يا سلام
صراحة مابين احسن جوج سنوات اللي دوزت وانا كنقرا الماط
والحاجة اللي عجبتني، هي انه واحد المرة جبت اول نقطة فواحد الفرض اللي كان صعيب بزاااف وهي 16,5 وكلشي تصدم وبقى كسولني كدرت ليها
مازال عاقل مزيااااان، كان فرض فدرس النهايات والاشتقاق وكلشي ماجابش فيه مزياان
والحاجة اللي عاونتني بزاااف ديك الساعة باش نجيب ديك النقطة هي انني حبيت النهايات، خدمت التمارين العاديين ديال المقرر كاملين ومن موراها دزت لديال علوم تجريبية ومن بعد رجعت لدوك النهايات الصعاب اللي كيكونو فاللخر ديال المقرر، وفاش ساليت هادشي كامل، كنت كنقوليهم جيبو ليا اي نهاية كيفماكانت غادي نخرجها
حينت بقوة ماخرجت النهايات وليت كنعرف النهاية من الشوفة وحتى الطريقة كفاش غادي نخدمها وهادشي عاوني بزااف باش نجيب فالفرض 10/10 فجزء النهايات
هادشي كامل فاولى باك
فالثانية باك، اول فرض كندوزوه، غادي نجيب ثاني اول نقطة واللي كانت 12.5 وخا كان الفرض قاصح بزاااف
وبقيت داك العام، المادة الوحيدة اللي مضيعت فيها حتى حصة هي الرياضيات
ودوزت الامتحان الوطني مزيان بالنسبة ليا وجبت فيه 14.5 الحمد لله
من مورا الباك، ملي درت لافاك، كملت علوم رياضية، وفالدورة اللولة والي كنسميوها
S1
قدرت نجيب 13.5 فالمواد بجوج التحليل والجبر فالدورة العادية وقدرت نفاليدي
S1
ب 12.28 يا سلام
الحاجة اللي عاونتني بزاااف تاني هي ديك الصبر في حل التمارين وتحليلها وفهم العمق ديالها فبلاصت الحفظ اللي كيديروه الغالبية وفالاخير كلقاو راسهم جايبين 6 ولا قل
مشيت للمدرسة الوطنية للعلوم التطبيقية، فالعام اللول ديالي، من وسط 171 واحد، كنماجوري وكنجيب اول نقطة فالبرومو كاملة فالموديل ديال الجبر 17.4 وهادي كنت اكثر نقطة كنجيبها فشي موديل فالقراية ديالي
(قصة بوحدها هاد المادة تندير عليها شي ايميل خاص)
اوا ديما مكنتش كنلقى مشكل فالمواد ديال الرياضيات فخمس سنين كاملة ديال القراية ديالي ف ديك المدرسة، حينت فهمت البلان ديال الماط، وعرفتو باش معجون وعرفت كفاش نوجد ليه فوقت قصير
بالمناسبة، كنت راجعت لمادة الاحتمالات فالسنة الثانية فالليلة ديالها وخدمت تمرين واحد والغد ليه مشيت دوزت وقدرت نجيب فيها 18/20، انا براسي تصدمت فيها
اوا دابا اجي نشوفو الباك ليبر كفاش وجدت ليه
ملاحظة : ماشي اول مرة كنراجع مع الناس الرياضيات وكعتارفو بالقدرة ديالي على الشرح والتبسيط، هادشي راه من 2014، شحال من واحد راجعت معاه ونجح فالباك، كين اللي جاب 16، وكنت كنراجع مع الطلبة ديال السنة الاولى ديال المدرسة الوطنية للعلوم التطبيقية الجبر والتحليل وكانو كيفاليديو الحمد لله
السنة الماضية، بديت المراجعة فشهر 3، شهر واحد ساليت فيه برنامج الرياضيات والفيزيك
كفاش كنت كنراجع؟
فقط قلبت على الملخصات، شفت اشنو الحاجات المهمة اللي كنخدمو بيها فكل درس، وفاش كنسالي درس، كنمشي نخدم الجزء ديالو فالامتحانات السابقة من 2008 حتال 2021 وانا غادي حتى ساليت الدروس كاملين
لقت مشاكل فقط فالاحتمالات وكنت كنشوف ديك الساعات فيديوات واحد الاستاذ باش كنفهم الطريقة
اما ما تبقى كلشي قريتو وراجعتو راسي
ومن خلال الامتحانات السابقة، فهمت فلسفة الشخص اللي كحط الامتحان واشنو كتسنى من التلميذ
مشيت للامتحان الوطني ديال 2022، غرام ديال الخوف مكينش، وفالليلة غاعما طليت غاع على الماط
