رساله مني طالب مرحلة رابعة الى طلاب المرحلة الاولى الي راح يداوموون

..معليكم بالمنشورات الي ع الفيس الي تنشرها بعض الطلاب ويحاولون يضحكون الطلاب عليكم ان كانت للمزاح او غيرها
..كل قاعدة الها شواذ..
..خلي شخصيتك قوية مو لان طالب مرحلة اولى ويردون يستصغرونك
..خلي علاقتك اجتماعية اضحك اطلع عيش حياتك بذني ال٤ سنين
..راح تمر بيك ايام فلوس ماعندك جوز بس كروه تروح وترجع بيها عادي كلش عادي احنه هم مرينة بهيج شي لاتيأس
..راح تشوف اشكال من الطلاب تكول حرامات ذوله بالجامعة وراح تشوف طلاب تكول لا والله بعده الدنيا بخير
..تجيك ايام تعب وامتحانات وضغوطات كلهه تعدي وتصير سوالف
..انتوو الاولى جوز يضغطون عليكم بالزي علمود يردونكم تلتزمون حاولوو تلبسوون الوان هادئة
..بداية اول كورس راح تصير هوسه عليكم وطلاب شعبتكم اكوو شكم واحد راح يحاول يبرز روحه وهاي السوالف خليك بعيد عنه احسلك من المشاكل
..راح تتعرف على اصدقاء كلش حلوين وراح تخلص وياهم ٤ سنين وتصير مشاكل بيناتكم وخاصة البنات
...بالنسبة للدكاترة راح تلكة تكتور كلش حباب واسلوبه حلوو واسئلته حلوه واكوو دكاترة بالعكس
..بالنسبة للحب والكبلات نصيحة مني الك اول سنة خليها تعدي وثاني سنة يله تبلش تختار وثالث سنة عود صارح ورابع سنة اخطب😂
..راح تسمع عن روحك حجي اشكال والوان من الطلاب عادي اسمع وغلس
..حاول تختلط وي بقية المراحل واسئلهم عن الاساتذة وشلون اسلوبهم واسئلتهم
علمود متنصدم
..جماعة المحافظات الاقسام الداخلية راح تعيشون احلى ايامكم بالاقسام

واتمنى الكم كل التوفيق ياارب وحياة سعيدة يارب

يكولون اكوو عاصفة ترابية جاية بالطريق🌚

انتظام الدوام الرسمي في كلية العلوم للبنات

لابلسعودية يتعاركون عليك ولا بمريكا ولاايران بلاخير يبقى بس العراقي الواكع بيها

فدوه طلاب اي شخص عندة اسئلة لأي كلية اي قسم اي مرحله جامعة بابل محتفظ بيها خل يدزه
مساعدة للطلاب

@ms_muslim88. 👈👈

عندي سيارة اربع نفرات
الي يحتاج خط من مركز الحلة
للجامعة خل يراسلني مسائي او صباحي عادي

@ahmedgabb. 👈

جدول قسم اللغة الانكليزية كلية التربية الاساسية

السلام عليكم

خوية بلا زحمة ممكن تنشر لان اكو محتاجين خط بغداد (البياع)لجامعة بابل

@ms_muslim88. 👈

ممكن تنشرلي خط من المسيب السده العلكياه لجامعه بابل صباحي مسائي يتواصل وياي @mum90

جامعة القاسم الخضراء

شاهد الفيديو واقرأ👇

ان تكون ذيلآ للعلم وللقاعات الدراسية ليس عارآ

هذا الفيديو خمطتة من احد الكروبات جامعة بابل
ولكيت التعليقات مهزلة
اول شي السلام عليكم
الطلاب الي دخلت للقاعات نفسهم جانوو مساندينكم ٤ اشهر
الطلاب الي دخلت للقاعات الهم حرية بأختيار مستقبلهم
الطلاب الي دخلت للقاعات كل شخص واله ضروفه انته ماتعرفه
الطلاب الي دخلت للقاعات ماكتلوو متظاهر او حرگوو خيم
الطلاب الي دخلت للقاعات ماينتمون لجهة سياسية رجعووا من كيفهم وهمه مخيرين
الطلاب الي دخلت للقاعات ماشتموكم ولا كالوو عليكم جوكرية وعملاء
الطلاب الي دخلت للقاعات موذيل حسب ماتوصفهم انت'طلاب مثقفين مثل انت تحسب روحك مثقف وتوصفهم بهذا الوصف الهزيل والمخزي
اين الثقافة والوعي التي تنادون به
تركتم الاحزاب التي اشترت الرصاص باموال الشعب وقتلت ابنائنا
وتوجهتم على الطلبة الذي لايملكون سوى القلم
اخر كلامي الله ينصر الي يتظاهرون
وربي يوفق الي يداومون

ذيول العلم⁦🇮🇶⁩ وليس ذيلآ لأحد