بكالوريا تجريبي أشبال الأمة 2024 في العلوم + التصحيح 🤭💗

تنبيه هام ‼️
ياك كامل خرجتوو الاستدعاءات تاعكم !!
عندكم عفسة مهمة جداً جداً انكم ديروهاا ،، خوياا اختي عزيزي طالب الباكالوريا سواا كنت نظامي ولا حر !
من الضروري جداً ( راني نأكد 👀 ) انك تشوف المركز تع الامتحان تاعك وين جاي و تروح ليه فالولاية تاعك و تشوف شحال راح تدي طريق و كيفاش تروحلو فاليامات تاع الباك : بطونوبيل ولا طاكسي و لا طرونسپور ولا شوفاار ولا يديك باباك و شحال لازملك الوقت باش تروح و على حساب الولاية تاعك اذاا فيها سيركيلاصيون ولالا 🙂🙂

انا حطوني في مركز امتحان في بلاصة مخبية ،، و كنت حاسبتها بلاصة وحدوخرا معروفة فالولاية تاعنا ،، و انا دايرة في بالي بلي نجوز لتم !!
يوم الأربعاء اللي قبل الباك رحت زعما en cas ولا نشوف مركز الامتحان و نرجع للدار ،، و لكن ظهر مشي في هاديك البلاصة و قعدت نسقسي و نحوس و نمشي بزااف حتى السبعة تع العشية باش لقيتوو و كونفيرميت بلي نجوز لتم 👍🏻🙂

و لكم ان تتخيلوا لوكان ما رحتش هاداك نهار كيفاه كانت راح تتلفلي نهار الباك ،، و انا مامبا ما نعرفش اسم البلاصة و ديجا كانت جديدة و مخبية كيما قلتلكم ،، حمدت ربي بزاااف بسك ما خليتش حتى نهار الباك و رحت 🤣

المهم هذاك نهار راح غير جري و نسقسي و نحوس ،، نتوما ما تغفلوش على هاد النقطة !!
ما تحصيش قاع وين يكونوو حاطينك تجوز و نتا ما دير حساب الطرونسپور ما دير حساب الطريق 🙂

هي قالت ،، انا خاطيني 😭

في دوامة دراستك وتراكم المعلومات وضغوط حياتك، كل صعوبة وعثرة في طريقك، تأكد أن الله لن يجعلها تفوق قدراتك، أتظن أن ربك زرعك لتذبل في غير أرضك؟ 🥹

لم تخلق ضعيفاً ولا ناقصاً بكل أحوالك، ستنتصر على صعوباتك، ستحقق أحلامك، تذكر أن من فرج هم يونس لن يعجزه همك، الله لكل صعب في حياتك 🥹❤️‍🩹

منظم لما تبقى 🥹🥹

الادوات الضرورية كامل راني حطيتلكم واش قالت مرام عليهم لفوق + راهم فالتصويرة .. نزيدلكم ملاحظات برك
- المسطرة تع دوائر يحتاجوها صحاب الهندسة
- قلم 0.5 ثانيك يحتاجوه لي يقراه هندسة .. وكاين علميين يدوه علاجال المنحنيات البيانية تع رياضيات وفيزيا باش تجي دقيقة (مش لازم)
- مالأحسن اذا عندك حاجة تصلح فدار تديها هي وأشري واش ناقصك برك ( مش شرط تروح للباك عندك كلش جديد ) انا معظم ادواتي قديمة من غير السيالات والإستدعاء 😭
الهايلايتر انا نحب ندي زوج .. مثلا ازرق ووردي ونستعملهم فالسوجي ماشي في ورقة الاجاابة!! / الازرق نخصصو للأسئلة لي فهمتها والوردي العكس .. هكا باش نضمن بلي راني قريت المواضيع بيين زوج وفهمتهم وحددت نقاط ضعفي في كل موضوع
l'agrafeuse : كيما قالت الفوق أدو وحدة معاكم بسك مش ديما يحطو فالمركز ، لعام لي فات الڨرافوز تاعي استخدموها للقسم كامل حتى خلاصولي les agrafes 😭😭
.
_ الإختيارية (غير ضرورية ) : غراء + سيالات ملونة .. انا ندي الغراء إحتياط برك (لتثبيت المنحنى البياني على الورقة) واذا كان عندي les agrafes منستعملوش نهائيا (عام لي فات مسقسيتش فالمركز اسك نورمال ولا ممنوع صاو أتأكدوا)
سيالات ملونة نستعملهم فسوجي
مقص -» الورق الملمتريي- المنحنيات البيانية
نقص على روحك قد ما تقدر ؛ مام انا مش رح ندي هاذو كامل بااينة برك حطيتهم باش تدو فكرة

كاين ملاحظة برك نزيدها :
لعام لي فات وحدة جوزت معايا جابت ورق A4 من دارهم للمحاولة مزية شافوها الحراس قبل بداية الوقت القانوني ، بسك لكان حاولت فيهم تعتبر محاولة غش صاو حذاري
الورقة الوحيدة لي تدخلها معاك للإمتحان هي الاستدعاء والباقي راهم يمدولك كامل واش تحتاج (اضاافة ومحاولاات)

حذاري تكتبوا أسمائكم فالأوراق الإضافية !!!
لعام لي فات مهما كرروا الحراس هاذ الجملة ديما يصيبوا واحد كتب أسمو 😫!!
راه ممنوع لكان يشوفو اسمك فالورقة الإضافية ورقتك تلغى مباشرة !!!
إكتفوا بالترقييم وفقطط

كلنا بمرحلة قاوم ماتكره لتصل الى ماتحب وهذي فترة وتعدّي 🥹❤️‍🩹

- 4 𝐣𝐨𝐮𝐫𝐬 🥲🤝🏻