فقط مادة الفلسفة اللي شفت
دخلت لقاعة الامتحان، بسم الله توكلنا على الله
تحطات ليا الورقة، جاني داكشي كامل عادي
تاحاجة ماغريبة، كلشي ممكن تجاوب عليه
بديت بالهندسة الفضائية على غير العادة
(مولف كنبدا بالمسألة)
بديت كنجاوب حتى وصلت لواحد السؤال
بقيت كنعاود الحساب شي 5 المرات مابغاش اخرج
وانا نقز مشيت للاحتمالات جاوبت عليهم
هزيت بيهم المورال شويا
من موراها دزت للمعادلات التفاضلية
جاوبت عليه حتى هو
اخيرا وصلنا للدالة
هبطت راسي، وبقيت خدام فيها سؤال من مورا سؤال
حتى ساليتها كاملة، وخا خدات ليا بزاااف ديال الوقت
وكانت فيها الكتابة بزااااف
ولكن المهم جاوبت عليها كاملة ومخليت فيها والو
دابا خاصني نرجع نجاوب على الاعداد العقدية
وكان مبقاش ليا الوقت بزاااف
رجعت جاوبت عليهم ودرت بزاف ديال الاخطاء مع الزربة
مشيت للاسئلة اللي بقاو اللي فالهندسة الفضائية
بقيت مضارب معاهم حتى بقى ليا سؤال واحد
والو معندي كندير ليه، عييت كنقلب على الفكرة والو
حينت مفهمتوش مزيان
رجعت للاعداد العقدية، لقيت بزاف د الاخطاء صححتهم كاملين وقلت الحمد لله شفتهم قبل منعطي الورقة
ورجعت للسؤال اللي بقى كنفكر فيه وااالو
صافي سالا الوقت، استسلمت لامر الواقع
خارج حاقد طالع ليا الدم، مقدرتش نجاوب على داك السؤال
المادة الوحيدة العام اللي فات اللي خليت فيها سؤال خاوي كانت هي الرياضيات
واللي كنت معول على 20/20 مغاديش نهبط عليها
ولكن هانية ماشي مشكل
وكنت متأكد 100% ملي غادي نخرج انلقى الناس كتشكاو من الامتحان وكيقولو بلي هادشي تبدل وكدا
تيق بيا ما تبدل والو، الامتحان يشبه الامتحانات السابقة ب 90%، هي فقط تعييرات بسيطة فشي 2 اسئلة فقط
يعني الا كنت فاهم الطريقة د الاجابة وخدمت بزاف د الحالات، على الاقل غادي تجيب ما بين 16 و 18 متهبطش عليها
وغير باش تعرف، هز الامتحان ديال 2022 وسير تفرج فالفيديو ديال اللاصق ديال الماط اللي حطيت فاليوتوب، اتلقى 90٪ الاسئلة اللي قلت تحطو
ودرت فيديو كنقول فيه بلي المنهجية متبدلاتش
فقط التلاميذ اللي كحفظو مقدروش على الامتحان
وهادشي اللي كنخدمو حاليا مع الناس اللي داخلين للاكاديمية
كفاش ميحفظوش التمارين وفبلاصت هادشي كنوريهم الطريقة ديال الاجابة على السؤال كيفما تحط الامتحان اجاوب عليه
المهم، فالاخير جات النتيجة وحصلت على 19.5 فامتحان الرياضيات
وحتى هو كان سبب فالنقطة اللي جبت فالباك ليبر واللي هي 18.06 ولله الحمد
الا كانت شي نصيحة غادي نعطيها ليه غادي تكون
الرياضيات عطيها تعطيك، خدمها تعاونك
الا مكنتيش كتبغي هاد المادة معمرك تجيب فيها مزيان
الا مفهمتيش الخبايا ديالها معمرك تفوت فيها 16 على الأكثر
الله اوفقك وايسر ليك
: فيديو منهجية الرياضيات
https://youtu.be/Q43rfnw8t3U
.... يتبع
______________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
(مولف كنبدا بالمسألة)
بديت كنجاوب حتى وصلت لواحد السؤال
بقيت كنعاود الحساب شي 5 المرات مابغاش اخرج
وانا نقز مشيت للاحتمالات جاوبت عليهم
هزيت بيهم المورال شويا
من موراها دزت للمعادلات التفاضلية
جاوبت عليه حتى هو
اخيرا وصلنا للدالة
هبطت راسي، وبقيت خدام فيها سؤال من مورا سؤال
حتى ساليتها كاملة، وخا خدات ليا بزاااف ديال الوقت
وكانت فيها الكتابة بزااااف
ولكن المهم جاوبت عليها كاملة ومخليت فيها والو
دابا خاصني نرجع نجاوب على الاعداد العقدية
وكان مبقاش ليا الوقت بزاااف
رجعت جاوبت عليهم ودرت بزاف ديال الاخطاء مع الزربة
مشيت للاسئلة اللي بقاو اللي فالهندسة الفضائية
بقيت مضارب معاهم حتى بقى ليا سؤال واحد
والو معندي كندير ليه، عييت كنقلب على الفكرة والو
حينت مفهمتوش مزيان
رجعت للاعداد العقدية، لقيت بزاف د الاخطاء صححتهم كاملين وقلت الحمد لله شفتهم قبل منعطي الورقة
ورجعت للسؤال اللي بقى كنفكر فيه وااالو
صافي سالا الوقت، استسلمت لامر الواقع
خارج حاقد طالع ليا الدم، مقدرتش نجاوب على داك السؤال
المادة الوحيدة العام اللي فات اللي خليت فيها سؤال خاوي كانت هي الرياضيات
واللي كنت معول على 20/20 مغاديش نهبط عليها
ولكن هانية ماشي مشكل
وكنت متأكد 100% ملي غادي نخرج انلقى الناس كتشكاو من الامتحان وكيقولو بلي هادشي تبدل وكدا
تيق بيا ما تبدل والو، الامتحان يشبه الامتحانات السابقة ب 90%، هي فقط تعييرات بسيطة فشي 2 اسئلة فقط
يعني الا كنت فاهم الطريقة د الاجابة وخدمت بزاف د الحالات، على الاقل غادي تجيب ما بين 16 و 18 متهبطش عليها
وغير باش تعرف، هز الامتحان ديال 2022 وسير تفرج فالفيديو ديال اللاصق ديال الماط اللي حطيت فاليوتوب، اتلقى 90٪ الاسئلة اللي قلت تحطو
ودرت فيديو كنقول فيه بلي المنهجية متبدلاتش
فقط التلاميذ اللي كحفظو مقدروش على الامتحان
وهادشي اللي كنخدمو حاليا مع الناس اللي داخلين للاكاديمية
كفاش ميحفظوش التمارين وفبلاصت هادشي كنوريهم الطريقة ديال الاجابة على السؤال كيفما تحط الامتحان اجاوب عليه
المهم، فالاخير جات النتيجة وحصلت على 19.5 فامتحان الرياضيات
وحتى هو كان سبب فالنقطة اللي جبت فالباك ليبر واللي هي 18.06 ولله الحمد
الا كانت شي نصيحة غادي نعطيها ليه غادي تكون
الرياضيات عطيها تعطيك، خدمها تعاونك
الا مكنتيش كتبغي هاد المادة معمرك تجيب فيها مزيان
الا مفهمتيش الخبايا ديالها معمرك تفوت فيها 16 على الأكثر
الله اوفقك وايسر ليك
: فيديو منهجية الرياضيات
https://youtu.be/Q43rfnw8t3U
.... يتبع
______________
الا كنت استافدت شي حاجة من هاد القصة ولا من الرسائل اللي فاتو، متنساش تجاوبني وتقوليا اشنو اللي أثر فيك بزاااف واشنو عجبك فيها وتقدر الا بغيتي بالتأكيد تشاركها مع شي صاحبك باش تموتيفيه وتقدر تشارك معاه حتى القناة ديالي
: رابط التسجيل في الرسائل الصباحية
CLICK HERE
: رابط القناة BY EL BADAOUI
CLICK HERE
شكرا ليك حينت قريت هاد الرسالة كاملة
وعطيني اقتراح المادة اللي تبغي نهضر عليها فالرسالة القادمة ؟
مبقى والو وغادي تحقق الهدف ديالك وتجيب الباك
تيق فراسك وفي الله سبحانه وتعالى
كنتمنى ليك التوفيق والنجاح
تحرك اليوم قبل غدا
البدوي
رفيقك في رحلة الحصول على الباك بميزة حسن جدا
YouTube
واش تبدلات المنهجية ديال امتحان الرياضيات ؟
كفاش نجيب 20/20 في الامتحان الوطني - الرياضيات ;
https://youtu.be/I08PM0vY164
موقع التسجيل في كليات الطب :
https://www.cursussup.gov.ma/login
موقع التسجيل في ENCG
https://www.tafem.ma
موقع التسجيل في ENSAM
https://www.ensam-concours.ma
موقع…
https://youtu.be/I08PM0vY164
موقع التسجيل في كليات الطب :
https://www.cursussup.gov.ma/login
موقع التسجيل في ENCG
https://www.tafem.ma
موقع التسجيل في ENSAM
https://www.ensam-concours.ma
موقع…